ϩⲁⲛⲙⲓⲧⲱⲟⲩⲓ

ϩⲁⲛⲙⲓⲧⲱⲟⲩⲓ

ϯϭⲟϫⲓ ⲛ̀ⲥⲁ ⲧⲁⲣⲁⲥⲟⲩⲓ
ⲥⲁ̀ⲙⲟⲛⲓ ⲙ̀ⲙⲟⲓ ⲟⲩⲟϩ ⲥⲁϩⲟⲩⲓ
ϣⲁⲥⲫⲱⲧ ⲟⲩⲧⲉ ⲛⲓϭⲏⲡⲓ
ⲁⲓⲧⲱⲃϩ ⲙ̀ⲙⲟⲥ ϧⲉⲛ ⲧⲫⲉ
ⲛⲁ ⲡⲕⲁϩⲓ ⲁⲩϫⲟⲥ ϫⲉ
ⲙ̀ⲡⲉⲣϣⲉ ⲉⲡϣⲱⲓ ⲁϭⲛⲉ ⲙⲟⲩⲕⲓ
ⲁⲓⲕⲱϣ ⲙ̀ⲡⲓⲁⲃⲁϫⲏⲓⲛⲓ ⲛ̀ⲧⲉ ⲫⲣⲏ
ⲛⲓϣϣⲏⲛ ⲫⲱⲧ ⲉⲡϣⲱⲓ
ⲛⲓϣϣⲏⲛ ϩⲉⲓ ⲉϫⲱⲓ

ϧⲁ ϯⲓⲁⲗ ⲉⲧⲕⲏϣ ϯⲙⲟⲩϯ ⲟⲩⲃⲏⲥ
ⲧⲁⲣⲁⲥⲟⲩⲓ ⲙⲁⲧⲁⲥⲑⲟ
ⲧⲁⲥϩⲓⲙⲓ ⲁⲣⲉⲫⲱⲧ ⲛⲉⲙ ⲟⲩϫⲱ
ⲧⲁⲣⲁⲥⲟⲩⲓ ⲉⲧϫⲱϣ ϯⲙⲟⲩⲙⲓ ⲉⲑⲓⲏⲥ

ϣⲁ ⲁⲩⲣⲏϫⲥ ⲛ̀ⲧⲫⲉ ⲁⲓⲕⲱϯ ⲛ̀ⲥⲱⲥ
ⲛ̀ϫⲉ ϯⲙⲟⲩⲕⲓ ⲛ̀ⲁⲃⲁϫⲏⲓⲛⲓ
ⲁⲗⲗⲁ ⲙ̀ⲙⲟⲛ ⲙⲟⲩⲕⲓ ⲉⲛⲉϩ
ϫⲉ ϩⲱϯ ⲛ̀ⲧⲉ ϯⲣⲁⲥⲟⲩⲓ ϩⲁⲗⲁⲓ

Ⲁⲑⲱⲣ

ϧⲉⲛⲥⲟⲩⲅ̅ ⲙ̀ⲡⲓⲁⲃⲟⲧ ⲁⲑⲱⲣ ⲁⲯ̅ⲕ̅ⲋ ⲙ̀ⲙⲁⲣⲧⲩⲣⲟⲥ ⲡⲉϣⲉⲛϯ ⲡⲉⲧⲥϧⲁⲓ ⲛ̀ⲣⲉⲙⲛ̀ⲭⲏⲙⲓ ϫⲉ ϣⲟⲣⲡ ⲙⲉⲛ ϯϣⲓⲛⲓ ⲉⲣⲱⲧⲉⲛⲭⲉⲣⲉ ⲛⲱⲧⲉⲛ ⲛⲁⲙⲉⲛⲣⲁϯ ⲛ̀ⲣⲉⲙⲛ̀ⲭⲏⲙⲓⲫⲟⲟⲩ ⲛ̀ⲧⲟⲟⲩⲓ ϯⲙⲉⲩⲓ ϫⲉ ⲁⲣⲏⲟⲩ ⲁⲓⲕⲁϯ ⲉⲫⲙⲉⲩⲓ ⲛ̀ⲧⲉ ⲛⲓⲣⲉⲙⲛ̀ⲭⲏⲙⲓ ⲛ̀ⲁⲡⲁⲥ. ⲁⲩⲙⲟⲩϯ ⲉⲡⲁⲓⲁⲃⲟⲧ ⲫⲁⲓ ϫⲉ ⲁⲑⲱⲣ ϧⲉⲛ ⲫⲣⲁⲛ ⲛ̀Ⲁⲑⲱⲣ(ϩⲁⲧⲱⲣ) ϯϭⲟⲓⲥ ⲛ̀ⲧⲉ ⲡⲓⲥⲁⲓ. ⲁⲣⲏⲟⲩ ⲁⲩⲙⲟⲩϯ ⲉⲡⲁⲓⲣⲁⲛ ⲉϫⲉⲛⲡⲁⲓⲁⲃⲟⲧ ϫⲉ ϥϩⲟⲗϫ ⲛ̀ϫⲉ ⲡⲓⲁⲏⲣ ϧⲉⲛ ⲡⲁⲓⲥⲏⲟⲩ. ⲫⲣⲏ ϣⲁϥϯⲁⲥⲟⲉⲣⲟⲛ ϧⲉⲛ ⲫⲛⲁⲩ ⲙ̀ⲙⲉⲣⲓ ⲟⲩⲟϩ ⲛⲓϭⲏⲡⲓ ϣⲁⲩϯϧⲏⲓⲃⲓ ⲛⲁⲛ ⲛ̀ⲧⲟⲟⲩⲓ.ϣⲁⲣⲉ ⲛⲓⲧⲉⲗⲧⲓⲗⲓ ⲛ̀ⲧⲉ ⲡⲓⲓⲱϯ ϩⲓ ⲛⲉⲛⲟⲩⲟϫⲓ ⲛⲉϩⲥⲓ ⲙ̀ⲙⲟⲛ ⲟⲩⲟϩⲛⲓⲑⲏⲟⲩ ϣⲁⲩϯⲫⲓ ⲉⲛⲉⲛⲃⲁⲗ ⲟⲩⲟϩ ⲥⲓⲛⲓ ⲟⲩⲧⲉ ⲛⲓϥⲱⲓ ⲉⲧⲭⲏⲙ ⲛ̀ⲧⲉⲛⲓϩⲓⲟⲙⲓ ⲉⲧⲓⲏⲥ ⲛ̀ⲧⲟⲩⲛⲟⲩⲃⲧ ⲛ̀ⲛⲓⲕⲁⲡ ⲛ̀ⲟⲩⲱⲓⲛⲓ. ⲛⲓϣϣⲏⲛ ϣⲁⲩϥⲟⲣϥⲉⲣ ⲉⲛⲟⲩϫⲱⲃⲓ ⲉⲧϣⲱⲟⲩ ϫⲉ ϩⲓⲛⲁ ⲛ̀ⲧⲉ ⲛⲓϭⲁϫ ϫⲓⲙⲓ ⲛ̀ⲟⲩⲏⲓ ⲙ̀ⲃⲉⲣⲓ ⲉϥⲟⲩⲱⲧⲟⲩⲱⲧ. ϣⲁϥⲓ̀ ⲛ̀ϫⲉ ⲫⲓⲁⲣⲟ ⲛ̀ⲭⲏⲙⲓ ⲉϥⲙⲉϩ ⲛ̀ϩⲁⲛⲣⲁⲥⲟⲩⲓ ⲛ̀ⲧⲉϥⲧⲥⲉ ⲟⲩⲙⲁⲛⲉⲥⲱⲟⲩ ⲉϥϫⲱ ⲉⲑⲃⲉ ⲛⲉϥⲉⲥⲱⲟⲩ. ϧⲁⲧⲉⲛ ϯⲥⲛⲏⲛⲓ ⲟⲩⲟⲛ ⲟⲩⲣⲱⲙⲓ ⲛⲉⲙ ⲟⲩⲥϩⲓⲙⲓ ⲥⲉϭⲓⲥⲃⲱ ⲙ̀ⲫⲙⲉⲓ ϧⲉⲛ ⲕⲉⲛⲥ ⲛ̀ϯⲃⲱ ⲛ̀ⲁⲗⲟⲗⲓ. ϣⲁⲣⲉ ⲛⲓⲕⲟⲩϫⲓ ⲛ̀ⲁⲗⲱⲟⲩⲓ ⲥⲓϯ ⲛ̀ϯϩⲉⲗⲡⲓⲥ ⲁⲩϣⲁⲛϥⲟϫⲓ ⲟⲩⲟϩ ϭⲟⲥϫⲉⲥ.ⲁⲣⲏⲟⲩ ⲫⲁⲓ ⲡⲉ ⲡⲓⲁⲃⲟⲧ ⲁⲑⲱⲣ ⲛ̀ⲣⲉⲙⲛ̀ⲭⲏⲙⲓⲉⲧⲏⲓⲥ ⲛ̀ⲣⲉⲙⲛ̀ⲭⲏⲙⲓ ϩⲓⲧⲉⲛ ⲛⲓⲣⲁⲥⲟⲩⲓ