ⲛⲓⲙⲛⲉ ⲡⲁⲓⲇⲁⲓⲙⲱⲛ ⲫⲁⲓ

ⲉⲧⲁⲣⲟⲩϩⲓⲇⲉ ϣⲱⲡⲓ ⲛⲁϥⲥⲛⲏⲓⲛⲓ ⲛ̀ϫⲉⲟⲩⲇⲁⲓⲙⲟⲛ ϧⲉⲛⲁⲙⲉⲛϯ ⲟⲩⲟϩ ⲟⲩϩⲟϯ ϧⲉⲛⲟⲩϩⲟϯ ⲁϥⲥⲱⲧⲉⲙ ⲉ̀ⲟⲩⲥⲙⲏ ⲉⲧⲱϣ ⲉ̀ⲃⲟⲗ ⲁϥⲉⲣϣⲫⲏⲣⲓ ⲉ̀ⲙⲁϣⲱ ϫⲉϥϫⲟⲩϣⲧ ϧⲁⲧϩⲏ ⲛ̀ϯⲁⲛⲁⲥⲧⲁⲥⲓⲥ ⲛ̀ⲧⲉⲙⲓⲣⲉϥⲙⲱⲟⲩⲧ ϩⲓⲛⲁ ⲛ̀ⲧⲉϥⲉⲣⲃⲟⲏⲑⲓⲛ ⲛ̀ⲛⲓⲣⲱⲙⲓ ⲉⲧⲁⲩϯϩⲁⲡ ⲉⲣⲱⲟⲩ ⲛⲓⲕⲉⲇⲁⲓⲙⲱⲛ ⲙ̀ⲡⲁⲩϯϧⲓⲥⲓ ⲛ̀ⲛⲟⲩⲉⲣⲏⲟⲩ ⲟⲩⲟϩ ⲡⲓϧⲣⲱⲟⲩ ϥⲟⲛⲓ ⲛ̀ⲟⲩⲙⲓⲥⲓ

ⲁϥϩⲁⲗⲁⲓ ⲥⲁⲡϣⲱⲓ ϣⲁⲧⲉϥⲫⲟϩ ⲉⲧⲥⲙⲏ ⲟⲩⲟϩ ⲛ̀ϯⲟⲩⲛⲟⲩ ⲁϥⲑⲱⲙⲧ ⲟⲩⲟϩ ⲁϥⲉⲣϩⲟϯ ⲧⲟⲛⲟⲩ ϩⲱⲥ ⲇⲁⲓⲙⲱⲛ ⲛ̀ⲑⲟϥ ⲙ̀ⲡⲁϥⲉⲣϩⲟϯ ⲟⲩⲇⲉ ⲙ̀ⲡⲁϥⲥⲑⲉⲣⲧⲉⲣ ⲉ̀ⲃⲏⲗ ϧⲁⲧϩⲏ ⲙ̀ⲫⲏⲉⲧϭⲟⲥⲓ ⲁϥϫⲟⲩϣⲧⲇⲉ ⲁϥⲛⲁⲩ ⲉϩⲁⲛⲕⲉⲙⲏϣ ⲛ̀ⲇⲁⲓⲙⲱⲛ ⲉⲩⲥⲑⲉⲣⲧⲉⲣ ⲟⲛ 

ⲁⲩϫⲓⲙⲓⲅⲁⲣ ⲛ̀ⲟⲩⲕⲟⲩϫⲓ ⲛ̀ⲇⲁⲓⲙⲱⲛ ⲉϥⲟⲛⲓ ⲛ̀ⲟⲩⲙⲓⲥⲓ ⲁϥϣⲓⲛⲓ ⲉⲛⲓⲕⲉⲇⲁⲓⲙⲱⲛ ϫⲉⲟⲩⲡⲉ ⲫⲁⲓ ⲟⲩⲕⲉⲇⲁⲓⲙⲱⲛ ⲁϥϫⲟⲥ ϫⲉⲡⲱⲥ ⲁϥⲓ̀ ⲙ̀ⲛⲁⲓ ⲟⲩⲟϩ ⲛⲓⲙⲡⲉ ⲫⲁⲓ ⲡⲓⲕⲉⲧ ⲁϥϫⲟⲥ ϫⲉⲁⲣⲏⲟⲩ ⲫⲁⲓⲡⲉ ⲡⲓⲁⲛⲧⲓⲭⲣⲓⲥⲧⲟⲥ ⲁⲟⲩⲕⲉⲇⲁⲓⲙⲱⲛ ⲁϥϫⲟⲥ ⲛⲁϥ ϫⲉⲙ̀ⲫⲱⲣ ⲡⲓⲁⲛⲧⲓⲭⲣⲓⲥⲧⲟⲥ ⲟⲩⲣⲱⲙⲓⲡⲉ

ⲧⲟⲧⲉ ⲁϥⲓ̀ ⲛ̀ϫⲉⲡⲥⲁⲧⲁⲛⲁⲥ ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲁϧⲱⲧⲉⲛ ⲟⲩⲟϩ ϩⲏⲡⲡⲉ ⲓⲥ ⲁϥⲛⲁⲩ ⲉⲡⲓⲙⲓⲥⲓ ⲟⲩⲟϩ ⲁϥⲉⲣϣⲫⲏⲣⲓ ⲉⲙⲁϣⲱ ⲟⲩⲟϩ ⲁϥϫⲟⲥ ⲛⲱⲟⲩ ϫⲉϯⲛⲁϣⲉ ⲉⲡϣⲱⲓ ⲛ̀ⲧⲁⲉⲙⲓ ϫⲉⲛⲓⲙⲡⲉ ⲫⲁⲓ

ⲡⲓⲙⲓⲥⲓⲇⲉ ⲛⲁϥⲱϣ ⲉ̀ⲃⲟⲗ ⲁⲡⲓⲇⲁⲓⲙⲱⲛ ⲁϭⲓⲥⲁⲣⲝ ⲟⲩⲟϩ ⲁϥⲟⲗϥ ⲛ̀ϯⲟⲩⲛⲟⲩ ⲡⲓⲙⲓⲥⲓ ⲁϥⲭⲁⲣⲱϥ ⲡⲓⲇⲓⲁⲙⲱⲛ ⲁϥϫⲟⲩϣⲧ ⲉⲣⲟϥ ⲁϥϯⲣⲉⲛϥ ϫⲉⲡⲓⲕⲁⲧⲏⲅⲟⲣⲟⲥ

ⲛⲓⲕⲉⲇⲁⲓⲙⲱⲛ ⲁⲩⲑⲱⲟⲩϯ ⲟⲩⲟϩ ⲁⲩϫⲟⲥ ϫⲉⲙⲁⲣⲉⲛϩⲓⲧϥ ⲉⲡⲓϣⲧⲉⲕⲟ ⲁⲗⲗⲁ ⲡⲓⲕⲉⲇⲁⲓⲙⲱⲛ ⲉⲧⲁϥϭⲓⲥⲁⲣⲝ ⲁϥϫⲟⲥ ⲛⲱⲟⲩ ϫⲉⲙ̀ⲫⲱⲣ ⲛⲓⲙ ⲡⲉⲧⲁϥⲉⲣⲛⲟⲃⲓ ⲫⲁⲓ ϣⲁⲛ ⲁ̀ⲛⲟⲛ ⲡⲉϫⲱⲟⲩ ⲛⲁϥ ϫⲉⲟⲩⲇⲉ ⲫⲁⲓ ⲁϥⲉⲣⲛⲟⲃⲓ ⲟⲩⲇⲉ ⲁ̀ⲛⲟⲛ ϩⲓⲛⲁ ⲛ̀ⲧⲉⲛϣⲁⲛϣ ⲙ̀ⲫⲁⲓ ⲡⲁⲓⲇⲁⲓⲙⲱⲛ ⲁϥϫⲟⲥ ⲛⲱⲟⲩ ϫⲉⲡⲉϥⲣⲁⲛⲡⲉ ⲡⲓⲕⲁⲧⲏⲅⲟⲣⲟⲥ ⲧⲟⲧⲉ ⲡⲓⲙⲓⲥⲓ ⲁϥⲙⲟⲩϯ ⲉⲡⲓⲇⲁⲓⲙⲱⲛ ϫⲉⲁⲡⲁ ⲛⲓⲕⲉⲇⲁⲓⲙⲱⲛⲇⲉ ⲁⲩϭⲓⲥⲁⲣⲝ ⲛ̀ϫⲉⲛⲓⲕⲉⲇⲁⲓⲙⲱⲛ ⲁⲩϩⲓⲟⲩⲓ ⲉ̀ⲛⲟⲩⲕⲉⲗⲓ ⲙ̀ⲡⲉϥⲙⲑⲟ ⲉⲩⲥⲱⲃⲓ ⲙ̀ⲙⲟϥ ⲉⲩϫⲱ ⲙ̀ⲙⲟⲥ ϫⲉⲭⲉⲣⲉ ⲁⲡⲁ ⲇⲁⲓⲙⲱⲛ ⲫⲓⲱⲧ ⲙ̀ⲡⲓⲕⲁⲧⲏⲅⲟⲣⲟⲥ

ⲁϥⲓ̀ⲟⲩⲛ ⲛ̀ϫⲉⲡⲥⲁⲧⲁⲛⲁⲥ ⲛⲉⲙⲁⲃⲃⲁⲧⲱⲛ ⲡⲁⲅⲅⲉⲗⲟⲥ ⲙ̀ⲫⲙⲟⲩ ⲟⲩⲟϩ ⲉⲧⲁϥⲟⲩⲱⲛϩ ⲉ̀ⲃⲟⲗ ϧⲉⲛⲁⲙⲉⲛϯ ⲛⲓⲕⲉⲇⲁⲓⲙⲱⲛ ⲁⲩⲉⲣⲁⲑⲟⲩⲱⲛϩ ⲁⲗⲗⲁ ⲉⲧⲁ ⲡⲓⲙⲓⲥⲓ ⲛⲁⲩ ⲉⲁⲃⲃⲁⲧⲱⲛ ⲁϥⲛⲉϥⲧⲣⲱϥ ⲡⲉϫⲉⲁⲃⲃⲁⲧⲱⲛ ⲙ̀ⲡⲥⲁⲧⲁⲛⲁⲥ ϫⲉⲁⲙⲏⲛ ⲁⲙⲏⲛ ϯϫⲱⲙⲙⲟⲥ ⲛⲁⲕ ϫⲉⲫⲁⲓ ⲟⲩⲣⲱⲙⲓ ⲁⲛⲡⲉ ϯⲛⲁϭⲓⲧϥ ⲉⲑⲙⲉⲧⲟⲩⲣⲟ ⲛ̀ⲧⲉⲛⲓⲫⲏⲟⲩⲓ ⲟⲩⲟϩ ⲉ̀ⲧⲉ ⲙ̀ⲡⲉϥⲟⲩⲱⲛ ⲛ̀ⲛⲉⲥⲡⲩⲗⲏ ⲛⲁϥⲛⲁⲧⲁⲕⲟ ⲛ̀ϫⲉⲡⲓⲕⲁⲧⲏⲅⲟⲣⲟⲥ ⲁϥϧⲱⲛⲧ ⲉⲙⲁϣⲱ ⲛ̀ϫⲉⲁⲃⲃⲁⲧⲱⲛ ⲡⲓⲕⲁⲧⲏⲅⲟⲣⲟⲥ ⲛⲁϥⲟⲓ ⲙ̀ⲫⲁϣⲙⲟⲩ ⲟⲩⲟϩ ⲟⲩϩⲟϯ ϧⲉⲛⲟⲩϩⲟϯ ⲁϥⲓ̀ ⲛ̀ϫⲉⲁⲡⲁ ⲇⲁⲓⲙⲱⲛ ⲁϥϭⲓ ⲡⲓⲕⲁⲧⲏⲅⲟⲣⲟⲥ

ⲁⲃⲃⲁⲧⲱⲛⲇⲉ ⲁϥϧⲣⲁϫⲣⲉϫ ⲛ̀ⲛⲉϥⲛⲁϫϩⲓ ⲁϥϣⲱⲧ ⲛ̀ⲁⲡⲁ ⲇⲁⲓⲙⲱⲛ ϩⲓⲧⲉⲛⲟⲩϫⲟⲣϯ ⲁϥⲣⲁϧⲧϥ ⲉ̀ⲡⲉⲥⲏⲧ ⲉⲧⲁⲩⲛⲁⲩ ⲉⲣⲟϥ ⲛ̀ϫⲉⲛⲓⲕⲉⲇⲁⲓⲙⲱⲛ ⲡⲉϫⲱⲟⲩ ⲛⲁϥ ϫⲉⲟⲩⲟⲓ ⲛⲁⲛ ϯⲛⲟⲩ ⲁκϯϫⲱⲛⲧⲅⲁⲣ ⲛ̀ⲁⲃⲃⲁⲧⲱⲛ ⲱ ⲛⲓⲧⲱⲟⲩ ⲛ̀ⲁⲙⲉⲛϯ ϩⲉⲓ ⲉ̀ϫⲱⲛ ⲱ ⲛⲓⲕⲁⲗⲁⲙⲫⲟ ⲛ̀ⲧⲉϯⲅⲉⲉⲛⲛⲁ ϩⲟⲃⲥⲉⲛ 

ⲡⲥⲁⲧⲁⲛⲁⲥⲇⲉ ⲁϥⲟⲩⲱⲛϩ ϧⲉⲛⲧⲟⲩⲙⲏϯ ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲛ̀ϯⲛⲁϩⲓⲧϥ ⲁⲛ ⲉϯⲗⲩⲙⲛⲏ ⲛ̀ⲭⲣⲱⲙ ϫⲉⲁ̀ⲛⲟⲕ ⲟⲩⲁⲛⲟⲙⲟⲥ ⲁⲛ ⲁⲩⲉⲣⲟⲩⲱ ⲛⲁϥ ⲛ̀ϫⲉⲛⲓⲇⲁⲓⲙⲱⲛ ⲉⲩϫⲱ ⲙ̀ⲙⲟⲥ ϫⲉⲟⲩⲇⲉ ⲛ̀ⲑⲟⲕ ⲟⲩⲇⲩⲕⲁⲓⲟⲥ ⲁⲛ ⲉ̀ϣⲱⲡ ⲁⲩϣⲁⲉⲣⲡⲓⲣⲁⲍⲓⲛ ⲙ̀ⲙⲱⲧⲉⲛ ⲁϫⲟⲥ ⲛⲱⲟⲩ ϫⲉⲡⲓⲥⲓⲟⲩ ⲛ̀ⲧⲉϩⲁⲛⲁⲧⲟⲟⲩⲓ ⲁϥϭⲓⲧϥ ϩⲱⲥⲧⲉ ⲁⲩϣⲁⲛⲃⲁⲥⲁⲛⲓⲍⲓⲛ ⲥⲉⲛⲁⲕⲱϯ ⲛ̀ⲥⲁⲡⲁⲡ̅ⲛ̅ⲁ̅

ⲧⲟⲧⲉ ⲁⲡⲥⲁⲧⲁⲛⲁⲥ ⲟⲗⲟⲩ ⲛ̀ⲁⲡⲁ ⲇⲁⲓⲙⲱⲛ ⲛⲉⲙⲡⲓⲕⲁⲧⲏⲅⲟⲣⲟⲥ ⲉⲟⲩⲧⲱⲟⲩ ⲉϥϭⲟⲥⲓ ⲉⲙⲁϣⲱ ⲟⲩⲟϩ ⲡⲉϫⲉⲡⲥⲁⲧⲁⲛⲁⲥ ⲛⲁϥ ϫⲉⲁⲕϣⲉⲛϩⲏⲧ ϧⲁⲣⲟϥ ⲁⲙⲉⲛϯ ⲥϩⲟⲩⲟⲣⲧ ⲉⲕⲉ̀ⲙⲟϣⲓⲙⲉⲛ ⲉ̀ϫⲉⲛⲛⲉⲕϭⲁⲗⲁⲩϫ ϩⲱⲥ ⲣⲱⲙⲓ ⲉⲕⲉ̀ϩⲕⲟ ϩⲱⲥ ⲣⲱⲙⲓ ⲉ̀ⲃⲟⲗ ϧⲉⲛⲛⲉⲕϩⲃⲏⲟⲩⲓ ⲉⲕⲉ̀ⲟⲩⲱⲙ ϣⲁⲧⲉⲕϣⲉⲛⲁⲕ ⲉϯⲗⲩⲙⲛⲏ ⲛ̀ⲭⲣⲱⲙ ⲕⲥϩⲟⲩⲟⲣⲧⲇⲉ ⲛ̀ⲑⲟⲕ ⲉ̀ⲃⲟⲗ ⲛ̀ⲛⲓⲇⲁⲓⲙⲱⲛ ⲧⲏⲣⲟⲩ ⲛⲉⲙⲉ̀ⲃⲟⲗ ⲟⲩⲧⲉⲛⲓⲇⲓⲁⲃⲟⲗⲟⲥ ⲧⲏⲣⲟⲩ ⲛⲉⲙⲟⲩⲧⲉⲛⲓⲁⲣⲭⲏⲇⲓⲁⲃⲟⲗⲟⲥ ⲧⲏⲣⲟⲩ ⲡⲓⲕⲁⲧⲏⲅⲟⲣⲟⲥⲇⲉ ⲉϥⲉ̀ϣⲱⲡⲓ ⲛⲉⲙⲁⲕ ⲛ̀ⲧⲉϥϯⲙⲉⲩⲓ ⲛⲁⲕ ⲉⲧⲉⲕⲙⲉⲧⲁⲧϩⲏⲧ ⲁⲡⲥⲁⲧⲁⲛⲁⲥ ⲁⲓϥ ⲕⲁⲧⲁ ⲧϩⲓⲕⲱⲛ ⲛⲉⲙⲡⲓ̀ⲛⲓ ⲛ̀ⲧⲉⲫⲣⲱⲙⲓ ⲟⲩⲟϩ ⲡⲉϫⲁϥ ⲛⲁⲕ ϫⲉϯⲛⲟⲩⲇⲉ ⲁⲓⲉⲣⲃⲟⲏⲑⲓⲛ ⲉ̀ⲣⲟⲕ ⲁⲓⲉⲣⲥⲕⲉⲡⲁⲍⲓⲛ ⲉ̀ϫⲱⲕ ⲛ̀ⲥⲉⲛⲁϫⲉⲙⲕ ⲟⲩⲧⲉⲛⲓⲣⲱⲙⲓ 

ⲡⲉϫⲉ ⲁⲡⲁ ⲇⲁⲓⲙⲱⲛ ⲛⲁϥ ϫⲉⲭⲱ ⲛⲏⲓ ⲉ̀ⲃⲟⲗ ⲟⲩⲟϩ ⲛⲁⲓ ⲛⲏⲓ ⲁϥⲉⲣⲟⲩⲱ ⲛⲁϥ ⲛ̀ϫⲉⲡⲥⲁⲧⲁⲛⲁⲥ ⲉϥϫⲱⲙ̀ⲙⲟⲥ ϫⲉⲁ̀ⲛⲟⲕ ⲟⲩⲁⲛⲟⲙⲟⲥ ⲁⲛ 

 ⲁϥⲓ̀ⲇⲉ ⲉ̀ⲡⲉⲥⲏⲧ ⲛ̀ϫⲉⲁⲡⲁⲇⲁⲓⲙⲱⲛ ⲛⲉⲙⲡⲓⲕⲁⲧⲏⲅⲟⲣⲟⲥ ⲉ̀ⲃⲟⲗ ϩⲓϫⲉⲛⲡⲓⲧⲱⲟⲩ ⲟⲩⲟϩ ⲁϥϩⲕⲟ ⲕⲉ ⲡⲁⲗⲓⲛ ⲟⲛ ⲛⲁϥⲣⲓⲙⲓ ⲛ̀ϫⲉⲡⲓⲕⲁⲧⲏⲅⲟⲣⲟⲥ ⲟⲩⲟϩ ⲁϥⲓ̀ ⲟⲩⲛ ⲉ̀ⲟⲩⲃⲁⲕⲓ ⲛ̀ⲧⲉⲕⲁⲗⲁⲙⲱⲛ ⲉⲩⲙⲟⲩϯ ⲉ̀ⲣⲟⲥ ϫⲉⲑⲙⲟⲛⲏ ⲛⲁⲥⲭⲏⲇⲉ ⲙ̀ⲙⲁⲩ ⲛ̀ϫⲉⲟⲩⲙⲟⲩⲙⲓ ⲙ̀ⲙⲱⲟⲩ ⲁⲡⲁ ⲇⲁⲓⲙⲱⲛ ⲟⲩⲛ ⲉⲧⲁϥϧⲓⲥⲓ ⲉ̀ⲃⲟⲗ ϧⲉⲛⲡⲓⲙⲱⲓⲧ ⲙ̀ⲙⲟϣⲓ ⲁϥϩⲉⲙⲥⲓ ⲡⲁⲓⲣⲏϯ ϩⲓϫⲉⲛϯⲙⲟⲩⲙⲓ ⲛⲉⲙⲡⲓⲕⲁⲧⲏⲅⲟⲣⲟⲥ ⲛⲉ ⲫⲛⲁⲩ ⲛ̀ⲁϫⲡⲋ̅ ⲡⲉ ⲁⲥⲓ̀ ⲟⲩⲛ ⲛ̀ϫⲉⲟⲩⲥϩⲓⲙⲓ ⲉ̀ⲃⲟⲗ ϧⲉⲛⲧⲙⲟⲛⲏ ⲉ̀ⲙⲁϩ ⲙⲱⲟⲩ ⲡⲉϫⲉⲁⲡⲁ ⲇⲁⲓⲙⲱⲛ ⲛⲁⲥ ϫⲉϯⲟⲃⲓ ⲁⲣⲓⲟⲩⲛⲁⲓ ⲛⲉⲙⲁⲛ ⲙⲟⲓ ⲛⲁⲛ ⲛ̀ⲧⲉⲛⲥⲱ ⲡⲉϫⲉϯⲥϩⲓⲙⲓ ⲛⲁϥ ϫⲉⲛ̀ⲑⲟⲕ ⲛⲓⲙ ⲟⲩⲟϩ ⲛⲓⲙⲡⲉ ⲫⲁⲓ ⲡⲉϫⲁϥ ⲛⲁⲥ ϫⲉⲥⲉⲙⲟⲩϯ ⲉ̀ⲣⲟⲓ ϫⲉⲥⲉⲙⲟⲩϯ ⲉ̀ⲣⲟⲓ ϫⲉⲁⲡⲁ ⲇⲁⲓⲙ ⲟⲩⲟϩ ⲙ̀ⲡⲉϥϫⲱⲕ ⲉ̀ⲃⲟⲗ ⲙ̀ⲡⲉϥⲣⲁⲛ ⲁϥⲭⲁⲣⲱϥ ⲁⲥϫⲟⲥ ⲛⲁϥ ϫⲉⲛⲓⲙ ⲧⲟⲧⲉ ⲁϥϫⲟⲥ ⲛⲁⲥ ϫⲉⲥⲉⲙⲟⲩϯ ⲉ̀ⲣⲟⲓ ϫⲉⲁⲡⲁ ⲇⲁⲙⲓⲁⲛⲟⲥ ⲟⲩⲟϩ ⲫⲁⲓⲡⲉ ⲡⲁⲙⲟⲛⲟⲅⲉⲛⲏⲥ ⲛ̀ϣⲏⲣⲓ ⲉⲧⲁⲓϯⲙⲁϯ ⲛ̀ϧⲏⲧϥ ⲁⲥϣⲓⲛⲓ ⲙ̀ⲙⲟϥ ⲉⲥϫⲱ ⲙ̀ⲙⲟⲥ ϫⲉⲛⲓⲙ ⲡⲉ ⲡⲉϥⲣⲁⲛ ⲁϥⲉⲣⲟⲩⲱ ⲛⲁⲥ ϫⲉⲕⲁⲗⲱⲡⲉ ⲡⲉϥⲣⲁⲛ ⲡⲉϫⲁⲥ ⲛⲁϥ ϫⲉⲕⲁⲗⲱⲥ ⲁⲕϯⲣⲉⲛϥ ⲁⲡⲁ ⲇⲁⲙⲓⲁⲛⲟⲥ ⲟⲩⲇⲉ ⲙ̀ⲙⲟⲛ ⲁⲛⲧⲗⲏⲙⲁ ⲛ̀ⲧⲟⲧⲕ ⲟⲩⲟϩ ϯϣⲱϯ ϣⲏⲕ 

ⲡⲓⲙⲓⲥⲓⲇⲉ ⲛⲁϥⲣⲓⲙⲓⲡⲉ ⲧⲟⲧⲉ ⲡⲉϫⲁⲥ ⲛⲁϥ ⲛ̀ϫⲉⲧⲥϩⲓⲙⲓ ϫⲉⲁⲥⲑⲱⲛ ⲧⲉⲥⲙⲁⲩ ⲁϥϫⲟⲥ ⲛⲁⲥ ⲛ̀ϫⲉⲁⲡⲁ ⲇⲁⲙⲓⲁⲛⲟⲥ ϫⲉϯⲉⲙⲓ ⲁⲛ ⲁⲥϣⲓⲛⲓ ⲙ̀ⲙⲟϥ ϫⲉⲁⲥⲫⲱⲧ ⲡⲉϫⲁϥ ⲛⲁⲥ ϫⲉϯⲉⲙⲓ ⲁⲛ ⲧⲟⲧⲉ ⲁⲥϣⲉⲛϩⲏⲧ ϧⲁⲣⲟϥ ⲟⲩⲟϩ ⲡⲉϫⲁⲥ ⲛⲁϥ ϫⲉⲓⲥ ⲡⲓⲁⲅⲅⲓⲟⲛ ⲁⲛⲟⲕⲇⲉ ϯⲛⲁϩⲉⲙⲥⲓ ϧⲁⲧⲉⲛϯⲃⲱ ⲛ̀ⲕⲉⲛⲧⲉ ⲛ̀ⲧⲁϣⲁⲛⲟⲩϣϥ ⲙ̀ⲡⲉⲕϣⲏⲣⲓ ⲛ̀ⲑⲟϥⲇⲉ ⲁϥⲉⲣϣⲫⲏⲣⲓ ⲟⲩⲟϩ ⲙ̀ⲡⲉϥⲕⲁϯ ⲉⲛⲉⲥⲥⲁϫⲓ ⲁⲥϣⲉⲛⲥ ϫⲉⲡⲱⲥ ⲁⲥⲉⲣⲟⲩⲱ ⲛⲁϥ ϫⲉⲫⲁⲓ ⲟⲩⲉⲙϭⲓⲡⲉ ⲡⲁ⳪̅ ⲡⲁⲛⲧⲱⲥ ⲣⲱ ⲙⲉⲱϩⲙⲱⲟⲩ ⲛⲁⲕ ϣⲁϯⲧⲉⲙⲙⲟϥ

ⲉⲧⲁⲥϣⲉⲛⲁⲥ ⲛ̀ϫⲉⲧⲥϩⲓⲙⲓ ⲁϥⲭⲣⲉⲙⲣⲉⲙ ⲉ̀ϫⲉⲛⲧⲉϥⲫⲩⲥⲓⲥ ⲉϥϫⲱ ⲙ̀ⲙⲟⲥ ϫⲉϥⲥϩⲟⲩⲟⲣⲧ ⲛ̀ϫⲉⲡⲓⲉϩⲟⲟⲩ ⲉⲧⲁⲩⲁⲓⲧ ϩⲱⲥ ⲣⲱⲙⲓ ⲓⲥ ⲟⲩⲥⲓⲟⲩ ⲛ̀ⲧⲉϩⲁⲛⲁⲧⲟⲟⲩⲓ ⲁϥⲉⲣⲣⲱⲙⲓ ⲟⲩϣⲱϣⲅⲁⲣⲡⲉ ⲉⲧⲁⲩⲁⲓⲧ ⲛ̀ⲟⲩϣⲁⲧⲙⲉⲑⲛⲁⲓ ⲙⲏ ⲟⲩⲡⲛ̅ⲁ̅ ⲛⲁϥⲛⲏⲟⲩ ⲉ̀ϫⲉⲛⲛⲓⲙⲱⲟⲩ ϣⲁϯⲛⲟⲩ ϩⲁⲣⲁ ⲟⲩⲛ  ⲛⲓⲙⲡⲉ ⲡⲁⲣⲭⲱⲛ ⲛ̀ⲧⲉⲡⲓⲕⲟⲥⲙⲟⲥ 

ⲉⲧⲁⲫⲛⲁⲩⲇⲉ ⲛ̀ⲁϫⲡⲑ̅ϯ ϣⲱⲡⲓ ⲁϥⲙⲟⲩϯ ⲉϥϫⲱⲙ̀ⲙⲟⲥ ϫⲉⲧϣⲱϯ ⲡⲁⲣⲭⲱⲛ ⲛ̀ⲧⲉⲡⲁⲓⲕⲟⲥⲙⲟⲥ ⲡⲉⲧϫⲱ ⲙ̀ⲙⲟⲥ ϫⲉⲙⲟϩ ⲙ̀ⲡⲁⲅⲅⲓⲟⲛ ⲙ̀ⲙⲱⲟⲩ ⲟⲩⲟϩ ⲛ̀ϯⲟⲩⲛⲟⲩ ⲁⲫⲙⲱⲟⲩ ⲓ̀ ⲉ̀ⲡϣⲱⲓ ⲟⲩⲟϩ ⲁϥⲛⲟϫϧϥ ⲁⲗⲗⲁ ⲁϥⲭⲁⲡⲁⲅⲅⲓⲟⲛ ⲉϥϣⲟⲩⲓⲧ 

ⲁϥⲱϣ ⲉ̀ⲃⲟⲗ ⲛ̀ϫⲉⲁⲡⲁ ⲇⲁⲓⲙⲱⲛ ϧⲉⲛⲟⲩⲛⲓϣϯ ⲛ̀ϧⲣⲱⲟⲩ ⲉϥϫⲱ ⲙ̀ⲙⲟⲥ ϫⲉⲡⲥⲁⲧⲁⲛⲁⲥ ⲡⲥⲁⲧⲁⲛⲁⲥ ⲙⲁϩⲑⲏⲕ ⲉ̀ⲣⲟⲓ ⲁϧⲟⲕ ⲉⲕϭⲟϫⲓ ⲛ̀ⲥⲱⲓ ⲉⲑⲃⲉⲟⲩ ⲁⲕⲭⲁⲧ ⲛ̀ⲥⲱⲕ 

ⲉ̀ⲧⲁⲥⲧⲁⲥⲑⲟ ⲛ̀ϫⲉⲧⲥϩⲓⲙⲓ ⲛⲉⲙⲡⲓⲟⲩⲉⲙϭⲓ ⲁⲥⲛⲁⲩ ⲉⲇⲁⲙⲓⲁⲛⲟⲥ ⲉϥϩⲟⲣⲡ ⲛⲉⲙⲡⲁⲅⲅⲟⲛ ⲉϥϣⲟⲩⲓⲧ ⲁⲥϣⲉⲛϩⲏⲧ ϧⲁⲣⲟϥ ⲁⲥⲧⲏⲓϥ ⲙ̀ⲡⲉⲥⲉⲣϣⲱ ⲉⲥϫⲱ ⲙ̀ⲙⲟⲥ ⲛⲁϥ ϫⲉϩⲏⲡⲡⲉ ⲓⲥ ⲡⲁⲉⲣϣⲱ ϥⲱϯ ⲙ̀ⲡⲉⲕϩⲟ ⲛⲉⲙⲡⲉⲕⲥⲱⲙⲁ ⲁⲛⲟⲕⲇⲉ ϯⲛⲁϫⲱⲕ ⲉ̀ⲃⲟⲗ ⲙ̀ⲡⲁϩⲱⲃ ⲉⲧⲁϥϥⲱϯⲇⲉ ⲙ̀ⲡⲉϥⲥⲱⲙⲁ ⲁⲥⲧⲏⲓϥ ⲛ̀ⲕⲁⲗⲱ ⲟⲩⲟϩ ⲁⲥⲙⲉϩⲙⲱⲟⲩ ⲁϥⲥⲱ ⲟⲩⲟϩ ⲟⲛ ⲁⲥϯⲛⲁϥ ⲙ̀ⲡⲟⲩⲧⲁϩ ⲛ̀ϯⲃⲱ ⲛ̀ⲕⲉⲛⲧⲉ ⲁϥⲟⲩⲱⲙ ⲛⲉⲙⲁⲥ ⲉ̀ⲧⲁϥⲥⲓ ⲁϥϯⲛⲁⲥ ⲙ̀ⲡⲉϥϣⲏⲣⲓ ⲁϥⲕⲱⲗϫ ⲛ̀ⲛⲉϥⲕⲉⲗⲓ ⲁϥⲟⲩⲱϣⲧ ⲙ̀ⲙⲟⲥ ⲉϥϫⲱ ⲙ̀ⲙⲟⲥ ϫⲉⲁⲣⲉⲛⲁϩⲙⲉⲧ ⲛⲉⲙⲡⲁϣⲏⲣⲓ ⲉ̀ⲃⲟⲗ ϩⲁⲫⲙⲟⲩ ⲛ̀ⲕⲁⲕⲱⲥ ⲁⲣⲓⲧⲁⲅⲁⲡⲏ ⲙⲁⲧⲥⲁⲃⲟⲓ ϩⲟⲡⲱⲥ ⲛ̀ⲧⲁϣⲁⲛϣ ⲙ̀ⲡⲁϣⲏⲣⲓ ϫⲉⲁⲛⲟⲕ ⲟⲩϩⲏⲕⲓ ⲛ̀ⲉⲗⲁⲭⲓⲥⲧⲟⲥ ⲟⲩⲟϩ ⲛ̀ⲁⲧⲉⲙⲓ 

ⲟⲩⲟϩ ⲛ̀ϯⲟⲩⲛⲟⲩ ⲁⲩⲙⲟⲛⲙⲉⲛ ⲛ̀ⲧⲫⲉ ⲛⲉⲙⲡⲕⲁϩⲓ ⲟⲩⲟϩ ⲛⲁⲩⲛⲏⲟⲩ ⲉ̀ⲃⲟⲗ ϩⲁⲧⲫⲉ ⲛ̀ϫⲉϩⲁⲛⲥⲉⲧⲉⲃⲣⲏϫ ⲟⲩⲟϩ ⲁⲟⲩϧⲁⲣⲁⲃⲁⲓ ϣⲱⲡⲓ ⲟⲩⲟϩ ⲉⲧⲁⲫⲣⲏⲇⲉ ⲉⲣⲭⲁⲕⲓ ⲁⲡⲭⲁⲕⲓ ϣⲱⲡⲓ ϩⲓϫⲉⲛⲡⲕⲁϩⲓ ⲧⲏⲣϥ ⲁϥⲥⲑⲉⲣⲧⲉⲣ ⲛ̀ϫⲉⲁⲡⲁ ⲇⲁⲓⲙⲱⲛ ⲁϥϫⲟⲥ ⲛ̀ⲧⲥϩⲓⲙⲓ ϫⲉⲁⲛⲟⲕ ⲟⲩⲣⲱⲙⲓ ⲛ̀ⲣⲉϥⲉⲣⲛⲟⲃⲓ ⲁⲣⲓⲟⲩⲛⲁⲓ ⲛⲉⲙⲡⲁϣⲏⲣⲓ ⲁⲗⲓⲟⲩⲓ ⲙ̀ⲙⲟϥ ⲟⲩⲟϩ ϣⲁⲛϣ ⲙ̀ⲙⲟϥ ⲁⲓⲉⲙⲓ ⲁ̀ⲛⲟⲕ ϫⲉⲉⲑⲃⲏⲧ ⲁⲡⲭⲁⲕⲓ ϣⲱⲡⲓ ϩⲓϫⲉⲛⲡⲕⲁϩⲓ ⲫⲱⲧ ϯⲛⲟⲩ ⲟⲩⲟϩ ϧⲉⲛⲟⲩⲛⲟϩⲉⲙ ⲛⲟϩⲉⲙ ⲛ̀ⲧⲉⲯⲩⲭⲏ ⲟⲩⲟϩ ⲙ̀ⲡⲉⲣϫⲟⲩϣⲧ ⲉ̀ⲫⲁϩⲟⲩ ⲟⲩⲟϩ ⲙ̀ⲡⲉⲣⲟϩⲓ ⲉⲣⲁϯ ϧⲉⲛϯⲡⲉⲣⲓⲭⲱⲣⲟⲥ ⲧⲏⲣⲥ ⲁⲗⲗⲁ ⲛⲁϩⲙⲓ ⲉ̀ⲡⲧⲱⲟⲩ ⲙⲏⲡⲟⲧⲉ ⲛ̀ⲧⲟⲩⲧⲁϩⲟ ⲛ̀ϫⲉⲛⲓⲡⲉⲧϩⲱⲟⲩ  ϯⲧⲁⲣⲕⲟ ⲙ̀ⲙⲟ ⲙ̀ⲫⲣⲁⲛ ⲙ̀ⲫⲏⲉⲧϭⲟⲥⲓ ⲫⲱⲧ Ϯⲛⲁⲕⲏⲛⲇⲉ Ϯⲛⲟⲩ ⲉⲓⲥⲁϫⲓ ⲛⲉⲙⲁⲕ ⲉⲑⲃⲉ ⲡⲁⲓϩⲱⲃ ⲁⲫⲣⲱϣⲓ ϣⲱⲡⲓ

ⲡⲉϫⲁⲥ ⲛⲁϥ ϫⲉϯⲛⲁϣⲁⲛϣ ⲛ̀ⲕⲁⲗⲱ ϩⲱⲥ ϣⲏⲣⲓ ⲟⲩⲟϩ ⲧⲁϣⲉⲣⲓ ⲛⲁϣⲱⲡⲓ ⲛⲁϥ ⲛ̀ⲟⲩⲥⲱⲛⲓ ϯⲛⲁⲧⲁⲙⲟϥ ϫⲉⲭⲛⲏⲟⲩ ⲛ̀ⲕⲉⲥⲟⲡ ⲁⲡⲁⲝ ⲁⲡⲗⲱⲥ ⲡⲁ⳪̅ ⲁⲕϣⲁⲛⲓ̀ ⲛ̀ⲧⲉⲕϫⲉⲙⲡⲉⲛϣⲓⲛⲓ ⲁϫⲟⲥ ⲙ̀ⲫⲏⲉⲑⲛⲁⲓ̀ ⲉϩⲣⲁⲕ ϫⲉⲁⲥⲑⲱⲛ ϯⲭⲏⲣⲁ ⲉⲧⲟⲩⲙⲟⲩϯ ⲉ̀ⲣⲟⲥ ϫⲉⲥⲟⲫⲓⲁ ⲧϣⲉⲣⲓ ⲛ̀ⲓⲇⲙⲱⲛ ⲟⲩⲟϩ ⲥⲉⲛⲁϭⲓⲙⲱⲓⲧ ϧⲁϫⲱⲕ ⲟⲩϫⲁⲓ ϧⲉⲛⲫⲣⲁⲛ ⲛ̀ⲛⲏⲉⲧϭⲟⲥⲓ ⲟⲩⲟϩ ⲉⲧⲓ ⲁⲥⲕⲏⲛ ⲉ̀ⲥⲁϫⲓ ⲛⲉⲙⲁϥ ⲁⲥⲙⲟϣⲓ ⲛ̀ϫⲉⲥⲟⲫⲓⲁ ⲉⲥⲁⲙⲟⲛⲓ ⲛ̀ⲕⲁⲗⲱ ⲛⲉⲙ ⲡⲓⲁⲅⲅⲓⲟⲛ ⲛⲉⲙⲁⲥ ⲉⲡⲉⲥⲏⲓ ⲉⲑⲣⲉⲥϣⲁⲛϣ ⲛ̀ⲧⲉⲥϣⲉⲣⲓ ⲛⲉⲙⲧⲉⲥⲙⲁⲩ ⲛⲉⲙⲕⲁⲗⲱ ⲛⲉⲙⲛⲓⲥϧⲓ ⲛ̀ⲧⲉⲡⲉⲥϩⲁⲓ ⲫⲏⲉⲧⲁϥⲧⲏⲓϥ ⲙ̀ⲙⲓⲛ ⲙ̀ⲙⲟϥ ⲉ̀ⲫⲙⲟⲩ ϩⲟⲡⲱⲥ ⲛ̀ⲧⲉϥⲁⲣⲉϩ ⲉⲛⲁⲓⲥϧⲓ ⲛⲉⲙⲛⲁⲓⲉⲡⲓⲥⲧⲟⲗⲏ ⲛⲁⲓ ⲉ̀ⲧⲉⲙⲙⲁⲩ 

ⲟⲩⲟϩ ϧⲉⲛⲫⲛⲁⲩ ⲛ̀ⲁϫⲡⲓ̅ⲁ̅ ⲁϥⲟⲩⲱⲛϩ ⲛ̀ϫⲉⲡⲥⲁⲧⲁⲛⲁⲥ ⲛⲉⲙⲟⲩⲙⲏϣ ⲛ̀ⲇⲁⲓⲙⲱⲛ ⲛⲉⲙⲁϥ ⲟⲩⲟϩ ⲡⲉϫⲉⲡⲥⲁⲧⲁⲛⲁⲥ ⲛⲁϥ ϫⲉⲟⲩⲟⲓ ⲛⲁⲕ ⲱ ⲫⲏⲉⲧϣⲏϣ ⲁⲕⲟⲩⲱϣⲧⲅⲁⲣ ⲛ̀ⲟⲩⲥϩⲓⲙⲓ ⲁⲛⲟⲕⲇⲉ ⲁⲓϯ ⲟⲩⲃⲉⲡ⳪̅ ⲥⲁⲃⲁⲱⲑ ⲉⲧⲁϥⲟⲩⲁϩⲥⲁϩⲛⲓ ⲛⲏⲓ ⲉⲟⲩⲱϣⲧ ⲛ̀ⲁⲇⲁⲙ ⲉⲓϫⲱ ⲙ̀ⲙⲟⲥ ⲛⲁϥ ϫⲉⲭⲁⲓⲣⲉ ⲡⲓ̀ⲛⲓ ⲛⲉⲙⲧϩⲓⲕⲱⲛ ⲙ̀ⲫϯ

ⲡⲉϫⲏⲓ ⲛⲁϥ ϧⲉⲛⲟⲩⲡⲁⲣⲣⲏⲥⲓⲁ ϫⲉⲥϣⲉ ⲉ̀ⲫⲁⲓ ⲛ̀ⲑⲟϥ ⲛ̀ⲧⲉϥⲓ̀ ⲛ̀ⲧⲉϥⲟⲩⲱϣⲧ ⲛⲏⲓ ϫⲉⲁⲛⲟⲕ ϯϣⲟⲡ ⲙ̀ⲡⲁⲧⲉϥϣⲱⲡⲓ 

ⲁϥⲟⲩⲁϩⲥⲁϩⲛⲓ ⲛⲛⲧⲁⲅⲙⲁ ⲧⲏⲣⲟⲩ

ⲛ̀ⲛⲓⲫⲏⲟⲩⲓ ⲉϥϫⲱⲙ̀ⲙⲟⲥ ⲛⲱⲟⲩ ϫⲉⲁⲙⲱⲓⲛⲓ ⲛⲧⲉⲧⲉⲛϥⲓ ⲙⲡⲓⲭⲁⲣⲧⲏⲥ ϧⲉⲛⲧϫⲓϫ ⲙⲡϫⲁⲣϩⲏⲧ· ⲛⲧⲉⲧⲉⲛⲃⲟϣϥ ⲛⲧⲉϥⲡⲁⲛϩⲟⲡⲗⲓⲁ ⲛⲧⲉⲧⲉⲛⲛⲟϫϥ ⲉ̀ⲡⲉⲥⲏⲧ ⲉϫⲉⲛⲡⲕⲁϩⲓ· ϫⲉⲁⲡⲉϥⲥⲏⲟⲩ ϣⲱⲡⲓ·

ⲉⲡⲉⲓⲇⲏ ⲁⲛⲟⲕ ⲡⲉ ⲫⲛⲟϫ ⲉ̀ⲣⲱⲧⲉⲛ ⲧⲏⲣⲟⲩ ⲉⲓⲟⲓ ⲛ̀ⲟⲩⲁⲫⲉ· ⲉ̀ϫⲉⲛⲑⲏⲛⲟⲩ ⲙ̀ⲫⲣⲏϯ ⲛ̀ⲟⲩⲟⲩⲣⲟ ⲛ̀ⲇⲓⲕⲁⲓⲟⲥ ⲛ̀ⲑⲱⲧⲉⲛⲇⲉ ⲙ̀ⲡⲉⲧⲉⲛⲟⲩⲱϣ ⲉϥⲓⲡⲓⲭⲁⲣⲏⲧⲥ ⲛ̀ⲧⲟⲧⲧ ϫⲉⲉⲣⲉⲛⲉⲧⲉⲛⲣⲁⲛ ⲥϧⲏⲟⲩⲧ ⲛ̀ⲧⲟⲧⲧ 

ⲁϥⲟⲩⲁϩⲥⲁϩⲛⲓ ⲛϫⲉⲡⲁⲓⲱⲧ ⲉⲑⲣⲟⲩⲓ̀ⲛⲓ ⲛⲟⲩⲁⲥⲏϥⲓ ⲉⲥⲑⲏⲙ ⲛ̀ⲥⲉϣⲱⲧ ⲙ̀ⲙⲟⲓ ⲉⲡⲁⲓⲥⲁ ⲛⲉⲙⲥⲁⲥⲫⲓⲣ ⲙ̀ⲙⲟⲓ: ⲛⲉⲙⲥⲁϧⲟⲩⲛ ⲛ̀ⲧϩⲱⲓⲙⲓ ⲛ̀ⲛⲁϫⲓϫ ⲛⲉⲙⲛⲁϭⲁⲗⲁⲩϫ ⲟⲩⲟϩ ⲙ̀ⲡⲓϣϥⲓⲧⲧ ⲛ̀ⲧⲟⲧⲧ 

ⲛ̀ϯⲟⲩⲛⲟⲩ ⲁⲡⲁⲓⲱⲧ ⲟⲩⲁϩⲥⲁϩⲛⲓ

ⲛⲟⲩⲛⲟϫ ⲛⲭⲉⲓⲣⲟⲩⲃⲉⲓⲙ ⲁϥⲣⲁϧⲧⲧ·ⲁϥⲛⲟϫⲧ ⲉ̀ⲡⲉⲥⲏⲧ ⲉⲃⲟⲗϧⲉⲛⲛⲧⲫⲉ ⲉϫⲉⲛⲡⲕⲁϩⲓ ⲉⲑⲃⲉ ⲧⲁⲙⲉⲧϫⲁⲣϩⲏⲧ· ⲁϥⲟⲩⲱϣϥ ⲛ̀ⲛⲁⲧⲉⲛϩ· ⲛⲉⲙⲛⲁⲥⲫⲓⲣ ⲛ̀ⲑⲱⲧⲉⲛⲇⲉ  ⲙ̀ⲡⲟⲩϫⲉⲙϩⲗⲓ ⲛ̀ⲉⲧⲓⲁ ⲁⲛ ϧⲉⲛⲑⲏⲛⲟⲩ ⲡⲗⲏⲛ ⲁⲩϯϩⲁⲡ ⲉ̀ⲣⲱⲧⲉⲛ ⲛⲉⲙⲏⲓ ϩⲏⲡⲡⲉ ⲁⲓϯ ⲛⲱⲧⲉⲛ ⲙ̀ⲡⲓⲉⲣϣⲓϣⲓ ⲉ̀ⲉⲣⲡⲓⲣⲁⲍⲓⲛ ⲙ̀ⲡⲓ̀ⲛⲓ ⲛⲉⲙⲧϩⲓⲕⲱⲛ ⲙ̀ⲫϯ ⲙ̀ⲫⲣⲏϯ ⲉⲧⲁⲓⲉⲣⲡⲓⲣⲁⲍⲓⲛ ⲛ̀ⲉⲩⲁ ⲑⲏⲉⲧⲁⲥⲥⲱⲧⲡ ⲉⲑⲣⲉⲥⲥⲱⲟⲩⲛ ⲉ̀ⲟⲩ ⲡⲉⲑⲛⲁⲛⲉϥ ⲛⲉⲙⲟⲩⲡⲉⲧϩⲱⲟⲩ ⲟⲩⲟϩ ⲉⲧⲁⲓⲉⲣⲡⲓⲣⲁⲍⲓⲛ ⲛ̀ⲓⲱⲃ ⲁϥⲥⲁϩⲟⲩⲓ ⲙ̀ⲡⲉϥⲉϩⲟⲟⲩ ⲙ̀ⲙⲓⲥⲓ ⲉⲧⲁⲓⲉⲣⲡⲓⲣⲁⲍⲓⲛ ⲛ̀ⲓⲟⲩⲇⲁⲥ ⲡⲓⲥⲭⲁⲣⲓⲱⲧⲏⲥ ⲉⲧⲁϥⲧⲏⲓϥ ⲙ̀ⲡⲉϥⲣⲉϥϯⲥⲃⲱ ⲉⲧϣⲟⲃⲓ ϧⲉⲛⲡⲉϥϩⲏⲧ 

ⲁⲓϣⲉⲡϩⲁⲛⲃⲁⲥⲁⲛⲟⲥ ⲉⲑⲃⲉ ⲡⲉⲧⲉⲛⲧⲁⲓⲟ ⲛⲉⲙⲡⲉⲧⲉⲛⲱⲟⲩ ⲗⲟⲓⲡⲟⲛ ⲁⲟⲩⲁⲓ ⲛ̀ⲛⲁⲙⲁⲧⲟⲓ ⲟⲩⲱϣⲧ ⲛ̀ⲟⲩⲥϩⲓⲙⲓ ⲁⲙⲏⲛ ⲁⲙⲏⲛ ϯϫⲱⲙⲙⲟⲥ ⲛⲁⲕ ϫⲉϯⲛⲁϩⲓⲧⲕ ⲉⲧⲗⲓⲙⲛⲏ ⲛ̀ⲭⲣⲱⲙ ⲡⲉϫⲉⲁⲡⲁ ⲇⲁⲓⲙⲱⲛ ⲛⲁϥ ϫⲉϩⲏⲡⲡⲉ ⲓⲥ ⲁⲛⲟⲕ ⲡⲉⲕⲙⲁⲧⲟⲓ ⲉⲥⲉ̀ϣⲱⲡⲓ ⲛⲏⲓ ⲕⲁⲧⲁ ⲡⲉⲕⲥⲁϫⲓ ⲁⲗⲗⲁ ϯϯϩⲟ ⲉ̀ⲣⲟⲕ ⲁⲣⲓⲟⲩⲛⲁⲓ ⲛⲉⲙⲡⲁϣⲏⲣⲓ ⲟⲩⲟϩ ⲙ̀ⲡⲉⲣⲉⲣⲡⲓⲣⲁⲍⲓⲛ ⲛ̀ⲧⲉϥⲙⲁⲩ ⲥⲟⲫⲓⲁ ϫⲉⲛ̀ⲑⲟⲕ ⲟⲩⲇⲓⲕⲁⲓⲟⲥ ⲛ̀ⲟⲩⲣⲟ ⲟⲩⲟϩ ⲁϥϭⲛⲉϫⲱϥ ⲁϥⲉⲣⲟⲩⲱⲇⲉ ⲛⲁϥ ⲛ̀ϫⲉⲡⲥⲁⲧⲁⲛⲁⲥ ⲉϥϫⲱⲙ̀ⲙⲟⲥ ϫⲉⲁⲓϯⲙⲁϯ ⲁⲓϥ ⲛ̀ⲥⲣⲁϩ ⲛ̀ϫⲉⲡⲁⲓⲕⲟⲩϫⲓ ⲛ̀ⲇⲁⲓⲙⲱⲛ ⲫⲁⲓ ⲉⲧⲉⲙⲙⲁⲩ ⲉⲑⲃⲉ ⲧⲉⲕⲡⲣⲉⲥⲃⲉⲓⲁ ⲁⲛ ⲟⲩⲅⲁⲣ ⲙ̀ⲡⲁⲓⲥⲱⲧⲉⲙ ⲛ̀ⲥⲁⲛⲓⲡⲣⲉⲥⲃⲉⲓⲁ ⲟⲩⲇⲉ ⲛⲓⲉⲩⲭⲏ ⲁⲗⲗⲁ ⲙ̀ⲡⲓϫⲉⲙϩⲗⲓ ⲛ̀ⲉⲧⲓⲁ ⲁⲛ ⲛ̀ϧⲏⲧϥ ϣⲁ ⲉ̀ϧⲟⲩⲛ ⲉⲫⲟⲟⲩ ⲁⲓⲉⲣⲡⲓⲣⲁⲍⲓⲛ ⲛ̀ⲥⲟⲫⲓⲁ ⲛⲉⲙⲡⲉⲥϩⲁⲓ ⲉⲑⲃⲉ ⲫⲁⲓ ⲁⲩⲧⲏⲓϥ ⲉⲫⲙⲟⲩ ϯⲛⲟⲩⲇⲉ ⲁⲓⲭⲁⲧⲟⲧⲧ ⲉ̀ⲃⲟⲗ 

ⲟⲩⲟϩ ⲁϥⲙⲟⲩϯ ⲟⲩⲃⲉⲡⲥⲁⲧⲁⲛⲁⲥ ⲛ̀ϫⲉⲁⲃⲃⲁⲧⲱⲛ ⲉ̀ⲃⲟⲗ ϧⲉⲛⲧⲫⲉ ⲡⲉϫⲁϥ ϫⲉⲡⲥⲁⲧⲁⲛⲁⲥ ⲡⲥⲁⲧⲁⲛⲁⲥ ⲛ̀ⲑⲟϥⲇⲉ ⲡⲉϫⲁϥ ϫⲉϩⲏⲡⲡⲉ ⲁ̀ⲛⲟⲕ ⲟⲩⲟϩ ⲡⲉϫⲁϥ ⲛⲁϥ ϫⲉⲙ̀ⲡⲉⲣⲉⲛⲧⲉⲕϫⲓϫ ⲉ̀ϫⲉⲛⲡⲓⲇⲁⲓⲙⲱⲛ ⲟⲩⲇⲉ ⲙ̀ⲡⲉⲣⲉⲣϩⲗⲓ ⲛⲁϥ ⲟⲩⲟϩ ⲁϥϫⲟⲩϣⲧ ⲛ̀ϫⲉⲡⲥⲁⲧⲁⲛⲁⲥ ⲁϥⲛⲁⲩ ⲟⲩⲟϩ ϩⲏⲡⲡⲉ ⲓⲥ ⲁⲃⲃⲁⲧⲱⲛ ⲁϥⲓ̀ⲛⲓ ⲛ̀ⲧⲉⲛϩⲃ̅ ⲟⲩⲟϩ ⲡⲭⲟⲣⲟⲥ ⲧⲏⲣϥ ⲛ̀ⲧⲉⲛⲓⲁⲅⲅⲉⲗⲟⲥ ⲁⲩⲱϣ ⲉ̀ⲃⲟⲗ ⲉⲩϫⲱⲙ̀ⲙⲟⲥ ϫⲉⲁⲝⲓⲟⲥ ⲁⲝⲓⲟⲥ ⲁⲝⲓⲟⲥ ⲇⲁⲙⲓⲁⲛⲟⲥ ⲡⲁⲅⲅⲉⲗⲟⲥ ⲟⲩⲟϩ ⲁⲩϯϩⲓⲱⲧϥ ⲙ̀ⲡⲓⲧⲉⲛϩⲃ̅ ⲟⲩⲟϩ ⲁϥϣⲉⲛⲁϥ ⲉⲡϣⲱⲓ ⲉⲛⲓⲫⲏⲟⲩⲓ 

ⲁϥⲉⲣϣⲫⲏⲣⲓ ⲉⲙⲁϣⲱ ⲛ̀ϫⲉⲡⲥⲁⲧⲁⲛⲁⲥ ⲟⲩⲟϩ ⲁϥⲭⲣⲉⲙⲣⲉⲙ ⲉϥϫⲱ ⲙ̀ⲙⲟⲥ ϫⲉⲡⲱⲥ ⲫⲁⲓ ⲁϥϣⲱⲡⲓ ⲙ̀ⲙⲟϥ ⲁϥⲉⲣⲟⲩⲱⲇⲉ ⲛⲁϥ ⲛ̀ϫⲉⲁⲃⲃⲁⲧⲱⲛ ϫⲉϯⲥϩⲓⲙⲓ ⲉⲧⲁⲥⲓ̀ ⲉϩⲣⲁϥ ⲛ̀ⲑⲟⲥ ⲁⲥϯ ⲛⲁϥ ⲉ̀ⲃⲟⲗ ϧⲉⲛⲡⲓϣϣⲏⲛ ⲛ̀ⲧⲉⲡⲱⲛϧ ⲁϥⲟⲩⲱⲙ 

ⲉⲡⲓⲇⲏ ⲁⲟⲩⲙⲏϣ ⲛ̀ⲇⲁⲓⲙⲱⲛ ⲛⲁⲩ ⲉ̀ⲡⲁⲓⲛⲓϣϯ ⲛ̀ⲛⲁⲩ ⲁⲩⲟⲩⲱϣⲧ ϩⲓϫⲉⲛⲡⲧⲱⲟⲩ ⲉⲧⲁⲩⲑⲱⲙⲥ ⲛ̀ⲁⲇⲁⲙ ⲛ̀ϧⲏⲧϥ ϩⲁⲛⲕⲉⲇⲁⲓⲙⲱⲛ ⲁⲩⲟⲩⲱϣⲧ ⲛ̀ⲁⲃⲃⲁⲧⲱⲛ ⲧⲟⲧⲉ ⲁϥϫⲟⲥ ⲛⲱⲟⲩ ϫⲉⲙⲁϣⲉⲛⲱⲧⲉⲛ ⲉ̀ⲃⲟⲗ ϩⲁⲣⲟⲓ ⲛⲏⲉⲧⲥϩⲟⲩⲟⲣⲧ ⲟⲩⲟϩ ⲉⲧϣⲟⲃⲓ ⲉ̀ⲡⲓⲭⲣⲱⲙ ⲛ̀ⲉⲛⲉϩ ⲫⲏⲉⲧⲥⲉⲃⲧⲱⲧ ⲙ̀ⲡⲓⲇⲓⲁⲃⲟⲗⲟⲥ ⲛⲉⲙⲛⲉϥⲁⲅⲅⲉⲗⲟⲥ 

ⲡⲉϫⲉⲡⲥⲁⲧⲁⲛⲁⲥ ⲛⲁϥ ϫⲉϩⲉⲛⲕ ⲥⲁⲃⲟⲗ ⲙ̀ⲙⲱⲟⲩ ⲁ̀ⲛⲟⲕ ⲡⲉϯⲛⲁϯϩⲁⲡ ⲉⲣⲱⲟⲩ ⲁϥϫⲟⲥ ⲛⲁϥ ⲛ̀ϫⲉⲁⲃⲃⲁⲧⲱⲛ ϫⲉⲉⲥⲉ̀ϣⲱⲡⲓ ⲁϥⲑⲱⲛⲟⲩⲛ ⲛ̀ϫⲉⲡⲓⲕⲟⲩϫⲓ ⲛ̀ⲇⲁⲓⲙⲱⲛ ⲧⲟⲧⲉ ⲁⲡⲥⲁⲧⲁⲛⲁⲥ ϫⲟⲥ ⲛⲁϥ ϫⲉⲁϧⲟⲕ ⲛⲉⲙⲏⲓ ⲙⲏ ⲁ̀ⲛⲟⲕ ⲡⲉ ⲡⲟⲩⲣⲓⲧ ⲛ̀ⲛⲓⲇⲁⲓⲙⲱⲛ ⲧⲏⲣⲟⲩ 

ⲛⲓⲉⲡⲓⲥⲧⲟⲗⲏ ⲉⲧⲁϥⲥϧⲏⲧⲟⲩ ⲛ̀ϫⲉⲡⲉϣⲉⲛϯ

  

ⲛⲓⲉⲡⲓⲥⲧⲟⲗⲏ ⲉⲧⲁϥⲥϧⲏⲧⲟⲩ ⲛ̀ϫⲉⲡⲉϣⲉⲛϯ

ϧⲉⲛⲥⲟⲩⲓ̄ⲁ̄ ⲙ̇ⲡⲓⲁⲃⲟⲧ ⲙⲉⲥⲱⲣⲏ ⲁ̣ⲯ̄ⲗ̄ⲅ̄ ⲙ̇⳥

ⲡⲉϣⲉⲛϯ ⲡⲉⲧⲥϧⲁⲓ ⲛ̣ⲣⲉⲙⲛ̇ⲭⲏⲙⲓ ϫⲉ ϣⲟⲣⲡ ⲙⲉⲛ ϯϣⲓⲛⲓ ⲉⲣⲱⲧⲉⲛ. ⲁⲓⲣⲁϣⲓ ⲉⲧⲁⲓⲱϣ ⲛ̇ϩⲁⲛⲥϧⲁⲓ ϧⲉⲛⲧⲉⲛⲁⲥⲡⲓ ⲛϣⲟⲩⲙⲣⲉⲛⲓⲧⲥ. ⲡⲉϣⲉⲛϯⲡⲉ ⲡⲁⲣⲁⲛ ⲁⲛⲟⲕ ⲟⲩⲣⲉⲙⲛ̇ⲭⲏⲙⲓ ⲡⲉ. ⲫⲁⲓ ⲡⲉ ⲟⲩⲕⲟⲩϫⲓ ⲛ̇ⲧⲟⲓ ⲉⲃⲟⲗϧⲉⲛ ⲧⲁⲫⲓⲣⲓ ⲛⲉⲙ ⲧⲁⲁⲥⲡⲓ ⲛ̇ϣⲟⲩⲙⲉⲛⲣⲓⲧⲥ

ⲁⲟⲩⲕⲟⲩϫⲓ ⲛ̇ⲁⲗⲟⲩ ⲉⲡⲉϥⲣⲁⲛ ⲡⲉ ⲡⲉϣⲉⲛϯ ⲛⲁϥϩⲉⲙⲥⲓ ⲛⲉⲙ ⲧⲉϥⲙⲁⲩ ϧⲉⲛ ⲟⲩⲭⲗⲁⲗ ⲛ̇ⲁϫⲟⲗϯ ́(ⲧⲣⲉⲛⲟ). ⲁⲟⲩⲣⲱⲙⲓ ⲥⲛⲁⲩ ⲙⲟⲩϯ ⲉⲣⲟϥ ⲁⲩⲧⲥⲁⲃⲟϥ ⲙ̇ⲡⲓϩⲩⲙⲛⲟⲥ ⲉⲧⲟⲩⲙⲟⲩϯ ⲉⲣⲟϥ ϫⲉ ⲁⲅⲓⲟⲥ. ⲙⲉⲛⲉⲛⲥⲁ ⲣⲟⲙⲡⲓ ⲃ̄ϯ ⲁⲛⲓⲙⲟⲩⲗϩ ⲁⲩⲉⲣⲟⲩⲱⲓⲛⲓ ϧⲉⲛ ϯⲉⲕⲕⲗⲏⲥⲓⲁ ⲁⲟⲩⲉⲡⲓⲥⲕⲟⲡⲟⲥ ⲁϥⲥⲉⲙⲛⲓⲧϥ ⲛ̇ⲟⲩⲯⲁⲗⲧⲓⲥ. ⲁⲟⲩⲥϧⲉⲥⲙⲏ ́(ⲕⲁⲥⲉⲧⲁ) ⲛⲁϥϯⲥⲙⲏ ϧⲉⲛ ⲟⲩⲃⲉⲣⲉϭⲱⲟⲩⲧⲥ ⲉⲥϣⲉⲛⲁⲥ ϣⲁ ⲧⲉϥⲁⲛⲍⲏⲃ ⲛ̇ⲧⲟⲟⲩⲓ. ⲁⲡⲓⲥϧⲉⲥⲙⲏ ⲛⲁϥϯⲥⲙⲏ ⲙ̇ⲡⲓϧⲣⲱⲟⲩ ⲛ̇ⲧⲉ ⲡⲭⲱⲣⲟⲥ ⲛ̇ⲛⲓⲙⲟⲛⲁⲭⲟⲥ ⲛⲁ ⲡⲓⲙⲟⲛⲥⲧⲏⲣⲓⲟⲛ ⲛ̇ⲧⲉ ⲁⲃⲃⲁ ⲙⲁⲕⲁⲣⲓ ϧⲉⲛ ⲡϣⲁϥⲉ ⲛ̇ⲧⲉ ϣⲓϩⲏⲧ ⲉⲩϫⲱ ⲛ̇ⲛⲓϩⲩⲙⲛⲟⲥ ⲛ̇ϯⲯⲁⲗⲙⲱⲇⲓⲁ. ⲛⲁⲓ ⲛⲉ ⲛⲓϩⲟⲩⲓϯ ⲛ̇ϧⲣⲱⲟⲩ ⲛ̇ⲣⲉⲙⲛ̇ⲭⲏⲙⲓ ⲛⲏⲉⲧⲁⲩϫⲉⲛϫⲉⲛ ϧⲉⲛ ⲡϣⲱⲕ ⲙ̇ⲡⲁϩⲏⲧ.

ⲉⲧⲁⲓⲛⲁⲩ ⲉϩⲁⲛϫⲱⲙ ⲉⲩⲥϧⲏⲟⲩⲧ ϧⲉⲛ ϯⲙⲉⲑⲣⲉⲙⲛ̄ⲭⲏⲙⲓ. ⲙ̇ⲡⲓϣⲱ̄ϣ ⲙ̇ⲙⲱⲟⲩ. ⲉⲧⲁⲓϣⲓⲛⲓ ⲉⲧⲁⲙⲁⲩ ⲁⲥⲉⲣⲱⲟⲩ ⲛⲏⲓ ⲉⲥϫⲱ ⲙ̇ⲙⲟⲥ ϫⲉ ⲡⲁⲕⲟⲩϫⲓ ⲛ̇ϣⲏⲣⲓ ⲑⲁⲓ ⲧⲉ ϯⲁⲥⲡⲓ ⲛ̇ⲧⲉ ⲛⲉⲕⲓⲟϯ ⲛ̇ⲑⲟⲥ ⲁⲥⲙⲟⲩ ⲓⲥϫⲉⲛ ⲟⲩⲥⲏⲟⲩ. ⲉⲧⲁⲓϣⲉⲛⲥ ⲛ̇ⲧⲉⲥⲧⲥⲁⲃⲟⲓ ⲡⲉϫⲁⲥ ⲛⲏⲓ ϫⲉ ⲙ̇ⲡⲉⲥⲥⲱⲧⲉⲙ ⲉⲣⲟⲥ ⲉⲃⲟⲗϧⲉⲛ ⲣⲱⲥ ⲙ̇ⲡⲉⲥⲓⲱⲧ ⲓⲉ ⲡⲉⲥⲛⲟϫ ⲛ̇ⲓⲱⲧ.

ⲁⲓⲥⲱⲧⲉⲙ ⲉⲛⲓϩⲱⲥ ⲛⲉⲙ ⲛⲓϫⲱⲟⲩ ϧⲉⲛ ϯⲉⲕⲕⲗⲏⲥⲓⲁ. ⲁⲓⲉⲙⲓ ϫⲉ ⲟⲩⲟⲛ ϣϫⲟⲙ ⲙ̇ⲙⲟⲓ ⲛ̇ⲧⲁϭⲓⲥⲃⲱ ⲉⲧⲁⲁⲥⲡⲓ. ⲉⲧⲁⲓⲱϣ ⲁⲓⲓ̇ ⲉϩⲣⲉⲛ ⲟⲩⲁϩⲟ. ⲁⲓϭⲓⲥⲙⲏ ⲉⲡⲓϧⲣⲱⲟⲩ ⲛ̇ⲧⲉ ⲛⲁⲓⲟϯ. ⲁⲓⲥⲱ ⲉⲃⲟⲗϧⲉⲛ ⲫⲓⲁⲣⲟ ⲛ̇ⲧⲉ ⲛⲟⲩⲥⲁϫⲓ ⲛⲉⲙ ⲛⲟⲩϩⲱⲥ. ⲁⲓⲟⲩⲱϣ ⲛ̇ⲧⲁⲧⲁⲛϧⲟ ⲛ̇ⲛⲁⲛⲟⲩⲛⲓ. ⲁⲓⲟⲩⲱⲣⲡ ⲛ̇ϩⲁⲛⲥϧⲁⲓ ⲛ̇ϫⲓϫ ⲉⲑⲃⲉ ϩⲁⲛⲕⲉⲙⲏϣ ⲛ̇ⲣⲱⲙⲓ ⲛ̇ⲧⲉⲛⲥⲁϫⲓ ⲛⲉⲙ ⲛⲉⲛⲉⲣⲏⲟⲩ ϧⲉⲛ ϯⲙⲉⲑⲣⲉⲙⲛ̄ⲭⲏⲙⲓ.

ϧⲉⲛ ⲧⲁⲙⲉⲧⲁⲗⲟⲩ ⲫⲣⲉϥϯⲥⲃⲱ ⲛϯⲁⲥⲡⲓ ⲛⲣⲉⲙⲛ̀ⲭⲏⲙⲓ ⲁϥⲧⲁⲙⲟⲛ ϫⲉ ⲧⲉⲛⲁⲥⲡⲓ ⲥ̇ⲟⲛⲓ ⲛⲟⲩⲛⲓϣϯ ⲛ̇ⲁϩⲟ ⲛⲛⲟⲩⲃ ⲉⲧⲁ ⲧⲉⲛⲙⲁⲩ ⲭⲁⲥ ⲛⲁⲛ ⲉⲛⲉⲁⲣⲉϩ ⲉⲣⲟϥ. ⲡⲉϫⲁϥ ϫⲉ ⲉⲣⲉ ⲡⲥⲟⲗⲥⲉⲗ ⲙ̇ⲡⲓⲣⲉⲙⲛ̇ⲭⲏⲙⲓ ⲙ̇ⲙⲏⲓ ⲡⲉ ⲡⲉϥⲗⲁⲥ ⲛ̇ⲣⲉⲙⲛ̇ⲭⲏⲙⲓ. ⲙⲉⲛⲉⲛⲥⲁ ⲟⲩⲁⲃⲟⲧ ⲥ̇ⲛⲁⲩ ⲛⲁⲓⲱϣ ⲡⲉ ⲉϯⲯⲁⲗⲙⲟⲇⲓⲁ ϧⲉⲛ ϯⲙⲉⲑⲣⲉⲙⲛ̀ⲭⲏⲙⲓ.

ϧⲉⲛ ⲡϫⲓⲛⲑⲱⲟⲩϯ ⲛⲛⲓϧⲉⲗϣⲓⲣⲓ ⲁⲓϫⲉⲛⲉⲛ ⲛ̇ⲛⲓϩⲩⲙⲛⲟⲥ ⲉⲛⲟⲩⲣⲁⲛ ⲛⲉ ⲡⲉⲕⲑⲣⲟⲛⲟⲥ ⲛⲉⲙ ⲭⲉⲣⲉ ⲛⲉ ⲙⲁⲣⲓⲁ. ⲡⲓⲣⲉϥϫⲱ ⲉⲧⲁϥϯⲧⲟⲧϥ ⲛⲏⲓ ⲁϥⲧⲁⲙⲟⲓ ϧⲁ ⲫⲗⲁⲥ ⲛⲁⲡⲁⲥ.

ⲁϥϣⲁⲛ ⲡⲓⲟⲩⲱⲓⲛⲓ ϣⲁⲓ ⲉϫⲉⲛ ⲛⲓⲣⲁⲥⲟⲩⲓ ϯⲙⲉⲑⲙⲏⲓ ⲛⲉϩⲥⲓ ⲛⲛⲓⲙⲕⲁⲩϩ ⲛ̀ϩⲏⲧ. ⲉⲧⲁⲩⲓⲛⲓ

ⲛ̇ⲟⲩⲕⲟⲩⲙⲡⲓⲟⲩⲧⲉⲣ (ηλεκτρονικός υπολογιστής) ⲉⲡⲏⲓ ⲁⲓⲧⲁⲕⲟ ⲙ̇ⲙⲟϥ ⲉⲓϭⲱⲛⲧ ⲛⲧⲁⲥϧⲁⲓ ⲛ̇ⲧⲁⲁⲥⲡⲓ. ⲉⲡϧⲁⲉ ⲁⲓⲉⲣϣⲁⲩ. ⲟⲩⲣⲉϥϣⲉⲙϣⲓ ⲁⲥⲥϧⲁⲓ ⲙⲫⲃⲓⲟⲥ ⲛϯⲁⲅⲓⲁ ⲧⲩⲙⲓⲁⲛⲏ. ⲁⲓⲥϧⲏⲧϥ ϩⲓ ⲡⲓⲕⲟⲩⲙⲓⲟⲧⲉⲣ. ⲕⲉ ⲡⲁⲗⲓⲛ ⲟⲛ ⲁⲓⲥⲉⲙⲛⲓ

ⲙ̇ⲡⲓⲙⲟⲥⲓⲕⲟⲛ ⲟⲩⲟϩ ⲁⲓϫⲉⲛϫⲉⲛ ⲙⲙⲟϥ ϩⲓ ⲡⲓⲑⲓⲁⲧⲏⲣⲟⲛ.

ⲙⲉⲛⲉⲛⲥⲁ ⲟⲩⲣⲟⲙⲡⲓ, ⲁⲓϫⲉⲛϫⲉⲛ ⲛ̇ϩⲁⲛⲕⲉϩⲩⲙⲛⲟⲥ ⲛⲉⲙ ⲟⲩⲭⲱⲣⲟⲥ ϧⲉⲛ ϯⲙⲉⲑⲣⲉⲙⲛ̀ⲭⲏⲙⲓ

ⲁⲓⲱϣ ⲛⲟⲩϫⲱⲙ ϧⲁ ϯϩⲓⲥⲧⲟⲣⲓⲁ ⲛ̇ϯⲁⲥⲡⲓ ⲛⲣⲉⲙⲛ̀ⲭⲏⲙⲓ. ⲓⲥϫⲉⲛ ⲡⲁⲓⲥⲏⲟⲩ. ⲁⲓϭⲓⲥⲃⲱ ϧⲉⲛ ⲟⲩⲛⲓϣϯ ⲛ̇ϣⲣⲱⲓⲥ ⲛ̇ⲧⲁⲁⲥⲡⲓ. ⲁⲓⲥϧⲁⲓ ⲙⲡⲁⲃⲓⲟⲥ ϧⲉⲛ ϯⲙⲉⲑⲣⲉⲙⲛ̀ⲭⲏⲙⲓ. ϧⲉⲛ ⲡⲓⲉϫⲱⲣϩ ⲛⲁⲓⲥϧⲁⲓ ⲙ̇ⲫⲏⲉⲧⲁϥϣⲱⲡⲓ ϧⲉⲛ ⲡⲓⲉϩⲟⲟⲩ

ⲧⲏⲣϥ ϧⲉⲛ ⲧⲁⲓⲁⲥⲡⲓ ⲑⲁⲓ. ⲁⲓⲉⲣϩⲏⲧⲥ ⲛ̇ⲧⲁϣⲗⲏⲗ ⲟⲩⲟϩ ⲱϣ ϧⲉⲛ ⲡⲓϫⲱⲙ ⲉⲑⲟⲩⲁⲃ ⲟⲩⲟϩ ⲥϧⲁⲓ ⲛ̇ϩⲁⲛϫⲓⲛⲥⲟⲙⲥ ϧⲉⲛ ⲧⲁⲁⲥⲡⲓ. ⲁⲓ̇ⲓⲉϩⲣⲉⲛ ⲟⲩⲥⲁϧ ⲉⲧⲁϥϯⲕⲁϯ ⲛⲏⲓ ϫⲉ ⲉⲓⲉⲕⲱϯ ⲛⲥⲁ ϯⲙⲉⲑⲣⲉⲙⲛ̀ⲭⲏⲙⲓ ⲉⲧⲑⲟⲙⲥ ϧⲉⲛ ⲡⲁⲥⲛⲟϥ.

ⲙⲉⲛⲉⲛⲥⲁ ϣⲟⲙⲧ ⲛⲁⲃⲟⲧ, ⲁⲓⲉⲣⲧⲉⲗⲉⲫⲱⲛⲓⲛ ⲛ̇ⲟⲩⲛⲓϣϯ ⲛⲥⲁϧ ϧⲉⲛ ϯⲁⲥⲡⲓ ⲛ̇ⲣⲉⲙⲛ̀ⲭⲏⲙⲓ ⲉⲡⲉϥⲣⲁⲛ ⲡⲉ ⲛⲁⲃⲓⲗ ⲙⲓⲭⲁⲏⲗ ⲙⲁⲣⲕⲟⲥ ⲟⲩⲟϩ ⲁⲛϯⲙⲁϯ ⲛ̇ⲧⲁⲥⲁϫⲓ ⲛⲉⲙⲁϥ ϧⲉⲛ ϯⲙⲉⲑⲣⲉⲙⲛ̀ⲭⲏⲙⲓ. ⲛⲉ ϣⲁⲓⲣⲱⲓⲥ ϣⲁ ⲧⲫⲁϣⲓ ⲙ̇ⲡⲓⲉϫⲱⲣϩ ⲛ̇ⲧⲁⲥⲁϫⲓ ⲛⲉⲙⲁϥ ⲙ̇ⲙⲏⲧ ⲛ̇ⲥⲟⲩⲥⲟⲩ. ⲁⲗⲗⲁ ⲛⲁⲓⲕⲟⲩϫⲓ ⲛⲥⲟⲩⲥⲟⲩ ⲛⲁⲩⲟⲓ ⲛⲟⲩⲛⲓϣϯ ⲛ̇ⲧⲁⲓⲟ ϫⲉ ⲡⲁⲓⲛⲓϣϯ ⲛⲥⲁϧ

ⲁϥϯⲙⲁϯ ⲛⲧⲉϥⲧⲥⲁⲃⲟⲓ ⲛ̇ⲧⲁⲥⲁϫⲓ.

ⲁⲓⲉⲣϩⲏⲧⲥ ⲛⲧⲁϭⲓⲥⲃⲱ ⲉϯⲙⲉⲑⲣⲉⲙⲛ̀ⲭⲏⲙⲓ ϧⲉⲛ ⲡⲓⲙⲁⲛϯⲥⲃⲱ ⲛ̇ⲧⲉ ⲛⲓⲥⲃⲱⲟⲩⲓ ⲛⲣⲉⲙⲛ̀ⲭⲏⲙⲓ ⲁⲓⲓ̇ⲉϩⲣⲉⲛ ϩⲁⲛⲛⲓϣϯ ⲛ̇ⲥⲁϧ ⲁⲩⲧⲥⲁⲃⲟⲓ ⲛⲧⲁⲱϣ, ⲥϧⲁⲓ ⲟⲩⲟϩ ⲥⲁϫⲓ ⲁⲩⲣⲁⲟⲩⲱ ⲛϩⲁⲛϫⲓⲛⲑⲱⲟⲩϯ. ⲟⲩⲟϩ ⲁⲛⲥϧⲁⲓ ⲧⲏⲣⲉⲛ ϧⲉⲛ ϯⲙⲉⲑⲣⲉⲙⲛ̀ⲭⲏⲙⲓ ⲛ̇ⲁⲃⲟⲧ ⲛⲓⲃⲉⲛ. ⲡⲓⲥⲁϧ ⲕⲁⲙⲁⲗ ϥⲁⲣⲓⲇ ⲑⲁϩⲙⲉⲛ ⲛ̇ⲧⲉⲛⲥⲁϫⲓ ⲛ̇ⲥⲏⲟⲩ ⲛⲓⲃⲉⲛ ⲛⲉⲙ ⲛⲉⲛⲉⲣⲏⲟⲩ ⲙ̇ⲡⲁϯϭⲓϧⲟⲧϧⲉⲧ ϧⲉⲛ ⲡⲓⲙⲁⲛϯⲥⲃⲱ ⲛⲧⲉ ⲛⲓⲥⲃⲱⲟⲩⲓ ⲛ̇ⲣⲉⲙⲛ̀ⲭⲏⲙⲓ. ⲁⲩϣⲓⲃϯ ⲛ̇ⲓⲛⲟⲙⲟⲥ ⲁⲩϩⲟⲛϩⲉⲛ ⲛⲏⲓ ⲛⲧⲁϣⲧⲉⲙϭⲓϧⲧⲟϧⲉⲧ.

ϩⲓ ⲡⲓⲓⲛⲧⲉⲣⲛⲉⲧ(ⲇⲓⲁⲇⲓⲕⲧⲩⲟ), ⲁⲛⲟⲕ ⲛⲉⲙ ⲟⲩϣⲫⲏⲣ ⲛ̇ⲧⲏⲓ ⲁⲛⲉⲣⲟⲩϫⲓⲛⲑⲱⲟⲩϯ ⲉⲑⲃⲉ ⲡϫⲓⲛⲥⲁϫⲓ ϧⲉⲛ ⲧⲉⲛⲁⲥⲡⲓ ⲁⲥⲣⲱⲧ ϩⲓⲟⲩⲕⲁϩⲓ ⲉϥⲟⲃⲓ ⲁⲥⲁⲓⲁⲓ ϧⲉⲛ ⲡⲓⲭⲁⲕⲓ ⲁⲥⲧⲥⲁⲃⲟⲛ ⲙ̀ⲡϫⲓⲛϭⲓϣϣⲱⲟⲩ ⲛⲏⲉⲧⲥⲁϫⲓ ⲛϯⲙⲉⲑⲣⲉⲙⲛ̀ⲭⲏⲙⲓ ⲉⲡⲉϥⲣⲁⲛ ⲡⲉ ⲣⲉⲙⲉⲛⲭⲏⲙⲓ. ⲁⲛⲟⲩⲱⲣⲡ ⲛ̇ϩⲁⲛⲉⲡⲓⲥⲧⲟⲗⲏ ⲟⲩⲟϩ ⲁⲛⲱϣ.

ⲟⲩⲣⲉⲙⲣⲏⲥ ⲁϥⲥⲁϫⲓ ⲛⲉⲙⲏⲓ ϧⲁ ⲫⲗⲁⲥ ⲛⲁⲡⲁⲥ. ⲟⲩⲟϩ ⲛ̇ⲁϣ ⲛⲣⲏϯ ⲁϥⲥⲟⲑⲙⲉϥ ϧⲉⲛ ⲡⲉϥϯⲙⲓ ⲉⲛⲁϥⲟⲓ ⲛⲟⲩⲕⲟⲩϫⲓ ⲛⲁⲗⲟⲩ. ⲧⲉϥⲥⲱⲛⲓ ⲙⲁⲩ ⲛⲉ ⲡⲉⲥⲣⲁⲛ ⲡⲉ ⲥⲉⲙⲛⲉ ⲟⲩⲟϩ ⲡⲉⲥⲛⲟϫ ⲙ̇ⲙⲁⲩ ⲛⲉ ⲡⲉⲥⲣⲁⲛ ⲡⲉ ⲡⲣⲉⲥⲃⲓⲁ.

ⲁⲓⲉⲣϩⲏⲧⲥ ⲛⲧⲁⲕⲱϯ ⲛ̇ⲥⲁ ⲫⲗⲁⲥ ⲛⲁⲡⲁⲥ ⲟⲩⲟϩ ⲙⲉⲛⲉⲛⲥⲁ ⲟⲩⲕⲟⲩϫⲓ ⲛ̇ⲥⲏⲟⲩ ⲁⲓϣⲉⲛⲏⲓ ⲉⲡⲓⲙⲁⲛϯⲥⲃⲱ ⲛ̇ϯⲁⲥⲡⲓ ⲛⲣⲉⲙⲛ̀ⲭⲏⲙⲓ. ⲁⲓⲓ̇ⲉϩⲣⲉⲛ ⲟⲩⲛⲓϣϯ ⲛⲥⲁϧ ⲉⲡⲉϥⲣⲁⲛ ⲡⲉ ϣⲁϥⲓⲕ ⲇⲉⲙⲓⲁⲛ. ⲁϥⲧⲥⲁⲃⲟⲓ ⲛ̇ⲧⲁⲥⲁϫⲓ ϧⲉⲛ ⲫⲗⲁⲥ ⲛⲁⲡⲁⲥ ϧⲉⲛ ⲟⲩⲙⲟⲑⲛⲉⲥ ⲟⲩⲟϩ ⲁϥⲧⲥⲁⲃⲟⲓ ⲟⲛ ⲛ̇ⲧⲁⲙⲉⲩⲓ ϧⲉⲛ ϯⲙⲉⲑⲣⲉⲙⲛ̀ⲭⲏⲙⲓ. ⲁⲓϫⲱⲕ ⲉⲃⲟⲗ ⲙⲡⲓϭⲟϫⲓ ⲛ̇ⲧⲉ ⲡⲓⲥϧⲓ ⲛ̇ⲭⲏⲙⲓ, ⲥⲁϫⲓ ⲟⲩⲟϩ ⲁⲓϫⲱⲕ ⲉⲃⲟⲗ ⲛⲛⲓⲱϣ ⲛⲧⲉ ⲡⲓϭⲟϫⲓ ⲛⲧⲉ ⲡⲓⲥϧⲓ ⲛ̇ⲥⲙⲟⲩ ⲉⲫϯ. ⲁⲗⲗⲁ ⲉⲧⲁⲓⲉⲣϩⲏⲧⲥ ⲛⲧⲁⲉⲣϩⲱⲃ ⲛⲉ ⲙ̇ⲙⲟⲛϯ ⲥⲏⲟⲩ ⲛ̇ⲧⲁϫⲟⲕϥ ⲉⲃⲟⲗ ⲉⲡⲧⲏⲣϥ.

ⲁⲓϭⲓⲥⲃⲱ ⲉϯⲙⲉⲑⲣⲉⲙⲛ̇ⲭⲏⲙⲓ ⲉⲃⲟⲗϩⲓⲧⲟⲧⲟⲩ ⲙ̇ⲡⲓⲥⲏⲓⲛⲓ ⲕⲁⲙⲁⲗ ⲓⲥⲁⲁⲕ ⲛⲉⲙ ⲡⲓⲥⲏⲓⲛⲓ ⲛⲁⲃⲓⲗ ⲙⲓⲭⲁⲏⲗ ⲙⲁⲣⲕⲟⲥ ⲛⲉⲙ ⲧⲥⲱⲛⲓ ⲙⲁϫⲇⲁ ⲛⲉⲙ ⲡⲓⲟⲩⲏⲃ ⲥⲧⲉⲫⲁⲛⲟⲥ ⲅⲁⲃⲣⲓⲏⲗ. ⲙⲉⲛⲉⲛⲥⲁ ⲫⲁⲓ ⲁⲓ ⲥⲱⲧⲉⲙ ϧⲁ ϯϫⲓⲛⲥⲁϫⲓ ⲛ̇ⲁⲡⲁⲥ. ⲉⲧⲁⲓⲥⲱⲧⲉⲙ ⲉϯϫⲓⲛⲥⲁϫⲓ ⲛ̇ⲁⲡⲁⲥ ⲁⲓⲑⲉⲗⲏⲗ ⲙ̇ⲙⲟⲓ ⲉⲙⲁϣⲱ. ⲁⲓϭⲓⲥⲃⲱ ϧⲁⲧⲟⲧϥ ⲙ̇ⲫⲛⲏⲃ ϣⲁϥⲓⲕ ⲇⲁⲙⲓⲁⲛ. ⲁⲓⲙⲉⲛⲣⲉ ϯϫⲓⲛⲥⲁϫⲓ ⲛ̇ⲁⲡⲁⲥ ⲟⲩⲟϩ ϣⲁⲓⲥⲁϫⲓ ϧⲉⲛ ⲫⲗⲁⲥ ⲛ́ⲁⲡⲁⲥ ⲛⲉⲙ ⲛⲁϣⲫⲏⲣ ⲛⲁⲓⲟϯ ⲛⲁⲩⲱⲛϧ ϧⲉⲛ ⲡⲛⲟⲩⲃ ϧⲉⲛ ⲙⲁⲣⲏⲥ.

ϯⲥⲁϫⲓ ⲛ̇ϯⲁⲥⲡⲓ ⲛ̇ⲣⲉⲙⲛ̇ⲭⲏⲙⲓ ϫⲉ ⲑⲁⲓ ⲧⲉ ⲧⲁⲁⲥⲡⲓ. ⲁⲓⲥϧⲁⲓ ⲛ̇ϩⲁⲛϫⲱ ϧⲉⲛ ϯⲙⲉⲑⲣⲉⲙⲛ̇ⲭⲏⲙⲓ.

ⲁⲓϭⲓϣϣⲱⲟⲩ ⲉⲛⲟⲩⲥϧⲁⲓ ⲛ̇ϫⲓϫ. ⲁⲓⲥⲱⲟⲩⲛ ϫⲉ ⲟⲩⲟⲛ ϩⲁⲛⲙⲏϣ ⲛ̇ⲣⲱⲙⲓ ⲉⲩⲟⲱϣ ⲛ̇ⲧⲟⲩⲧⲁⲛϧⲟ ⲛ̇ϯⲙⲉⲑⲣⲉⲙⲛ̄ⲭⲏⲙⲓ ⲛ̇ⲑⲟϥ ⲙ̇ⲙⲟⲛϣϫⲟⲙ ⲙ̇ⲙⲱⲟⲩ. ⲁⲓⲓ̇ ⲉϩⲣⲁⲥ ⲛ̇ϯϫⲓⲛⲥⲁϫⲓ ⲛ̇ⲁⲡⲁⲥ. ⲁⲓⲕⲱϯ ⲛ̇ⲥⲁ ⲛⲓϧⲣⲱⲟⲩ ⲛ̇ⲧⲉ ⲛⲓⲕⲁⲡ ⲛ̇ⲣⲉⲙⲛ̇ⲭⲏⲙⲓ ⲟⲩⲟϩ ⲁⲓⲣⲁϣⲓ ϫⲉ ⲟⲩⲟⲛ ϣ̣̇ϫⲟⲙ ⲙ̇ⲙⲙⲟⲓ ⲛ̇ⲧⲁⲥⲁϫⲓ ⲛ̇ⲧⲁⲁⲥⲡⲓ ⲙ̇ⲫⲣⲏϯ ⲛ̇ⲛⲁⲓⲟϯ. ⲁⲩⲧⲁⲙⲟⲓ ϫⲉ ϩⲱϯ ⲛ̇ⲧⲉⲛⲥⲁϫⲓ ⲛϯϫⲓⲛⲥⲁϫⲓ ⲙ̇ⲃⲉⲣⲓ ⲡⲉϫⲏⲓ ⲛⲱⲟⲩ ϫⲉ ⲙ̇̀ⲙⲟⲛ ϣ̇ϫⲟⲙ ⲙ̇ⲙⲟⲛ ⲛ̇ⲧⲉⲛϣⲓⲃϯ ⲉⲡⲉⲛⲗⲁⲥ.

ⲙ̇ⲡⲁⲓϥⲓⲣⲱⲟⲩϣ ϧⲁ ⲛⲓⲫⲓⲣⲓ ⲛ̇ⲁⲡⲁⲥ ϧⲁ ⲫⲙⲟⲩ ⲛ́ϯⲙⲉⲑⲣⲉⲙⲛ́ⲭⲏⲙⲓ ϫⲉ ⲫⲏⲉⲧⲁϥϣⲱⲡⲓ ⲁϥϣⲱⲡⲓ. ⲙ̇ⲙⲟⲛϩⲏⲟⲩ ⲛ̇ⲧⲁϯϩⲁⲡ ⲙ̇ⲫⲏⲉⲧⲁϥϣⲱⲡⲓ. ⲙⲁⲣⲓⲧⲥⲉ ⲧⲁⲁⲥⲡⲓ ϫⲉ ⲛ̇ⲧⲉⲥⲫⲓⲣⲓ ⲟⲩⲟϩ ⲛ̇ⲧⲁϭⲓϧⲏⲓⲃⲓ ⲥⲁⲡⲉⲥⲏⲧ ⲙ̇ⲡⲉⲥϣ̇ϣⲏⲛ.

ϯⲥⲱⲟⲩⲛ ϫⲉ ⲙ̇ⲙⲟⲛ ϣ̇ϫⲟⲙ ⲙ̇ⲙⲟⲓ ⲛ̇ⲧⲁⲧⲁⲛϧⲟ ⲛ́ⲑⲏⲉⲧⲁⲥⲙⲟⲩ ⲛ̇ⲑⲟϥ ⲟⲩⲟⲛ ϣ̇ϫⲟⲙ ⲙ̇ⲙⲟⲓ ⲛ̇ⲧⲁⲙⲉⲓ ⲙ̇ⲙⲟⲥ ⲟⲩⲟϩ ⲟⲩⲱⲣⲡ ⲛ́́ⲛⲁⲥϧⲁⲓ ⲛ̇ϫⲓϫ. ⲧⲁⲁⲥⲡⲓ ⲥⲱⲛϧ ⲛ̇ϩⲣⲏⲓ ⲛ̇ϧⲏⲧ.

ⲙⲏⲓⲥ ⲛ̇ⲣⲉⲙⲛ̇ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ϧⲉⲛⲥⲟⲩⲓ̄ⲃ̄ ⲙ̇ⲡⲓⲁⲃⲟⲧ ⲙⲉⲭⲱⲣⲏ ⲁ̣ⲯ̄ⲗ̄ⲅ̄ ⲙ̇⳥̀ ⲡⲉϣⲉⲛϯ ⲡⲉⲧⲥϧⲁⲓ ⲙ̇ⲫⲛⲏⲃ ⲉⲧⲧⲁⲓⲏⲟⲧ ⲙⲁⲣⲕⲟⲥ ⲓⲟⲥⲧⲟⲥ ϫⲉ ⲁⲓⲥⲱⲧⲉⲙ ⲉⲡⲉⲕⲭϧⲉⲥⲙⲏ ⲟⲩⲟϩ ⲁⲓⲱϣ ⲙ̇ⲡⲉⲕⲥϧⲓⲛ̇ϫⲓϫ ⲙ̇ⲫⲟⲟⲩ. ϯⲟⲩⲉⲙϩⲑⲏⲓ. ϯⲥⲱⲟⲩⲛ ϫⲉ ⲕⲙⲟⲕϩ ⲛ̇ϩⲏⲧ. ϯⲙⲕⲁϩⲛ̇ϩⲏⲧ ⲛⲉⲙⲁⲕ. ⲙ̇ⲡⲓⲛⲁⲩ ⲉⲣⲟⲥ ⲁⲗⲗⲁ ϯⲛⲁϩϯ ϫⲉ ⲛⲉ ⲟⲩⲟⲛ ⲟⲩⲛⲓϣϯ ⲙ̇ⲙⲁⲩ ⲛⲉⲙⲁⲛ ϫⲉ ⲁⲥϫⲫⲟ ⲛ̇ⲟⲩⲛⲓϣϯ ⲛ̇ⲣⲱⲙⲓ ⲛ̇ⲣⲉⲙⲛ̇ⲭⲏⲙⲓ ⲙ̇ⲙⲏⲓ ⲙ̇ⲡⲉⲕⲣⲏϯ. ⲙⲁⲣⲉⲕϭⲓⲛⲟⲙϯ ϫⲉ ⲁⲥⲉⲣⲡⲉⲥϩⲱⲃ ⲉⲡⲧⲏⲣϥ ⲁⲥⲧⲁϩⲟ ⲙ̇ⲡⲓⲙⲁⲛⲫⲟϩ ⲛ̇ⲧⲉ ⲡⲉⲥⲱⲛϧ ϧⲉⲛ ⲟⲩϫⲱⲕ ⲉⲃⲟⲗ. ⲕⲁⲧⲁ ⲫⲣⲏϯ ⲑⲕⲁϩⲥ ⲛ̇ⲧⲉ ⲛⲉⲛⲓⲟϯ ⲉ̄ⲑ̄ⲩ̄ ⲉⲓⲉϫⲟⲥ ⲛⲁⲕ ϫⲉ ⲫϯ ⲉϥⲉϯⲛⲟⲙϯ ⲛⲁⲕ ⲟⲩⲟϩ ⲉϥⲉⲧⲁϫⲣⲟⲕ, ⲙⲁⲣⲉ ⲫϯ ϣⲱⲡⲓ ⲛⲉⲙⲁⲕ ⲁⲥⲙ̇ⲧⲟⲛ ϧⲉⲛ ⲟⲓⲡⲁⲣⲁⲇⲓⲥⲟⲥ ⲛ̇ⲧⲉ ⲡⲉⲛⲉϩ ϧⲉⲛ ⲕⲉⲛⲥ ⲛ̇ⲛⲉⲛⲓⲟϯ ⲉ̄ⲑ̄ⲩ̄

ⲧⲁⲁⲥ ⲙ̇ⲙⲁⲣⲕⲟⲥ ϩⲓⲧⲉⲛ ⲓⲁϩⲟⲩⲅⲣⲟⲩⲯ

ϧⲉⲛⲥⲟⲩⲓ̄ⲅ̄ ⲙ̇ⲡⲓⲁⲃⲟⲧ ⲙⲉⲥⲱⲣⲏ ⲁ̣ⲯ̄ⲗ̄ⲅ̄ ⲙ̇ⲙⲁⲣⲧⲩⲣⲟⲥ

ⲡⲉϣⲉⲛϯ ⲡⲉⲧⲥϧⲁⲓ ⲛ̇ⲣⲉⲙⲛ̇ⲭⲏⲙⲓ ϫⲉ ϣⲟⲣⲡ ⲙⲉⲛ ϯⲥⲓⲛⲓ ⲉⲣⲱⲧⲉⲛ. ϯϣⲉⲡϩⲙⲟⲧ ⲛ̇ⲧⲟⲧⲕ ⲫⲛⲏⲃ ⲙⲁⲣⲕⲟⲥ ⲉⲑⲃⲉ ⲛⲉⲕϧⲓⲥⲓ ϣⲁⲕⲃⲱⲗ ⲛ̇ⲏⲁⲛⲙⲏϣ ⲛ̇ϫⲱ ⲉϯⲙⲉⲑⲣⲉⲙⲛ̇ⲭⲏⲙⲓ. ⲁⲛⲟⲕ ϩⲱ ⲁⲓϭⲱⲛⲧ ⲛ̇ⲧⲁⲥϧⲁⲓ ⲛ̇ϩⲁⲛⲯⲁⲗⲓ ⲛⲉⲙ ϩⲁⲛⲇⲟⲝⲟⲗⲟⲅⲓⲁ ⲛⲉⲙ ϩⲁⲛⲏⲩⲙⲛⲟⲥ ⲟⲩⲟϩ ⲁⲓⲃⲱⲗ ⲛ̇ϩⲁⲛϩⲩⲙⲛⲟⲥ ⲉϯⲙⲉⲑⲣⲉⲙⲛ́ⲭⲏⲙⲓ ⲁⲓⲁⲓⲧⲟⲩ ⲛ̇ⲟⲩϫⲱⲙ

https://www.kobo.com/gb/en/ebook/under-the-dome-9

ⲙⲏⲓⲥ ⲛ̇ⲣⲉⲙⲛ̇ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ϧⲉⲛⲥⲟⲩⲓ̄ⲉ̄ ⲙ̇ⲡⲓⲁⲃⲟⲧ ⲙⲉⲥⲱⲣⲏ ⲁ̣ⲯ̄ⲗ̄ⲅ̄ ⲙ̇ⲙⲁⲣⲧⲩⲣⲟⲥ

ⲡⲉϣⲉⲛϯ ⲡⲉⲧⲥϧⲁⲓ ⲛ̇ⲣⲉⲙⲛ̇ⲭⲏⲙⲓ ϫⲉ ϣⲟⲣⲡ ⲙⲉⲛ ϯϣⲓⲛⲓ ⲉⲣⲱⲧⲉⲛ. ϯϣⲉⲡϩⲙⲟⲧ ⲛ̇ⲧⲟⲧⲕ ⲉⲙⲁϣⲱ ⲫⲛⲏⲃ ⲉⲧⲧⲁⲓⲏⲟⲩⲧ ⲙⲁⲣⲕⲟⲥ ⲉⲑⲃⲉ ⲡⲉⲕⲥϧⲁⲓ ⲛ̇ϫⲓϫ ⲛⲉⲙ ⲧⲉⲕⲥⲟⲫⲓⲁ. ϣⲁⲓⲧⲱⲛⲧ ⲙ̇ⲫⲛⲁⲩ ⲛ̇ϣⲟⲣⲡ ⲉⲓⲙⲟⲕⲙⲉⲕ ⲉⲓϣⲓⲛⲓ ⲙ̇ⲙⲓⲛ ⲙ̇ⲙⲟⲓ ϫⲉ ⲛⲓⲙ ⲡⲉⲑⲛⲁⲱϣ ⲛ̇ⲛⲁⲥϧⲁⲓ ⲛ̇ϫⲓϫ. ⲧⲉⲛⲁⲥⲡⲓ ⲁⲥⲙⲟⲩ ⲓⲥϫⲉⲛ ϩⲁⲛⲙⲏϣ ⲛ̇ⲣⲟⲙⲡⲓ ⲙ̇ⲡⲁⲧⲟⲩⲙⲁⲥⲧ. ⲁⲣⲏⲟⲩ ⲁⲥⲙⲟⲩ ⲓⲥϫⲉⲛ ⲧ̇ ⲛ̇ⲣⲟⲙⲡⲓ ϧⲉⲛ ⲡⲉⲙϩⲓⲧ. ϧⲉⲛ ⲡⲁⲓⲥⲏⲟⲩ ⲫⲁⲓ ϧⲉⲛ ϯⲉⲕⲕⲗⲏⲓⲥⲓⲁ ⲛ̇ⲣⲉⲙⲛ̇ⲭⲏⲙⲓ ⲛ̇ⲟⲣⲑⲟⲇⲟⲝⲟⲥ ϣⲁⲩⲃⲱⲗ ⲛ̇ϩⲁⲛⲇⲟⲝⲟⲗⲟⲅⲓⲁ ⲛⲉⲙ ϩⲁⲛⲯⲁⲗⲓ ⲛⲉⲙ ϯⲁⲛⲁⲫⲟⲣⲁ ⲉϩⲁⲛⲕⲉⲁⲥⲡⲓ ⲛ̇ⲗⲁⲥ ϫⲉ ϩⲓⲛⲁ ⲛ̇ⲧⲉ ⲡⲓⲗⲁⲟⲥ ⲛ̇ⲭⲣⲓⲥⲧⲓⲁⲛⲟⲥ ⲕⲁϯ ⲟⲩⲟϩ ϣⲗⲏⲗ ⲛⲉⲙ ⲛⲓⲇⲓⲁⲕⲱⲛ ⲁⲗⲗⲁ ⲁⲩϣⲁⲛⲙⲟⲩⲛ ⲉⲃⲟⲗ ⲛ̇ⲧⲟⲩⲃⲱⲗ ⲛ̇ⲛⲁⲓϩⲩⲙⲛⲟⲥ ⲧⲉⲛⲁⲥⲡⲓ ⲛⲁⲙⲟⲩⲛⲕ ⲉⲡⲧⲏⲣϥ ϧⲉⲛ ϯⲉⲕⲕⲗⲯⲥⲓⲁ ϧⲉⲛ ⲣ̇ ⲛ̇ⲣⲟⲙⲡⲓ.

ⲛⲏⲉⲧⲕⲁϯ ⲉϯⲙⲉⲑⲣⲉⲙⲛ̇ⲭⲏⲙⲓ ⲛⲉ ⲛⲓⲣⲉⲙⲛ̇ⲭⲏⲙⲓ ⲉⲑⲙⲉⲓ ⲙ̇ⲙⲟⲥ ⲉⲧⲁⲩϣⲉⲡϧⲓⲥⲓ ⲛ̇ⲧⲟⲩϭⲓⲥⲃⲱ ⲙ̇ⲙⲟⲥ ⲛⲉⲙ ⲛⲓⲥⲁϧ ⲉⲧϭⲓⲥⲃⲱ ⲛ̇ⲛⲓⲥϧⲓ ⲛ̇ϫⲓϫ ⲛ̇ⲁⲡⲁⲥ ϧⲉⲛ ⲛⲓⲁⲛⲍⲏⲃ ⲉⲧϭⲟⲥⲓ ⲛⲉⲙ ⲛⲓⲙⲁⲛϯⲥⲃⲱ ⲛ̇ⲧⲉ ⲡⲓⲑⲟ. ⲟⲩⲟⲛ ϩⲁⲛⲛⲓϣϯ ⲛ̇ⲣⲉϥϯⲥⲃⲱ ⲛⲉⲙ ϩⲁⲛⲥⲁϧ ⲟⲩⲟϩ ⲟⲩⲟⲛ ϩⲁⲛⲗⲉⲝⲓⲕⲟⲛ. ⲁⲛⲟⲕ ⲟⲩⲣⲉϥϯⲥⲃⲱ ⲁⲛ ⲡⲉ. ⲉⲁⲓϥⲓⲣⲱⲟⲩϣ ⲛ̇ⲧⲉ ⲛⲓⲣⲱⲙⲓ ⲕⲁϯ ⲉⲛⲁⲥⲁϫⲓ ⲛⲁⲓⲛⲁⲥϧⲏⲧⲟⲩ ⲡⲉ ϧⲉⲛ ⲟⲩⲕⲉⲁⲥⲡⲓ. ⲧⲁⲁⲥⲡⲓ ⲡⲉ ⲡⲓⲙⲁⲛⲫⲟϩ ⲡⲉⲧⲁⲓⲥϧⲏⲧϥ ⲧⲏⲣϥ ⲙⲁⲣⲟⲩⲉⲣⲡⲱϥⲱⲃϣ ⲟⲩⲟϩ ⲙⲁⲣⲉϥⲙⲟⲩⲛⲕ ϫⲉ ⲛ̇ⲧⲉ ⲧⲉⲛⲁⲥⲡⲓ ⲧⲱⲛⲕ.

ⲟⲩⲧⲉ ⲛⲓⲕⲉⲁⲥⲡⲓ ⲛ̇ⲗⲁⲥ ⲧⲉⲛⲁⲥⲡⲓ ⲁⲥⲙⲟⲩ ⲓⲥϫⲉⲛ ⲟⲩⲥⲏⲟⲩ. ⲧⲉⲛⲁⲥⲡⲓ ⲉⲥⲟⲛϧ ⲛ̇ϧⲣⲏⲓ ⲛ̇ϧⲏⲧ. ⲧⲁⲁⲥⲡⲓ ⲥϯⲁⲟⲩⲁⲛ ⲛ̇ⲛⲁⲣⲁⲥⲟⲩⲓ. ⲡⲁⲙⲁⲛⲛⲫⲟϩ ⲡⲉ ⲛ̇ⲧⲁⲱⲛϧ ⲛ̇ⲟⲩⲣⲱⲙⲓ ⲛ̇ⲣⲉⲙⲛ̇ⲭⲏⲙⲓ ⲙ̇ⲙⲏⲓ. ⲁϥϣⲁⲛ ϭⲓⲙⲱⲓⲧ ϧⲁϫⲱⲓ ⲛ̇ϫⲉ ⲟⲩⲣⲱⲙⲓ ϯⲛⲁⲟⲩⲟⲛⲟϥ ⲙ̇ⲙⲟⲓ. ⲁⲣⲉϣⲑⲉⲙ ⲟⲩϩⲗⲓ ⲱϣ ⲓⲉ ϥⲓⲣⲱⲟⲩϣ ⲉϯⲙⲉⲑⲣⲉⲙⲛ̇ⲭⲏⲙⲓ ⲛ̇ϯⲛⲁⲙⲕⲁϩ ⲛ̇ϩⲏⲧ ϫⲉ ϣⲁⲓϭⲓⲧⲁⲓⲟ ⲛ̇ⲧⲁⲥϧⲁⲓ ϫⲉ ⲛ̇ϯϩⲓⲱⲓϣ ⲁⲛ ⲉϯⲙⲉⲑⲣⲉⲙⲛ̇ⲭⲏⲙⲓ ⲁⲗⲗⲁ ϯⲙⲉⲓ ⲙ̇ⲙⲟⲥ. ⲉⲡϧⲁⲉ, ϣⲁⲓⲥϧⲁⲓ ⲛ̇ϩⲁⲛⲕⲟⲩϫⲓ ⲛ̇ⲥϧⲓ ⲛ̇ϫⲓϫ ϧⲉⲛ ⲧⲟⲩⲓⲧⲉⲣ. ⲭⲛⲁϫⲉⲙ ⲡⲓⲙⲟⲩⲣ ⲥⲁⲡⲉⲥⲏⲧ.

ⲙⲏⲓⲥ ⲛ̇ⲣⲉⲙⲛ̇ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ϧⲉⲛⲥⲟⲩⲓ̄ⲉ̄ ⲙ̇ⲡⲓⲁⲃⲟⲧ ⲙⲉⲥⲱⲣⲏ ⲁ̣ⲯ̄ⲗ̄ⲅ̄ ⲙ̇ⲙⲁⲣⲧⲩⲣⲟⲥ

ⲡⲉϣⲉⲛϯ ⲡⲉⲧⲥϧⲁⲓ ⲙ̇ⲙⲁⲣⲕⲟⲥ ϫⲉ ϣⲟⲣⲡ ⲙⲉⲛ ϯϣⲓⲛⲓ ⲉⲣⲱⲧⲉⲛ. ϯϣⲉⲡϩⲙⲟⲧ ⲛ̇ⲧⲟⲧⲕ ⲉⲙⲁϣⲱ ⲫⲛⲏⲃ ⲉⲧⲧⲁⲓⲏⲟⲩⲧ ⲙⲁⲣⲕⲟⲥ ⲉⲑⲃⲉ ⲡⲉⲕⲥϧⲁⲓ ⲛ̇ϫⲓϫ. ⲛⲁⲓⲥϧⲁⲓ ⲛ̇ϩⲁⲛⲙⲏϣ ⲛ̇ⲥϧⲓ ⲛ̇ϫⲓϫ ⲟⲩⲟϩ ⲛⲁⲓⲟⲓ ⲛ̇ϭⲗⲉⲙⲗⲱⲙ ⲉⲙⲁϣⲱ. ⲁⲗⲗⲁ ⲁⲓⲟⲩⲱϩⲉⲙ ⲛ̇ⲥϧⲁⲓ ϧⲉⲛ ⲧⲁⲁⲥⲡⲓ.

ⲙⲏⲓⲥ ⲛ̇ⲣⲉⲙⲛⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ϧⲉⲛⲥⲟⲩⲓ̄ⲋ̄ ⲙ̇ⲡⲓⲁⲃⲟⲧ ⲙⲉⲥⲱⲣⲏ ⲁ̣ⲯ̄ⲗ̄ⲅ̄ ⲙ̇ⲙⲁⲣⲧⲩⲣⲟⲥ. ⲡⲉϣⲉⲛϯ ⲡⲉⲧⲥϧⲁⲓ ⲛ̇ⲣⲉⲙⲛ̇ⲭⲏⲙⲓ ϫⲉ ϣⲟⲣⲡ ⲙⲉⲛ ϯϣⲓⲛⲓ ⲉⲣⲱⲧⲉⲛ.

ⲉⲧⲁⲓⲉⲣϩⲏⲧⲥ ⲛ̇ⲧⲁϯϩⲑⲏⲓ ⲉϯⲙⲉⲑⲣⲉⲙⲛ̇ⲭⲏⲙⲓ ⲁⲓⲥⲱⲟⲩⲛ ϫⲉ ⲟⲩⲟⲛ ϩⲁⲛⲙⲏϣ ⲙ̇ⲙⲓⲧⲱⲟⲩⲓ. ⲟⲩⲟⲛ ϩⲁⲛⲣⲱⲙⲓ ⲛⲏⲉⲧϭⲓⲥⲃⲱ ⲉⲣⲟⲥ ⲛ̇ⲧⲟⲩϫⲱ ϧⲉⲛ ϯⲉⲕⲕⲗⲏⲥⲓⲁ ⲕⲁⲧⲁ ⲡⲥⲁϫⲓ ⲡⲥⲁϫⲓ ⲙ̇ⲡⲓⲥⲁϧ ⲙⲱⲣⲏⲥ ⲑⲉⲟⲇⲱⲣⲟⲥ ⲛ̇ⲧⲟⲩⲱϣ ⲟⲩⲟϩ ϣⲗⲏⲗ ⲓⲉ ⲡⲥⲁϫⲓ ⲛ̇ⲁⲃⲃⲁ ⲇⲓⲙⲓⲧⲣⲓⲟⲥ ⲛ̇ⲧⲟⲩⲕⲁϯ ⲟⲩⲟϩ ϣⲗⲏⲗ. ⲥⲉⲁⲣⲉϩ ⲉⲣⲟⲥ ⲥⲁϧⲟⲩⲛ ⲛ̇ⲛⲓⲥⲟⲃⲧ ⲛ̇ⲧⲉ ϯⲉⲕⲕⲗⲏⲥⲓⲁ. ϯⲙⲉⲑⲣⲉⲙⲛ̇ⲭⲏⲙⲓ ⲥⲟⲗⲥⲉⲗ ⲙ̇ⲡⲓϣⲗⲏⲗ ⲟⲩⲟϩ ⲁⲣⲉϣⲁⲛ ⲡⲓϣⲉⲙϣⲓ ⲕⲏⲛ ϣⲁⲩⲭⲁⲥ ⲛⲉⲙ ⲛⲓϫⲱⲙ ⲛ̇ⲧⲉ ϯⲉⲕⲕⲗⲏⲥⲓⲁ ⲛⲉⲙ ⲛⲓϩⲉⲃⲥⲱ ⲛ̇ⲧⲉ ⲛⲓⲇⲓⲁⲕⲱⲛ. ϣⲁⲩⲙⲟⲩϯ ⲉⲣⲟⲥ ϫⲉ ϯⲁⲥⲡⲓ ⲛ̇ⲧⲉ ϯⲉⲕⲕⲗⲏⲥⲓⲁ ⲛⲉⲙ ⲛⲓⲃⲱϩⲉⲙ.

ⲟⲩⲟⲛ ⲛⲏⲉⲧⲟⲩⲱϣ ⲛ̇ⲧⲟⲩⲧⲁⲛϧⲟ ⲉϯⲙⲉⲑⲣⲉⲙⲛ̇ⲭⲏⲙⲓ ⲛ̇ⲕⲉⲥⲟⲡ ⲙ̇ⲫⲣⲏϯ ⲙ̇ⲡⲏⲓ ⲕⲗⲁⲩⲇⲓⲟⲥ ⲛⲉⲙ ⲡⲓⲥⲉⲛϯ ⲁⲩⲧⲁⲛϧⲟ ⲙ̇ⲙⲟⲥ ϧⲉⲛ ⲛⲟⲩⲱⲛϧ ⲛⲉⲙ ⲛⲟⲩⲏⲟⲩ. ⲁⲩⲕⲱϯ ⲛ̇ⲥⲁ ϩⲁⲛⲥⲁϫⲓ ⲙ̇ⲃⲉⲣⲓ ⲛ̇ⲧⲟⲩⲧⲁⲛϧⲟⲥ. ⲟⲩⲟⲛ ⲛⲏⲉⲑⲛⲁϩϯ ϫⲉ ϯⲙⲉⲑⲣⲉⲙⲛ̇ⲭⲏⲙⲓ ⲙ̇ⲡⲉⲥⲙⲟⲩ ϫⲉ. ⲟⲩⲟϩ ⲟⲩⲟⲛ ⲛⲓⲥⲁϧ ⲉⲧϧⲉⲛ ⲛⲓⲙⲁⲛϯⲥⲃⲱ ⲛⲉⲙ ⲛⲓⲁⲛⲍⲏⲃ ⲉⲧϭⲟⲥⲓ ⲉⲧⲟⲩϭⲓⲥⲃⲱ ⲉⲛⲓⲥϧⲓ ⲛ̇ϫⲓϫ ⲛ̇ⲁⲡⲁⲥ. ⲥⲉⲟⲩⲱϣ ⲁⲛ ⲛ̇ⲧⲟⲩⲥⲁϫⲓ ⲙ̇ⲙⲟⲥ ⲓⲉ ⲧⲁⲛϧⲟⲥ ⲛ̇ⲑⲟϥ ⲛ̇ⲧⲟⲩⲕⲁϯ ⲉⲣⲟⲥ. ⲟⲩⲟϩ ⲟⲩⲟⲛ ⲛⲏⲉⲧⲟⲩⲱϣ ⲛ̇ⲧⲟⲩⲧⲁⲛϧⲟ ⲛ̇ϯϫⲓⲛⲥⲁϫⲓ ⲙ̇ⲙⲏⲓ ⲛ̇ⲁⲡⲁⲥ ϧⲉⲛ ϯⲉⲕⲕⲗⲏⲥⲓⲁ.

ⲁⲓⲓ̇ⲉϩⲣⲉⲛ ϩⲁⲛⲣⲱⲙⲓ ⲉⲧⲁⲩⲟⲩⲱϣ ⲛ̇ⲧⲟⲩⲃⲱⲗ ⲛ̇ⲛⲓⲥⲁϫⲓ ⲙ̇ⲙⲉⲑⲟⲩⲉⲓⲛⲓⲛ ⲉϯⲙⲉⲑⲣⲉⲙⲛ̇ⲭⲏⲙⲓ ⲛ̇ⲧⲟⲩⲧⲟⲩⲃⲟⲥ ⲉⲃⲟⲗϩⲁ ⲛⲓⲕⲉⲁⲥⲡⲓ ⲛ̇ⲗⲁⲥ. ⲕⲉ ⲡⲁⲗⲓⲛ ⲟⲛ ⲁⲓⲱϣ ⲛ̇ϯⲙⲉⲑⲣⲉⲙⲛ̇ⲭⲏⲙⲓ ⲉⲥⲥϧⲏⲟⲩⲧ ϧⲉⲛ ϩⲁⲛⲕⲁⲡ ⲛ̇ⲥϧⲁⲓ ⲛ̇ⲙⲉⲧⲁⲣⲁⲃⲏⲥ ϫⲉ ϩⲓⲛⲁ ⲛ̇ⲧⲉ ⲛⲓⲣⲉϥϣⲉⲙϣⲓ ⲛⲉⲙ ⲛⲓⲇⲓⲁⲕⲱⲛ ⲱϣ, ⲛⲉⲙ ϯⲙⲉⲧⲁⲅⲅⲗⲓⲕⲟⲥ ⲛ̇ⲧϣⲉⲃⲓⲱ ⲛ̇ⲛⲓⲕⲁⲡ ⲛ̇ⲥϧⲁⲓ ⲛ̇ⲁⲡⲁⲥ ⲛ̇ⲧⲟⲩⲉⲣⲃⲉⲣⲓ ⲙ̇ⲙⲟⲥ.

ⲟⲩⲟⲛ ϩⲁⲛⲕⲉⲙⲏϣ ⲛ̇ⲣⲉϥϣⲉⲙϣⲓ ⲉⲑⲙⲟⲥϯ ⲉϯⲙⲉⲑⲣⲉⲙⲛ̇ⲭⲏⲙⲓ ⲥⲉⲟⲩⲱϣ ⲛ̇ⲧⲟⲩⲃⲱⲗ ⲛ̇ⲛⲓⲃⲱϩⲉⲙ ⲛⲉⲙ ⲛⲓϩⲩⲙⲛⲟⲥ ⲧⲏⲣⲟⲩ ⲉⲧⲟⲩⲁⲥⲡⲓ ϫⲉ ⲛ̇ⲧⲉ ⲡⲓⲗⲁⲟⲥ ⲛ̇ⲧⲉ ϯⲉⲕⲕⲗⲏⲥⲓⲁ ⲕⲁϯ ⲟⲩⲟϩ ϣⲗⲏⲗ. ⲟⲩⲟⲛ ⲛⲏⲉⲧϥⲓⲣⲱⲟⲩϣ ⲁⲛ ϧⲁ ⲧⲁⲓⲁⲥⲡⲓ ⲑⲁⲓ.

ⲛⲏⲉⲑⲙⲉⲓ ⲙ̇ⲙⲟⲥ ⲡⲉϫⲱⲟⲩ ⲛⲏⲓ ϫⲉ ϩⲱϯ ⲛ̇ⲧⲉⲕⲧⲁⲛϧⲟⲥ ⲟⲩⲟϩ ⲥⲁϫⲓ ⲙ̇ⲙⲟⲥ ⲛ̇ⲥⲏⲟⲩ ⲛⲓⲃⲉⲛ. ⲁⲓϯⲙⲁϯ ⲛⲉⲙ ⲛⲏⲉⲑⲟⲩⲱϣ ⲛ̇ⲧⲟⲩⲧⲁⲛϧⲟ ⲉϯⲙⲉⲑⲣⲉⲙⲛ̇ⲭⲏⲙⲓ ⲛ̇ⲁⲡⲁⲥ ⲛⲏⲉⲧⲁⲩⲥⲁϫⲓ ⲙ̇ⲙⲟⲥ ⲛ̇ϫⲉ ⲛⲓⲣⲉⲙⲛ̇ⲭⲏⲙⲓ ⲛ̇ⲁⲡⲁⲥ ⲉⲧⲟⲩⲙⲟⲩϯ ⲉⲣⲱⲟⲩ ϫⲉ ⲛⲓⲫⲁⲣⲁⲱ. ϩⲁⲛⲕⲉⲣⲱⲙⲓ ⲁⲩϫⲟⲥ ⲛⲏⲓ ϫⲉ ⲓⲥϫⲉ ⲧⲉⲛⲁⲥⲡⲓ ⲥⲱⲧⲡ ⲛ̇ⲧⲉⲥⲙⲟⲩ ⲉⲕⲉⲧⲁⲓⲟⲥ ⲟⲩⲟϩ ⲭⲁⲥ ϧⲉⲛ ⲡⲉⲥⲙϩⲥⲁⲩ ϧⲉⲛ ⲟⲩϣⲟⲩϣⲟⲩ ⲛⲉⲙ ⲟⲩⲟⲱⲟⲩ. ⲟⲩⲟⲛ ⲛⲏⲉⲧⲉⲣⲫⲟⲣⲓⲛ ⲙ̇ⲡⲟⲩϫⲱⲛⲧ ⲉⲩⲛⲁϩϯ ϫⲉ ⲙ̇ⲡⲉⲥⲙⲟⲩ ⲁⲗⲗⲁ ⲁⲩϧⲟⲑⲃⲉⲥ ⲟⲩⲟϩ ϣⲁⲩϯϩⲁⲡ ⲉϯⲟⲓⲕⲟⲩⲙⲉⲛⲏ ⲉⲑⲃⲉ ⲫⲁⲓ. ϯϫⲱ ⲙ̇ⲙⲟⲥ ⲛⲱⲟⲩ ϫⲉ ⲥⲙⲟⲧⲉⲛ ⲛ̇ⲧⲉⲧⲉⲛϫⲱⲛⲧ ⲛ̇ⲑⲟϥ ⲥⲛⲁϣⲧ ⲛ̇ⲧⲉⲛⲙⲉⲓ ⲟⲩⲟϩ ⲕⲱⲧ. ⲡϫⲱⲛⲧ ⲟⲩⲭⲣⲱⲙ ⲡⲉ ⲟⲩⲟϩ ⲙ̇ⲙⲟⲛ ϩⲏⲟⲩ ⲛ̇ⲧⲉⲛⲧⲁⲕⲟ ⲙ̇ⲡⲉⲛⲥⲏⲟⲩ ⲉⲛϯϩⲁⲡ ⲉⲫⲏⲉⲧⲁϥϣⲱⲡⲓ ϫⲉ ⲁⲛⲛⲁⲩ ⲉⲣⲟϥ ⲁⲛ ϫⲉ ⲫⲏⲉⲧⲁϥϣⲱⲡⲓ ⲁϥϣⲱⲡⲓ. ⲡⲁⲓϫⲱⲛⲧ ⲛⲁⲣⲱⲕϩ ⲙ̇ⲙⲟⲛ ⲛⲉⲙ ⲧⲉⲛⲁⲥⲡⲓ.

ⲉⲧⲁⲩⲛⲁⲩ ⲉⲣⲟⲥ ⲡⲉϫⲱⲟⲩ ϫⲉ ⲑⲁⲓ ⲧⲉ ϯⲁⲥⲡⲓ ⲛ̇ⲧⲉ ⲛⲓⲣⲉⲙⲛ̇ⲭⲏⲙⲓ ⲛ̇ⲁⲡⲁⲥ ⲉⲥϫⲱⲗϩ ⲛ̇ϩⲁⲛⲕⲉⲕⲁⲡ ⲛ̇ⲥϧⲁⲓ. ϩⲁⲛⲕⲉⲣⲱⲙⲓ ⲁⲩϫⲟⲥ ϫⲉ ⲥ̇ⲟⲛⲓ ⲛ̇ⲛⲓⲁⲥⲡⲓ ⲛ̇ⲧⲉ ⲛⲟⲩⲃⲓⲁ. ϩⲁⲛⲕⲉⲙⲏϣ ⲁⲩⲱⲡ ⲛ̇ⲛⲓⲛⲟⲩⲛⲓ ⲛ̇ⲧⲉ ⲛⲉⲥⲥⲁϫⲓ ⲉⲩϫⲱ ⲙ̇ⲙⲟⲥ ϫⲉ ⲟⲩⲣⲉⲧⲓⲟⲩ ⲉⲃⲟⲗϧⲉⲛ ⲛⲉⲥⲥⲁϫⲓ ⲁⲩⲓ̇ ⲉⲃⲟⲗϧⲉⲛ ϯⲙⲉⲑⲟⲩⲉⲓⲛⲓⲛ.

ϧⲉⲛ ⲡⲓⲭⲁⲕⲓ ⲙ̇ⲫⲓⲟⲙ ⲛ̇ⲧⲉ ⲧⲁⲁⲥⲡⲓ ⲟⲩⲟⲛ ϩⲁⲛⲙⲏϣ ⲛ̇ϩⲱⲓⲙⲓ. ⲡⲁϫⲟⲓ ⲉⲧⲥⲱⲣⲉⲙ ϥⲕⲱϯ ⲛ̇ⲥⲁ ⲛⲓⲥⲓⲟⲩ ⲓⲉ ⲛⲓⲗⲓⲙⲏⲛ ⲓⲉ ⲡⲓⲭⲣⲟ. ⲙ̇ⲙⲟⲛϯ ϫⲱⲛⲧ ⲓⲉ ϩⲉⲗⲡⲓⲥ. ⲙ̇ⲙⲟⲛϯ ⲙⲱⲓⲧ ⲟⲩⲇⲉ ⲟⲩⲙⲁⲛⲫⲟϩ. ⲁⲓⲥⲱⲣⲉⲙ ϧⲉⲛ ⲫⲓⲟⲙ ⲛ̇ⲧⲉ ⲧⲁⲁⲥⲡⲓ ⲁϭⲛⲉ ⲟⲩⲱⲓⲛⲓ. ⲛⲓⲃⲱϩⲉⲙ ⲛⲉⲙ ⲛⲓⲫⲓⲣⲓ ϣⲁⲩϯⲛⲟⲙϯ ⲛⲏⲓ. ⲁⲣⲏⲟⲩ ϯⲟⲩⲱϣ ⲁⲛ ⲛ̇ⲧⲁϫⲓⲙⲓ ⲙ̇ⲡⲓⲙⲱⲓⲧ. ⲙ̇ⲫⲣⲏϯ ⲛ̇ϩⲁⲛϭⲁϫ ⲛⲓⲕⲉⲁⲥⲡⲓ ⲉⲧⲟⲛϧ ϩⲁⲗⲁⲟ ϧⲉⲛ ⲟⲩⲙⲟⲑⲛⲉⲥ. ⲧⲁⲁⲥⲡⲓ ⲥⲟϩⲓ ⲉⲣⲁⲧⲥ ⲉⲥϫⲟⲩϣⲧ ϧⲁ ⲡⲓϣⲁⲓ ⲛ̇ⲧⲉ ⲫⲣⲏ. ϫⲉ ⲛ̇ⲧⲉⲛⲑⲟⲙⲥ ⲓⲉ ⲧⲁⲛϧⲟⲥ ⲓⲉ ϫⲓⲙⲓ ⲛ̇ⲟⲩⲕⲉⲙⲱⲓⲧ ⲥⲁⲃⲟⲗ ⲙ̇ⲡⲱⲛϧ ⲓⲉ ⲫⲙⲟⲩ.

ⲙⲏⲓⲥ ⲛ̇ⲣⲉⲙⲛ̇ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ϧⲉⲛⲥⲟⲩⲓ̄ⲋ̄ ⲙ̇ⲡⲓⲁⲃⲟⲧ ⲙⲉⲥⲱⲣⲏ ⲡⲉϣⲉⲛϯ ⲡⲉⲧⲥϧⲁⲓ ⲙ̇ⲙⲁⲣⲕⲟⲥ ϫⲉ ⲑⲏⲉⲧⲁⲥⲥϣⲉⲙϣⲓ ϧⲉⲛ ⲟⲩϫⲱⲕ ⲉⲃⲟⲗ ⲛ̇ⲛⲉⲥⲛⲁϩⲱⲗ ⲁⲛ ⲁⲗⲗⲁ ⲥⲱⲛϧ ⲛ̇ϧⲏⲧⲕ ⲛⲉⲥϩⲃⲏⲟⲩⲓ ⲉⲧⲧⲁⲓⲏⲟⲩⲧ ⲉⲑⲛⲁⲛⲉⲥ ⲥⲉϭⲓⲙⲱⲓⲧ ϧⲁϫⲱⲕ. ⲡⲉⲥⲃⲓⲟⲥ ⲉⲣⲟⲩⲱⲓⲛⲓ ⲉⲣⲟⲕ ⲧⲉⲥⲛⲓϣϯ ⲛ̇ⲁⲅⲁⲡⲏ ⲧⲁϩⲟⲕ ⲛ̇ⲛⲓⲉϩⲟⲟⲩ ⲧⲯⲣⲟⲩ ⲛ̇ⲧⲉ ⲡⲉⲕⲱⲛϧ. ⲙⲁⲣⲉⲛⲁⲣⲉϩ ⲉⲛⲉⲛⲓⲟϯ ⲛ̇ϧⲏⲧⲉⲛ ⲛ̇ⲧⲉⲛϣⲧⲉⲙⲉⲣⲡⲟⲩⲱⲃϣ

ϧⲉⲛⲥⲟⲩⲓ̄ⲍ̄ ⲙ̄ⲡⲓⲁⲃⲟⲧ ⲙⲉⲥⲱⲣⲏ ⲁ̣ⲯ̄ⲗ̄ⲅ̄ ⲙ̄⳥

ⲡⲉϣⲉⲛϯ ⲡⲉⲧⲥϧⲁⲓ ⲛ̇ⲣⲉⲙⲛ̇ⲭⲏⲙⲓ ϫⲉ ϣⲟⲣⲡ ⲙⲉⲛ ϯⲥⲓⲛⲓ ⲉⲣⲱⲧⲉⲛ. ⲥⲙⲟⲧⲉⲛ ⲛ̇ⲧⲉⲛⲛⲁϩϯ ϫⲉ ⲧⲉⲛⲁⲥⲡⲓ ⲟⲩⲙⲁⲣⲧⲩⲣⲁⲥ ⲡⲉ ⲟⲩⲟϩ ⲕⲱⲧ ⲛ̇ⲟⲩⲙϩⲁⲩ ⲛ̇ⲧⲉⲛⲭⲁⲥ ϧⲉⲛ ⲡⲉⲥⲧⲁⲫⲟⲥ ⲟⲩⲟϩ ⲛ̇ⲧⲉⲛⲣⲓⲙⲓ ⲟⲩⲟϩ ⲛⲉϩⲃⲓ ϧⲁ ⲛⲓⲉϩⲟⲟⲩ ⲉⲧⲁⲩⲥⲓⲛⲓ ⲛⲉⲙ ⲡⲓⲱⲟⲩ ⲉⲧⲁϥϩⲱⲗ. ⲥⲙⲟⲧⲉⲛ ⲛ̇ⲧⲉⲛⲥⲁϫⲓ ϧⲁ ⲧⲉⲛⲁⲥⲡⲓ ϧⲉⲛ ⲟⲩⲕⲉⲁⲥⲡⲓ ⲟⲩⲟϩ ⲛ̇ⲧⲉⲛⲉⲣⲫⲙⲉⲩⲓ ⲛ̇ⲛⲓⲫⲓⲣⲓ ⲛ̇ⲁⲡⲁⲥ. ⲉⲛⲟϩⲓ ⲉⲣⲁⲧⲉⲛ ⲟⲩⲃⲉ ⲡⲉⲥⲙⲟⲩ ⲛ̇ⲟⲩⲉϣⲉⲛ ϩⲱⲃ ⲉⲛⲥⲱⲟⲩⲛ ϫⲉ ⲧⲉⲛⲟⲩⲱϣ ⲁⲛ ⲛ̇ⲧⲉⲛϣⲉⲡϧⲓⲥⲓ ⲛ̇ⲧⲉⲛⲧⲁⲛϧⲟⲥ ϧⲉⲛ ⲛⲉⲛⲙⲩⲓ ⲓⲉ ⲛⲉⲛⲣⲁⲥⲟⲩⲓ ϫⲉ ⲧⲉⲛⲛⲁϩϯ ⲁⲛ ⲟⲩⲟⲛϣϫⲟⲙ ⲙ̇ⲙⲟⲥ ⲛ̇ⲧⲉⲥⲧⲱⲛⲥ. ϥⲣⲱϣⲓ ⲛ̇ⲧⲉⲛⲥⲟⲗⲥⲉⲗ ⲛ̇ⲛⲓϩⲓⲕⲱⲛ ⲛⲉⲙ ⲛⲓϫⲟⲓ ϧⲉⲛ ⲛⲉⲥⲕⲁⲡ ⲛ̇ⲥϧⲁⲓ. ⲥⲙⲟⲧⲉⲛ ⲛ̇ⲧⲉⲛⲉⲣⲣⲁⲥⲟⲩⲓ ⲁⲗⲗⲁ ⲥⲛⲁϣⲧ ⲛ̇ⲧⲉⲛⲛⲉϩⲥⲓ ⲛ̇ⲧⲉⲛⲛⲁⲩ ⲉⲟⲩⲁⲥⲡⲓ ⲉⲥⲙⲱⲟⲩⲧ. ⲙ̇ⲡⲉⲛⲧⲁⲓⲟⲥ ⲟⲩⲟϩ ⲑⲟⲙⲥ ϧⲉⲛ ⲟⲩϣⲟⲩϣⲟⲩ ⲟⲩⲇⲉ ⲙ̇ⲡⲉⲛⲧⲁⲛϧⲟⲥ. ⲧⲉⲛⲁⲥⲡⲓ ⲥⲭⲱⲛⲥ ⲛⲁϩⲣⲉⲛ ⲛⲉⲛⲃⲁⲗ. ⲡⲉⲥⲥⲱⲙⲁ ⲉⲑⲃⲏϣ ϩⲓ ⲛⲏⲉⲧϫⲱ ⲛⲉⲙ ⲛⲏⲉⲧⲱϣ ϧⲉⲛ ⲟⲩⲙⲉⲧⲁⲧⲕⲁϯ. ⲁⲛⲁⲣⲉϩ ⲉⲣⲟⲥ ϧⲉⲛ ⲛⲉⲛⲉⲕⲕⲗⲏⲥⲓⲁ ⲙ̇ⲫⲣⲏϯ ⲛ̇ⲛⲓⲥⲱⲙⲁ ⲛ̇ⲧⲉ ⲛⲓⲁⲅⲓⲟⲥ ϫⲉ ϩⲓⲛⲁ ⲛ̇ⲧⲟⲩϭⲓⲥⲙⲟⲩ ⲁⲩϣⲁⲛⲥⲟⲑⲙⲉⲥ.

ⲟⲩⲟⲛ ⲟⲩⲙⲏϣ ⲛ̇ϫⲱⲙ ⲉⲧⲉⲙⲙⲁⲩ ⲛ̇ⲧⲟⲩϯⲧⲟⲧⲉⲛ ⲛ̇ⲧⲉⲛⲱϣ ⲟⲩⲟϩ ⲕⲁϯ ⲉⲧⲉⲛⲁⲥⲡⲓ. ⲁϥϣⲁⲛⲟⲩⲁⲓ ϭⲓⲥⲃⲱ ⲉϯⲙⲉⲧⲣⲉⲙⲛ̇ⲭⲏⲙⲓ ⲟⲩⲟϩ ⲥⲁϫⲓ ⲙ̇ⲙⲟⲥ ϧⲉⲛ ⲟⲩⲙⲟⲑⲛⲉⲥ. ϥⲛⲁϫⲓⲙⲓ ⲛ̇ϩⲁⲛⲥϧⲓ ⲛ̇ϫⲓϫ ⲛ̇ⲁⲡⲁⲥ ⲛⲉⲙ ϩⲁⲛϩⲩⲙⲛⲟⲥ ⲁⲗⲗⲁ ϥⲛⲁϣⲧ ⲛ̇ⲧⲉϥⲥⲁϫⲓ ⲛⲉⲙ ϩⲁⲛⲕⲉⲣⲱⲙⲓ ⲓⲉ ϭⲓϩⲏⲟⲩ ⲓⲉ ⲉⲣϩⲱⲃ ϧⲉⲛ ϯⲙⲉⲧⲣⲉⲙⲛ̇ⲭⲏⲙⲓ. ⲧⲉⲛⲁⲥⲡⲓ ⲥⲟⲛϧ ϧⲉⲛ ⲛⲓⲥϧⲓ ⲛ̇ϫⲓϫ ⲛ̇ⲁⲡⲁⲥ ⲛⲉⲙ ⲛⲓϩⲩⲙⲛⲟⲥ ⲁⲥⲭⲁ ⲡⲥⲉⲡⲓ ⲙ̇ⲡⲕⲁϩⲓ ⲉⲑⲃⲉ ⲛⲓⲕⲉⲁⲥⲡⲓ ⲛ̇ⲗⲁⲥ. ⲥⲱⲛϧ ⲛⲉⲙ ⲛⲓⲣⲁⲥⲟⲩⲓ ϩⲓ ⲛⲓϭⲏⲡⲓ. ⲁⲥϣⲱⲡⲓ ⲛ̇ⲟⲩⲙⲁⲛⲫⲟϩ ⲟⲩⲟϩ ⲙ̇ⲙⲟⲛ ⲙⲱⲓⲧ ⲭⲏ ⲙⲉⲛⲉⲛⲥⲁ ⲡⲁⲓⲙⲁⲛⲫⲟϩ ⲫⲁⲓ. ⲟⲩⲟⲛ ⲟⲩⲙⲁⲙⲙⲟϣⲓ ⲛ̇ⲣⲉⲙⲛ̇ⲭⲏⲙⲓ ϧⲉⲛ ϯⲉⲕⲕⲗⲏⲥⲓⲁ ⲁⲗⲗⲁ ϥⲣⲱϣⲓ ⲁⲛ ϫⲉ ⲙ̇ⲡⲁϥⲉⲣⲃⲉⲣⲓ. ϯⲙⲉⲧⲣⲉⲙⲛ̇ⲭⲏⲙⲓ ⲁⲥⲉⲣϧⲉⲗⲗⲟ ⲟⲩⲟϩ ⲁⲩⲙⲟⲩϯ ⲉⲣⲟⲥ ϫⲉ ⲟⲩⲁⲥⲡⲓ ⲛ̇ⲁⲡⲁⲥ ⲡⲉ. ⲁⲛϭⲓⲥⲓ ⲙ̇ⲙⲟⲥ ⲟⲩⲟϩ ⲁⲛϯⲱⲟⲩ ⲛⲁⲥ ⲁⲛⲁⲣⲉϩ ⲉⲣⲟⲥ ϧⲉⲛ ⲟⲩⲉⲣⲫⲉⲓ ⲛ̇ⲧⲉⲛϣⲧⲉⲙⲥⲟⲑⲙⲉⲥ ⲛ̇ⲥⲏⲟⲩ ⲛⲓⲃⲉⲛ.

ⲧϧⲏⲓⲃⲓ ⲛ̇ϯⲙⲉⲧⲣⲉⲙⲛ̇ⲭⲏⲙⲓ ⲭⲏ ϧⲉⲛ ϩⲁⲛⲕⲉⲁⲥⲡⲓ ϣⲁⲛϭⲓⲧⲁⲓⲟ ϫⲉ ⲁⲥϯϧⲏⲓⲃⲓ ⲉϫⲉⲛ ⲛⲓⲕⲉⲗⲁⲥ ⲛ̇ⲧⲉⲛϣⲧⲉⲙⲙⲉⲩⲓ ϧⲁ ⲡⲉⲥϩⲱⲗ. ⲛⲓⲙ ⲡⲉⲧⲙⲕⲁϩ ⲛ̇ϩⲏⲧ ϫⲉ ⲁⲥϩⲱⲗ. ⲛⲓⲙ ⲡⲉⲧϥⲓⲣⲱⲟⲩϣ ⲛⲓⲙ ⲡⲉⲧϭⲓϣϣⲱⲟⲩ ⲙ̇ⲙⲟⲥ . ⲁⲣⲏⲟⲩ ⲁⲛⲟⲕ ϩⲱ ϯⲣⲓⲙⲓ ⲟⲩⲟϩ ϯϩⲁⲡ ⲛ̇ⲛⲓⲕⲉⲣⲱⲙⲓ ⲛ̇ⲧϣⲉⲃⲓⲱ ⲛ̇ⲧⲁⲉⲣϩⲱⲃ. ⲛ̇ⲧⲁⲫⲙⲏⲓ ⲥⲙⲟⲧⲉⲛ ⲛ̇ⲧⲉⲛϫⲱⲛⲧ. ⲥⲛⲁϣⲧ ⲇⲉ ⲛ̇ⲧⲉⲛϩⲉⲣⲓ ⲙ̇ⲙⲟⲛ ⲟⲩⲟϩ ⲉⲣϩⲱⲃ ϧⲉⲛ ⲟⲩϫⲁⲙⲏ. ⲉⲓⲉⲭⲁⲣⲱⲓ ⲟⲩⲟϩ ⲥϧⲁⲓ ϧⲉⲛ ⲧⲁⲁⲥⲡⲓ ⲁϭⲛⲉ ⲙⲁⲛⲫⲟϩ

ⲙⲏⲓⲥ ⲛ̇ⲣⲉⲙⲛ̇ⲭⲏⲙⲓ ϩⲓⲧⲉⲛ ⲓⲁⲏⲟⲩⲅⲣⲟⲩⲡⲥ

ⲭⲉⲣⲉ ⲛⲁⲕ ⲫⲛⲏⲃ ⲙⲁⲣⲕⲟⲥ

ⲛⲉⲥϩⲃⲏⲟⲩⲓ ⲉⲧⲧⲁⲓⲏⲟⲩⲧ ⲥⲉⲟⲩⲱⲛϩ ⲉⲃⲟⲗ ⲛ̇ⲥⲏⲟⲩ ⲛⲓⲃⲉⲛ ⲛ̇ϧⲏⲧⲕ ⲁⲥϯⲛⲁⲕ ⲙ̇ⲡⲱⲛϧ ⲟⲩⲟϩ ⲁⲥⲙⲧⲟⲛ ⲉⲥⲣⲁϣⲓ ϫⲉ ⲥⲥⲱⲟⲩⲛ ϫⲉ ⲥⲛⲁⲙⲟⲩⲛ ⲉⲃⲟⲗ ⲉⲥⲱⲛϧ ϧⲉⲛ ⲡⲉⲕϩⲏⲧ. ⲕⲁⲧⲁ ϯⲡⲁⲣⲁⲃⲟⲗⲏ ⲛ̇ⲁⲡⲁⲥ ⲑⲏⲉⲧⲁⲥϫⲫⲟ ⲙ̇ⲡⲉⲥⲙⲟⲩ. ⲡⲉⲥⲛⲓϣϯ ⲛ̇ⲁⲅⲁⲡⲏ ⲛⲁⲉⲣⲃⲟⲏⲑⲓⲛ ⲉⲣⲟⲕ ⲟⲩⲟⲏ ⲛⲁⲉⲣⲟⲩⲱⲓⲛⲓ ⲉⲣⲟⲕ.

ⲟⲩϫⲁⲓ

ⲡⲉϣⲉⲛϯ

ϩⲛⲥⲟⲩⲓ̄ⲏ̄ ⲙ̄ⲡⲓⲉⲃⲟⲧ ⲙⲉⲥⲱⲣⲏ ⲁⲯⲗ̄ⲅ̄ ⲙ̄ⲙⲁⲣⲧⲩⲣⲟⲥ ⲡⲉϣⲉⲛϯ ⲡⲉⲧⲥϩⲁⲓ ⲛ̄ⲧⲛⲏⲃ ⲭⲣⲓⲥⲧⲓⲛⲉ ϣⲱⲣⲡ ⲙⲛ̄ ϯϣⲓⲛⲉ ⲉⲣⲟ

ⲭⲁⲓⲣⲉ ⲛⲉ ⲧⲛⲏⲃ ⲭⲣⲓⲥⲧⲓⲛ

ⲁⲓⲣⲁϣⲉ ⲙ̄ⲙⲁⲧⲉ ⲉⲧⲁⲓⲛⲁⲩ ⲉⲣⲟ ⲙ̄ⲡⲟⲟⲩ. ⲁⲓⲱϣ ϩⲛ̆ ⲛⲉϭⲱⲙ ⲁⲩⲱ ⲁⲓⲧⲉⲗⲏⲗ ⲙⲓⲟ. ⲡⲁⲓ ⲟⲩⲛⲟϭ ⲛ̇ϩⲱⲃ ⲡⲉ. ⲛ̄ⲧⲟ ⲟⲩⲣⲙ̄ⲣⲁϣ ⲧⲉ. ϯⲛⲁⲱϩⲉ ⲉⲡⲉⲥϩⲓ ⲛ̄ϭⲓϫ

ⲧⲁⲁⲥ ⲛ̄ⲭⲣⲓⲥⲧⲓⲛ

ϧⲉⲛ ⲕⲉⲛⲥ ⲛ̀ⲧⲁⲁⲥⲡⲓ ϯⲛⲁⲉⲛⲕⲟⲧ ⲛ̀ⲉϫⲱⲣϩ ⲉⲓⲉⲣⲣⲁⲥⲟⲩⲓ ⲛ̀ⲧⲁⲛⲁⲩ ⲉⲧⲁⲁⲥⲡⲓ ⲙ̀ⲙⲉⲛⲣⲓⲧ ϧⲉⲛ ⲡⲉⲥⲑⲣⲟⲛⲟⲥ ⲛⲉⲙ ⲛⲓⲕⲉⲁⲥⲡⲓ ⲛ̀ⲗⲁⲥ. ⲧⲁⲁⲥⲡⲓ ⲥ̀ⲱⲛϧ ϧⲉⲛ ⲛⲓⲣⲁⲥⲟⲩⲓ ⲛⲉⲙ ⲛⲓⲥϧⲓ ⲛ̀ϫⲓϫ ⲧⲁⲁⲥⲡⲓ ϫⲱ ϧⲉⲛ ⲧⲫⲁϣⲓ ⲙ̀ⲡⲓⲉϫⲱⲣϩ ⲟⲩⲟϩ ⲛⲏⲉⲧⲉⲣϣⲣⲱⲓⲥ ⲉⲩⲉⲥⲱⲧⲉⲙ ⲉⲧⲉⲥⲥⲙⲏ ⲉⲧϩⲟⲗϫ. ϣⲁⲥⲣⲱⲥ ⲛⲉⲙ ⲛⲏⲉⲧϣⲗⲏⲗ ⲥⲉⲧⲱⲃϩ ⲉϩⲣⲏⲓ ⲉϫⲱⲥ. ⲁⲩⲭⲁ ⲛⲟⲩϩⲃⲏⲟⲩⲓ ⲛⲉⲙ ⲛⲟⲩϧⲓⲥⲓ ϫⲉ ϩⲓⲛⲁ ⲛ̀ⲧⲟⲩⲓ̀ ⲉϩⲣⲁⲥ ϧⲉⲛ ⲡⲓⲉϫⲱⲣϩ

ⲱ ϯϣⲉⲗⲉⲧ ⲉⲑⲙⲱⲟⲩⲧ ⲧⲉⲉⲣⲫⲟⲣⲓⲛ ⲙ̀ⲡⲱⲛϧ ⲟⲩⲟϩ ⲛⲓⲙⲟⲩⲗϩ ⲥⲉⲉⲣⲟⲩⲱⲓⲛⲓ ⲉⲣⲟ ⲛⲓⲉⲣⲙⲱⲟⲩⲓ ϣⲁⲩⲧⲥⲟ ⲧⲉϣⲁⲓ ⲁϭⲛⲉ ϧⲏⲓⲃⲓ. ⲧⲉⲁⲙⲟⲛⲓ ⲛ̀ⲛⲓⲙⲟⲩⲗϩ ⲛⲉⲙ ⲛⲓⲥⲁⲣⲡⲟⲧ ϧⲉⲛ ⲧⲉϫⲓϫ ⲟⲩⲟϩ ϭⲟⲥϫⲉⲥ ⲉϫⲉⲛ ⲛⲓⲥⲫⲟⲧⲟⲩ ⲛⲉⲙ ⲛⲓϫⲱⲙ ⲛ̀ⲁⲡⲁⲥ ⲧⲉⲥⲱ ⲙ̀ⲡⲓⲏⲣⲡ ⲛ̀ⲧⲉ ⲛⲓⲃⲱϩⲉⲙ ⲡⲉϫⲁⲛ ϫⲉ ⲧⲟⲧⲉ ⲣⲱⲛ ⲁϥⲙⲟϩ ⲛ̀ⲣⲁϣⲓ ⲟⲩⲟϩ ⲡⲉⲛⲗⲁⲥ ϧⲉⲛ ⲟⲩⲑⲉⲗⲏⲗ ϫⲉ ⲧⲉⲛⲁⲥⲡⲓ ⲉⲑⲛⲉⲥⲱⲥ ⲁⲥⲧⲱⲛⲥ ⲉⲃⲟⲗϧⲉⲛ ⲛⲏⲉⲑⲙⲱⲟⲩⲧ. ⲡⲉϫⲉ ⲡⲓϧⲉⲗⲗⲟ ⲉⲧⲁϥⲉⲣⲙⲉⲑⲣⲉ ϧⲁ ⲡⲉⲥⲙⲟⲩ ⲓⲥϫⲉⲛ ϩⲁⲛⲙⲏϣ ⲛ̀ⲅⲉⲛⲉⲁ ϫⲉ ⲛⲁⲥⲱⲛⲓ ⲡⲉ ⲟⲩⲟϩ ⲙ̀ⲡⲟⲩϫⲉⲙ ⲛⲉϥϣⲏⲣⲓ ⲉⲧⲁⲥⲉⲣϧⲉⲗⲗⲟ. ⲡⲉϫⲱⲟⲩ ⲛ̀ϫⲉ ⲛⲏⲉⲑⲣⲁⲏⲟⲩⲧ ϫⲉ ⲁⲣⲏⲟⲩ ⲛⲉⲥϣⲏⲣⲓ ⲁⲩⲙⲟⲥϯ ⲙ̀ⲙⲟⲥ ⲓⲉ ⲁⲩϥⲱⲧ ⲓⲉ ⲥⲉϣⲱⲛⲓ ⲓⲉ ⲁⲩⲙⲟⲩ ⲓⲉ ⲥⲉϯⲏⲑⲏⲟⲩ ⲁⲛ ϫⲉ ϩⲁⲛϩⲏⲕⲓ ⲛⲉ.

ⲉⲧⲁⲩⲛⲁⲩ ⲉϯⲙⲉⲧⲣⲉⲙⲛ̀ⲭⲏⲙⲓ ⲁⲛⲓϧⲣⲱⲟⲩ ⲱϣ ⲉⲃⲟⲗ ϧⲉⲛ ⲟⲩⲣⲁϣⲓ ⲉⲧⲁϥϥⲟⲣϥⲉⲣ ⲛ̀ϫⲉ ⲡⲓⲥⲏⲟⲩ ⲟⲩⲟϩ ⲁⲡⲓⲥⲑⲟⲓⲛⲟⲩϥⲓ ⲙ̀ⲡⲉⲥϧⲣⲱⲟⲩ ⲁϥⲙⲟϩ ⲡⲓⲙⲁ ⲧⲏⲣϥ. ⲁⲥϯⲙⲟⲩⲉ ⲥⲁⲡⲉⲥⲏⲧ ⲙ̀ⲡⲓⲟⲩⲱⲓⲛⲓ ⲙ̀ⲡⲓⲓⲟϩ. ⲁⲥⲓⲁ ⲡⲉⲥϥⲱⲓ ϧⲉⲛ ⲫⲓⲁⲣⲟ ⲛ̀ⲭⲏⲙⲓ ⲛⲓϭⲣⲟⲙⲡⲓ ⲡϣⲁⲗ ϩⲁⲗⲁⲓ ϧⲁⲧⲉⲛ ⲛⲉⲥϭⲁⲗⲁⲩϫ. ⲛⲓⲕⲁⲕⲟⲩⲫⲁⲧ ⲁⲩϫⲱⲕⲉⲙ ϧⲉⲛ ⲡⲉⲥⲟⲩⲱⲓⲛⲓ. ⲁⲥϭⲓⲛⲉⲙ ⲟⲩⲕⲟⲩϫⲓ ⲛ̀ⲉⲙⲟⲩ ⲉⲥⲙ̀ⲧⲟⲛ ϩⲓ ⲛⲉⲛⲥⲫⲟⲧⲟⲩ ⲙ̀ⲫⲓⲁⲣⲟ ⲛ̀ⲭⲏⲙⲓ. ⲁϯⲃⲱ ⲛ̀ⲕⲉⲛⲧⲉ ϭⲓϣϣⲱⲟⲩ ⲛ̀ⲧⲉⲥϯϧⲏⲓⲃⲓ ⲛⲁⲥ ⲟⲩⲟϩ ϯⲃⲱ ⲛ̀ⲁⲗⲟⲗⲓ ⲁⲥⲟⲩⲱϣ ⲛ̀ⲧⲉⲥⲧⲉⲙⲙⲟⲥ. ⲟⲩⲟϩ ⲛⲓⲁϧⲱⲙ ⲁⲩϩⲁⲗⲁⲓ ⲥⲁⲡϣⲱⲓ ⲙ̀ⲙⲟⲥ ⲉⲩⲧⲱⲃϩ ⲛ̀ⲧⲟⲩϯⲱⲟⲩ ⲛⲁⲥ. ⲁⲫⲣⲏ ϣⲁⲓ ⲉϫⲱⲥ ⲟⲩⲟϩ ⲁⲥⲛⲟⲩⲃⲧ ⲛ̀ⲛⲓⲉⲓⲉⲣϩⲉ ⲛ̀ⲧⲉ ⲫⲣⲏ ⲁⲥϯϩⲓⲱⲧⲥ ⲙ̀ⲡⲓⲟⲩⲱⲓⲛⲓ. ⲁⲛⲓⲓⲱϯ ⲛ̀ⲧⲉ ⲡⲓⲧⲟⲟⲩⲓ ⲙⲁϣⲑⲱϯ ⲙ̀ⲡⲉⲥϥⲱⲓ ⲁⲥϫⲱ ⲛⲉⲙ ⲛⲓϭⲁϫ ⲟⲩⲟϩ ⲁⲩⲉⲣⲟⲩⲱ ⲛⲁⲥ ⲉⲩϫⲱ ⲙ̀ⲙⲟⲥ ϫⲉ ⲁⲛⲕⲱϯ ⲛ̀ⲥⲱ ϧⲉⲛ ⲡϣⲱⲕ ⲙ̀ⲡⲉⲛϩⲏⲧ ⲧⲉⲛⲁⲥⲡⲓ ⲙ̀ⲙⲏⲓ ⲁⲣⲓⲃⲟⲏⲑⲓⲛ ⲉⲣⲟⲛ. ⲃⲱⲗ ⲉⲃⲟⲗ ϩⲁⲣⲟⲛ ⲛ̀ⲛⲓⲥⲛⲁⲩϩ ⲛ̀ϯϩⲟϯ ⲧⲉⲛⲁⲥⲡⲓ ⲉⲑⲛⲉⲥⲱⲥ ⲉⲣⲉⲥⲙⲟⲩ ⲉⲣⲱⲛ.

ⲉⲧⲁⲩⲛⲉϩⲥⲓ ⲛ̀ϫⲉ ⲛⲓⲁⲗⲱⲟⲩⲓ ⲛⲉⲙ ⲡⲓⲑⲟ ⲧⲏⲣϥ ⲁⲛⲓϣⲉⲛⲱⲟⲩ ⲉⲛⲟⲩⲁⲛⲍⲏⲃ ⲟⲩⲟϩ ⲛⲓⲣⲱⲙⲓ ⲁⲩⲙⲟϣⲓ ⲛ̀ⲧⲟⲩⲉⲣϩⲱⲃ ⲟⲩⲟϩ ⲛⲏⲉⲧⲁⲩⲉⲣϣⲣⲱⲓⲥ ⲁⲩⲉⲛⲕⲟⲧ. ⲁⲧⲉⲛⲁⲥⲡⲓ ϫⲟⲩϣ ⲉⲡϣⲱⲓ ⲉⲫⲣⲏ ⲁⲥⲥⲉⲕⲑⲏⲟⲩ ⲟⲩⲟϩ ⲁⲥⲛⲓϥⲓ ⲁⲥⲑⲱⲙ ⲛ̀ⲣⲱⲥ ⲛⲉⲙ ⲛⲉⲥⲃⲁⲗ ⲁⲥⲃⲱⲗ ⲉⲃⲟⲗ ⲟⲩⲧⲉ ⲛⲓⲙⲟⲩⲉ ⲛ̀ⲧⲉ ⲫⲣⲏ ⲟⲩⲟϩ ⲁⲥⲉⲣⲁⲑⲟⲩⲱⲛϩ.

ⲡⲥⲉⲡⲓ ⲇⲉ ⲛ̀ⲛⲓⲣⲱⲙⲓ ⲛⲉⲙ ⲛⲓϩⲓⲟⲙⲓ ⲛⲉⲙ ⲛⲓⲁⲗⲱⲟⲩⲓ ⲛⲉⲙ ⲛⲓⲧⲉⲃⲛⲱⲟⲩⲓ ⲛⲉⲙ ⲛⲓϩⲁⲗⲁϯ ⲛⲁⲩϭⲗⲉⲙⲗⲱⲙ. ⲁⲟⲩⲕⲟⲩϫⲓ ⲛ̀ⲁⲗⲟⲩ ϣⲓⲛⲓ ⲙ̀ⲡⲓϧⲉⲗⲗⲟ ⲁϥϫⲟⲥ ϫⲉ ⲁⲥⲑⲱⲛ ⲧⲁⲥϩⲓⲙⲓ ⲑⲁⲓ ⲛ̀ϣⲟⲩⲙⲉⲛⲣⲓⲧⲥ. ⲡⲉϫⲁϥ ⲛⲁϥ ⲛ̀ϫⲉ ⲡⲓϧⲉⲗⲗⲟ ϫⲉ ⲥⲛⲁⲓ̀ ̀ⲛⲕⲉⲥⲟⲡ ϧⲉⲛ ⲛⲉⲛⲣⲁⲥⲟⲩⲓ ⲓⲉ ϯⲉⲣϩⲉⲗⲡⲓⲥ.

ⲉⲧⲁ ⲫⲣⲏ ⲇⲉ ϩⲱⲧⲡ ⲉⲡⲓⲕⲟⲩϫⲓ ⲛ̀ⲁⲗⲟⲩ ⲛⲁϥⲱϣ ⲛ̀ⲟⲩϫⲱⲙ ⲛ̀ⲁⲡⲁⲥ ⲡⲉ ⲟⲩⲟϩ ⲁⲥⲟⲩⲱⲛϩ ⲙ̀ⲫⲣⲏϯ ⲛ̀ⲟⲩϩⲣⲏⲣⲓ ⲁⲥⲥⲱⲃⲓ ⲉⲧⲁϥϭⲱⲛⲧ ⲛ̀ⲧⲉϥⲧⲥⲟⲥ ⲛ̀ϫⲉ ⲡⲓⲁⲗⲟⲩ ⲁⲥϣⲱⲡⲓ ⲛ̀ⲟⲩⲕⲟⲩϫⲓ ⲛ̀ϭⲣⲟⲙⲡⲓ ⲟⲩⲟϩ ⲁⲥϩⲁⲗⲁⲓ ⲥⲁⲡϣⲱⲓ. ϧⲉⲛ ⲛⲓⲕⲉⲣⲟⲩϩⲓ ⲁⲩⲛⲁⲩ ⲉⲣⲟⲥ ϧⲉⲛ ⲛⲓⲃⲉⲣⲧ ⲛⲉⲙ ⲛⲓⲭⲣⲟⲩⲣ ⲛⲉⲙ ⲛⲓϭⲏⲡⲓ ⲛⲉⲙ ⲛⲓⲙⲟⲩⲗⲁϫ. ϩⲁⲛⲙⲏϣ ⲛ̀ⲣⲱⲙⲓ ⲙ̀ⲡⲟⲩⲛⲁϩϯ ϫⲉ ⲥⲱⲛϧ ⲛ̀ⲑⲟⲥ ⲇⲉ ⲡⲉⲥϯϩⲑⲏⲥ ϫⲉ ⲛⲁⲥⲥⲱ ⲙ̀ⲡⲓⲏⲣⲡ ⲛ̀ⲧⲉ ⲛⲓⲃⲱϩⲉⲙ ϧⲉⲛ ⲡⲓⲭⲁⲕⲓ.

ⲙⲉⲛⲉⲛⲥⲁ ϩⲁⲛⲙⲏϣ ⲛ̀ⲣⲟⲙⲡⲓ ⲁϥⲉⲣϧⲉⲗⲗⲟ ⲛ̀ϫⲉ ⲡⲓⲁⲗⲟⲩ ⲉⲧⲁϥⲧⲱⲃϩ ⲛ̀ⲧⲉϥⲥⲱⲟⲩⲛ ⲁϥⲉⲣⲉⲧⲓⲛ ⲙ̀ⲙⲟⲥ ⲟⲩⲟϩ ⲁϥϣⲉⲛⲥ ⲉϥϫⲟⲥ ϫⲉ ⲉⲑⲃⲉ ⲟⲩ ⲉⲣⲉⲙⲟⲩ. ⲡⲉϫⲁⲥ ⲛⲁϥ ⲙ̀ⲡⲉⲣϥⲓⲣⲱⲟⲩϣ ϧⲁ ⲫⲏⲉⲧⲁϥϣⲱⲡⲓ ⲁⲕⲥⲁⲛⲟⲩⲱϣⲧ ⲙⲟⲩϯ ⲉⲣⲟⲓ. ⲑⲏⲉⲧⲁⲥⲉⲛⲕⲟⲧ ⲧⲉ ⲧⲉⲕϩⲉⲗⲡⲓⲥ. ⲁⲛⲟⲕ ⲟⲩⲙϩⲁⲩ ⲁⲛ ⲡⲉ ⲁⲛⲟⲕ ⲇⲉ ⲟⲩⲣⲁⲥⲟⲩⲓ.

ϧⲉⲛⲥⲟⲩⲕ̄ⲁ̄ ⲙ̀ⲡⲓⲁⲃⲟⲧ ⲙⲉⲥⲱⲣⲏ ⲁ̣ⲯ̄ⲗ̄ⲅ̄ ⲙ̀ⲙⲁⲣⲧⲩⲣⲟⲥ ⲁⲛⲟⲕ ⲡⲉϣⲉⲛϯ ⲡⲓⲉⲗⲁⲭⲓⲥⲧⲟⲥ ⲉⲓⲥϧⲁⲓ ⲙ̀ⲡⲁⲙⲉⲛⲣⲓⲧ ⲛ̀ⲥⲟⲛ ⲙⲁⲣⲕⲟⲥ ϫⲉ ⲭⲉⲣⲉ ϧⲁⲑϩⲏ ⲙⲉⲛ ⲙ̀ⲡ̀ⲥⲁϫⲓ ϯϣⲓⲛⲓ ⲉⲣⲟⲕ ⲧⲟⲛⲟⲩ ⲧⲟⲛⲟⲩ ϧⲉⲛ ⲟⲩϣⲓⲛⲓ ⲛ̀ⲁⲧⲙⲟⲩⲛⲕ ⲟⲩⲟϩ ϯϣⲓⲛⲓ ⲉⲡⲕⲁⲣⲡⲟⲥ ⲉⲧⲟϣ ⲛ̀ⲧⲉⲧⲉⲕⲙⲉⲧⲣⲉϥϣⲉⲙϣⲓ ⲛⲟⲩϯ ⲛⲉⲙ ⲧⲉⲕⲁⲅⲁⲡⲏ ⲉⲧⲟϣ ⲉϧⲟⲩⲛ ⲉⲫⲛⲟⲩϯ ⲛⲉⲙ ⲟⲩⲟⲛ ⲛⲓⲃⲉⲛ ⲉⲑⲙⲉⲓ ⲙ̀ⲡⲉϥⲣⲁⲛ ⲛ̀ϩⲟⲩⲟ ⲇⲉ ⲉϧⲟⲩⲛ ⲉⲣⲟⲓ.ⲥϣⲉ ̀ⲛⲧⲁϫⲟⲥ ⲛⲁⲕ ϫⲉ ⲡⲉⲛⲧⲁⲓⲱϣ ⲙ̀ⲡⲉⲕⲥϧⲓ ⲛ̀ϫⲓϫ ϧⲉⲛ ⲟⲩⲕⲉⲁⲥⲡⲓ ⲁⲓⲙⲟⲕⲙⲉⲕ. ϯϯⲙⲁϯ ⲛⲉⲙⲁⲕ ϫⲉ ϩⲁⲛⲕⲟⲩϫⲓ ⲛⲉ ⲛⲏⲉⲧϥⲓⲣⲱⲟⲩϣ ϧⲁ ϯⲙⲉⲑⲣⲉⲙⲛ̀ⲭⲏⲙⲓ ⲁⲗⲗⲁ ⲧⲉⲛⲁⲥⲡⲓ ⲥⲉⲙⲡϣ ⲛ̀ⲧⲉⲛⲧⲁⲓⲟⲥ. ϯⲧⲁⲓⲟⲕ ⲉⲓⲁⲝⲟⲩ ⲛ̀ⲧⲉⲕⲁⲅⲁⲡⲏ ⲉⲑⲣⲉⲕⲉⲣⲧⲁⲅⲁⲡⲏ ⲛⲉⲙⲏⲓ ⲉⲑⲃⲉ ⲫⲛⲟⲩϯ ⲛ̀ⲧⲉⲕϣⲟⲡϥ ⲛ̀ⲡⲁⲥϧⲓ ⲛϫⲓϫ ⲫⲁⲓ. ϯⲛⲁⲟϩⲓ ⲉⲣⲁⲧ ⲁⲓϫⲟⲩϣⲧ ϧⲁ ⲧⲉⲕⲉⲡⲓⲥⲧⲟⲗⲏ ⲛ̀ⲣⲉⲙⲛ̀ⲭⲏⲙⲓ ⲉⲑⲛⲏⲟⲩ ⲅⲉ ⲅⲁⲣ ⲕⲥⲱⲟⲩⲛ ⲛ̀ⲧⲁⲙⲉⲧϩⲏⲕⲓ ⲟⲩϫⲁⲓ ⲱ ⲡⲓⲙⲉⲛⲣⲓⲧ ⲛ̀ⲧⲁⲯⲩⲭⲏ.

ϧⲉⲛⲥⲟⲩⲕ̄ⲁ̄ ⲙ̀ⲡⲓⲁⲃⲟⲧ ⲙⲉⲥⲱⲣⲏ ⲁⲯ̄ⲗ̄ⲅ̄ ⲙ̀ⲙⲁⲣⲧⲩⲣⲟⲥ ⲡⲉϣⲉⲛϯ ⲡⲓⲉⲗⲁⲭⲓⲥⲧⲟⲥ ⲡⲉⲧⲥϧⲁⲓ ⲙ̀ⲡⲁⲙⲉⲛⲣⲓⲧ ⲛ̀ⲥⲟⲛ ⲙⲁⲣⲕⲟⲥ ϫⲉ ϣⲟⲣⲡ ⲙⲉⲛ ϯϣⲓⲛⲓ ⲉⲣⲟⲕ ϧⲉⲛ ⲟⲩϣⲓⲛⲓ ⲛ̀ⲁⲑⲙⲟⲩⲛⲕ. ⲁⲧⲉⲕⲉⲡⲓⲥⲧⲟⲗⲏ ϯⲛⲟⲙϯ ⲛⲏⲓ ⲉⲧⲁⲓⲟϣⲥ. ⲁⲣⲓⲁⲅⲁⲡⲏ ⲁⲣⲓⲟⲩⲱ ⲛⲏⲓ ϧⲉⲛ ϯⲙⲉⲧⲣⲉⲙⲛ̀ⲭⲏⲙⲓ ϫⲉ ⲑⲁⲓ ⲧⲉ ϯⲁⲥⲡⲓ ⲑⲏⲉⲧⲁⲓⲥⲟⲧⲡⲥ. ⲉⲡϧⲁⲉ ϯϣⲓⲛⲓ ⲉⲣⲟⲕ. ⲟⲩϫⲁⲓ.

ⲧⲁⲁⲥ ⲛ̀ⲣⲉⲙⲛ̀ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ϧⲉⲛⲥⲟⲩⲓ̅ⲏ ⲙ̀ⲙⲉⲥⲱⲣⲏ ⲁⲯ̅ⲕ̅ⲋ ⲙ̀ⲙⲁⲣⲧⲩⲣⲟⲥ

ⲡⲉϣⲉⲛϯ ⲡⲉⲧⲥϧⲁⲓ ⲙ̀ⲡⲁⲙⲉⲛⲣⲓⲧ ⲛ̀ⲥⲟⲛ ⲉⲧⲧⲁⲓⲏⲟⲩⲧ ⲛ̀ⲧⲟⲧ ⲁⲡⲟⲇⲟⲭⲏⲛⲉ ϫⲉ ϣⲟⲣⲡ ⲙⲉⲛⲛ̀ϩⲱⲃ ⲛⲓⲃⲉⲛ ϯϣⲓⲛⲓ ⲉⲣⲟⲕ ⲟⲩⲟϩ ϯⲡⲣⲉⲟⲥⲕⲩⲛⲉⲓ ⲙ̀ⲙⲟⲕ ⲧⲟⲛⲟⲩ. ϯⲕⲁϯ ⲉⲣⲟⲕ ⲟⲩⲟϩ ϯⲥⲱⲟⲩⲛ ϫⲉ ϥⲛⲁϣⲧ ⲛ̀ⲧⲉ ⲟⲩⲣⲉⲙⲛ̀ⲭⲏⲙⲓ ⲉⲣⲭⲣⲁⲥⲑⲉ (ⲉⲣϩⲱⲃ ϧⲉⲛ) ⲛ̀ϩⲁⲛⲥⲁϫⲓ

ⲙ̀ⲙⲉⲧⲟⲩⲉⲓⲛⲓⲛ ⲁⲗⲗⲁ ⲡⲉϫⲁϥ ⲛ̀ϫⲉ ⲫⲛⲏⲃ ϫⲁⲩⲇⲉⲧ ϫⲉⲃⲣⲁ ϫⲉ ⲟⲩⲣⲉⲧⲓⲟⲩ ⲛ̀ⲛⲓⲥⲁϫⲓ ϧⲉⲛ

ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ϩⲁⲛⲥⲁϫⲓ ⲙ̀ⲙⲉⲧⲟⲩⲉⲓⲛⲓⲛ ⲡⲉ. ⲉⲑⲃⲉ ⲫⲁⲓ ⲙ̀ⲙⲟⲛϣϫⲟⲙ ⲙ̀ⲙⲟⲛ

ⲛ̀ⲧⲉⲛϩⲓⲧⲟⲩ ⲉⲃⲟⲗ ⲙⲏⲡⲟⲧⲉ ⲛ̀ⲧⲉⲛⲧⲁⲕⲉ ⲧⲉⲛⲁⲥⲡⲓ ⲕⲉ ⲡⲁⲗⲓⲛ ⲟⲛ ⲁⲕϣⲁⲛⲱϣ ⲙ̀ⲡⲓⲗⲉⲝⲓⲕⲟⲛ ⲛ̀ⲧⲉϭⲉⲣⲛⲓ ⲭⲛⲁⲉⲙⲓ ϫⲉⲟⲩⲟⲛⲧⲉⲛ ϩⲁⲛⲕⲉⲙⲏϣ ⲛ̀ⲥⲁϫⲓ ⲉⲃⲟⲗϧⲉⲛ ϩⲁⲛⲕⲉⲁⲥⲡⲓ ⲁⲛϭⲓ ⲛ̀ϩⲁⲛⲥⲁϫⲓ ⲉⲃⲟⲗⲛ̀ⲧⲟⲧⲟⲩ ⲛ̀ϯⲙⲉⲧⲁⲣⲁⲃⲟⲥ ⲛⲉⲙ ϯⲙⲉⲧϩⲉⲃⲣⲉⲟⲥ ⲛⲉⲙ ϩⲁⲛⲕⲉⲁⲥⲡⲓ. ⲑⲁⲓ ⲧⲉ ⲧϧⲉ ⲛ̀ⲛⲓⲁⲥⲡⲓ. ⲙ̀ⲙⲟⲛⲧⲟⲩ ⲥⲟⲃⲧ ⲙ̀ⲃⲉⲛⲓⲡⲓ ϫⲉϩⲓⲛⲁ ⲛ̀ⲧⲉϥⲑⲁϣⲟⲩ ⲛ̀ⲧⲉϥⲫⲟⲣϫⲟⲩ. ⲉⲕⲉϫⲉⲙⲛⲟⲙϯ ⲟⲩⲟϩ ⲙⲁⲧⲁϫⲣⲟⲕ ⲁⲡⲟⲇⲟⲭⲏⲛⲉ, ϣⲁⲓⲣⲁϣⲓ ⲁⲓϣⲁⲛⲱϣ ⲛ̀ⲛⲉⲕⲉⲡⲓⲥⲧⲟⲗⲏ ⲉⲧⲥϧⲏⲟⲩⲧ ϧⲉⲛ ϯⲙⲉⲧⲣⲉⲙⲛ̀ⲭⲏⲙⲓ. ⲁⲙⲟⲓ ⲛ̀ⲧⲉ ⲟⲩⲟⲛ ⲛⲓⲃⲉⲛ ⲉⲧⲭⲏ ϧⲉⲛ ⲡⲁⲓϫⲓⲛⲑⲱⲟⲩϯ ⲫⲁⲓ ⲥϧⲁⲓ ⲙ̀ⲡⲉⲕⲣⲏϯ

ⲟⲩϫⲁⲓ

ⲧⲏⲓⲥ ⲛ̀ⲁⲡⲟⲇⲟⲭⲏⲛⲉ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ϧⲉⲛⲥⲟⲩⲓ̅ⲅ ⲙ̀ⲙⲉⲥⲱⲣⲏ ⲁⲯ̅ⲕ̅ⲋ ⲙ̀ⲙⲁⲣⲧⲩⲣⲟⲥ

ⲉⲧⲉ ⲥⲟⲩⲑ̅ ⲛ̀ⲣⲁⲍⲓⲃⲟⲛ (ⲣⲁⲙⲃⲓⲍⲟⲛ) ⲁⲩ̅ⲗ̅ⲁ̅ ⲛ̀ϯⲣⲟⲙⲡⲓ ⲛ̀ⲁⲣⲁⲃⲓⲕⲏ (ⲛ̀ⲟⲩⲱⲧⲉⲃ)

ⲡⲉϣⲉⲛϯ ⲡⲉⲧⲥϧⲁⲓ ⲙ̀ⲡⲁⲙⲉⲛⲣⲓⲧ ⲛ̀ⲥⲟⲛ ⲉⲧⲧⲁⲓⲏⲟⲩⲧ ⲛ̀ⲧⲟⲧ ⲁⲃⲣⲁⲙ ϫⲉ ϧⲁⲧϩⲏ ⲇⲉ ⲛ̀ϩⲱⲃ ⲛⲓⲃⲉⲛ ϯϣⲓⲛⲓ ⲉⲣⲟⲕ ⲟⲩⲟϩ ϯⲡⲣⲉⲟⲥⲕⲩⲛⲉⲓ ⲙ̀ⲙⲟⲕ ⲧⲟⲛⲟⲩ: ⲭⲁⲓⲣⲉ: ⲉⲧⲁⲓϭⲓⲧⲉⲕⲉⲉⲡⲓⲥⲧⲟⲗⲏ ⲁⲓⲟⲩⲛⲟϥ ⲙ̀ⲙⲟⲓ. ϯⲣⲁϣⲓ ⲛⲉⲙⲁⲕ ϫⲉ ⲁⲕⲉⲣϩⲏⲧⲥ ⲛ̀ϯⲥⲃⲱ ϧⲉⲛⲧⲉⲕⲉⲕⲕⲗⲏⲥⲓⲁ. ϥⲥⲙⲁⲣⲱⲟⲩⲧ ⲛ̀ϫⲉⲡⲉⲕϩⲱⲃ ⲫⲁⲓ ⲉⲧⲉⲙⲙⲁⲩ ⲛⲉⲙⲛⲉⲕⲕⲉϩⲃⲏⲟⲩⲓ ⲧⲏⲣⲟⲩ.

ϧⲉⲛⲧⲁⲓⲛⲏⲥⲧⲓⲁ ⲑⲁⲓ ⲁϥϫⲱ ⲛ̀ⲥⲁϥ ⲛ̀ϫⲉ ⲡⲓⲭⲱⲣⲟⲥ ⲛ̀ⲧⲉⲧⲁⲓⲉⲕⲕⲗⲏⲥⲓⲁ ⲑⲁⲓ ⲉⲧⲉⲙⲙⲁⲩ ⲙ̀ⲡⲓϫⲱ ⲛ̀ⲧⲉ ⲡⲓⲥⲏⲓⲛⲓ ⲕⲁⲙⲁⲗ ⲫⲁⲣⲓⲇ ⲓⲥⲁⲁⲕ ϫⲉⲧⲉⲛⲙⲉⲛⲣⲓϯ ⲙⲁⲣⲓⲁ ⲕⲉ ⲡⲁⲗⲓⲛ ⲟⲛ ⲁⲩⲉⲣⲙⲉⲛⲉⲩⲓⲛ ⲙ̀ⲡⲓϩⲩⲙⲛⲟⲥ ⲙⲁⲣⲓⲁ ⲁⲣⲉⲥⲱⲟⲩⲛ ⲉϯⲙⲉⲧⲣⲉⲙⲛ̀ⲭⲏⲙⲓ ⲟⲩⲟϩ ⲁⲩϫⲱ

ⲛ̀ϩⲁⲛⲥⲧⲩⲭⲟⲛ ⲛ̀ϯⲙⲉⲧⲣⲉⲙⲛ̀ⲭⲏⲙⲓ.

ⲉⲡϧⲁⲉ ⲁⲛⲟⲕ ⲙ̀ⲡⲓⲉⲣϩ̀ⲗⲓ. ⲛ̀ⲑⲟⲕ ⲡⲉⲧⲁⲕϭⲓⲥⲃⲱ ⲉⲣⲟⲥ ⲓⲥϫⲉⲛⲧⲉⲕⲙⲉⲧⲁⲗⲟⲩ ϧⲉⲛⲟⲩⲛⲓϣϯ ⲛ̀ϧⲙⲟⲙ ⲉϧⲟⲩⲛ ⲉⲧⲁⲓⲁⲥⲡⲓ ⲑⲁⲓ ⲉⲧⲉⲙⲙⲁⲩ. ⲉⲑⲃⲉ ⲫⲁⲓ ϣⲁⲕⲥⲁϫⲓ ϧⲉⲛⲟⲩⲙⲟⲑⲛⲉⲥ. ⲉⲕⲉⲧⲁϫⲣⲟ ϫⲉⲭⲛⲁⲉⲣⲟⲩⲗⲩⲭⲛⲓⲁ ϧⲉⲛϯⲉⲕⲕⲗⲏⲥⲓⲁ ⲛ̀ⲧⲉⲁⲃⲃⲁ ⲧⲉϫⲓ ⲉⲫⲗⲏⲟⲩ.

ⲟⲩϫⲁⲓ

ⲙⲏⲓⲥ ⲛ̀ⲁⲃⲣⲁⲙ ϩⲓⲧⲉⲛ ⲡⲉϣⲉⲛϯ

ϧⲉⲛⲥⲟⲩⲓ̅ ⲙ̀ⲙⲉⲥⲱⲣⲏ ⲁⲯ̅ⲕ̅ⲋ ⲙ̀ⲙⲁⲣⲧⲩⲣⲟⲥ ⲉⲧⲉ ⲫⲟⲟⲩ ⲛ̀ⲁⲃⲓⲧ

ϧⲉⲛⲡⲥⲏⲟⲩ ⲛ̀ⲧⲉⲛⲓⲙⲱⲟⲩ ⲛ̀ⲧⲉ ⲫⲓⲁⲣⲟ ⲫⲏⲉⲧⲟⲩⲙⲟⲩϯ ⲉⲣⲟϥ ϫⲉϯⲁⲙⲏⲓⲣⲓ (ⲧⲉⲙⲏⲣⲉ)

ⲡⲉϣⲉⲛϯ ⲡⲉⲧⲥϧⲁⲓ ⲙ̀ⲡⲁⲙⲉⲛⲣⲓⲧ ⲛ̀ⲥⲟⲛ ⲉⲧⲧⲁⲓⲏⲟⲩⲧ ⲛ̀ⲧⲟⲧ ⲁⲡⲟⲇⲟⲭⲏⲛⲉ ϫⲉϣⲟⲣⲡⲙⲉⲛ ⲛ̀ϩⲱⲃ ⲛⲓⲃⲉⲛ ϯϣⲓⲛⲓ ⲉⲣⲟⲕ ⲟⲩⲟϩ ϯⲡⲣⲉⲟⲥⲕⲩⲛⲉⲓ ⲙ̀ⲙⲟⲕ ⲧⲟⲛⲟⲩ. ⲉⲧⲁⲓϭⲓ ⲛⲉⲕⲉⲥϧⲁⲓ ⲁⲓⲟⲩⲛⲟϥ ⲙ̀ⲙⲟⲓ ⲉⲙⲁϣⲱ ϫⲉⲁⲛⲟⲕ ϩⲱ ϯϯⲙⲁϯ ⲛⲉⲙⲁⲕ ⲉⲛⲉⲥϧⲁⲓ ⲕⲁⲧⲁ ⲧϧⲉ ⲛ̀ⲧⲉⲛⲉⲛⲓⲟϯ ⲡⲁⲛⲧⲱⲥ ⲣⲱ ⲙⲓⲟⲕ ϫⲉⲁⲕⲉⲣⲟⲩⲱ ⲉⲕⲥϧⲁⲓ ϧⲉⲛϯⲙⲉⲧⲣⲉⲙⲛ̀ⲭⲏⲙⲓ. ⲕⲥⲱⲟⲩⲛ ϫⲉϥⲛⲁϣⲧ ⲛ̀ⲧⲉⲟⲩⲁⲓ ⲥⲉⲙⲛⲓ ⲛ̀ⲛⲓⲉⲃ ⲛ̀ⲥϧⲁⲓ (ⲛⲓⲕⲟⲗⲩⲙⲃⲏⲑⲣⲁ) ϧⲉⲛϯⲏⲗⲉⲕⲧⲣⲟⲛⲓⲕⲟⲥ ⲩⲡⲟⲗⲟⲅⲓⲥⲧⲏⲥ ⲁⲗⲗⲁ ⲉⲛⲉϭⲱⲛⲧ. ⲁⲛⲟⲛⲇⲉ ϩⲱⲛ ⲛⲏⲉⲧⲁⲛⲥⲱⲧⲡ ⲙ̀ⲡⲁⲓⲙⲱⲓⲧ ⲉⲑⲛⲁϣⲧ ⲫⲁⲓ ϩⲱϯ ⲛ̀ⲧⲉⲛϯⲛⲟⲙϯⲛ̀ⲛⲉⲛⲉⲣⲏⲟⲩ.

ⲟⲩϫⲁⲓ

ϧⲉⲛⲥⲟⲩⲗ̅ ⲛ̀ⲉⲡⲓⲡ ⲁⲯ̅ⲕ̅ⲋ̅;̅ ⲙ̀ⲙⲁⲣⲧⲩⲣⲟⲥ;

ⲡⲉϣⲉⲛϯ ⲡⲓⲉⲗⲁⲭⲓⲥⲧⲟⲥ ⲡⲉⲧⲥϧⲁⲓ ⲙ̀ⲡⲁⲙⲉⲛⲣⲓⲧ ⲛ̀ⲛⲏⲃ ⲉⲧⲧⲁⲓⲏⲟⲩⲧ ⲛ̀ⲧⲟⲧ ϩⲁⲛⲓ ⲑⲉⲕⲗⲁ. ϫⲉϣⲟⲣⲡⲙⲉⲛ ⲛ̀ϩⲱⲃ ⲛⲓⲃⲉⲛ ϯϣⲓⲛⲓ ⲉⲣⲟⲕ ⲟⲩⲟϩ ϯⲡⲣⲟⲥⲕⲩⲛⲉⲓ ⲙ̀ⲙⲟⲕ ⲧⲟⲛⲟⲩ ⲭⲉⲣⲉ ⲛⲁⲕ; ⲟⲩ ⲡⲉ ⲉⲧϣⲟⲡ ⲙ̀ⲙⲟⲕ. ⲉⲧⲁⲓϭⲓ ⲛ̀ϯⲉⲡⲓⲥⲧⲟⲗⲏ ⲛ̀ⲧⲉⲡⲁϣⲫⲏⲣ ⲁⲙⲟⲩⲛ ⲁⲓⲟⲩⲟⲛⲟϥ ⲙ̀ⲙⲟⲓ ⲉⲙⲁϣⲱ ϫⲉⲁⲕⲉⲣϣⲫⲏⲣ ⲛⲉⲙⲁⲛ.; ϧⲉⲛⲟⲩⲙⲉⲑⲙⲏⲓ ⲁⲛϭⲓⲧⲁⲧⲓⲟ ⲟⲩⲟϩ ⲁⲛϭⲓⲥⲙⲟⲩ ⲉⲧⲁⲕⲉⲣϣⲫⲏⲣ ⲛⲉⲙⲁⲛ ϧⲉⲛⲡⲁⲓϫⲓⲛⲑⲱⲟⲩϯ ⲫⲁⲓ; ϯϩⲓϣⲉⲛⲛⲟⲩϥⲓ ⲛ̀ⲟⲩⲟⲛ ⲛⲓⲃⲉⲛ ⲉⲧϣⲟⲡ ⲛⲉⲙⲁⲛ ϧⲉⲛⲡⲁⲓϫⲓⲛⲑⲱⲟⲩϯ ⲫⲁⲓ ϫⲉ ⲁⲕⲉⲣϣⲫⲏⲣ ⲛⲉⲙⲁⲛ ⲕⲉ ⲡⲁⲗⲓⲛ ⲟⲛ ϯⲟⲩⲱϣ ⲛ̀ⲧⲉ ⲧⲁⲙⲉ ⲟⲩⲟⲛ ⲛⲓⲃⲉⲛ ⲉⲡⲁⲓⲟⲩⲱ ⲉⲑⲛⲁⲛⲉϥ;

ⲛⲁⲥⲛⲏⲟⲩ ⲛⲏⲉⲧϥⲓⲣⲱⲟⲩϣ ϧⲁϯⲙⲉⲧⲣⲉⲙⲛ̀ⲭⲏⲙⲓ ⲛⲉⲙⲛⲏⲉⲧϯϩⲑⲏⲧⲉⲛ ⲉⲧⲁⲓⲁⲥⲡⲓ ⲑⲁⲓ; ⲙ̀ⲫⲟⲟⲩ ⲁⲟⲩⲛⲓϣϯ ⲙ̀ⲫⲱⲥⲧⲏⲣ ⲉⲣϣⲫⲏⲣ ⲛⲉⲙⲁⲛ; ⲡⲁⲓⲣⲱⲙⲓ ⲛ̀ⲣⲉϥⲉⲙⲓⲡⲉ ⲫⲛⲏⲃ ϩⲁⲛⲓ ⲑⲉⲕⲗⲁ ⲫⲏⲉⲧⲁϥϩⲓⲥⲉⲛϯ ⲙ̀ⲡϫⲓⲛⲑⲱⲟⲩϯ ⲫⲏⲉⲑⲟⲩⲁⲃ ϣⲉⲛⲟⲩⲧⲉ ⲡⲓⲁⲣⲭⲓⲙⲁⲛⲇⲣⲓⲧⲏⲥ; ⲡⲁⲗⲓⲛ ⲟⲛ ⲛ̀ⲑⲟϥ ⲟⲩⲛⲓϣϯ ⲛ̀ⲣⲱⲙⲓ ⲛ̀ⲣⲉϥⲉⲙⲓⲡⲉ ϧⲉⲛⲛⲓⲥⲃⲱⲟⲩⲓ ϯⲙⲉⲧⲣⲉⲙⲛ̀ⲭⲏⲙⲓ; ϯⲣⲁϣⲓ ⲛⲉⲙⲱⲧⲉⲛ ⲛⲁⲥⲛⲏⲟⲩ ϫⲉϥⲥⲙⲁⲣⲱⲟⲩⲧ ⲛ̀ϫⲉⲫⲛⲁⲩ ⲉⲧⲁϥⲓ̀ ϣⲁⲣⲟⲛ ⲛ̀ϫⲉⲡⲁⲓⲛⲓϣϯ ⲛ̀ⲥⲟⲫⲟⲥ;

ⲟⲩϫⲁⲓ

ⲧⲏⲓⲥ ⲙ̀ⲫⲛⲏⲃ ϩⲁⲛⲓ ⲑⲉⲕⲗⲁ ϩⲓⲧⲉⲛⲡⲉϣⲉⲛϯ

ϧⲉⲛⲥⲟⲩⲕ̅ⲏ ⲛ̀ⲉⲡⲓⲡ ⲁ,ⲯ̅ⲕ̅ⲋ̅ ⲙ̀ⲙⲁⲣⲧⲩⲣⲟⲥ

ⲡⲉϣⲉⲛϯ ⲡⲉⲧⲥϧⲁⲓ ⲙ̀ⲡⲁⲙⲉⲛⲣⲓⲧ ⲛ̀ⲥⲟⲛ ⲉⲧⲧⲁⲓⲏⲟⲩⲧ ⲛ̀ⲧⲟⲧ ⲣⲟⲃⲉⲣⲧ ⲥⲁⲗⲓⲃ ϫⲉϧⲁⲧϩⲏⲇⲉ ⲛ̀ϩⲱⲃ ⲛⲓⲃⲉⲛ ϯϣⲓⲛⲓ ⲟⲩⲟϩ ϯⲡⲣⲟⲥⲕⲩⲛⲉⲓ ⲙ̀ⲙⲟⲕ ⲧⲟⲛⲟⲩ. ⲉⲧⲁⲓϭⲓ ⲛⲉⲕⲥⲁϫⲓ ⲁⲓⲣⲁϣⲓ ⲉⲙⲁϣⲱ. ⲁⲣⲓⲁⲅⲁⲡⲏ ⲙⲟⲩⲛ ⲉⲃⲟⲗ ⲛ̀ⲥϧⲁⲓ ⲛ̀ϩⲁⲛϩⲩⲙⲛⲟⲥ ⲛ̀ⲣⲉⲙⲛ̀ⲭⲏⲙⲓ. ϯⲡⲁⲣⲁⲕⲁⲗⲉⲓ ⲙ̀ⲙⲟⲕ ⲛ̀ⲧⲉⲕⲙⲟⲩⲛ ⲉⲃⲟⲗ ⲛ̀ⲥϧⲁⲓ.

ⲁⲕⲧⲱⲃϩ ⲛ̀ⲧⲁⲟⲩⲱⲣⲡ ⲛⲁⲕ ⲙ̀ⲫⲙⲁ ⲛ̀ⲧⲉ ⲡⲓϫⲱⲙ ⲟⲩⲙⲉϩⲓ ⲛ̀ⲣⲉⲙⲛ̀ⲭⲏⲙⲓ

https://bashandy.blogspot.com/

ⲓⲥϫⲉⲛ ⲛⲁⲩ ⲉⲃⲇⲟⲙⲁⲥⲃ̅ϯ ⲁⲓⲓ̀ ⲉϩⲣⲉⲛ ⲡⲓⲥⲏⲓⲛⲓ ⲉⲧⲧⲁⲓⲏⲟⲩⲧ ⲁϩⲙⲓⲥ ⲡⲁϩⲱⲣ ⲕⲗⲁⲩⲇⲓⲟⲥ ⲗⲁⲃⲓⲃ ⲁϥⲧⲁⲙⲟⲓ ⲉⲡⲉϥⲓⲱⲧ ⲛⲉⲙⲡⲉϥⲛⲟϫ ⲛ̀ⲓⲱⲧ ⲉⲧⲉ ⲫⲛⲏⲃ ⲕⲗⲁⲩⲇⲓⲟⲥ ⲗⲁⲃⲓⲃ. ⲡⲉϫⲁϥ ⲛⲏⲓ ϫⲉⲁⲡⲉϥⲛⲟϫ ⲛ̀ⲓⲱⲧ ⲁϥϯⲥⲃⲱ ⲉϯⲙⲉⲧⲣⲉⲙⲛ̀ⲭⲏⲙⲓ ⲙ̀ⲡⲉϥⲏⲓ ⲧⲏⲣϥ ⲕⲉ ⲡⲁⲗⲓⲛ ⲟⲛ ⲁϥⲧⲥⲁⲃⲟ ⲛ̀ⲧⲁⲓⲁⲥⲡⲓ ⲑⲁⲓ ⲉϯⲣⲉϥϣⲉⲙϣⲓ ⲛ̀ⲥⲁⲣⲁⲅⲉⲛⲟⲥ. ⲉⲛⲁϥϯⲥⲃⲱ ϧⲉⲛ ϯⲕⲗⲩⲣⲓⲕⲓⲁ ⲛⲁϥⲭⲁⲧⲟⲧⲥ ⲛ̀ⲧⲉϥⲥⲱⲧⲉⲙ ⲉⲟⲩⲥⲁϫⲓ ⲛ̀ⲟⲩⲱⲧ ϧⲉⲛ ⲟⲩⲕⲉⲁⲥⲡⲓ. ⲁϥϣⲉⲛⲁϥ ⲉϣⲓϩⲏⲧ ⲛ̀ⲧⲉϥⲕⲱϯ ⲛ̀ⲥⲁ ϯⲙⲉⲧⲣⲉⲙⲛ̀ⲭⲏⲙⲓ. ⲟⲩⲟϩ ⲛ̀ϩⲁⲛⲥⲟⲡ ⲛⲁϥⲉⲣ ⲡⲓⲉϫⲱⲣϩ ⲧⲏⲣϥ ⲛ̀ⲁⲧϩⲓⲛⲓⲙ ⲉϥⲥϧⲁⲓ ⲙ̀ⲡⲓⲗⲉⲝⲓⲕⲟⲛ. ⲟⲩⲟϩ ⲉⲧⲁϥϫⲟⲕϥ ⲉⲃⲟⲗ ⲁϥϩⲓ ⲡⲉϥⲑⲏⲟⲩ (ⲁϥⲙⲟⲩ) ⲉϫⲉⲛⲡⲉϥⲙⲁⲛⲥϧⲁⲓ ϧⲉⲛⲡⲉϥⲏⲓ.

ⲟⲩϫⲁⲓ

ⲧⲏⲓⲥ ⲛ̀ⲣⲟⲃⲉⲣⲧ ⲥⲁⲗⲓⲃ ϩⲓⲧⲉⲛⲡⲉϣⲉⲛϯ

ϧⲉⲛⲥⲟⲩⲕ̅ ⲙ̀ⲡⲓⲁⲃⲟⲧ ⲭⲟⲓⲁⲕ ⲁⲯ̅ⲕ̅ⲉ ⲙ̀ⲙⲁⲣⲧⲩⲣⲟⲥ

ⲡⲉϣⲉⲛϯ ⲡⲉⲧⲥϧⲁⲓ ⲛ̀ⲣⲉⲙⲛ̀ⲭⲏⲙⲓ ϫⲉϣⲟⲣⲡⲙⲉⲛ ϯϣⲓⲛⲓ ⲉⲣⲱⲧⲉⲛ.

ⲁⲣⲉⲧⲉⲛⲉⲣϣⲁⲓ ϧⲉⲛ ⲛⲁⲓⲉϩⲟⲟⲩ ⲟⲩⲟⲛ ϩⲁⲛⲣⲱⲙⲓ ⲁⲩⲣⲱⲓⲥ ϧⲉⲛϯⲉⲕⲕⲗⲏⲥⲓⲁ ⲛ̀ⲣⲉⲙⲛ̀ⲭⲏⲙⲓ ⲛ̀ⲟⲣⲑⲟⲇⲟⲝⲟⲥ ⲉⲩϩⲱⲥ ⲉⲫϯ ⲉⲩϯⲱⲟⲩ ⲛ̀ϯⲁⲅⲓⲁ ⲙⲁⲣⲓⲁ ϯⲡⲁⲣⲑⲉⲛⲟⲥ. ⲟⲩⲟⲛ ϩⲁⲛⲕⲉⲣⲱⲙⲓ ⲉⲩⲥⲉⲗⲥⲉⲗⲡⲓϣϣⲏⲛ ⲛ̀ⲧⲉⲡⲓⲙⲓⲥⲓ ⲙ̀ⲡⲭ̅ⲥ ⲟⲩⲟϩ ⲁⲩϯϩⲓⲱⲧⲟⲩ ⲛ̀ϩⲁⲛϩⲃⲱⲥ ⲉⲩⲑⲣⲉϣⲣⲱϣ ⲉⲩⲟⲛⲓ ⲙ̀ⲡⲓⲁⲅⲓⲟⲥ ⲛⲓⲕⲟⲗⲁⲟⲥ.

ⲟⲩⲟⲛ ϩⲁⲛⲕⲉⲣⲱⲙⲓ ⲁⲩⲥⲓϯ ⲙ̀ⲫⲉⲗ, ϫⲱϥⲓ, ⲛⲉⲙⲡⲓⲙϫⲱⲗ

ⲡⲉϣⲉⲛϯ

ⲡⲉϣⲉⲛϯ ⲡⲉⲧⲥϧⲁⲓ ⲛ̀ⲣⲉⲙⲛ̀ⲭⲏⲙⲓ ϫⲉ ϣⲟⲣⲡ ⲙⲉⲛ ϯϣⲓⲛⲓ ⲉⲣⲱⲧⲉⲛ

ⲭⲉⲣⲉ ⲛⲱⲧⲉⲛ ⲛⲁⲙⲉⲛⲣⲁϯ

ϯⲉⲣϩⲉⲗⲡⲓⲥ ⲛ̀ⲧⲉⲧⲉⲛϣⲛⲁⲩ ⲉⲧⲁⲓⲉⲡⲓⲥⲧⲟⲗⲏ ⲑⲁⲓ ϧⲉⲛ ϩⲁⲛⲥϧⲁⲓ ⲛ̀ⲣⲉⲙⲛ̀ⲭⲏⲙⲓ. ⲡⲓⲁⲃⲟⲧ ⲭⲟⲓⲁⲕ ⲁϥϧⲱⲛⲧ ⲧⲟⲛⲁ ⲟⲩⲟϩ ⲛⲓϩⲩⲙⲛⲟⲥ ⲙ̀ⲡⲁⲓⲁⲃⲟⲧ ⲥⲉⲛⲉⲣϩⲏⲧⲥ ⲛ̀ⲭⲱⲗⲉⲙ. ⲕⲉ ⲡⲁⲗⲓⲛ ⲟⲛ ϯⲟⲩⲱϣ ⲛ̀ⲧⲁϫⲟⲥ ⲛⲱⲧⲉⲛ ϫⲉ ϯⲣⲁϣⲓ ϫⲉ ⲫⲛⲏⲃ ⲙⲁⲣⲕⲟⲥ ⲛⲉⲙ ⲡⲓⲥⲏⲓⲛⲓ ϥⲁⲇⲓ ⲥⲉⲥϧⲁⲓ ⲛ̀ϯⲙⲉⲧⲣⲉⲙⲛ̀ⲭⲏⲙⲓ.

ⲙⲏⲓⲥ ⲛ̀ⲣⲉⲙⲛ̀ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ϩⲁⲛⲣⲉϥⲉ̀ⲙⲓ ⲛ̀ⲣⲉⲙϩⲩⲧⲁⲗⲓⲁ ⲁⲩϫⲓⲙⲓ ⲛ̀ϩⲁⲛⲥ̀ⲕⲉⲩⲥ ⲛ̀ⲥⲟϫⲉⲛ ⲉⲩϣ̀ⲧⲁⲙⲏⲟⲩⲧ ⲉⲩⲑⲟⲙⲥ ϧⲉⲛⲡⲓϯⲙⲓ ⲁⲗⲙⲁϫⲇⲁⲗ ⲟⲩⲟϩ ⲛⲁⲓ ⲉⲩϣⲟⲡ ⲓⲥϫⲉⲛ ϣⲟ ⲥ̀ⲛⲁⲩ ⲛ̀ⲣⲟⲙⲡⲓ

ϧⲉⲛⲥⲟⲩⲅ̅ ⲙ̀ⲡⲓⲁⲃⲟⲧ ⲭⲟⲓⲁⲕ ⲁⲯ̅ⲕ̅ⲉ̅ ⲙ̀ⲙⲁⲣⲧⲩⲣⲟⲥ

ⲡⲉϣⲉⲛϯ ⲡⲉⲧⲥϧⲁⲓ ⲛ̀ⲣⲉⲙⲛ̀ⲭⲏⲙⲓ ϫⲉϣⲟⲣⲡⲙⲉⲛ ϯϣⲓⲛⲓ ⲉⲣⲱⲧⲉⲛ

ⲁⲓⲣⲁϣⲓ ⲉⲧⲁⲓⲥϧⲁⲓ ⲛ̀ϯⲙⲉⲧⲣⲉⲙⲛ̀ⲭⲏⲙⲓ, ⲉⲧⲁ ⲫⲛⲏⲃ ⲙⲁⲣⲕⲟⲥ ⲉⲣⲟⲩⲱ ⲛⲏⲓ ϧⲉⲛ ⲧⲁⲓⲁⲥⲡⲓ ⲙ̀ⲙⲓⲛ ⲙ̀ⲙⲟⲥ. ⲧⲉⲛⲕⲁϯ ⲉ̀ⲛⲉⲛⲉⲣⲏⲟⲩ. ⲟⲩⲟⲛ ⲟⲩⲙⲟⲩⲣ ⲟⲩⲧⲏⲛ ⲛⲉⲙ ⲛⲉⲛⲓⲟϯ ⲉϥⲥϧⲏⲟⲩⲧ ϧⲉⲛ ϯⲙⲉⲧⲣⲉⲙⲛ̀ⲭⲏⲙⲓ. ⲉⲧⲁϥⲧⲁⲕⲟ ⲧⲉⲛⲁⲥⲡⲓ ⲁⲥⲙⲟⲩ. ⲟⲩⲟⲛⲧⲉⲛ ⲡⲁⲓϫⲓⲛⲑⲱⲟⲩϯ ϯⲛⲟⲩ ⲟⲩⲟϩ ⲧⲉⲛⲥϧⲁⲓ ⲛ̀ⲧⲁⲓⲁⲥⲡⲓ ⲑⲁⲓ.

ⲁⲣⲏⲟⲩ ⲉⲧⲁ ⲫⲛⲏⲃ ⲁⲧⲑⲱⲟⲩⲓ ⲭⲁ ⲡϫⲓⲛⲑⲱⲟⲩϯ ⲁⲓⲛⲉϩⲥⲓ ⲙ̀ⲙⲟⲓ. ⲁⲓϣⲑⲟⲣⲧⲉⲣ ⲟⲩⲟϩ ⲁⲓⲙⲟⲕⲙⲉⲕ ϫⲉ ⲟⲩ ⲡⲉⲧⲁϥϣⲱⲡⲓ ⲙⲏ ⲁϥⲥⲱⲣⲉⲙ ⲛ̀ϫⲉ ⲡⲁⲓϫⲓⲛⲑⲱⲟⲩϯ ϩⲓ ⲛⲓⲧⲱⲟⲩ ⲛ̀ⲧⲉ ⲡⲓⲥⲁϫⲓ ϧⲁ ϯⲁⲥⲡⲓ.

ⲁⲛⲛⲁⲉⲣ ⲟⲩ ⲛ̀ⲧⲉⲛⲗⲣⲉ ⲡⲁⲓϫⲓⲛⲑⲱⲟⲩϯ ⲫⲁⲓ ⲁⲓⲁⲓ ⲟⲩⲟϩ ⲁϣⲁⲓ; ⲙⲏ ϩⲱϯ ⲛ̀ⲧⲉⲛⲑⲱϩⲉⲙ ⲛ̀ϩⲁⲛⲕⲉⲣⲱⲙⲓ; ⲟⲩⲟⲛⲧⲉⲛ ⲉϩⲟⲧⲉ ⲉⲯⲓⲧϣⲉ ⲛ̀ⲣⲱⲙⲓ

ⲉⲡϧⲁⲉ, ⲉⲓⲉϫⲟⲥ ⲛⲱⲧⲉⲛ ϫⲉ ⲁⲓϭⲓϣϣⲱⲟⲩ ⲛ̀ⲧⲉ ⲛⲁⲩ ⲉϩⲁⲛⲕⲉⲥϧⲁⲓ ϧⲉⲛ ϯⲙⲉⲧⲣⲉⲙⲛ̀ⲭⲏⲙⲓ

ⲧⲁⲁⲥ ⲛ̀ⲣⲉⲙⲛ̀ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ⲡⲉϣⲉⲛϯ ⲡⲉⲧⲥϧⲁⲓ ̀ⲙⲡϫⲓⲛⲑⲱⲟⲩϯ ⲉⲧⲟⲩⲙⲟⲩϯ ⲉⲣⲟϥ ϫⲉⲣⲉⲙⲛⲭⲏⲙⲓ ϫⲉϣⲟⲣⲡⲙⲉⲛ ϯϣⲓⲛⲓ ⲉⲣⲱⲧⲉⲛ ⲟⲩⲡⲉⲧϣⲟⲡ ⲙ̀ⲙⲱⲧⲉⲛ ⲁⲓⲟⲩⲛⲟϥ ̀ⲙⲙⲟⲓ ⲉⲧⲁⲓⲱϣ ̀ⲙⲡⲓⲥϧⲁⲓ ⲫⲁ ⲫⲛⲏⲃ ⲁⲙⲟⲩⲛ. ⲕⲉ ⲡⲁⲗⲓⲛ ⲟⲛ ϯⲟⲩⲱϣ ̀ⲛⲧⲁⲧⲁⲙⲉ ⲑⲏⲛⲟⲩ ϫⲉ ϩⲓⲛⲁ ̀ⲛⲧⲉⲛⲉⲣⲃⲟⲏⲑⲓⲛ ⲉϯⲙⲉⲧⲣⲉⲙⲛ̀ⲭⲏⲙⲓ ϩⲱϯ ⲛⲁⲛ ̀ⲛⲧⲉⲛ ⲥⲱⲟⲩⲛ ̀ⲙⲡⲉⲥϩⲟϫϩⲉϫ.

ⲛϩⲟⲩⲟⲇⲉ ϩⲱϯ ̀ⲛⲧⲉⲉⲣⲟⲩⲱ ⲉⲛⲁⲓ ϣⲓⲛⲓ

1. ϯⲁⲥⲡⲓ ̀ⲛⲣⲉⲙⲛ̀ⲭⲏⲙⲓ ⲉⲥⲱⲛϧ ⲓⲉ ⲉⲥⲙⲱⲟⲩⲧ;

2. ⲉⲁⲛⲉⲣⲟⲩⲱ ϫⲉ ⲉⲥⲱⲛϧ, ⲟⲩ ⲡⲉ ⲡϩⲟϫϩⲉϫ ⲛ̀ⲧⲁⲓⲁⲥⲡⲓ ⲑⲁⲓ;

3. ⲉⲁⲛⲉⲣⲟⲩⲱ ϫⲉ ⲉⲥⲙⲱⲟⲩⲧ, ⲙⲏ ϩⲱϯ ̀ⲛⲧⲉⲛⲧⲁⲛϧⲟⲥ;

4. ⲁⲛϣⲁⲛⲉⲣⲟⲩⲱ ϫⲉ ϩⲱϯ ̀ⲛⲧⲉⲛⲧⲁⲛϧⲟⲥ, ⲉⲛⲉϣⲓⲛⲓ ̀ⲙⲙⲓⲛ ̀ⲙⲙⲟⲛ ϫⲉⲉⲑⲃⲉ ⲧⲉⲛⲟⲩⲱϣ ̀ⲙⲫⲁⲓ;

ⲟⲩϫⲁⲓ

ⲭⲉⲣⲉ ⲛⲱⲧⲉⲛ ⲛⲁⲙⲉⲛⲣⲁϯ ̀ⲛⲣⲉⲙⲛ̀ⲭⲏⲙⲓ

1.ϫⲉ ⲁⲩⲧⲱⲃϩ ̀ⲛⲧⲁⲥϧⲁⲓ ϯⲟⲩⲱⲣⲡ ̀ⲙⲡⲁⲓⲥϧⲁⲓ.

ⲁⲟⲩϣⲫⲏⲣ ̀ⲛⲧⲏⲓ ⲡⲉϫⲁϥ ⲛⲏⲓ ϫⲉ ̀ⲙⲡⲉⲣⲥⲁϫⲓ ϧⲁ ϯⲁⲥⲡⲓ ̀ⲛⲣⲉⲙⲛ̀ⲭⲏⲙⲓ. ⲙⲡⲉⲣⲙⲟⲕⲙⲉⲕ ϫⲉⲥⲙⲱⲟⲩⲧ ⲓⲉ ⲥⲟⲛϧ ⲧⲉ, ⲁⲗⲗⲁ ⲉⲕⲉⲥⲁϫⲓ ⲛ̀ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲉⲕⲉⲉⲣⲭⲣⲁⲥⲑⲉ ̀ⲙⲙⲟⲥ. ⲛⲧⲁⲫⲙⲏⲓ ⲁϥϫⲟⲥ ̀ⲛϯⲙⲉⲑⲙⲏⲓ

2.ⲫⲛⲏⲃ ⲉⲧⲧⲁⲓⲏⲟⲩⲧ ⲙⲁⲣⲕⲟⲥ ⲓⲟⲥⲧⲟⲥ ⲓⲉ ⲡⲉⲧⲣⲟⲥ ⲓⲟⲥⲧⲟⲥ. ϯϣⲉⲡϩⲙⲟⲧ

ⲛⲧⲟⲧⲕ ⲉⲑⲃⲉ ⲛⲉⲕⲥϧⲁⲓ. ̀ⲛⲑⲟⲕ ⲟⲩⲁⲓⲣⲟ ⲉϥⲃⲉⲃⲓ ϧⲉⲛⲧⲉⲛⲁⲥⲡⲓ. ⲫⲛⲏⲃ

ⲁⲙⲟⲩⲛ ⲛⲉⲙⲫⲛⲏⲃ ⲁⲡⲟ ⲧⲟϧⲁⲛⲁ ϯϣⲉⲡϩⲙⲟⲧ ̀ⲛⲧⲉⲛⲑⲏⲛⲟⲩ

3. ⲓⲥϫⲉⲛ ⲉⲃⲇⲟⲙⲁⲥⲥⲛⲟⲩϯ ⲁⲓⲓ̀ ⲉϩⲣⲉⲛ ⲟⲩⲣⲱⲙⲓ ̀ⲛⲣⲉⲙⲛ̀ⲭⲏⲙⲓ ̀ⲙⲙⲏⲓ.

ⲁⲛⲥⲁϫⲓ ⲛⲉⲙⲛⲉⲛⲉⲣⲏⲟⲩ ⲛ̀ϯⲙⲉⲑⲙⲣⲉⲛⲛ̀ⲭⲏⲙⲓ ⲛⲁⲩ ϣⲟⲙϯ ̀ⲛⲟⲩⲛⲟⲩ.

ⲁⲛⲥⲁϫⲓ ϧⲁϯⲉⲕⲕⲗⲏⲥⲓⲁ, ⲡϩⲱⲃ, ⲡⲱⲛϧ, ⲛⲓⲁⲛⲍⲏⲃ, ⲡⲓϣⲉϣⲙⲓ, ⲛⲉⲙϩⲁⲛⲕⲉⲙⲏϣ ̀ⲛⲥⲁϫⲓ ⲟⲛ ⲁⲛⲟⲩⲱⲙ ⲛⲉⲙ ⲛⲉⲛⲉⲣⲟⲩⲏⲟⲩ. ̀ⲛⲑⲟϥ ⲁϥⲟⲩⲱⲙⲟⲩⲱⲓⲕ ⲉϥⲙⲉϩ ̀ⲛⲉⲣϫⲱ, ϩⲁⲗⲱⲙ ̀ⲙⲙⲟⲍⲍⲁⲣⲏⲗⲗⲁ ⲛⲉⲙⲱⲡ ⲟⲩⲟϩ ⲁⲛⲟⲕ ⲁⲓⲟⲩⲱⲙ ⲟⲩⲥⲁⲗⲁⲑⲁ ̀ⲙⲙⲉⲧⲟⲩⲉⲓⲛⲓⲛ ⲉⲧⲉ (ϩⲁⲗⲱⲙ, ⲱⲡ, ⲧⲟⲙⲁⲧⲉ, ̀ⲙϫⲱⲗ) ⲙⲉⲛⲉⲛⲥⲁ ⲫⲁⲓ ⲁⲛϣⲉ ⲉⲡⲉⲥⲏⲧ ⲉⲡⲓⲭⲗⲁⲗ ̀ⲛϫⲟⲗϯ ⲉⲧⲥⲁ ⲡⲕⲁϩⲓ (ⲡⲓⲥⲁⲡⲕⲁϩⲓ ⲓⲉ ⲫⲏⲉⲧ ⲥⲁ ⲡⲕⲁϩⲓ).

4.ⲫⲟⲟⲩ ⲁⲓ ⲉϩⲣⲉⲛ ⲟⲩϣⲫⲏⲣ ̀ⲛⲧⲏⲓ ⲁⲛⲥⲁϫⲓ ⲛⲉⲙ ⲛⲉⲛⲉⲣⲏⲟⲩ ϧⲁ ϯⲙⲉⲧⲣⲉⲙⲛ̀ⲭⲏⲙⲓ. ̀ⲙⲡⲉϥⲕⲁϯ ϫⲉ ⲉⲑⲃⲉ ⲟⲩ ⲟⲩⲟⲛ ϩⲁⲛⲙⲏϣ ̀ⲛⲥⲙⲏ ̀ⲛⲧⲉⲛⲓⲥϧⲁⲓ ̀ⲛⲣⲉⲙⲛ̀ⲭⲏⲙⲓ ̀ⲙⲫⲣⲏϯ ̀ⲛ(ⲏ,ⲫ). ⲁⲓⲉⲣⲟⲩⲱ ⲛⲁϥ ϫⲉ ⲟⲩⲟⲛ ⲟⲩⲛⲓϣϯ ̀ⲙⲫⲱⲣϫ ⲟⲩⲧⲉϯⲙⲉⲧⲁⲅⲅⲗⲓⲕⲟⲥ ⲛⲉⲙⲉⲥⲡⲉⲣⲁⲛⲧⲟ. ⲟⲩⲟϩⲫⲗⲁⲥ ̀ⲛⲁⲡⲁⲥ ϥⲟⲛⲓ ⲉϯⲙⲉⲧⲁⲅⲅⲉⲗⲓⲕⲟⲥ ⲁⲗⲗⲁ ⲫⲗⲁⲥ ̀ⲛϯⲉⲕⲕⲗⲏⲥⲓⲁ, ϥⲟⲛⲓ ⲉⲉⲥⲡⲉⲣⲁⲛⲧⲟ.

ⲟⲩϫⲁⲓ

ⲡⲉϣⲉⲛϯ

ⲫⲛⲏⲃ ⲉⲧⲧⲁⲓⲏⲟⲩⲧ ⲟⲩⲛⲁⲥ ⲛⲉⲙⲛⲓⲧⲏⲣⲟⲩ

ⲭⲉⲣⲉ ⲛⲱⲧⲉⲛ

ϯⲟⲩⲱϣ ⲛ̀ⲧⲁϣⲉⲡϩⲙⲟⲧ ⲛ̀ⲧⲟⲧⲕ ⲟⲩⲛⲁⲥ ϫⲉ ϣⲁⲕⲛⲉϩⲥⲓ ⲙ̀ⲙⲟⲛ ϫⲉ ⲥϣⲉ ⲛ̀ⲧⲉⲛⲥϧⲁⲓ ⲛ̀ⲧⲉⲛⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲁⲛϣⲁⲛⲟⲩⲱϣ ⲛ̀ⲧⲉⲛⲧⲁⲛϧⲓⲥ ⲉϩⲟⲧⲉ ⲛ̀ⲧⲉⲛⲥϧⲁⲓ ϩⲁⲣⲟⲥ. ϯⲛⲁϩϯ ϫⲉ ⲫⲁⲓ ⲡⲉ ⲡⲓⲙⲁⲛⲫⲟϩ ⲛ̀ⲧⲉ ⲣⲉⲙⲛⲭⲏⲙⲓ ⲟⲩⲟϩ ⲉⲑⲃⲉ ⲫⲁⲓ ⲁⲛⲑⲱⲟⲩϯ ⲙ̀ⲛⲁⲓ ⲛ̀ⲧⲉⲛⲉⲣⲃⲉⲣⲓ ⲟⲩⲟϩ ⲧⲁⲛϧⲟ ⲉⲧⲉⲛⲁⲥⲡⲓ.

ⲁⲙⲟⲓ ⲛ̀ⲧⲉⲛⲙⲟⲩⲛ ⲉⲃⲟⲗ ⲛ̀ⲥϧⲁⲓ ϧⲉⲛ ⲧⲉⲛⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ. ⲁⲙⲟⲓ ⲣⲱ ⲛ̀ⲧⲉⲛϫⲉⲙϯⲡⲓ ⲉⲑⲙⲉⲧϩⲟⲗϫ ⲛ̀ⲛⲓⲥⲁϫⲓ ⲟⲩⲟϩ ⲛ̀ⲧⲉⲛϣⲫⲟϩ ⲉⲡϣⲱⲕ ⲛ̀ⲧⲁⲓⲁⲥⲡⲓ ⲛ̀ⲧⲉⲛϣⲧⲁϩⲟ ⲉⲡⲥⲁⲃⲉ ⲛ̀ⲧⲉ ⲛⲉⲛⲓⲟϯ ⲉⲑⲟⲩⲁⲃ ⲉⲧⲁⲩⲉⲣⲟⲩⲱⲓⲛⲓ ⲙ̀ⲡⲓⲑⲟ ⲧⲏⲣϥ ⲉⲃⲟⲗϩⲓⲧⲟⲧϥ ⲙ̀ⲡⲓⲙⲟⲩⲓ ⲛ̀ϩⲑⲏⲟⲩ.

ⲡⲁⲗⲓⲛ ⲟⲛ ϯϣⲉⲡϩⲙⲟⲧ ⲛ̀ⲧⲟⲧⲕ ⲉⲙⲁϣⲱ ⲫⲛⲏⲃ ⲙⲁⲣⲕⲟⲥ/ⲃⲉⲧⲣⲟⲥ ⲓⲥⲟⲧⲟⲥ ϫⲉ ϣⲁⲕⲙⲟⲩⲛ ⲉⲃⲟⲗ ⲛ̀ⲥϧⲁⲓ ⲁϭⲛⲉ ϧⲓⲥⲓ ϧⲉⲛ ϯⲙⲉⲧⲣⲉⲙⲛ̀ⲭⲏⲙⲓ ...ⲕⲧⲥⲁⲃⲟⲛ ⲟⲩⲟϩ ⲕⲁⲣⲉϩ ϧⲉⲛ ⲡⲉⲕϩⲏⲧ ⲉⲡⲥⲁⲓ ⲛ̀ⲧⲉ ⲧⲉⲛⲁⲥⲡⲓ.

ⲗⲟⲓⲡⲟⲛ ⲕⲉ ⲡⲁⲗⲓⲛ ⲟⲛ ϯϫⲟⲩϣⲧ ⲉⲃⲟⲗϧⲁ ⲧϩⲏ ⲛ̀ⲧⲉ ⲡϫⲓⲛϯⲙⲁϯ ⲛⲉⲙⲙⲟⲛⲁ ⲍⲁⲕⲓ ⲛ̀ⲧⲁⲛⲁⲩ ϫⲉ ⲡⲓⲙⲟⲩⲣ ⲛ̀ⲧⲉ ⲧⲉⲛⲁⲥⲡⲓ ϥⲭⲏ ϣⲁ ⲙ̀ⲙⲟⲛ. ⲁⲗⲗⲁ ⲛ̀ⲛⲁϫⲱⲛⲧ ⲁⲛϣⲧⲉⲙ ϫⲓⲙⲓ ⲙ̀ⲡⲁⲓⲙⲟⲩⲣ. ϫⲉ ⲙ̀ⲛⲁⲓ ⲟⲩⲟϩ ϯⲛⲟⲩ ⲧⲉⲛⲁⲥⲡⲓ ⲭⲏ ⲥⲱⲛϧ ϩⲓ ⲛⲓⲥϧⲁⲓ ⲛ̀ⲉⲗⲉⲕⲧⲣⲟⲛⲓⲕⲟⲛ ⲛⲉⲙ ⲡⲓⲓⲉⲃϣⲛⲉ (ⲡⲓⲓⲛⲧⲉⲣⲛⲉⲧ). ⲟⲩⲟϩ ⲫⲓⲁⲣⲟ ⲛ̀ⲧⲉ ⲡⲉⲛⲗⲁⲥ ⲃⲉⲃⲓ ϧⲉⲛ ϩⲑⲏⲛ. ... ⲁⲙⲟⲓ ⲉⲙⲁϣⲱ ⲛ̀ⲧⲉⲧⲉⲛⲛⲉϩⲥⲓ ⲙ̀ⲙⲟⲛ ⲙ̀ⲙⲏⲛⲓ.

ⲟⲩϫⲁⲓ ⲛⲁⲙⲉⲛⲣⲁϯ. ⲟⲩϫⲁⲓ ϧⲉⲛⲧϫⲟⲙ ⲛ̀ϯⲧⲣⲓⲁⲥ ⲉⲑⲟⲩⲁⲃ. ⲟⲩϫⲁⲓ ϧⲉⲛⲡⲉⲛϭⲟⲓⲥ ⲡⲉⲛⲛⲟⲩϯ ⲟⲩⲟϩ ⲡⲉⲛⲟⲩⲣⲟ ⲧⲏⲣⲉⲛ ⲓⲏⲥⲟⲩⲥ ⲡⲓⲭⲣⲓⲥⲧⲟⲥ

ⲡⲉϣⲉⲛϯ

ⲭⲉⲣⲉ ⲛⲱⲧⲉⲛ ϧⲉⲛⲡⲓⲑⲟ ⲛ̀ⲧⲉⲡⲓⲉⲃϣⲛⲉ ϯⲙⲟⲕⲙⲉⲕ ⲟⲩⲟϩ ϯⲕⲱϯ ⲛ̀ⲥⲁⲧⲉⲛⲁⲥⲡⲓ ⲟⲩⲟϩ ⲁⲓϫⲓⲙⲓ ϫⲉⲓⲥϫⲉ ⲧⲉⲛⲁⲥⲡⲓ ⲁⲥⲙⲟⲩ ⲟⲩⲟϩ ⲁⲥⲃⲱⲗ ⲉⲃⲟⲗ ϧⲉⲛⲡⲁⲓⲑⲟ ⲁⲥϭⲓⲥⲁⲣⲝ ⲉⲛⲕⲉⲥⲡ[ ϧⲉⲛⲡⲓⲓⲉⲃϣⲛⲉ ⲁϭⲛⲉⲥⲱⲙⲁ ⲉⲛⲛⲉⲥⲱⲟⲩⲛ ϫⲉⲉⲓⲧⲉ ⲑⲁⲓⲧⲉ ϯⲁⲥⲡⲓ ⲉⲧⲟⲛϧ ⲓⲉ ϯⲁⲥⲡⲓ ⲉⲑⲙⲱⲟⲩ ϫⲉϯⲁⲥⲡⲓ ⲉⲧⲉⲕⲉⲣϣⲁⲓ ⲙ̀ⲙⲟⲥ ⲥⲱⲛϧ ϩⲓⲣⲱⲟⲩ ⲙ̀ⲡⲁⲓϫⲱⲟⲩ ⲁⲣⲏⲟⲩⲣ ⲧⲉⲛⲁⲥⲡⲓ ⲁⲥϭⲓⲥⲁⲣⲝ ⲛ̀ⲕⲉⲥⲟⲡ

ⲭⲓⲣⲓⲥⲧⲟⲥ ⲁⲛⲉⲥⲧⲏ: ⲁⲗⲏⲑⲱⲥ ⲁⲛⲉⲥⲧⲏ

ⲡⲭ̅ⲥ̅ ⲁϥⲧⲱⲛϥ: ϧⲉⲛⲟⲩⲙⲉⲑⲙⲏⲓ ⲁϥⲧⲱⲛϥ

ⲡⲉⲛⲓⲱⲧ ⲁⲛⲧⲱⲛⲓⲟⲥ

ⲭⲉⲣⲉ ⲛⲁⲕ

ϯϣⲉⲡϩⲙⲟⲧ ⲛ̀ⲧⲟⲧⲕ ⲉⲙⲁϣⲱ ⲉⲑⲃⲉ ⲡⲉⲕϫⲓⲛⲉⲣⲱⲟⲩ ⲉⲣⲉ ⲡϭⲟⲓⲥ ϣⲱⲡⲓ ⲛⲉⲙⲁⲕ ⲫϯ ⲉϥⲉⲥⲙⲟⲩ ⲉⲛⲉⲕϩⲃⲏⲟⲩⲓ ⲧⲏⲣⲟⲩ ⲟⲩⲟϩ ⲉϥⲉⲥⲙⲟⲩ ⲉⲡⲉⲕⲙⲁⲛϣⲛⲉ

ϣⲗⲏⲗ ⲉϩⲣⲏⲓ ⲉϫⲱⲓ

ⲡⲉϣⲉⲛϯ ⲡⲓⲉⲗⲁⲭⲓⲥⲧⲟⲥ

ⲡⲭ̅ⲥ ⲁϥⲧⲱⲛϥ ϧⲉⲛ ⲟⲩⲙⲉⲑⲙⲏⲓ ⲁϥⲧⲱⲛϥ

ⲁⲩⲧⲁⲙⲟⲓ ϫⲉ ⲧⲉⲛⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲁⲥⲙⲟⲩ ⲟⲩⲟϩ ⲁⲓⲧⲉⲛϩⲟⲩⲧⲟⲩ. ⲁⲗⲗⲁ ϯⲛⲟⲩ ⲁⲓⲉⲙⲓ ϫⲉ ⲛ̀ⲛⲉ ⲟⲩⲁⲥⲡⲓ ⲙⲟⲩ. ϫⲉ ⲡⲓⲉⲙⲓ ⲙ̀ⲡⲁϥⲙⲟⲩ ⲟⲩⲇⲉ ⲙ̀ⲡⲁϥⲧⲁⲕⲟ.

ⲧⲉⲛⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲁⲥϭⲓ ⲡⲓⲭⲗⲟⲙ ⲛ̀ⲧⲉ ϯⲙⲁⲣⲧⲩⲣⲓⲁ. ⲉⲑⲃⲉ ⲫⲁⲓ ⲧⲉⲛⲉⲣⲓⲧⲓⲛ ⲁⲛ ⲛ̀ⲟⲩϩⲱⲃ ⲛ̀ⲧⲉⲛⲧⲁⲛϧⲟⲥ ⲉⲡⲓⲇⲏ ⲧⲉⲛⲧⲱⲃϩ ⲛ̀ⲟⲩⲙⲏⲓⲛⲓ ⲉⲃⲟⲗϩⲓⲧⲟⲧϥ ⲙ̀ⲫϯ ⲫⲏⲉⲧⲁϥⲧⲁⲛϧⲟ ⲛ̀ⲗⲁⲍⲁⲣⲟⲥ.

ⲡⲉϣⲉⲛϯ

̀̀

ⲡⲭ̅ⲥ ⲁϥⲧⲱⲛϥϧⲉⲛⲟⲩⲙⲉⲑⲙⲏⲓ ⲁϥⲧⲱⲛϥ

ⲫⲛⲏⲃ ⲙⲁⲣⲕⲟⲥ ⲉⲧⲁⲕⲥⲁϫⲓ ϧⲁⲧⲁⲙⲉⲧϫⲱⲃ ⲛ̀ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ. ⲁⲓⲉⲣϣⲫⲏⲣⲓ ⲙ̀ⲡⲉⲙⲑⲟ ⲙ̀ⲡⲁⲓⲑⲉⲃⲓⲟ ⲛ̀ϩⲏⲧ. ⲁⲓⲉⲣⲫⲙⲉⲩⲓ ⲙ̀ⲡⲓⲑⲉⲃⲓⲟ ⲛ̀ⲧⲉⲛⲉⲛⲟⲓϯ ⲉ̅ⲑ̅ⲩ ⲛ̀ⲧⲉⲡϣⲁϥⲉ ⲛ̀ϣⲓϩⲏⲧ.

ⲡϭⲟⲓⲥ ⲛⲉⲙⲁⲕ: ⲁϣ ⲡⲉ ⲫⲣⲏϯ ⲛ̀ⲧⲉⲕⲛⲉϫⲓ ϯⲛⲟⲩ

.ϯ.

ⲟⲩⲧⲉ ⲡⲓⲙⲟⲩ ⲛ̀ⲧⲉ ⲡⲓϩⲙⲟⲩ

ϯⲥϧⲁⲓ

ⲟⲩⲧⲉ ⲡⲓⲥⲙⲟⲩ ⲛ̀ⲧⲉ ⲡⲓⲙⲟⲩ

ϯϣⲁⲓ

ⲟⲩⲃⲉ ⲡⲓϣⲁⲓ ⲛ̀ⲧⲉ ⲛⲓⲃⲁⲓ

ϯⲙⲟⲩ

ⲟⲩⲃⲉ ⲡⲓⲥⲁⲓ ⲛ̀ⲧⲉ ⲡⲓⲛⲁⲓ

ⲥϧⲁⲓ

ⲡⲓⲛⲁⲓ

ⲁⲙⲟⲩ

ⲟⲩⲟϩ

ⲙⲟⲩ

ⲱ

ϯ

ⲭⲉⲣⲉ ⲛⲱⲧⲉⲛ

ⲛⲁⲓ ⲛⲉ ⲛⲓϣⲗⲏⲗ ⲛ̀ⲧⲉ ⲧⲁⲙⲉⲧϧⲉⲗϣⲓⲣⲓ. ⲁⲓϫⲓⲙⲓ ⲙ̀ⲙⲱⲟⲩ ϧⲉⲛ ⲟⲩϫⲱⲙ ⲛ̀ⲥϧⲁⲓ ⲛ̀ⲁⲡⲁⲥ ⲟⲩⲧⲉ ⲛⲓⲱϣ ⲛ̀ⲧⲉ ϯⲙⲉⲧⲥⲏⲓⲛⲓ. ⲁⲣⲏⲟⲩ ⲁⲓⲥϧⲏⲧⲟⲩ ⲓⲥϫⲉⲛ ⲓ̅ ⲛ̀ⲣⲟⲙⲡⲓ. ⲉⲧⲁⲓⲉⲣϩⲏⲧⲥ ⲛ̀ϭⲓⲥⲃⲱ ⲉⲧⲁⲓⲁⲥⲡⲓ ϧⲉⲛ ⲟⲩⲛⲓϣϯ ⲙ̀ⲡⲁⲣⲣⲏⲥⲓⲁ. ⲁⲓⲣⲁϣⲓ ⲧⲟⲛⲁ ⲉⲧⲁⲓϫⲓⲙⲓ ⲙ̀ⲙⲱⲟⲩ ⲟⲩⲟϩ ⲁⲓⲥⲱⲧⲡ ⲛ̀ⲧⲁⲟⲩⲱⲣⲡ ⲛ̀ϩⲁⲛϥⲟϫⲓ ⲉⲃⲟⲗ ⲛ̀ϧⲏⲧⲟⲩ. ⲁⲓⲥⲉⲙⲛⲓ ⲛ̀ⲛⲓⲅⲣⲁⲙⲙⲁⲧⲓⲕⲏ ⲛⲉⲙ ϩⲁⲛⲕⲟⲩϫⲓ ⲛ̀ⲥⲁϫⲓ ⲁⲗⲗⲁ ⲙ̀ⲡⲓϣⲓⲃϯ ⲙ̀ⲡⲓⲙⲁⲛⲫⲟϩ ⲛ̀ⲧⲉ ⲛⲁⲓⲗⲉⲝⲓⲥ ⲛⲏⲓ.

ⲁⲓⲉⲣⲛⲟⲃⲓ ⲁⲓⲉⲣⲛⲟⲃⲓ

ⲡⲁⲛⲟⲩϯ ⲭⲱ ⲛⲏⲓ ⲉⲃⲟⲗ

ϯϯϩⲟ ⲉⲣⲟⲕ ⲡⲁⲛⲟⲩϯ

ⲛ̀ⲧⲉⲕⲓ̀ ⲟⲩⲟϩ ⲛⲁⲓ ⲛⲏⲓ

ϯⲙⲉⲛⲣⲉ ⲡⲉⲕⲏⲓ ⲡⲁⲛⲏⲃ

ϯⲙⲉⲛⲣⲉ ⲧⲉⲕⲙⲉⲧϣⲉⲛϩⲏⲧ

ⲥⲱⲧⲉⲙ ⲉⲡⲁⲕⲟⲩϫⲓ ⲛ̀ϩⲱⲥ

ⲥⲱⲧⲉⲙ ⲉⲣⲟⲓ ⲱ ⲡⲁⲛⲟⲩϯ

ⲡⲁϭⲟⲓⲥ ⲓⲏⲥⲟⲩⲥ

ⲁⲓϣⲱϥⲧ ⲉⲣⲟⲕ ⲟⲩⲟϩ ϣⲁⲓϣⲱϥⲧ ⲉⲣⲟⲕ ⲛ̀ⲑⲟⲕ ϣⲁⲕⲛⲁⲓ ⲛⲏⲓ ⲉⲑⲃⲉ ⲡⲉⲕⲛⲓϣϯ ⲛ̀ⲛⲁⲓ ⲛⲉⲙ ⲡⲉⲕⲛⲓϣϯ ⲛ̀ϩⲏⲧ. ϯϯϩⲟ ⲉⲣⲟⲕ ⲟⲩⲟϩ ϯⲧⲱⲃϩ ⲙ̀ⲙⲟⲕ ⲛ̀ⲧⲉⲕⲧⲟⲩϫⲟⲓ ⲉⲃⲟⲗϩⲁ ϯⲙⲉⲧϫⲉⲃ ⲛ̀ⲧⲁⲙⲉⲧⲣⲱⲙⲓ: ⲡⲉⲕⲡ̅ⲛ̅ⲁ̅ ⲉ̅ⲑ̅ⲩ̅ ⲫⲏⲉⲧϣⲟⲡ ⲛ̀ϧⲏⲧ ⲙ̀ⲡⲉⲣⲟⲗϥ ⲉⲃⲟⲗϩⲁⲣⲟⲓ. ϯϣⲁⲧⲕ ⲉⲙⲁϣⲱ ⲡⲁⲓⲱⲧ. ⲛ̀ⲑⲟⲕ ⲟⲩⲛⲓϣϯ ⲡⲉ ϧⲉⲛ ⲟⲩⲙⲉⲑⲙⲏⲓ. ⲕⲓ̀ⲣⲓ ⲛ̀ⲟⲩⲛⲓϣϯ ⲛ̀ⲛⲓⲁ ⲛⲉⲙⲏⲓ ⲁⲗⲗⲁ ϣⲁⲓⲟⲩⲱϩⲉⲙ ⲉⲣⲛⲟⲃⲓ. ⲭⲱ ⲛⲏⲓ ⲉⲃⲟⲗ ⲱ ⲡⲓⲁⲧⲥⲏⲟⲩ.....ⲁⲣⲓⲃⲟⲏⲑⲓⲛ ⲉⲣⲟⲓ

ⲭⲉⲣⲉ ⲛⲁⲕ ⲫⲛⲏⲃ ⲥⲁⲙⲉϩ,

ϯϣⲉⲡϩⲙⲟⲧ ⲛ̀ⲧⲟⲧⲕ ⲉⲑⲃⲉ ⲡⲉⲕϫⲓⲛⲉⲣⲟⲩⲱ ⲛⲉⲙⲡⲉⲕϣⲓⲛⲓ ϧⲁϯⲙⲉⲑⲙⲏⲓ.

ⲁⲕϣⲉⲛⲧ ϫⲉⲟⲩⲧⲉ ϯⲙⲉⲑⲙⲏⲓ

ⲛⲁⲓⲥⲁϫⲓⲡⲉ ϧⲁϯⲙⲉⲑⲙⲏⲓ ⲛ̀ⲉⲛⲉϩ . ⲛⲁⲓⲕⲱϯ ⲛ̀ⲥⲁⲡⲓⲁⲧϣⲧⲁϩⲟϥ.

ⲁⲓⲉⲣϩⲏⲧⲥ ⲛ̀ⲧⲁⲕⲱϯ ⲛ̀ⲥⲁϯⲙⲉⲑⲙⲏⲓ ⲛ̀ⲧⲉⲛⲓⲁⲗⲱⲟⲩⲓ ⲉⲧⲉ ⲛ̀ⲧⲉⲛϣⲧⲉⲙⲭⲱ ⲛ̀ⲟⲩⲡⲉⲣⲥⲟⲛⲁ ϩⲓ ⲛⲉⲛϩⲟ. ⲛ̀ⲧⲉϩⲑⲏⲛ ϣⲱⲡⲓ ⲙ̀ⲫⲣⲏϯ ⲛ̀ⲟⲩⲓⲁⲣⲟ ⲛ̀ⲁⲧⲑⲱⲗⲉⲃ. ⲟⲩⲟⲛ ϣϫⲟⲙ ⲛ̀ⲟⲩⲟⲛ ⲛⲓⲃⲉⲛ ⲛ̀ⲧⲉϥⲛⲁⲩ ⲉⲛⲉⲛϣⲱⲕ. ⲟⲩⲟϩ ⲙⲉⲛⲉⲛⲥⲱⲥ ϯⲕⲱϯ ⲛ̀ⲥⲁϯⲙⲉⲑⲙⲏⲓ.

ⲁⲛⲟⲕ ϩⲱ ϯϣⲓⲛⲓ ⲙ̀ⲙⲓⲛ ⲙ̀ⲙⲟⲓ ⲙ̀ⲡⲁⲓϣⲓⲛⲓ ⲙ̀ⲙⲓⲛ ⲙ̀ⲙⲟϥ. ϩⲁⲛⲙⲏϣ ⲛ̀ⲥⲁⲃⲉⲩ ⲛⲉⲙϩⲁⲛⲕⲉⲙⲏϣ ⲙ̀ⲫⲓⲗⲟⲥⲟⲫⲟⲥ ⲁⲩⲙⲟⲕⲙⲉⲕ ⲙ̀ⲡⲉⲙⲑⲟ ⲛ̀ϯⲙⲉⲑⲙⲏⲓ ⲛⲁⲩϯ ⲙ̀ⲡⲟⲩⲱⲛϧ ⲉⲩⲧⲱⲃϩ ⲛ̀ⲧⲟⲩⲥⲱⲟⲩⲛ ⲙ̀ⲙⲟⲥ. ⲛ̀ⲧⲟⲩⲕⲁϯ ⲉⲣⲟⲥ. ⲁⲩⲕⲱϯ ⲛ̀ⲥⲁⲡⲓⲟⲩⲱⲓⲛⲓ ⲛ̀ⲧⲉⲛⲟⲩⲙⲓⲧⲱⲟⲩⲓ ⲁⲩⲕⲱϯ ⲛ̀ⲥⲁⲡⲓⲟⲩϫⲁⲓ ⲉⲧⲉ ⲡⲓⲱⲛⲓ ⲛ̀ⲁⲛⲁⲙⲏⲓ ⲛ̀ⲧⲉⲛⲓⲁⲣⲉⲧⲏ ⲧⲏⲣⲟⲩ. ⲙ̀ⲡⲟⲩⲧⲱⲃϩ ⲛ̀ⲛⲓⲥⲟⲗⲥⲉⲗ ⲛ̀ⲧⲉ ⲡⲁⲓⲑⲟ ⲉⲑⲛⲁⲧⲁⲕⲟ. ⲁⲩⲉⲣⲉⲧⲓⲛ ⲛ̀ⲟⲩϣⲁϩ ⲛ̀ⲟⲩⲱⲓⲛⲓ, ⲟⲩⲙⲱⲓⲧ.

ⲁⲛⲟⲕ ϯⲉⲙⲓ ⲛ̀ϩⲏⲧ ϫⲉⲁⲓⲥⲱⲣⲉⲙ ⲙ̀ⲫⲣⲏϯ ⲛ̀ⲟⲩⲉⲥⲱⲟⲩ ⲉⲁϥⲧⲁⲕⲟ ϧⲉⲛⲡⲓⲑⲟⲙⲧⲉⲙ ⲛ̀ⲧⲉⲛⲓⲧⲱⲟⲩ. ϯⲕⲱϯ ⲛ̀ⲥⲁⲟⲩⲙⲱⲓⲧ ⲉϥⲥⲟⲩⲧⲱⲛ. ⲁⲗⲗⲁ ϯⲛⲁϩϯ ϫⲉⲡⲓⲙⲱⲓⲧ ⲙ̀ⲙⲏⲓ ⲉϥⲛⲁϣⲧ ⲡⲉ. ⲉⲑⲃⲉ ⲫⲁⲓ ϯϣⲑⲟⲣⲧⲉⲣ, ϫⲉϯⲥⲱⲟⲩⲛ ⲁⲛ.

ⲁⲣⲏⲟⲩ ⲭⲁⲛⲁⲕⲁϯ ⲁⲛ ⲉⲛⲁⲓⲥⲁϫⲓ. ⲙ̀ⲡⲉⲣϣⲑⲟⲣⲧⲉⲣ ⲟⲩⲧⲉ ⲙ̀ⲡⲉⲣϣⲗⲁϩ ⲛ̀ϩⲏⲧ. ⲁⲛⲟⲕⲇⲉ ϩⲱ ⲡⲉⲧⲁⲓⲥϧⲁⲓ ⲛ̀ϯⲕⲁϯ ⲉⲣⲟⲓ ⲁⲛ. ⲟⲩⲟϩ ϯⲧⲱⲃϩ ⲛ̀ⲟⲩⲃⲟⲏⲑⲓⲁ.

ⲟⲩϫⲁⲓ ⲛⲉⲙⲟⲩϩⲓⲣⲏⲛⲏ ⲛⲉⲙⲟⲩⲭⲁⲣⲓⲥⲙⲁ

ⲡⲓⲥⲉⲛϯ

ⲭⲉⲣⲉ ⲛⲁⲕ ⲫⲛⲏⲃ ⲥⲁⲙⲉϩ,

ϯϣⲉⲡϩⲙⲟⲧ ⲛ̀ⲧⲟⲧⲕ ⲉⲑⲃⲉ ⲡⲉⲕϫⲓⲛⲉⲣⲟⲩⲱ ⲛⲉⲙ ⲡⲉⲕϣⲓⲛⲓ ϧⲁ ϯⲙⲉⲑⲙⲏⲓ.

ⲁⲕϣⲉⲛⲧ ϫⲉ ⲟⲩ ⲧⲉ ϯⲙⲉⲑⲙⲏⲓ?

ⲛⲁⲓⲥⲁϫⲓ ⲡⲉ ϧⲁ ϯⲙⲉⲑⲙⲏⲓ ⲛ̀ⲉⲛⲉϩ . ⲛⲁⲓⲕⲱϯ ⲛ̀ⲥⲁ ⲡⲓⲁⲧϣⲧⲁϩⲟϥ.

ⲁⲓⲉⲣϩⲏⲧⲥ ⲛ̀ⲧⲁⲕⲱϯ ⲛ̀ⲥⲁ ϯⲙⲉⲑⲙⲏⲓ ⲛ̀ⲧⲉ ⲛⲓⲁⲗⲱⲟⲩⲓ ⲉⲧⲉ ⲛ̀ⲧⲉⲛϣⲧⲉⲙⲭⲱ ⲛ̀ⲟⲩⲡⲉⲣⲥⲟⲛⲁ ϩⲓ ⲛⲉⲛϩⲟ. ⲛ̀ⲧⲉ ϩⲑⲏⲛ ϣⲱⲡⲓ ⲙ̀ⲫⲣⲏϯ ⲛ̀ⲟⲩⲓⲁⲣⲟ ⲛ̀ⲁⲧⲑⲱⲗⲉⲃ. ⲟⲩⲟⲛ ϣϫⲟⲙ ⲛ̀ⲟⲩⲟⲛ ⲛⲓⲃⲉⲛ ⲛ̀ⲧⲉϥⲛⲁⲩ ⲉⲛⲉⲛϣⲱⲕ. ⲟⲩⲟϩ ⲙⲉⲛⲉⲛⲥⲱⲥ ϯⲕⲱϯ ⲛ̀ⲥⲁ ϯⲙⲉⲑⲙⲏⲓ.

ⲁⲛⲟⲕⲇⲉ ϩⲱ ϯϣⲓⲛⲓ ⲙ̀ⲙⲓⲛ ⲙ̀ⲙⲟⲓ ⲙ̀ⲡⲁⲓϣⲓⲛⲓ ⲙ̀ⲙⲓⲛ ⲙ̀ⲙⲟϥ. ϩⲁⲛⲙⲏϣ ⲛ̀ⲥⲁⲃⲉⲩ ⲛⲉⲙ ϩⲁⲛⲕⲉⲙⲏϣ ⲙ̀ⲫⲓⲗⲟⲥⲟⲫⲟⲥ ⲁⲩⲙⲟⲕⲙⲉⲕ ⲙ̀ⲡⲉⲙⲑⲟ ⲛ̀ϯⲙⲉⲑⲙⲏⲓ ⲛⲁⲩϯ ⲙ̀ⲡⲟⲩⲱⲛϧ ⲉⲩⲧⲱⲃϩ ⲛ̀ⲧⲟⲩⲥⲱⲟⲩⲛ ⲙ̀ⲙⲟⲥ. ⲛ̀ⲧⲟⲩⲕⲁϯ ⲉⲣⲟⲥ. ⲁⲩⲕⲱϯ ⲛ̀ⲥⲁ ⲡⲓⲟⲩⲱⲓⲛⲓ ⲛ̀ⲧⲉ ⲛⲟⲩⲙⲓⲧⲱⲟⲩⲓ ⲁⲩⲕⲱϯ ⲛ̀ⲥⲁⲡⲓⲟⲩϫⲁⲓ ⲉⲧⲉ ⲡⲓⲱⲛⲓ ⲛ̀ⲁⲛⲁⲙⲏⲓ ⲛ̀ⲧⲉⲛⲓⲁⲣⲉⲧⲏ ⲧⲏⲣⲟⲩ. ⲙ̀ⲡⲟⲩⲧⲱⲃϩ ⲛ̀ⲛⲓⲥⲟⲗⲥⲉⲗ ⲛ̀ⲧⲉⲡⲁⲓⲑⲟ ⲉⲑⲛⲁⲧⲁⲕⲟ. ⲁⲩⲉⲣⲉⲧⲓⲛ ⲛ̀ⲟⲩϣⲁϩ ⲛ̀ⲟⲩⲱⲓⲛⲓ, ⲟⲩⲙⲱⲓⲧ.

ⲁⲛⲟⲕⲇⲉ ϯⲉⲙⲓ ⲛ̀ϩⲏⲧ ϫⲉⲁⲓⲥⲱⲣⲉⲙ ⲙ̀ⲫⲣⲏϯ ⲛ̀ⲟⲩⲉⲥⲱⲟⲩ ⲉⲁϥⲧⲁⲕⲟ ϧⲉⲛⲡⲓⲑⲟⲙⲧⲉⲙ ⲛ̀ⲧⲉⲛⲓⲧⲱⲟⲩ. ϯⲕⲱϯ ⲛ̀ⲥⲁⲟⲩⲙⲱⲓⲧ ⲉϥⲥⲟⲩⲧⲱⲛ. ⲁⲗⲗⲁ ϯⲛⲁϩϯ ϫⲉ ⲡⲓⲙⲱⲓⲧ ⲙ̀ⲙⲏⲓ ⲉϥⲛⲁϣⲧ ⲡⲉ. ⲉⲑⲃⲉ ⲫⲁⲓ ϯϣⲑⲟⲣⲧⲉⲣ, ϫⲉ ϯⲥⲱⲟⲩⲛ ⲁⲛ.

ⲁⲣⲏⲟⲩ ⲭⲛⲁⲕⲁϯ ⲁⲛ ⲉⲛⲁⲓⲥⲁϫⲓ. ⲙ̀ⲡⲉⲣϣⲑⲟⲣⲧⲉⲣ ⲟⲩⲧⲉ ⲙ̀ⲡⲉⲕⲙⲕⲁϩ ⲛ̀ϩⲏⲧ. ⲁⲛⲟⲕ ϩⲱⲓ ⲡⲉⲧⲁⲓⲥϧⲁⲓ ⲛ̀ϯⲕⲁϯ ⲉⲣⲟⲓ ⲁⲛ. ⲟⲩⲟϩ ϯⲧⲱⲃϩ ⲛ̀ⲟⲩⲃⲟⲏⲑⲓⲁ.

ⲟⲩϫⲁⲓ ⲛⲉⲙⲟⲩϩⲓⲣⲏⲛⲏ ⲛⲉⲙⲟⲩⲭⲁⲣⲓⲥⲙⲁ

ⲡⲓⲥⲉⲛϯ

ϧⲉⲛⲟⲩⲉϩⲟⲟⲩ ⲉⲃⲟⲗϧⲉⲛⲛⲓⲉϩⲟⲟⲩ ϧⲉⲛⲟⲩⲣⲟⲙⲡⲓ ⲟⲩⲧⲉⲛⲓⲣⲟⲙⲡⲓ

ⲟⲩⲣⲱⲙⲓ ⲉϥⲥϧⲁⲓ ⲛ̀ϩⲁⲛⲕⲉⲣⲱⲙⲓ ϩⲓⲡⲁⲓⲕⲁϩⲓ ϫⲉϣⲟⲣⲡ ⲙⲉⲛ ϯϣⲓⲛⲓ ⲉⲣⲱⲧⲉⲛ

ϣⲟⲣⲡⲙⲉⲛ ϯϣⲓⲛⲓ ⲙ̀ⲙⲱⲧⲉⲛ ϫⲉ:

ⲟⲩ ⲡⲉⲑⲛⲁϣⲱⲡⲓ ⲁⲓϣⲁⲛϫⲟⲥ ⲛ̀ϯⲙⲉⲑⲙⲏⲓ. ⲥⲛⲁⲣⲁⲛⲉ ⲛⲓⲣⲱⲙⲓ ⲁⲛ ⲁⲣⲏⲟⲩ... ⲟⲩ ⲡⲉⲧⲑⲛⲁϣⲱⲡⲓ ⲁⲓϣⲧⲉⲙ ⲉⲣⲙⲉⲑⲛⲟⲩϫ ⲁⲣⲏⲟⲩ ⲟⲩⲟⲛ ⲟⲩⲙⲕⲁϩ ⲛⲁϣⲱⲡⲓ..ϯⲥⲱⲟⲩⲛ ⲁⲛ ⲁⲗⲗⲁ ⲡⲓⲱⲟⲩⲓⲛⲓ ⲛ̀ⲧⲉϯⲙⲉⲑⲙⲏⲓ ⲙⲟⲩϯ ⲟⲩⲃⲏⲓ.

̀

ⲫⲛⲏⲃ ϯϩⲙϩⲱⲧⲡ ⲁⲙⲟⲩⲛ

ϯϣⲉⲡϩⲙⲟⲧ ⲛ̀ⲧⲟⲧⲕ ⲉⲑⲃⲉ ⲡⲉⲕϫⲓⲛⲉⲣⲟⲩⲱ ⲛⲏⲓ, ⲡⲉⲕⲙⲉⲓ ⲉϧⲟⲩⲛ ⲉϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲛⲉⲙ ⲡⲉⲕⲟⲩⲱϣ ⲛ̀ⲧⲉⲕⲥⲁϫⲓ ⲛⲉⲙ ⲛⲓⲕⲉⲣⲉⲙⲛ̀ⲭⲏⲙⲓ ϧⲉⲛ ϯⲁⲓⲁⲥⲡⲓ ⲑⲁⲓ. ⲥⲁⲡⲉⲥⲏⲧ ⲙ̀ⲡⲁⲓⲥϧⲁⲓ ϯⲛⲁⲥϧⲁⲓ ⲛⲁⲕ ⲙ̀ⲫⲏⲉⲧⲁⲕⲧⲱⲃϩ ⲙ̀ⲙⲟϥ.

ⲟⲩϫⲁⲓ ϧⲉⲛ ⲡϭⲟⲓⲥ

ⲡⲓⲥⲉⲛϯ

ⲛⲥⲟⲩ24 ⲙ̀ⲡⲓⲁⲃⲟⲧ ⲡⲁⲟⲡⲓ 1723 ⲙ̀ⲙⲁⲣⲧⲩⲣⲟⲥ

ⲡⲓⲥⲉⲛϯ ⲡⲉⲧⲥϧⲁⲓ ⲛ̀ⲣⲉⲙⲛ̀ⲭⲏⲙⲓ ϫⲉ ϣⲟⲣⲡ ⲙⲉⲛ ϯϣⲓⲛⲓ ⲉⲣⲱⲧⲉⲛ

ϧⲉⲛ ⲑⲙⲏϯ ⲛ̀ϯϣⲛⲉ ⲛ̀ⲧⲉ ⲡⲱⲛϧ ⲟⲩⲟⲛ ⲟⲩⲙⲁ ϧⲉⲛ ϩⲑⲏϥ ⲙ̀ⲡⲓⲣⲱⲙⲓ ⲛ̀ⲧⲉϥⲕⲱϯ ⲛ̀ⲥⲁ ⲡⲉϥⲉⲙⲓ ⲛ̀ϩⲏⲧ ϧⲉⲛ ⲡϣⲱⲕ ⲙ̀ⲡⲉϥϩⲏⲧ. ⲟⲩⲟⲛ ⲟⲩⲥⲏⲟⲩ ⲛ̀ⲧⲉⲛϫⲉⲙϯⲡⲓ ⲙ̀ⲫⲏⲉⲧϯ ⲙ̀ⲡⲟⲩⲛⲟϥ ⲛⲁϥ. ⲉⲑⲃⲉ ⲫⲁⲓ. ⲉⲑⲃⲉ ⲫⲁⲓ ⲟⲩⲟⲛ ⲟⲩⲙⲱⲓⲧ ⲫⲁⲓ ⲡⲉ ⲡⲁⲛⲁϩϯ.... ⲉϩⲛⲏⲓ ⲉϫⲟⲥ ⲛⲱⲧⲉⲛ ⲙ̀ⲫⲁⲓ ⲛ̀ⲧⲁϣⲧⲉⲙⲭⲱⲡ ⲙ̀ⲡⲓⲁϩⲟ ⲉⲧⲁⲓϫⲉⲙϥ ⲁⲗⲗⲁ ⲁⲛⲟⲕ ⲟⲩⲣⲉϥϩⲓⲱⲓϣ ⲁⲛ ⲡⲉ. ϫⲉ ⲙ̀ⲙⲟⲛ ϣϫⲟⲙ ⲙ̀ⲡⲓⲣⲱⲙⲓ ⲛ̀ⲧⲉϥϩⲓⲱⲓϣ ⲙ̀ⲡⲱⲛϧ. ⲫⲙⲟⲩⲙⲓ ⲛ̀ⲧⲉ ⲡⲱⲛϧ ϧⲁϯ ⲉⲃⲟⲗϧⲉⲛ ⲡϣⲱⲕ ⲙ̀ⲡⲓⲣⲱⲙⲓ.

ϧⲉⲛ ⲡⲁⲓⲥⲏⲟⲩ ⲫⲁⲓ. ϯⲥⲱⲟⲩⲛ ⲁⲛ ⲛ̀ϩⲗⲓ. ⲉⲑⲃⲉ ϯⲥϧⲁⲓ ⲓⲉ ⲉⲑⲃⲉ ⲛⲓⲙ. ⲟⲩ ⲡⲉ ⲡⲁⲙⲱⲓⲧ. ⲛ̀ϯⲕⲁϯ ⲁⲛ ⲛ̀ϩⲗⲓ ⲉⲃⲏⲗ ϫⲉ ϯϫⲉⲙϯⲡⲓ ⲛ̀ⲟⲩⲉⲙⲧⲟⲛ ϧⲉⲛ ⲕⲉⲛⲥ ⲛ̀ⲧⲁⲁⲥⲡⲓ. ϯϥⲓⲣⲱⲟⲩϣ ⲁⲛ ϧⲁ ⲡⲉⲥⲱⲛϧ ϫⲉ ⲙ̀ⲡⲓϧⲟⲑⲃⲉⲥ ⲉⲧⲉ ⲫⲁⲓ ⲁϥϩⲱⲗ ⲉⲃⲟⲗ ϩⲁⲣⲟⲓ ⲙ̀ⲓⲙⲉⲩⲓ ⲛ̀ⲧⲉ ⲫⲛⲟⲃⲓ. ϯⲙⲉⲓ ⲙ̀ⲙⲟⲥ ⲉⲣⲏⲟⲟⲩ ⲁϭⲛⲉ ⲗⲱⲓϫⲓ ⲟⲩⲟϩ ϯⲉⲣϩⲉⲗⲡⲓⲥ ⲛ̀ⲟⲩⲉϣⲉⲛ ⲟⲩⲧⲁϩ ϯⲙⲟⲩⲛ ⲉⲃⲟⲗ ⲛ̀ⲧⲁⲉⲣϩⲉⲗⲡⲓⲥ.

ⲁⲣⲏⲟⲩ ⲙ̀ⲙⲟⲛ ⲣⲱⲙⲓ ⲛⲁⲱϣ ⲙ̀ⲡⲁⲓⲥϧⲁⲓ. ⲁⲣⲏⲟⲩ ⲙ̀ⲙⲟⲛ ⲣⲱⲙⲓ ⲕⲁϯ ⲉⲣⲟⲓ ⲓⲉ ⲫⲭⲏ ⲁⲛ ⲛ̀ϫⲉ ⲫⲏⲉⲑⲛⲁϣⲉⲡ ⲡⲓⲥⲁϫⲓ ⲁⲗⲗⲁ ϯⲟⲩⲱⲣⲡ ⲙ̀ⲡⲁⲓⲥϧⲁⲓ ϫⲉ ϥⲉⲙⲡϣⲁ ⲛ̀ⲧⲟⲩⲱⲣⲡ ⲙ̀ⲙⲟϥ. ⲟⲩⲟϩ ϯⲙⲟⲕⲙⲉⲕ ϧⲉⲛ ⲡⲓⲙⲱⲓⲧ ⲁⲗⲗⲁ ϯⲛⲁⲩ ⲉⲣⲟϥ ⲁⲛ ϣⲁ ϯⲛⲟⲩ.

ⲟⲩϫⲁⲓ ⲛⲁⲙⲉⲛⲣⲁϯ ⲛ̀ⲣⲉⲙⲛ̀ⲭⲏⲙⲓ

ⲡⲓⲥⲉⲛϯ

ⲙⲏⲓⲥ ⲛ̀ⲣⲉⲙⲛ̀ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡ

ⲛ̀ⲥⲟⲩ23 ⲙ̀ⲡⲓⲁⲃⲟⲧ ⲡⲁⲟⲡⲓ 1723 ⲙ̀ⲙⲁⲣⲧⲩⲣⲟⲥ.

ⲡⲓⲥⲉⲛϯ ⲡⲉⲧⲥϧⲁⲓ ⲛ̀ⲣⲉⲙⲛ̀ⲭⲏⲙⲓ ϫⲉ ϣⲟⲣⲡ ⲙⲉⲛ ϯϣⲓⲛⲓ ⲉⲣⲱⲧⲉⲛ

ⲉⲧⲁⲓⲥⲁϫⲓ ⲛⲉⲙⲁⲓⲑⲁⲙⲓⲟ ⲯⲁⲧⲉ, ⲛⲉⲙⲣ/.ⲡⲓⲥⲧⲁⲩⲣⲟⲥ, ⲛⲉⲙⲙⲱⲣⲏⲥ. ⲁⲓϫⲉⲙ ϯϩⲉⲗⲡⲓⲥ ⲛⲉⲙϯⲙⲉⲧⲁⲧϩⲉⲗⲡⲓⲥ ⲉⲩⲭⲏ ⲛⲉⲙ ⲛⲟⲩⲉⲣⲏⲟⲩ. ⲡⲓⲭⲣⲱⲙ ⲛⲉⲙ ⲡⲓϧⲙⲟⲙ ⲉϧⲟⲩⲛ ⲉⲫⲙⲉⲓ ⲛ̀ϯⲙⲉⲧⲣⲉⲙⲛ̀ⲭⲏⲙⲓ ⲉⲣⲟⲩⲱⲓⲛⲓ ⲟⲩⲃⲉ ⲡⲓⲕⲁⲧⲁⲕⲗⲏⲥⲙⲟⲥ ⲛ̀ⲧⲉ ⲡⲁⲓϫⲱⲟⲩ. ⲟⲩⲟⲛ ⲡⲓⲙⲕⲁϩ ⲛⲉⲙ ⲡⲓⲙⲉⲓ ⲛ̀ϧⲏⲧⲟⲩ.

ⲟⲩϫⲁⲓ ϧⲉⲛ ⲡϭⲟⲓⲥ

ⲡⲓⲥⲉⲛϯ

ⲙⲏⲓⲥ ⲛ̀ⲣⲉⲙⲛ̀ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ⲭⲉⲣⲉ ⲛⲁⲕ ⲫⲛⲏⲃ ⲙⲁⲣⲕⲟⲥ,

ⲁⲓⲱϣ ⲙ̀ⲡⲓⲃⲓⲟⲥ ⲛ̀ⲧⲉⲫⲏⲉ̅ⲑ̅ⲩ̅ ⲁⲃⲃⲁ ⲡⲁϧⲱⲙ ⲫⲁ ϯⲕⲟⲓⲛⲱⲛⲓⲁ ϧⲉⲛ ϯϫⲓⲛⲥⲁϫⲓ (ϯⲁⲥⲡⲓ) ⲛ̀ⲧⲉ ⲡⲉⲙϩⲓⲧ ϧⲉⲛ ⲟⲩϫⲱⲙ ⲛ̀ⲁⲡⲁⲥ ⲉⲡⲉϥⲣⲁⲛ ⲡⲉ ⲫⲃⲓⲟⲥⲛ̀ⲧⲉ ⲁⲡⲁ ⲡⲁϧⲱⲙ ⲡⲉⲧⲁϥⲥϧⲏⲟⲩⲧ ⲡⲉϫⲁϥ ϫⲉ ⲛ̀ⲑⲟϥ ⲡⲉ ⲟⲩⲁⲓ ⲉⲃⲟⲗϧⲉⲛ ⲛⲉϥⲙⲁⲑⲏⲧⲏⲥ ⲙ̀ⲫⲣⲏϯ ⲉⲧⲁϥϫⲟⲥ ⲛ̀ϫⲉ ⲫⲏⲉⲧⲁϥⲥϧⲉ ⲫⲃⲓⲟⲥ ⲙ̀ⲫⲏⲉ̅ⲑ̅ⲩ̅ ⲁⲃⲃⲁ ϣⲉⲛⲟⲩϯ ⲡⲓⲁⲣⲭⲓⲙⲁⲛⲇⲣⲓⲧⲏⲥ. ⲁⲓϫⲉⲙ ⲡⲁⲓϫⲱⲙ ⲫⲁⲓ ϧⲉⲛϯⲃⲓⲃⲗⲓⲟⲑⲏⲕⲏ ⲛ̀ⲧⲉ ⲡⲓⲙⲁⲛϯⲥⲃⲱ ⲛ̀ⲧⲉ ⲛⲓⲥⲃⲱⲟⲩⲓ ⲛ̀ⲣⲉⲙⲛ̀ⲭⲏⲙⲓ ⲉⲧϧⲉⲛ ϯⲕⲁⲑⲉⲇⲣⲁ ⲙ̀ⲃⲉⲣⲓ ⲛ̀ⲧⲉ ⲫⲏⲉ̅ⲑ̅ⲩ̅ ⲁⲃⲃⲁ ⲧⲉϫⲓ ⲉⲫⲗⲏⲟⲩ. ⲁⲙⲟⲓ ⲛ̀ⲧⲉϥϣⲱⲡⲓ ϧⲉⲛ ⲡⲓⲓⲉⲃϣⲛⲉ (ⲓⲛⲧⲉⲣⲛⲉⲧ). ⲛ̀ⲧⲉⲛϣϭⲓⲥⲙⲟⲩ ⲉⲃⲟⲗϩⲓⲧⲉⲛ ⲡⲁⲓⲃⲓⲟⲥ ⲉⲑⲟⲩⲁⲃ ⲫⲁⲓ. ⲕⲉ ⲡⲁⲗⲓⲛ ⲟⲛ ϯϭⲓϣϣⲱⲟⲩ ⲛ̀ⲧⲁⲱϣ ⲙ̀ⲡⲁⲓϫⲱⲙ ⲛ̀ⲕⲉⲥⲟⲡ ϧⲉⲛ ⲫⲟⲩⲱϣ ⲙ̀ⲡϭⲟⲓⲥ ⲫϯ.

ⲟⲩϫⲁⲓ ϧⲉⲛ ⲧϫⲟⲙ ⲛ̀ϯⲧⲣⲓⲁⲥ ⲉ̅ⲑ̅ⲩ̅

ⲡⲓⲥⲉⲛϯ

ⲙⲏⲓⲥ ⲛ̀ⲣⲉⲙⲛ̀ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ϧⲉⲛⲥⲟⲩ 21 ⲙ̀ⲡⲓⲁⲃⲟⲧ ⲡⲁⲟⲡⲓ 1723 ⲙ̀ⲙⲁⲣⲧⲩⲣⲟⲥ

ⲡⲓⲥⲉⲛϯ ⲡⲉⲧⲥϧⲁⲓ ⲛ̀ⲣⲉⲙⲛ̀ⲭⲏⲙⲓ ϫⲉ ϣⲟⲣⲡ ⲙⲉⲛ ϯϣⲓⲛⲓ ⲉⲣⲱⲧⲉⲛ

ϯⲟⲩⲱϣ ⲛ̀ⲧⲁⲧⲁⲙⲉ ⲑⲏⲛⲟⲩ ϫⲉ ⲁⲓϫⲱⲕ ⲙ̀ⲡⲓϧⲟⲧϧⲉⲧ ⲉⲃⲟⲗ ⲛ̀ⲥⲁϥ. ⲟⲩⲟϩ ϯⲉⲣⲭⲣⲓⲁ ⲛ̀ⲛⲉⲧⲉⲛϣⲗⲏⲗ ⲛⲉⲙ ⲛⲉⲧⲉⲛⲧⲱⲃϩ ⲛ̀ⲧⲁⲉⲣϣⲁⲩ.

ⲡⲁⲗⲓⲛ ⲟⲛ ⲁⲓⲟⲩⲛⲟϥ ⲙ̀ⲙⲟⲓ ⲉⲧⲁⲓⲛⲁⲩ ⲉⲡⲓⲥϧⲁⲓ ⲫⲁ ⲡⲓⲉⲣⲟ ⲛⲉⲙ ⲥⲁⲙⲉϩ ⲓⲟⲩⲛⲁⲛ. ⲉⲙⲁϣⲱ ϫⲉ ⲥⲉⲥϧⲏⲟⲩⲧ ϧⲉⲛ ϭⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲛⲉⲙ ϧⲁ ⲧⲁⲓⲁⲥⲡⲓ ⲙ̀ⲙⲓⲛ ⲙ̀ⲙⲟⲥ ⲑⲁⲓ.

ⲉⲧⲏⲓⲥ ⲛ̀ⲣⲉⲙⲛ̀ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ⲡⲓⲥⲉⲛϯ

̀

ⲟⲩ ⲡⲉⲧⲁϥϣⲱⲡⲓ ⲛⲏⲓ ϧⲉⲛ ⲣⲉⲙⲛ̀ⲭⲏⲙⲓ....

ⲡⲓϧⲙⲟⲙ ⲛ̀ϣⲟⲣⲡ ⲛ̀ⲧⲉ ⲥⲁϥ ⲁϥϩⲱⲗ..ⲛⲓⲙⲕⲁϩ ⲛ̀ⲧⲉ ⲡⲁⲓⲑⲟ ⲁⲩⲧⲁϩⲟⲓ ⲁⲩⲕⲱϯ ⲛ̀ⲥⲱⲓ. ⲁⲓⲱⲙⲥ ⲟⲩⲧⲉ ⲛⲓϩⲱⲓⲙⲓ ⲛ̀ⲛⲓⲟⲩⲱϣ ⲛ̀ⲧⲉ ⲧⲁⲓⲅⲉⲛⲉⲁ. ⲛⲓⲥⲁϫⲓ ϣⲁⲩⲫⲱⲧ ⲉⲃⲟⲗϧⲉⲛ ⲡⲁϩⲏⲧ ⲡⲉⲧⲁⲓϭⲓⲥⲃⲱ ⲉⲣⲟϥ ⲉϥⲧⲟⲙⲥ ⲥⲁϧⲟⲩⲛ ⲙ̀ⲙⲟⲓ. ϯⲥϧⲁⲓ ϫⲉ ⲡⲥⲉⲡⲓ ⲙ̀ⲫⲁⲓ ⲧⲁϩⲟⲓ ⲓⲥϫⲉⲛ ⲥⲏⲟⲩ ϣⲁ ⲟⲩⲥⲏⲟⲩ. ϯⲙⲉⲧⲁⲧϩⲉⲗⲡⲓⲥ ⲥⲉⲛⲥⲉⲛ ϧⲉⲛ ⲡϣⲱⲕ ⲙ̀ⲡⲁⲑⲏⲟⲩ. ⲉⲓⲕⲱϯ ⲛ̀ⲥⲁ ⲡⲓⲟⲩⲱⲓⲛⲓ ⲛⲓⲥⲟⲩⲣⲓ ⲟⲩⲟⲙⲧ.

ⲁⲓϣⲁⲛⲛⲁⲩ ⲉⲛⲓⲥϧⲁⲓ ⲛ̀ⲧⲉ ⲡⲉⲧⲣⲟⲥ ⲓⲟⲥⲧⲟⲥ ⲓⲉ ⲙⲁⲣⲕⲟⲥ ⲓⲟⲥⲧⲟⲥ ϣⲁⲓⲣⲁϣⲓ ϫⲉ ⲟⲩⲟⲛ ⲟⲩⲣⲱⲙⲓ ⲉⲧⲁϥⲁⲣⲉϩ ⲉⲡⲉϥⲱϣ..ⲟⲩⲣⲱⲙⲓ ⲉϥϣⲛⲁⲩ ⲉⲡⲉϥⲙⲱⲓⲧ ⲟⲩⲃⲉ ⲛⲓϭⲏⲡⲓ ⲉⲧϩⲱⲣϣ.

ⲁⲓϭⲓϧⲓⲥⲓ ⲛ̀ⲧⲁϫⲟⲥ ϫⲉ ⲡⲓⲙⲁⲛⲫⲟϩ ⲛ̀ⲧⲉ ⲣⲉⲙⲛ̀ⲭⲏⲙⲓ ⲙ̀ⲡⲁϥⲭⲏ ϧⲉⲛ ⲡϫⲓⲛⲥⲁϫⲓ ϧⲁ ϯⲁⲥⲡⲓ, ⲙ̀ⲡⲁϥϣⲱⲡⲓ ϧⲉⲛ ⲡϫⲓⲛϯⲧⲟⲧϥ ⲛⲱⲟⲩ ⲛⲏⲉⲧⲧⲱⲃϩ ⲛ̀ⲟⲩⲃⲟⲏⲑⲓⲁ. ⲣⲉⲙⲛ̀ⲭⲏⲙⲓ ⲉⲥⲥⲉⲛϯ ⲛ̀ⲧⲉ ⲛⲏⲉⲧⲥⲁϫⲓ ⲥⲁϫⲓ ⲟⲩⲟϩ ⲥϧⲁⲓ ⲛ̀ⲛⲟⲩⲉⲣⲏⲟⲩ ϧⲉⲛ ϯⲙⲉⲧⲣⲉⲙⲛ̀ⲭⲏⲙⲓ. ⲁⲗⲗⲁ ⲓⲥϫⲉ ϩⲁⲛⲙⲏϣ ⲛ̀ⲣⲱⲙⲓ ⲓ̀ ⲉϧⲟⲩⲛ. ⲁϥϣⲱⲡⲓ ⲛ̀ϣⲟⲙⲧ ⲙ̀ⲙⲱⲓⲧ ϧⲉⲛ ⲣⲉⲙⲛ̀ⲭⲏⲙⲓ

1. ⲁⲣⲭⲁⲉⲟⲗⲟⲅⲓⲁ: ⲉⲧⲉ ⲛⲏⲉⲧⲛⲁⲩ ⲉϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ϩⲟⲥ ⲟⲩⲁⲥⲡⲓ ⲉⲥⲙⲱⲟⲩⲧ ⲟⲩⲟϩ ⲥⲉⲛⲁⲩ ⲉⲣⲟⲥ ϩⲟⲥ ⲟⲩϩⲓⲥⲧⲟⲣⲓⲁ

2. ⲛⲓⲃⲉⲣⲓ: ⲛⲏⲉⲧⲟⲩⲱϣ ⲛ̀ⲧⲟⲩϭⲓⲥⲃⲱ ⲉⲑⲃⲉ ϯⲉⲕⲕⲗⲏⲥⲓⲁ ⲛⲉⲙ ⲛⲓⲃⲱϩⲉⲙ, ⲟⲩⲟⲛ ϩⲁⲛⲙⲏϣ ⲛ̀ϧⲏⲧⲟⲩ ⲥⲉⲟⲩⲱϣ ⲁⲛ ⲛ̀ⲧⲟⲩϭⲱⲛⲧ ⲛ̀ⲧⲟⲩⲧⲁⲛϧⲟ ⲛ̀ⲧⲁⲓⲁⲥⲡⲓ ϩⲓ ⲛⲟⲩⲗⲁⲥ ⲥⲉϯⲙⲁϯ ⲛ̀ⲧⲟⲩⲛⲁⲩ ⲉⲛⲏⲉⲧⲥⲁϫⲓ ⲙ̀ⲫⲣⲏϯ ⲛ̀ⲟⲩϣⲫⲏⲣⲓ ϧⲉⲛ ⲟⲩⲑⲏⲁⲧⲣⲟⲛ. ⲥⲉϣⲓⲛⲓ ⲛ̀ⲟⲩⲙⲏϣ ⲟⲩⲟϩ ⲙ̀ⲡⲁⲩⲉⲣϣⲫⲏⲣ.

3. ⲛⲏⲉⲧⲥⲁϫⲓ: ⲥⲉⲟⲩⲱϣ ⲛ̀ⲧⲟⲩⲥⲁϫⲓ ϧⲉⲛ ϯⲙⲉⲧⲣⲉⲙⲛ̀ⲭⲏⲙⲓ ⲙ̀ⲙⲁⲩⲁⲧⲥ ⲛ̀ⲧⲟⲩⲧⲁⲛϧⲟ ⲙ̀ⲙⲟⲥ ϩⲑⲏⲟⲩ ⲛⲉⲙ ⲛⲟⲩⲗⲁⲥ.

ⲁⲙⲟⲓ ⲛ̀ⲧⲉⲛⲛⲁⲩ ⲉⲛⲁⲓ ⲙⲓⲧⲱⲟⲩ ⲧⲏⲣⲟⲩ ⲟⲩⲟϩ ⲛ̀ⲧⲉⲛ ⲥⲟⲙⲥ ⲟⲩⲟϩ ⲙⲟⲕⲙⲉⲕ ϧⲉⲛ ⲟⲩⲙⲁⲙⲫⲱⲧ ⲓⲉ ⲟⲩⲙⲱⲓⲧ ⲛ̀ⲧⲉⲛⲫⲱϣ ⲓⲉ ⲧⲱⲙⲓ ⲛ̀ⲛⲁⲓϣⲟⲙⲧ ⲙ̀ⲙⲓⲧⲱⲟⲩⲓ.

ⲟⲩϫⲁⲓ ϧⲉⲛ ⲧϫⲟⲙ ⲛ̀ϯⲧⲣⲓⲁⲥ

ⲙⲏⲓⲥ ⲛ̀ⲣⲉⲙⲛ̀ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ⲡⲓⲥⲉⲛϯ ⲡⲓⲣⲉϥⲉⲣⲛⲟⲃⲓ

̀̀

ⲛⲁⲙⲉⲛⲣⲁϯ ⲛ̀ⲣⲉⲙⲛ̀ⲭⲏⲙⲓ

ϯⲛⲁϭⲓϧⲟⲧϧⲉⲧ ⲙⲉⲛⲉⲛⲥⲁ 28 ⲛ̀ⲉϩⲟⲟⲩ....ϣⲗⲏⲗ ⲉϫⲱⲓ

ⲡⲓⲥⲉⲛϯ

̀̀

ϧⲉⲛⲥⲟⲩ20 ⲙ̀ⲡⲓⲁⲃⲟⲧ ⲑⲱⲟⲩⲧ

ⲡⲓⲥⲉⲛϯ ⲡⲉⲧⲥϧⲁⲓ ⲛ̀ⲣⲉⲙⲛ̀ⲭⲏⲙⲓ ϫⲉ ϣⲟⲣⲡ ⲙⲉⲛ ϯϣⲓⲛⲓ ⲉⲣⲱⲧⲉⲛ

ⲁϣ ⲡⲉ ⲡⲉⲧⲉⲛⲣⲏϯ ⲛⲁⲙⲉⲛⲣⲁϯ ⲛ̀ⲣⲉⲙⲛ̀ⲭⲏⲙⲓ?

ϯⲥⲱⲟⲩⲛ ϫⲉ ⲙ̀ⲡⲓⲥϧⲁⲓ ⲓⲥϫⲉⲛ ⲟⲩⲙⲏϣ ⲛ̀ⲥⲏⲟⲩ. ⲁⲗⲗⲁ ⲙ̀ⲡⲓⲉⲣⲡⲱⲃϣ ⲛ̀ϯⲙⲉⲧⲣⲉⲙⲛ̀ⲭⲏⲙⲓ ϫⲉ ⲕⲁⲧⲁ ⲡⲥⲁϫⲓ ⲛ̀ⲟⲩⲥⲁϧ ⲧⲁⲓⲁⲥⲡⲓ ⲑⲁⲓ ⲱⲛϧ ⲥⲁⲥⲫⲓⲣ ⲙ̀ⲡⲉⲛϣⲁⲣ. ϯⲟⲓ ⲛ̀ϭⲗⲉⲙⲗⲱⲙ ⲟⲩⲟϩ ⲛⲓϣⲑⲟⲣⲧⲉⲣ ⲛ̀ⲧⲉ ⲡⲁⲓⲑⲟ ϭⲓⲧⲧ. ϯⲉⲙⲓ ϫⲉ ⲫⲁⲓ ⲟⲩⲗⲱⲓϫⲓ ⲁⲛ ⲡⲉ ⲁⲗⲗⲁ ⲫⲁⲓ ⲡⲉ ⲫⲩⲉⲧⲁϥϣⲱⲡⲓ ⲛⲏⲓ. ϯϯϩⲁⲡ ⲉⲣⲟⲓ ⲁⲛ ϯⲛⲁⲩ ⲉⲫⲏⲉⲧϣⲟⲡ ⲉϧⲣⲏⲓ ⲉϫⲱⲓ.....

ⲁⲙⲟⲓ ⲛ̀ⲧⲁⲙⲟⲩⲛ ⲉⲃⲟⲗ

ⲙⲏⲓⲥ ⲛ̀ⲣⲉⲙⲛ̀ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ⲡⲓⲥⲉⲛϯ

̀̀

ϯϣⲓⲛⲓ ⲉⲣⲱⲧⲉⲛ ⲟⲩⲟⲛ ⲛⲓⲃⲉⲛ

ⲟⲩ ⲡⲉⲧϣⲟⲡ ⲙ̀ⲙⲱⲧⲉⲛ ⲓⲥϫⲉⲛ ⲟⲩⲙⲏϣ ⲛ̀ⲥⲏⲟⲩ ⲙ̀ⲡⲓⲱϣ ⲛ̀ϩⲁⲛⲉⲡⲓⲥⲧⲟⲗⲏ ⲛ̀ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ.

ⲁⲓⲥⲱⲟⲩⲛ ⲉⲃⲟⲗϩⲓⲧⲉⲛ ⲁⲙⲟⲩⲛ ϫⲉ ⲡⲉⲧⲣⲟⲥ ⲓⲟⲥⲧⲟⲥ ϥϣⲓⲛⲓ ⲉⲣⲟⲓ. ϯϣⲉⲡϩⲙⲟⲧ ⲛ̀ⲧⲟⲧⲕ ⲡⲉⲧⲣⲟⲥ. ϯⲟⲩⲟϫ ⲁⲗⲗⲁ ϯⲟⲓ ⲛ̀ϭⲗⲉⲙⲗⲱⲙ ⲧⲟⲛⲱ ⲉⲑⲃⲉ ⲫⲁⲓ ⲙ̀ⲡⲁⲓⲥⲁϫⲓ ⲟⲩⲧⲉ ⲥϧⲁⲓ ⲛ̀ⲟⲩⲙⲏϣ ϧⲉⲛ ⲡⲁⲓϫⲓⲛⲑⲱⲟⲩϯ ⲫⲁⲓ.

ⲟⲩϫⲁⲓ

ⲙⲏⲓⲥ ⲛ̀ⲣⲉⲙⲛ̀ⲭⲏⲙⲓ ϩⲓⲧⲉⲛ ⲓⲁϩⲟⲟⲩⲅⲣⲟⲩⲡⲥ.

̀̀

ⲁⲥⲉⲣϩⲏⲧⲥ ⲛ̀ⲧⲉ ϯⲛⲏⲥⲧⲓⲁ ⲉⲧⲉ ⲡⲓⲙⲟⲩⲣ ⲉϧⲟⲩⲛ ⲛ̀ⲧⲉ ⲓⲱⲛⲁ ⲡⲓⲡⲣⲟⲫⲏⲧⲏⲥ. ⲉⲧⲁϥϣⲱⲡⲓ ⲛϣⲟⲙⲧ ⲛ̀ⲉϩⲟⲟⲩ ϧⲉⲛ ⲡⲓⲕⲩⲧⲟⲥ ⲛ̀ϣⲟⲙⲧ ⲛ̀ⲉϩⲟⲟⲩ. ⲁⲥⲙⲟⲩⲛϩⲱⲟⲩ ϧⲉⲛ ⲛⲁⲓⲉϩⲟⲟⲩ ϧⲉⲛ ⲭⲏⲙⲓ. ⲛⲓⲣⲉϥⲥⲓϯ ⲛⲉⲙ ⲛⲓⲟⲩⲱⲓ ϣⲁⲩⲣⲁϣⲓ ⲧⲟⲓⲛⲟⲩ ⲁⲥϣⲁⲛⲙⲟⲩⲛϩⲱⲟⲩ. ⲁⲗⲗⲁ ⲛⲏⲉⲧϧⲉⲛ ⲕⲁϩⲓⲣⲏ ϣⲁⲩϫⲱⲛⲧ ϫⲉ ⲛⲓⲙⲟⲩⲛϩⲱⲟⲩ ϣⲁⲩⲑⲱⲗⲉⲃ ⲉⲛⲓⲙⲓⲧⲱⲟⲩⲓ ⲛⲉⲙ ⲛⲓϣⲑⲉϩ ⲉⲑⲃⲉ ϫⲉ ⲡⲓϭⲱϧⲉⲙ ⲛ̀ⲧⲉⲡⲓⲁϩⲣ

---

ⲭⲉⲣⲉ ⲛⲱⲧⲉⲛ ⲛⲁⲙⲉⲛⲣⲁϯ

ϧⲉⲛ ⲡⲁⲓⲁⲃⲟⲧ ⲉⲧⲥⲙⲁⲣⲱⲟⲩⲧ ⲭⲟⲓⲁⲕ. ϯϣⲉⲡϩⲙⲟⲧ ⲛ̀ⲧⲟⲧϥ ⲙ̀ⲫϯ ϫⲉ ⲧⲉⲛⲉⲕⲕⲗⲏⲥⲓⲁ ⲛ̀ⲣⲉⲙⲛ̀ⲭⲏⲙⲓ ⲛ̀ⲟⲣⲑⲟⲇⲟⲝⲟⲥ ⲁⲣⲉϩ ⲉⲟⲩⲕⲟⲩϫⲓ ⲙ̀ⲫⲟϫⲓ ⲉⲃⲟⲗϧⲉⲛ ⲡⲓⲛⲓϣϯ ⲛ̀ⲁϩⲟ ⲛ̀ⲧⲉⲛⲉⲛⲓⲟϯ ⲉⲧⲧⲁⲓⲏⲟⲩⲧ ⲉⲧⲁⲩϯⲛⲁⲛ ̀ⲛ̀ⲛⲁⲓⲛⲓϣϯ ⲛ̀ϩⲱⲥ.

ϯⲣⲁϣⲓ ⲟⲛ ϫⲉ ⲡⲓϣⲁⲓ ⲛ̀ⲧⲉ ⲡⲓϫⲓⲛⲙⲓⲥⲓ ⲁϥϧⲱⲛⲧ. ϫⲉ ⲡⲁⲓⲙⲓⲥⲓ ⲡⲉ ⲡⲓϩⲟⲩⲓⲧ ⲛ̀ⲱⲛⲓ ϧⲉⲛ ⲡⲓⲛⲁϩϯ ⲛ̀ⲭⲣⲓⲥⲧⲓⲁⲛⲟⲥ.

ⲁⲙⲟⲓ ⲛ̀ⲧⲉ ϯⲁⲅⲁⲡⲏ ⲛ̀ⲧⲉ ⲧⲁⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲧⲁϩⲟⲓ ⲛ̀ⲕⲉⲥⲟⲡ ⲛ̀ⲧⲁⲙⲟⲩⲛ ⲉⲃⲟⲗ ⲉⲓⲥϧⲁ ⲟⲩⲟϩ ⲉⲓⲥⲁϫⲓ ⲛ̀ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ. ⲓⲥϫⲉⲛ ⲉϩⲟⲟⲩ ⲥⲛⲁⲩ ⲁⲓⲱϣ ⲉⲟⲩⲉⲡⲓⲥⲧⲟⲗⲏ. ϫⲉ ⲓⲥϫⲉ ⲕⲥⲱⲟⲩⲛ ϫⲉ ⲟⲩⲉⲡⲓⲥⲧⲟⲗⲏ ⲛⲁⲫⲟϩ ⲁⲛ. ⲫⲁⲓ ϥϫⲉⲣⲉ ⲁⲛ ϫⲉ ⲧⲁⲓⲉⲡⲓⲥⲧⲟⲗⲏ ⲥⲉⲙⲡϣⲁ ⲁⲛ ⲛ̀ⲧⲉⲕⲟⲩⲱⲣⲡ ⲙ̀ⲙⲟⲥ. ⲉⲧⲁⲓⲱϣ ⲉⲫⲁⲓ ⲟⲩⲟϩ ⲉⲧⲁⲓⲉⲣⲡⲉϥⲙⲉⲩⲓ ϯⲛⲟⲩ ⲁⲓⲕⲁϯ ⲉⲫⲙⲏⲓⲛⲓ ⲛ̀ⲧⲉ ⲡⲉⲛϩⲱⲃ ⲙ̀ⲛⲁⲓ ϧⲉⲛ ⲡⲉⲛϫⲓⲛⲑⲱⲟⲩϯ ⲣⲉⲙⲉⲛⲭⲏⲙⲓ. ⲧⲉⲛϯⲟⲩⲃⲉ ⲛⲓϩⲱⲓⲙⲓ ⲛ̀ⲥⲩⲛⲏⲧⲏⲥ ⲛ̀ⲧⲉ ⲡⲓⲕⲟⲥⲙⲟⲥ ⲙ̀ⲙⲟⲛ ϫⲁϫⲓ ⲭⲏ ⲟⲩⲃⲏⲛ ⲁⲗⲗⲁ ⲡⲓϫⲁϫⲓ ⲙ̀ⲙⲏⲓ ⲭⲏ ϧⲉⲛ ⲧⲉⲛⲙⲏϯ ϯⲙⲉⲧϭⲉⲛⲛⲉ ⲛⲉⲙ ϯⲙⲉⲧⲣⲉϥϭⲗⲉⲙⲗⲱⲙ ⲧⲁϩⲟⲛ ⲛ̀ⲥⲏⲟⲩ ⲛⲓⲃⲉⲛ. ⲟⲩⲟϩ ⲡⲣⲓⲕⲓ ⲛ̀ⲧⲉ ⲡⲉⲛⲛⲁϩϯ ϥϭⲟϫⲓ ⲛ̀ⲥⲱⲛ. ⲁⲗⲗⲁ ⲡⲓⲟⲩⲱⲓⲛⲓ ⲉⲧⲥⲁϧⲟⲩⲛ ⲉⲣⲟⲩⲱⲓⲛⲓ ϫⲉ ⲉϣⲱⲡ ⲁⲛϣⲁⲛⲉⲣ ⲡⲉⲑⲛⲁϣⲱⲡⲓ ⲁⲛ. ϥⲛⲁϣⲱⲡⲓ ⲁⲛ ⲁⲗⲗⲁ ⲁⲛⲟⲛ ⲧⲉⲛⲛⲁϣⲱⲡⲓ ϫⲉ ⲁⲛⲕⲱϯ ⲟⲩⲟϩ ⲧⲉⲛⲛⲁⲙⲟⲩⲛ ⲉⲃⲟⲗ ϣⲁ ⲉⲛⲉϩ.

ⲛⲏⲉⲧⲁⲩⲕⲱϯ ⲛ̀ⲥⲁ ϯⲙⲉⲧⲣⲉⲙϩⲉ. ⲛⲉⲛⲓⲟϯ ⲛ̀ⲣⲉⲙⲛ̀ⲭⲏⲙⲓ ⲛ̀ⲁⲡⲁⲥ ⲉϣⲁⲩⲙⲟⲩϯ ⲉⲣⲱⲟⲩ ϫⲉ ⲛⲓⲫⲁⲣⲁⲱ ⲁⲩⲑⲱϣ ̀ⲙ̀ⲙⲏⲓ ⲉⲧⲉ ⲟⲩⲛⲟⲩϯ(ⲣ) ⲛ̀ⲧⲉ ϯⲙⲉⲑⲙⲏⲓ ⲉⲧⲁⲩⲕⲱϯ ⲛ̀ⲥⲱⲥ ϧⲉⲛ ⲡϣⲱⲕ ⲛ̀ⲛⲟⲩϩⲏⲧ. ⲁⲣⲏⲟⲩ ⲁⲩⲫⲟϩ ⲁⲣⲏⲟⲩ ⲙ̀ⲙⲟⲛ ⲁⲗⲗⲁ ⲁⲥϭⲓⲧⲟⲩ ϣⲁⲣⲱⲟⲩ ⲁⲩⲙⲟϣⲓ ϧⲉⲛ ⲡⲓⲟⲩⲱⲓⲛⲓ ⲛ̀ⲧⲉ ϯϩⲉⲗⲡⲓⲥ ⲙ̀ⲡⲟⲩⲫⲱⲧ ⲉⲃⲟⲗ ϧⲉⲛ ⲫⲏⲉⲧϣⲱⲡⲓ ⲙ̀ⲫⲣⲏϯ ⲛ̀ⲟⲩⲑⲏϧ ⲉⲃⲟⲗⲛ̀ⲧⲉⲛ ⲡⲓⲏⲣⲡ ⲁⲗⲗⲁ ⲁⲩⲉⲣⲟⲩⲱⲓⲛⲓ ⲙ̀ⲡⲱⲛϧ. ⲙ̀ⲡⲟⲩϣⲓⲛⲓ ⲙ̀ⲡⲱⲛϧ ϫⲉ ⲟⲩ ⲡⲉ ⲡⲉⲕⲙⲁⲛⲫⲟϩ. ⲁⲗⲗⲁ ⲁⲩⲑⲁⲙⲓⲟ ⲙ̀ⲡⲓⲙⲁⲛⲫⲟϩ ⲟⲩⲟϩ ⲁⲩⲙⲟϣⲓ ⲛ̀ⲥⲱϥ. ⲫⲁⲓ ⲡⲉ ⲫⲏⲉⲑⲙⲟⲩⲛ ⲉⲃⲟⲗ.

ⲁⲙⲟⲓ ⲛ̀ⲧⲉⲛⲉⲣϣⲫⲏⲣ ⲛⲉⲙ ⲛⲉⲛⲉⲣⲏⲟⲩ ϧⲉⲛ ϯⲁⲓⲣⲟⲙⲡⲓ ⲑⲁⲓ ⲛ̀ⲧⲉⲛⲧⲁϫⲣⲟ ⲛ̀ⲛⲉⲛⲉⲣⲏⲟⲩ ϫⲉ ⲁⲛⲟⲛ ϩⲁⲛϫⲱⲃⲓ ⲛⲉ ⲟⲩⲟϩ ⲧⲉⲛⲉⲣⲭⲣⲓⲁ ⲛ̀ⲛⲉⲛⲉⲣⲏⲟⲩ ⲛ̀ⲥⲏⲟⲩ ⲛⲓⲃⲉⲛ.

ⲟⲩϫⲁⲓ ϧⲉⲛ ⲡϭⲟⲓⲥ

---

ϯϣⲓⲛⲓ ⲉⲣⲱⲧⲉⲛ ⲟⲩⲟⲛ ⲛⲓⲃⲉⲛ

ⲟⲩ ⲡⲉⲧϣⲟⲡ ⲙ̀ⲙⲱⲧⲉⲛ. ⲁⲙⲟⲓ ⲛ̀ⲧⲉⲧⲉⲛⲙⲟⲩⲛ ⲉⲃⲟⲗ ⲛ̀ⲥϧⲁⲓ ϧⲉⲛ ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ. ϯⲥⲱⲟⲩⲛ ϫⲉ ⲟⲩⲟⲛⲧⲉⲛ ⲟⲩϩⲟϫϩⲉϫ ⲉⲧⲉ ϫⲉ ⲙ̀ⲙⲟⲛⲧⲉⲛⲥⲏⲟⲩ ⲛ̀ⲧⲉⲛⲧⲁⲛϧⲟ ⲉⲧⲉⲛⲁⲥⲡⲓ. ⲁⲛⲟⲕ ϯϭⲗⲉⲗⲱⲙ ϧⲉⲛ ⲡⲁϩⲱⲃ ⲛⲉⲙ ⲡⲁⲏⲓ. ⲟⲩⲟϩ ⲟⲩⲟⲛ ϩⲁⲛⲕⲉⲙⲏϣ ⲉⲩⲗⲉⲙⲏⲗⲙ. ⲁⲗⲗⲁ ϯⲣⲁⲥⲟⲩⲓ ⲛⲁⲙⲟⲩ ⲁⲛ. ⲧⲉⲛⲣⲁⲥⲟⲩⲓ ⲛⲁⲱⲛϧ ⲟⲩⲟϩ ⲙⲟⲩⲛ ⲉⲃⲟⲗ ⲙⲉⲛⲉⲛⲥⲁ ⲡⲉⲛϩⲱⲗ ⲓⲥϫⲉⲛ ϫⲱⲟⲩ ϣⲁ ϫⲱⲟⲩ. ⲛⲓϩⲱⲓⲙⲓ ⲛ̀ⲧⲉ ⲡⲱⲛϧ ⲧⲁϩⲟⲓ ⲙ̀ⲙⲏⲛⲓ ⲁⲗⲗⲁ ⲓⲥϫⲉⲛ ⲟⲩⲥⲏⲟⲩ ϣⲁ ⲟⲩⲥⲏⲟⲩ ϣⲁ ϣⲗⲱⲉⲙ ⲉⲡⲓⲥⲑⲟⲓⲛⲟⲩϥⲓ ⲛ̀ⲧⲉ ⲛⲁⲛⲟⲩⲛⲓ.

ⲙⲟⲩⲛ ⲉⲃⲟⲗ

ϯⲙⲛⲁⲓ ⲟⲩⲟϩ ϯⲥϧⲁⲓ....ϯⲟⲩⲱϣ ⲛ̀ⲧⲁⲱϣ ⲛ̀ⲛⲉⲧⲉⲛⲥϧⲁⲓ.

ϯⲙⲉⲩⲓ ϫⲉ . . . ⲁⲛϥⲓⲣⲱⲟⲩϣ ϧⲁ ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲁⲛⲑⲱⲟⲩϯ ⲉϩⲣⲏⲓ ⲉϫⲱⲥ ⲁⲛϭⲱⲛⲧ ⲛ̀ⲧⲉⲛⲥϧⲁⲓ ⲟⲩⲟϩ ⲉⲧⲁⲛⲉⲣϣⲁⲩ ⲁⲛⲥⲱⲟⲩⲛ ϫⲉ ⲟⲩⲟⲛ ϩⲁⲛⲙⲏϣ ‘ⲙⲫⲱⲣϫ ⲟⲩⲧⲉⲛ ⲁⲛⲑⲱⲟⲩϯ ϧⲁ ⲧⲉⲛⲁⲥⲡⲓ ⲁⲗⲗⲁ ‘ⲙⲡⲉⲛⲥⲱⲟⲩⲛ ϧⲁ ⲡⲓⲭⲱ ‘ⲛϧⲣⲏⲓ ⲉⲧⲉⲛⲛⲁⲥϧⲁⲓ ⲥϧⲁⲓ ‘ⲛϧⲏⲧϥ. ⲡⲁⲗⲓⲛ ⲟⲛ ⲧⲉⲛⲁⲥⲡⲓ ⲱⲛϧ ϩⲓ ⲛⲉⲧⲉⲛ ⲉⲙⲓ ⲛ̀ϩⲏⲧ ⲁⲗⲗⲁ (ⲁⲛⲟⲕ) ⲙ̀ⲡⲓⲙⲟⲕⲙⲉⲕ ⲕⲁⲗⲱⲥ ϣⲁ ϯⲛⲟⲩ ϫⲉ ⲉⲑⲃⲉ ⲟⲩⲑ ϯⲉⲣ ⲫⲁⲓⲑ ⲉⲑⲃⲉ ⲟⲩ ϯⲥϧⲁⲓ ϧⲉⲛ ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲟⲩⲟϩ ϥⲓⲣⲱⲟⲩϣ ϧⲁ ⲟⲩⲁⲥⲡⲓ ⲉⲧⲁⲥⲙⲟⲩ ⲓⲥϫⲉⲛ ϩⲁⲛϣⲉⲛⲣⲟⲙⲡⲓ. ⲁϧⲟⲓ ⲛⲉⲙ ⲛⲁⲓⲟϯ ⲉⲑⲃⲉ ϯⲧⲁⲛϧⲟ ⲛ̀ⲧⲁⲓⲁⲥⲡⲓ. ⲛⲁⲓ ⲛⲉ ⲛⲓⲙⲟⲕⲙⲉⲕ ⲉⲧϣⲟⲡ ϧⲉⲛ ϩⲑⲏⲓ ⲓⲥϫⲉⲛ ⲟⲩⲥⲏⲟⲩ ϣⲁ ⲟⲩⲥⲏⲟⲩ. ϯⲧⲱⲃϩ ⲛ̀ⲧⲉⲧⲉⲛc ϯⲧⲉⲛⲑⲏⲛⲟⲩ ⲛⲏⲓ ϧⲉⲛ ⲡⲁⲓϩⲱⲃ.

ⲟⲩϫⲁⲓ ϧⲉⲛ ⲡϭⲟⲓⲥ

ⲙⲏⲓⲥ ⲛ̀ⲣⲉⲙⲛ̀ⲭⲏⲙⲓ ϩⲓⲧⲉⲛ ⲓⲁϩⲟⲩⲅⲣⲟⲩⲡⲥ

ϫⲟⲩϩⲉ ⲛⲉⲙⲧϩⲩⲇⲣⲓⲁ

 ⲛⲉ ⲟⲩⲟⲛ ⲟⲩⲣⲉϥϯϩⲁⲡⲡⲉ ϧⲉⲛⲟⲩⲃⲁⲕⲓ ⲛ̀ϥⲉⲣϩⲟϯ ⲁⲛ ϧⲁⲧϩⲏ ⲛ̀ⲛⲓⲇⲓⲕⲉⲟⲥ ⲟⲩⲟϩ ⲛ̀ϥϣⲓⲡⲓ ϧⲁⲧϩⲏ ⲛ̀ⲛⲓⲣⲱⲙⲓ ⲛⲉ ⲟⲩⲟⲛ ⲟⲩⲥⲁⲃⲉⲇⲉⲡⲉ ⲉⲧⲟⲩⲙⲟⲩϯ ⲉ̇ⲣⲟϥ ϫⲉϫⲟⲩϩⲉ ϧⲉⲛϯⲃⲁⲕⲓ ⲉⲧⲉⲙⲙⲁⲩ ϫⲟⲩϩⲉⲇⲉ ⲁϥⲓ̇ ⲉⲡⲓⲣⲉϥϯϩⲁⲡ ⲉϥⲉⲣⲉⲧⲓⲛ ⲛ̀ⲟⲩϩⲩⲇⲣⲓⲁ ϩⲓⲛⲁ ⲛ̀ⲧⲉϥⲙⲉϩⲙⲱⲟⲩ ⲡⲓⲣⲉϥϯϩⲁⲡ ⲁϥⲧⲏⲓϥ ⲛⲁϥ ⲉϥϫⲱ ⲙ̀ⲙⲟⲥ ϫⲉⲉⲓⲥ ϯϩⲩⲇⲣⲓⲁ ⲁⲛⲓⲧϥ ⲛⲏⲓ ⲛ̀ⲭⲱⲗⲉⲙ ⲛ̀ⲧⲁϣⲧⲉⲙϩⲓⲧⲕ ⲉⲡⲓϣⲧⲉⲕⲟ ⲟⲩⲟϩ ⲉⲧⲁ ϫⲟⲩϩⲉ ⲙⲉϩⲙⲱⲟⲩ ⲁϥⲧⲁⲥⲑⲟ ⲉⲡⲉϥⲏⲓ ⲟⲩⲟϩ ⲙⲉⲛⲉⲛⲥⲱⲥ ⲁϥϣⲉⲛⲁϥ ⲉⲡⲓⲣⲉϥϯϩⲁⲡ ⲁϥϯⲛⲁϥ ⲛ̀ϯϩⲩⲇⲣⲓⲁ ⲟⲩⲟϩ ⲟⲛ ⲁϥϯⲛⲁϥ ⲛ̀ⲟⲩⲕⲟⲩϫⲓ ⲛ̀ⲕⲉⲗⲟⲗ ⲁϥⲉⲣϣⲫⲏⲣⲓ ⲛ̀ϫⲉⲡⲓⲣⲉϥϯϩⲁⲡ ⲟⲩⲟϩ ⲁϥϣⲓⲛⲓ ⲛ̀ϫⲟⲩϩⲉ ⲉϥϫⲱⲙ̀ⲙⲟⲥ ϫⲉⲟⲩ ⲡⲉ ⲫⲁⲓ ⲁϫⲟⲩϩⲉ ϫⲟⲥ ⲛⲁϥ ϫⲉⲧⲉⲕϩⲩⲇⲣⲓⲁ ⲁⲥⲙⲓⲥⲓ ⲛ̀ⲟⲩⲕⲟⲩϫⲓ ⲛ̀ⲕⲉⲗⲟⲗ ϧⲉⲛⲟⲩϩⲱⲃ ⲛ̀ϣⲫⲏⲣⲓ ⲙ̀ⲡⲁⲣⲁⲇⲟⲝⲟⲛ ⲟⲩⲱⲟⲩ ⲙ̀ⲫϯ ⲡⲓⲣⲉϥϯϩⲁⲡⲇⲉ ⲙ̀ⲡⲉϥⲛⲁϩϯ ϫⲉⲫⲁⲓⲡⲉ ϧⲉⲛⲟⲩⲙⲉⲑⲙⲏⲓ ⲁⲗⲗⲁ ⲁϥϭⲓ ⲛ̀ⲧϩⲩⲇⲣⲓⲁ ⲛⲉⲙⲧⲕⲉⲗⲟⲗ ⲟⲩⲟϩ ⲁⲣⲟⲩϩⲓ ϣⲱⲡⲓ ⲟⲩⲟϩ ⲁⲧⲟⲟⲩⲓ ϣⲱⲡⲓ ⲉⲡⲉϥⲣⲁⲥϯⲇⲉ ϫⲟⲩϩⲉ ⲁϥⲓ̇ ⲉϩⲣⲉⲛ ⲡⲓⲣⲉϥϯϩⲁⲡ ⲉϥⲉⲣⲉⲧⲓⲛ ⲛ̀ⲧϩⲩⲇⲣⲓⲁ ϩⲓⲛⲁ ⲛ̀ⲧⲉϥⲙⲉϩⲙⲱⲟⲩ ⲛ̀ⲕⲉⲥⲟⲡ ⲟⲩⲟϩ ⲛ̀ϯⲟⲩⲛⲟⲩ ⲁⲡⲓⲣⲉϥϯϩⲁⲡ ϥⲧⲏⲓⲥ ⲛⲁϥ ϫⲟⲩϩⲉⲇⲉ ⲁϥϭⲓⲧϩⲩⲇⲣⲓⲁ ⲟⲩⲟϩ ⲁϥⲱⲥⲕ ⲉⲙⲁϣⲱ ⲟⲩⲟϩ ⲉ̇ⲧⲁϥϣⲑⲟⲣⲧⲉⲣ ⲛ̀ϫⲉⲡⲓⲣⲉϥϯϩⲁⲡ ⲁϥϣⲉⲛⲁϥ ⲉⲡⲏⲓ ⲛ̀ϫⲟⲩϩⲉ ⲉϥϫⲟⲛⲧ ⲟⲩⲟϩ ⲁϥⲱϣ ⲉ̇ⲃⲟⲗ ⲉϥϫⲱⲙ̀ⲙⲟⲥ ϫⲉ ⲛⲁϥ ϫⲉⲁⲥⲑⲱⲛ ⲧⲁϩⲩⲇⲣⲓⲁ ϫⲟⲩϩⲉⲇⲉ ⲁϥϫⲟⲥ ⲛⲁϥ ϫⲉⲧⲉⲕϩⲩⲇⲣⲓⲁ ⲛⲉ ⲟⲩⲟⲛ ⲟⲩⲛⲓϣϯ ⲛ̀ϧⲙⲟⲙ ⲛⲉⲙⲁⲥⲡⲉ ⲟⲩⲟϩ ⲁⲥⲙⲟⲩ ⲁⲥⲙ̀ⲧⲟⲛ ⲙ̀ⲙⲟⲥ ⲟⲩⲱⲟⲩ ⲙ̀ⲫϯ ϧⲉⲛⲛⲏⲉⲧϭⲟⲥⲓ ⲧⲟⲧⲉ ⲁⲡⲓⲣⲉϥϯϩⲁⲡ ϭⲓϣⲓⲡⲓ ϫⲉⲁϥϣⲁⲛⲕⲁⲧⲏⲅⲟⲣⲓⲛ ⲛ̀ϫⲟⲩϩⲉ ⲥⲉⲛⲁⲉⲣⲥⲕⲁⲛⲇⲉⲗⲉⲍⲉⲓⲛ ⲙ̀ⲙⲟϥ ⲉⲑⲃⲉ ⲧⲕⲉⲗⲟⲗ

ⲧϣⲱϯ ⲙ̀ⲫⲙⲱⲟⲩ

ⲁⲟⲩⲁⲓ ⲛ̀ⲛⲉⲛⲓⲟϯ ⲟⲩⲱⲣⲡ ⲙ̀ⲡⲉϥⲙⲁⲑⲏⲧⲏⲥ ⲉⲙⲉϩⲙⲱⲟⲩ. ⲛⲁⲣⲉⲧϣⲱϯⲇⲉⲡⲉ ⲟⲩⲏⲟⲩ ⲛ̀ⲑⲣⲓ ⲉⲙⲁϣⲱ. ⲁϥⲉⲣⲡⲱⲃϣⲇⲉ ⲉϭⲓⲫⲛⲟϩ ⲛⲉⲙⲁϥ. ⲉⲧⲁϥⲓ̇ⲇⲉ ⲉϫⲉⲛⲧϣⲱϯ ⲁϥⲉⲙⲓ ϫⲉⲙ̀ⲡⲉϥⲓ̇ⲛⲓ ⲛⲉⲙⲁϥ ⲙ̀ⲫⲛⲟϩ. ⲁϥⲓⲣⲓ ⲛ̀ⲟⲩϣⲗⲏⲗ ⲁϥⲙⲟⲩϯ ⲉϥϫⲱⲙ̀ⲙⲟⲥ ϫⲉⲧϣⲱϯ ⲡⲁⲓⲱⲧ ⲡⲉⲧϫⲱ ⲙ̀ⲙⲟⲥ ϫⲉⲙⲟϩ ⲙ̀ⲡⲁⲅⲅⲓⲟⲛ ⲙ̀ⲙⲱⲟⲩ ⲟⲩⲟϩ ⲁⲫⲙⲱⲟⲩ ϩⲉⲙⲥⲓ ⲉⲡⲉϥⲙⲁ ⲁϥϫⲟⲥ ⲟⲛ ϫⲉϧⲉⲛⲫⲣⲁⲛ ⲛ̀ⲓⲏ̅ⲥ̅ ⲡⲭ̅ⲥ̅ ⲡϣⲏⲣⲓ ⲙ̀ⲫϯ ⲉⲧⲟⲛϧ ⲁⲙⲟⲩ ⲉⲡϣⲱⲓ ⲁⲗⲗⲁ ⲡⲓⲙⲱⲟⲩ ⲙ̀ⲡⲉϥⲓ̀ ⲉⲡϣⲱⲓ ⲧⲟⲧⲉ ⲁϥϫⲱⲛⲧ ⲧⲟⲩⲛⲟⲩ ⲛ̀ϫⲉⲡⲓⲙⲁⲑⲏⲧⲏⲥ ⲁϥⲧⲁⲥⲑⲟ ⲉⲡⲉϥⲓⲱⲧ ⲉϥϫⲱ ⲙ̀ⲙⲟⲥ ϫⲉⲡⲁⲓⲱⲧ ⲁⲓⲧⲱⲃϩ ϫⲉϩⲓⲛⲁ ⲛ̀ⲧⲉⲫϯ ⲧⲁⲙⲟⲓ ⲉ̀ⲟⲩⲙⲏⲓⲛⲓ ⲉ̀ⲃⲟⲗϧⲉⲛⲧⲫⲉ ⲁⲗⲗⲁ ⲙ̀ⲡⲟⲩⲧⲏⲓϥ ⲛⲏⲓ ⲓⲥϫⲉ ⲁⲕⲉⲣⲙⲉⲑⲣⲉ ⲛ̀ϯⲙⲉⲑⲙⲏⲓ ⲛⲁⲣⲉ ⲡⲓⲙⲱⲟⲩ ⲙⲉϩⲡⲁⲓⲁⲅⲅⲓⲟⲛ ⲫⲁⲓ ⲉⲧⲉⲙⲙⲁⲩ ⲥⲥϧⲏⲟⲩⲧⲅⲁⲣ ϫⲉϩⲱⲃ ⲛⲓⲃⲉⲛ ⲉⲧⲉⲧⲉⲛⲛⲁⲉⲣⲉⲧⲓⲛ ⲙ̀ⲙⲟϥ ϧⲉⲛⲟⲩⲡⲣⲟⲥⲉⲩⲭⲏ ⲛⲁϩϯ ϫⲉⲁⲣⲉⲧⲉⲛϭⲓ ⲟⲩⲟϩ ⲉⲥⲉ̀ϣⲱⲡⲓ ⲛⲱⲧⲉⲛ

ⲡⲓϧⲉⲗⲗⲟⲇⲉ ⲙ̀ⲡⲉϥⲟⲩⲱⲛ ⲛ̀ⲣⲱϥ ⲟⲩⲟϩ ⲁϥⲧⲏⲓϥ ⲙ̀ⲫⲛⲟϩ 

ⲉ̀ⲧⲁ ⲁⲡⲁ ⲑⲉⲟⲇⲱⲣⲟⲥ ϫⲉⲙⲡϣⲓⲛⲓ ⲙ̀ⲙⲁⲛⲗⲁⲩ

ⲉ̀ⲧⲁϥϣⲉ ⲉ̀ϧⲟⲩⲛ ⲛ̀ϫⲉⲁⲡⲁ ⲑⲉⲟⲇⲱⲣⲟⲥ ⲛⲁϥⲙⲟϣⲓⲡⲉ ϧⲉⲛⲙⲁⲛⲗⲁⲩ ⲛⲓⲁⲗⲱⲟⲩⲓⲇⲉ ⲛⲁⲩⲕⲱϯⲡⲉ ⲉ‌ⲛⲁⲩ ⲉ‌ⲁⲡⲁ ⲑⲉⲟⲇⲱⲣⲟⲥ ϫⲉⲛⲓⲙⲡⲉ ⲟⲩⲟϩ ⲛⲁⲩϣϫⲉⲙϫⲟⲙ ⲁⲛⲡⲉ ⲉⲑⲃⲉ ⲡⲓⲙⲏϣ ϫⲉⲛⲉ ϩⲁⲛⲕⲟⲩϫⲓ ⲛⲉ ϧⲉⲛⲧⲟⲩⲙⲁⲓⲏ

ⲉⲧⲁⲩϭⲟϫⲓ ⲉⲉ̀ⲧϩⲏ ⲁⲩϣⲉ ⲛⲱⲟⲩ ⲉ̀ϩⲣⲏⲓ ⲉⲉ̀ϫⲉⲛⲟⲩϣϣⲏⲛ ϩⲓⲛⲁⲛ̀ⲧⲟⲩⲛⲁⲩ ⲉ̀ⲣⲟϥ ⲟⲩⲟϩ ⲛⲁϥⲥⲓⲛⲓⲡⲉ ⲉ̀ⲃⲟⲗ ϩⲓⲧⲉⲛⲙⲁⲛⲗⲁⲩ

ⲡⲓⲥⲑⲟⲓ ⲛ̀ⲧⲉⲡⲓⲕⲣⲓⲛⲟⲛ

ⲛⲉ ⲟⲩⲟⲛ ⲟⲩϭⲣⲟⲙⲡϣⲁⲗ ⲙ̀ⲙⲁⲩ ⲉⲛⲁⲥϩⲉⲙⲥⲓ ϩⲓϫⲉⲛⲛⲓⲥⲱⲟⲩϩⲓ ϧⲉⲛⲟⲩⲙⲁϩ ⲟⲩⲧⲉ ⲛⲓⲕⲗⲁⲇⲟⲥ ⲛ̀ⲧⲉⲟⲩϣϣⲏⲛ ⲉⲧⲁ ϩⲁⲛⲁⲧⲟⲟⲩⲓⲇⲉ ϣⲱⲡⲓ ⲁⲥϩⲁⲗⲁⲓ ⲛ̀ϫⲉϯϭⲣⲟⲙⲡϣⲁⲗ ⲟⲩⲟϩ ⲉⲧⲁⲥⲕⲟⲧⲥ ⲁⲩⲫⲱϫⲓ ⲛ̀ϫⲉⲛⲓⲥⲱⲟⲩϩⲓ ⲟⲩⲟϩ ⲁⲣⲟⲩϩⲓ ϣⲱⲡⲓ ⲟⲩⲟϩ ⲁⲧⲟⲟⲩⲓ ϣⲱⲡⲓ 

ⲛⲉⲟⲩⲟⲛⲧⲉⲥⲟⲩⲙⲁⲥⲃ̅ ⲟⲩⲟϩ ⲛⲉϣⲁⲥϩⲁⲗⲁⲓ ϫⲉϩⲓⲛⲁ ⲛ̀ⲧⲉⲥⲓ̀ⲛⲓ ⲛⲱⲟⲩ ⲛ̀ⲟⲩϧⲣⲉ ⲙ̀ⲫⲛⲁⲩ ⲛ̀ϣⲟⲣⲡ ⲕⲁⲧⲁ ⲉϩⲟⲟⲩ ⲛⲓⲙⲁⲥⲇⲉ ⲛⲁⲩⲟϩⲓ ⲛⲁⲥ ϫⲉϩⲓⲛⲁ ⲛ̀ⲧⲉⲥⲧⲉⲙⲙⲱⲟⲩ ϫⲉⲛⲉ ⲙ̀ⲙⲟⲛϣϫⲟⲙ ⲙ̀ⲙⲱⲟⲩ ⲛ̀ⲧⲟⲩϩⲁⲗⲁⲓ 

ⲉⲧⲁϩⲁⲛⲁⲧⲟⲟⲩⲓⲇⲉ ϣⲱⲡⲓ ⲁⲥϩⲁⲗⲁⲓ ⲛ̀ϫⲉϯϭⲣⲟⲙⲡϣⲁⲗ ϩⲟⲡⲱⲥ ⲛ̀ⲧⲉⲥⲓ̀ⲛⲓ ⲛ̀ⲟⲩϧⲣⲉ ⲉⲑⲃⲉⲡⲉⲥⲙⲁⲥⲃ̅ ⲟⲩⲟϩ ⲉ̀ⲧⲁⲥⲧⲁⲥⲑⲟ ⲉⲫⲙⲁϩ  ⲙ̀ⲡⲉⲥϫⲓⲙⲓ ⲙ̀ⲡⲉⲥⲙⲁⲥⲃ̅ ⲁⲥⲕⲱϯ ⲛ̀ⲥⲱⲟⲩ ⲥⲁⲥⲫⲓⲣ ⲙ̀ⲫⲙⲁϩ ⲟⲩⲟϩ ⲁⲥϩⲁⲗⲁⲓ ⲛ̀ⲧⲉⲥⲕⲱϯ ⲛ̀ⲥⲱⲟⲩ ⲥⲁⲡⲉⲥⲏⲧ ⲙ̀ⲡⲓϣϣⲏⲛ ϫⲉⲁⲣⲏⲟⲩ ⲡⲓⲛⲓϥⲓ ⲁϥϩⲓⲧⲟⲩ ⲡⲗⲏⲛ ⲙ̀ⲡⲉⲥϫⲉⲙⲟⲩ

ⲁⲥϩⲁⲗⲁⲓⲇⲉ ϣⲁⲧⲫⲉ ϫⲉϩⲁⲣⲁ ⲁⲩϩⲁⲗⲁⲓ ⲁⲗⲗⲁ ⲙ̀ⲡⲉⲥϫⲓⲙⲓ ⲙ̀ⲙⲱⲟⲩ ⲟⲩⲟϩ ⲁⲥϣⲉⲛⲁⲥ ⲉⲧⲗⲓⲙⲛⲏ ϫⲉϩⲁⲣⲁ ⲁⲩⲱⲙⲥ ⲟⲩⲟϩ ⲙ̀ⲡⲉⲥⲛⲁⲩ ⲉⲛⲟⲩⲥⲱⲙⲁ ⲁⲥⲓ̀ⲇⲉ ⲉϩⲣⲉⲛ ⲡⲓⲭⲣⲱⲙ ⲁⲗⲗⲁ ⲙ̀ⲡⲉⲥⲥⲱⲧⲉⲙ ⲉⲡⲟⲩϧⲣⲱⲟⲩ ⲟⲩⲇⲉ ⲙ̀ⲡⲉⲥⲛⲁⲩ ⲉⲛⲟⲩⲕⲟⲩϫⲓ ⲛ̀ⲧⲉⲛϩ ⲁⲥⲧⲁⲥⲑⲟⲇⲉ ⲉⲡⲉⲥⲙⲁϩ ⲡⲗⲏⲛ ⲙ̀ⲡⲉⲥⲟⲩⲉⲙϩⲗⲓ ⲟⲩⲟϩ ⲁⲣⲟⲩϩⲓ ϣⲱⲡⲓ ⲟⲩⲟϩ ⲁⲧⲟⲟⲩⲓ ϣⲱⲡⲓ

ⲁⲥϩⲁⲗⲁⲓⲇⲉ ⲥⲁⲡⲉⲙⲉⲛⲧ ⲟⲩⲟϩ ⲁⲥⲥⲱⲧⲉⲙ ⲉⲡⲟⲩϧⲣⲱⲟⲩ ⲛ̀ϯⲟⲩⲛⲟⲩ ⲁⲥⲓⲱⲥ ⲙ̀ⲙⲟⲥ ϩⲓⲛⲁ ⲛ̀ⲧⲉⲥⲓ̀ ⲉϩⲣⲉⲛⲡⲉⲥⲙⲁⲥⲃ̅ ⲟⲩϩⲟϯ ϧⲉⲛⲟⲩϩⲟϯ ⲁⲥⲛⲁⲩ ⲉ̀ⲟⲩⲛⲓϣϯ ⲛ̀ⲅⲁⲗⲉⲁⲅⲣⲁ ⲉⲥⲏϣ ϧⲉⲛⲟⲩϣⲁϣⲧ ⲟⲩⲟϩ ⲉⲣⲉⲡⲓⲙⲁⲥⲃ̅ ϣⲟⲡ ⲛ̀ϧⲏⲧϥ ⲟⲩⲟϩ ⲉⲣⲉⲛⲟⲩⲕⲟⲩϫⲓ ⲛ̀ⲧⲉⲛϩ ⲉⲩϧⲏⲕ ⲁϯϭⲣⲟⲙⲡϣⲁⲗ ϩⲓⲕⲱϯ ⲛ̀ϯⲅⲁⲗⲉⲁⲅⲣⲁ ⲟⲩⲟϩ ⲁⲥⲛⲟⲩⲕⲉⲣ ⲙ̀ⲙⲟⲥ ⲧⲟⲧⲉ ⲁⲛⲉⲥϫⲉϥϣⲁⲓ ϯⲥⲛⲟϥ ⲁⲥϣⲉⲛⲁⲥⲇⲉ ⲉⲡϣⲱⲓ ⲟⲩⲟϩ ⲁⲥⲓⲱⲥ ⲙ̀ⲙⲟⲥ ⲥⲁⲡⲉⲥⲏⲧ ⲉⲥⲕⲱⲗϩ ⲉ̀ϫⲉⲛϯⲅⲁⲗⲉⲁⲅⲣⲁ ϣⲁⲛⲧⲁ ⲛⲉⲥϧⲣⲓⲙ ⲁⲩϯⲥⲛⲟϥ ⲟⲛ ⲉⲡϧⲁⲓⲇⲉ ⲁⲥϩⲁⲗⲁⲓ ⲥⲁⲡϣⲱⲓ 

ⲟⲩⲟϩ ⲧⲟⲧⲉ ⲁϥⲣⲉⲕⲧⲫⲉ ⲛ̀ϫⲉⲟⲩⲛⲓϣϯ ⲛ̀ⲁϧⲱⲙ ⲉϥⲓⲏⲥ ⲥⲁⲡⲉⲥⲏⲧ ⲙ̀ⲫⲣⲏϯ ⲛ̀ⲟⲩⲥⲉⲧⲉⲃⲣⲏϫ ⲟⲩⲟϩ ⲁϥⲕⲱⲗϩ ⲉ̀ϫⲉⲛϯⲅⲁⲗⲉⲁⲅⲣⲁ ⲁⲥⲓ̀ ⲛ̀ϫⲉϯϭⲣⲟⲙⲡϣⲁⲗ ⲥⲁⲫⲁϩⲟⲩ ⲙ̀ⲙⲟϥ ⲁⲡⲓⲁϧⲱⲙⲇⲉ ϫⲟⲩϣⲧ ⲉ̀ⲣⲟⲥ ⲟⲩⲟϩ ⲁϥϭⲛⲉϫⲱϥ ⲟⲩⲟϩ ⲁϥϩⲁⲗⲁⲓ ⲥⲁⲡϣⲱⲓ ⲉⲧⲫⲉ ⲟⲩⲟϩ ⲁϥⲉⲣⲁⲑⲟⲩⲱⲛϩ ⲟⲩⲟϩ ⲁⲣⲟⲩϩⲓ ϣⲱⲡⲓ ⲟⲩⲟϩ ⲁⲧⲟⲟⲩⲓ ϣⲱⲡⲓ

ⲁⲥⲓ̀ ⲛ̀ϫⲉϯϭⲣⲟⲙⲡϣⲁⲗ, ⲉϯⲅⲁⲗⲉⲁⲅⲣⲁ ⲟⲩⲟϩ ⲁⲥⲛⲁⲩ ⲉ̀ⲟⲩⲣⲱⲙⲓ ⲉϥⲧⲉⲙⲙⲟ ⲙ̀ⲡⲉⲥⲙⲁⲥⲃ̅ ⲁⲥϩⲁⲗⲁⲓ ⲉⲡⲓⲓⲁϩϣϣⲏⲛ ⲟⲩⲟϩ ⲁⲥⲑⲱⲟⲩϯ ⲛ̀ϩⲁⲛⲕⲟⲩϫⲓ ⲛ̀ⲛⲁⲫⲣⲓ ⲁⲥϣⲉ ⲉ̀ϧⲟⲩⲛ ⲉⲡⲉϥⲏⲓ ⲟⲩⲟϩ ⲉⲧⲁϥϣⲉⲛⲁϥ ⲉϯⲥⲓⲱⲟⲩⲛⲓ ⲛ̀ⲧⲉϥⲓⲁⲧⲟⲧϥ  ⲁⲥⲙⲟⲩϫⲧ ⲛ̀ⲛⲓⲕⲟⲩϫⲓ ⲛ̀ⲛⲁⲫⲣⲓ ⲛⲉⲙϯϧⲣⲉ ⲉⲧⲭⲏ ϧⲉⲛⲧⲉϥⲃⲓⲛⲁϫ ⲟⲩⲟϩ ⲁⲥⲫⲱⲧ ⲉ̀ⲃⲟⲗ ϧⲉⲛⲡⲓϣⲟⲩϣⲧ ⲛ̀ⲭⲱⲗⲉⲙ ⲟⲩⲟϩ ⲉⲧⲁ ⲡⲓⲣⲱⲙⲓ ⲟⲩⲱⲙ ⲁϥⲱϣ ⲉ̀ⲃⲟⲗ ϧⲉⲛⲟⲩⲛⲓϣϯ ⲛ̀ⲥⲙⲏ ⲟⲩⲟϩ ⲁϥϣⲉⲛⲁϥ ⲉⲡⲓⲙⲁⲛϭⲓⲫⲁϧⲣⲓ

ⲁⲥϩⲁⲗⲁⲓⲇⲉ ⲛ̀ϫⲉϯϭⲣⲟⲙⲡϣⲁⲗ ⲟⲩⲟϩ ⲁⲥⲑⲱⲟⲩϯ ⲛ̀ϩⲁⲛⲕⲣⲓⲛⲟⲛ ⲉⲩⲭⲏ ⲟⲩⲧⲉⲛⲓϣⲟⲛϯ ⲁⲥⲧⲁⲥⲑⲟ ⲉⲡⲉⲥⲙⲁⲥⲃ̅ ⲟⲩⲟϩ ⲁⲥⲭⲁⲛⲓⲕⲣⲓⲛⲟⲛ ⲛⲁϩⲣⲱⲟⲩ ⲁⲟⲩⲁⲓ ⲟⲩⲱⲙ ⲛ̀ⲛⲓⲕⲣⲓⲛⲟⲛ ⲟⲩⲟϩ ⲁϥϩⲓⲡⲉϥⲑⲏⲟⲩ ⲡⲓⲭⲉⲧ ⲙ̀ⲡⲉϥⲟⲩⲱⲙ ⲁⲥϩⲁⲗⲁⲓⲇⲉ ⲉ̀ⲡⲉⲥⲏⲧ ⲛ̀ϫⲉϯϭⲣⲟⲙⲡϣⲁⲗ ⲟⲩⲟϩ ⲁⲥⲕⲟⲧⲥ ⲟⲩⲟϩ ⲉⲣⲉⲟⲩϭⲗⲏ ϧⲉⲛⲛⲉⲥϧⲣⲓⲙ ⲛⲁⲥⲁⲙⲟⲛⲓ ⲛ̀ⲧⲉⲥϭⲓⲱϯ ⲟⲩⲟϩ ⲙ̀ⲡⲉϯϭⲗⲏ ϫⲱⲕϩ ⲙ̀ⲙⲟⲥ ⲁϯϭⲣⲟⲙⲡϣⲁⲗ ϩⲓⲧⲥ ⲛ̀ϯϭⲗⲏ ϧⲉⲛϯⲅⲁⲗⲉⲁⲅⲣⲁ ⲡⲓⲕⲉⲙⲁⲥⲙⲉⲛ ⲁϥⲕⲱⲗϩ ⲛ̀ⲛⲉϥⲧⲉⲛϩ ⲁⲗⲗⲁ ⲙ̀ⲡⲉϥϣϩⲁⲗⲁⲓ ϯϭⲗⲏⲇⲉ ⲁⲥϫⲱⲕϩ ⲙ̀ⲙⲟϥ ⲁϥⲙⲕⲁϩ ⲁϥϫⲟⲩϣⲧ ⲉⲧⲉϥⲙⲁⲩ ⲟⲩⲟϩ ⲁϥⲙⲟⲩ

ⲉⲧⲁϥⲕⲟⲧϥ ⲛ̀ϫⲉⲡⲓⲣⲱⲙⲓ ⲉ̀ⲃⲟⲗϧⲉⲛⲡⲟⲙⲁⲛϭⲓⲫⲁϧⲣⲓ ⲁϣⲱⲗⲉⲙ ⲉⲡⲓⲥⲑⲟⲓⲛⲟⲩϥⲓ ⲛ̀ⲧⲉⲛⲓϣⲱϣⲉⲛ ⲁϥⲛⲁⲩ ⲉⲛⲓⲕⲣⲓⲛⲟⲛ ⲛⲉⲙⲡⲓⲙⲁⲥⲃ̅ ⲉⲑⲙⲱⲟⲩⲧ ⲁⲗⲗⲁ ⲙ̀ⲡⲉϥⲛⲁⲩ ⲉϯϭⲗⲏ ϫⲉⲛⲁⲥϭⲓϧⲏⲓⲃⲓ ϧⲁⲧⲥⲕⲏⲡⲓ ⲛ̀ⲧⲉⲛⲓϩⲣⲏⲣⲓ ⲟⲩⲟϩ ⲉⲧⲁϥⲟⲩⲱⲛ ⲙ̀ⲫⲣⲟ ⲛ̀ⲧⲉϯⲅⲁⲗⲉⲁⲅⲣⲁ ⲁϥϫⲉⲩ ⲛ̀ⲧⲟⲧϥ ⲟⲩⲟϩ ⲛ̀ϯⲟⲩⲛⲟⲩ ⲁϯϭⲗⲏ ϫⲉⲕϩⲡⲓⲣⲱⲙⲓ ⲁϥϩⲓⲧⲥ ⲥⲁⲃⲟⲗ ⲛ̀ϯⲅⲁⲗⲉⲁⲅⲣⲁ ⲟⲩⲟϩ ⲁϥϩⲱⲙⲓ ⲉ̀ϫⲱⲥ ⲟⲩⲟϩ ⲁϥⲓⲱⲥ ⲉⲡⲓⲙⲁⲛϭⲓⲫⲁϧⲣⲓ ⲛ̀ⲕⲉⲥⲟⲡ ⲉϥⲱϣ ⲉ̀ⲃⲟⲗ

ⲁϯϭⲣⲟⲙⲡϣⲁⲗ ⲱⲗⲓ ⲙ̀ⲡⲉⲥⲙⲁⲥ ⲟⲩⲟϩ ⲁⲥⲑⲟⲙⲥϥ ⲟⲩⲧⲉⲛⲓϣⲟⲛϯ ⲟⲩⲟϩ ⲁⲥⲑⲱⲙⲥ ⲙ̀ⲡⲓⲭⲉⲧ ⲟⲩⲧⲉⲛⲓⲕⲣⲓⲛⲟⲛ ⲟⲩⲟϩ ⲧϧⲏⲓⲃⲓ ⲛ̀ⲛⲓⲧⲉⲛϩ ⲛ̀ⲧⲉⲡⲓⲁϧⲱⲙ ⲁⲩⲉⲣϧⲏⲓⲃⲓ ⲛ̀ⲛⲓⲕⲣⲓⲛⲟⲛ ⲟⲩⲟϩ ⲁⲣⲟⲩϩⲓ ϣⲱⲡⲓ ⲟⲩⲟϩ ⲁⲧⲟⲟⲩⲓ ϣⲱⲡⲓ 

ⲁϥⲕⲟⲧϥ ⲛ̀ϫⲉⲡⲓⲣⲱⲙⲓ ⲉⲡⲏⲓ ⲟⲩⲟϩ ⲙ̀ⲡⲉϥϣⲱⲗⲉⲙ ⲉⲟⲩⲥⲑⲟⲓⲛⲟⲩϥⲓ ⲁϥϫⲟⲩϣⲧ ⲁϥⲛⲁⲩ ⲉϯⲅⲁⲗⲉⲁⲅⲣⲁ ⲉⲧϣⲟⲩⲓⲧ ⲡⲁⲗⲓⲛ ⲟⲛ ⲛⲓϣⲱϣⲉⲛ ⲁⲩⲗⲱⲙ ⲟⲩⲟϩ ⲧϣⲟⲗϩⲥ ⲛ̀ⲧⲉϯϭⲗⲏ ϩⲓⲡⲕⲁϩⲓ 

ϯϭⲣⲟⲙⲡϣⲁⲗⲇⲉ ⲛⲁⲥⲟϩⲓ ⲉ̀ϫⲉⲛⲟⲩⲕⲗⲁⲇⲟⲥ ⲟⲩⲟϩ ⲁⲡⲓⲣⲱⲙⲓ ⲥⲱⲧⲉⲙ ⲉⲧⲉⲥⲥⲙⲏ ⲁⲗⲗⲁ ⲙ̀ⲡⲉϥϣⲛⲁⲩ ⲉ̀ⲣⲟⲥ ⲟⲩⲟϩ ⲉⲧⲁϥϭⲓⲥⲙⲏ ⲁϥⲣⲓⲙⲓ ϧⲉⲛⲟⲩⲉⲛϣⲁϣⲓ ⲁϥⲥⲟⲃϯ ⲛ̀ⲟⲩϧⲣⲉ ⲉⲑⲃⲉ ⲛⲓϩⲁⲗⲁϯ ⲟⲩⲟϩ ⲁϥⲭⲁϥ ϩⲓⲡⲓϣⲟⲩϣⲧ ⲁⲩⲑⲱⲟⲩϯⲙⲉⲛ ⲛ̀ϫⲉⲟⲩⲙⲏϣ ⲛ̀ϩⲁⲗⲁϯ ⲟⲩⲟϩ ⲁⲩⲟⲩⲱⲙ ϯϭⲣⲟⲙⲡϣⲁⲗⲇⲉ ⲙ̀ⲡⲉⲥⲟⲩⲱⲙ ⲟⲩⲟϩ ⲁⲥⲙⲟⲩⲛ ⲉ̀ⲃⲟⲗ ⲉⲥⲙⲟⲩϯ ⲛ̀ϣⲟⲙⲧ ⲛ̀ⲥⲟⲡ

ⲛⲓⲣⲱⲙⲓⲇⲉ ⲉⲧϧⲉⲛⲡⲁⲓϯⲙⲓ ⲁⲩⲙⲟⲩϯ ⲉ̀ⲡⲉⲥϧⲣⲱⲟⲩ ϫⲉⲡⲓⲛⲉϩⲡⲓ ⲟⲩⲟϩ ⲁⲣⲟⲩϩⲓ ϣⲱⲡⲓ ⲟⲩⲟϩ ⲁⲧⲟⲟⲩⲓ ϣⲱⲡⲓ 

ⲁϥⲑⲱⲛ ⲡⲉⲕⲥⲟⲛ

ⲁ̅

ⲁϥⲑⲱⲛ ⲡⲉⲕⲥⲟⲛ

ϩⲁⲣⲁ ⲁϥⲙⲟⲩ ⲓⲉ ⲁⲩϧⲟⲑⲃⲉϥ

ⲁⲩϭⲓⲧϥ ⲛ̀ϫⲟⲛⲥ ⲓⲉ ⲁⲩⲧⲏⲓϥ ⲉ̀ⲧⲟⲧⲟⲩ

ϩⲁⲣⲁ ⲁϥϩⲓⲡϩⲟ ⲛ̀ⲧⲉⲕⲙⲉⲧⲥⲟⲛ ϫⲉⲕⲁⲕⲱⲥ ⲁⲕϣⲓⲛⲓ ⲙ̀ⲙⲟϥ

ⲁⲕⲃⲉⲣⲃⲱⲣϥ ⲉ̀ⲃⲟⲗ ⲙ̀ⲫⲣⲏϯ ⲛ̀ⲟⲩⲣⲉϥⲙⲱⲟⲩⲧ ⲉϥⲟ̀ⲣⲉⲃ:

ϩⲁⲣⲁ ⲁϭⲓϣϣⲱⲟⲩ ⲉϯⲙⲉⲧⲁⲙⲉⲗⲏⲥ ⲛⲉⲙⲡⲓⲉⲡⲓⲑⲩⲙⲓⲁ ⲉⲑⲃⲉ ⲫⲁⲓ ⲁϥⲭⲁⲡⲓⲁⲟⲩⲏⲧ ⲛ̀ⲥⲱϥ

ⲁϥⲑⲱⲛⲡⲉ ⲡⲓⲃⲏⲃ ⲉⲧⲁ ⲡⲉⲕⲥⲟⲛ ϯⲧⲁⲓⲟϥ

ϩⲁⲣⲁ ⲁϥⲥⲱⲣⲉⲙ ϩⲓⲡϣⲁϥⲉ

ⲛⲓⲑⲏⲣⲓⲟⲛ ⲛⲁϩⲟⲗⲙⲉϥ

ⲫⲣⲏ ⲛⲁⲭⲁϥ ⲛ̀ⲥⲱϥ

ⲓⲉ ϥⲛⲁⲉⲣⲡⲉⲛⲙⲉⲩⲓ ⲁϥϣⲁⲛϣⲉⲡϣⲉⲙⲙⲟ

ⲡⲉϫⲏⲓ ϫⲉⲙⲏ ⲁ̀ⲛⲟⲕ ⲡⲟⲩⲣⲓⲧ ⲙ̀ⲡⲁⲥⲟⲛ

ⲁϧⲟⲓ ⲛⲉⲙⲁϥ ϩⲱϥ

ⲁϥϯϧⲓⲥⲓ ⲛⲏⲓ

ⲁϥϣⲉⲛⲁϥ ⲉ̀ϫⲉⲛⲛⲓⲥⲟⲃⲧ ⲛ̀ⲧⲉⲧⲉⲛⲃⲁⲕⲓ ⲙ̀ⲫⲣⲏϯ ⲛ̀ⲟⲩⲣⲱⲙⲓ ⲛ̀ⲣⲉϥⲟⲩⲃⲱⲧⲥ 

ⲓⲥ ⲛⲓⲥⲟⲃⲧ ⲛ̀ⲧⲉⲧⲉⲛⲃⲁⲕⲓ ⲁⲩϩⲉⲓ ϯⲛⲟⲩ

ⲡⲱⲥ ⲁⲩϩⲉⲓ ⲛ̀ϫⲉⲛⲓⲥⲟⲃⲧ

ⲛⲓⲙⲛⲉ ⲛⲓϫⲁϫⲓ ⲛ̀ⲧⲉⲧⲉⲛⲃⲁⲕⲓ

ⲁϥⲑⲱⲛ ⲡⲉⲛⲗⲁⲟⲥ

ⲁⲩⲑⲱⲛ ⲛⲓϧⲉⲗⲗⲟⲓ

ⲟⲩⲟⲓ ⲛⲁⲛ ϯⲛⲟⲩ

ⲛⲓⲙ ⲡⲉⲑⲛⲁϭⲓⲙⲱⲓⲧ ϧⲁϫⲱⲛ

ⲁⲩⲑⲱⲛ ⲛⲓⲁⲗⲱⲟⲩⲓ

ⲟⲩⲟⲓ ⲛⲁⲛ ϯⲛⲟⲩ

ⲛⲓⲙ ⲡⲉⲑⲛⲁⲑⲱⲙⲥ ⲙ̀ⲙⲟⲛ

ⲁⲩⲑⲱⲛ ⲛⲓⲭⲏⲣⲁ ⲛⲉⲙⲛⲓⲟⲣⲫⲁⲛⲟⲥ

ⲛⲓⲙ ⲡⲉⲑⲛⲁⲧⲱⲃϩ ⲉ̀ϫⲱⲛ

ⲉⲑⲃⲉ ⲟⲩ ⲥⲉⲥⲟⲗⲥⲉⲗ ⲙ̀ⲙⲱⲟⲩ

ⲁⲥⲑⲱⲛ ϯⲃⲓⲃⲗⲓⲟⲑⲏⲕⲏ

ⲙⲏ ⲡⲓⲭⲣⲱⲙ ⲛⲁⲧⲥⲁⲃⲟⲛ

ⲁⲛ ⲧⲉⲛⲛⲁⲱϣ ⲙ̀ⲡⲓϫⲥⲃⲥ

ⲙⲏ ⲡⲓⲕⲁϣ ⲟⲩϫⲱⲣⲓ ⲡⲉ ⲉⲧⲥⲏϥⲓ

ⲡⲱⲥ ⲁϥϩⲓⲥⲧⲟⲣⲓⲍⲓⲛ ⲛ̀ϫⲉϯⲥⲏϥⲓ

ⲁⲥⲥϧⲁⲓⲅⲁⲣ ϧⲉⲛⲡⲓⲥⲛⲟϥ ⲛ̀ⲧϣⲉⲃⲓⲱ ⲙ̀ⲡⲓⲙⲉⲗⲁⲛ

ⲛⲓⲙⲡⲉ ⲫⲣⲁⲛ ⲉⲧⲥϧⲏⲟⲩⲧ ϩⲓⲛⲉⲛϣⲱⲃϣ ⲛⲉⲙⲛⲉⲛϭⲓⲥⲓ

ⲛⲓⲥⲛⲁⲩϩ ⲙ̀ⲡⲁⲩⲥⲟⲗⲥⲉⲗ ⲛ̀ⲛⲉⲛϭⲁⲗⲁⲩϫ ⲁⲗⲗⲁ ⲉⲑⲃⲉ ⲟⲩ ⲁⲩⲥⲱⲛϩ ⲙ̀ⲙⲟⲛ

ⲓⲥ ⲡⲕⲁϩⲓ ⲕⲓⲙ ⲟⲩⲟϩ ⲫⲓⲟⲙ ϩⲓⲕⲱϯ ⲉ̀ⲣⲟⲛ ϣⲁⲩⲙⲟⲩϯ ⲉ̀ⲡⲉⲛⲕⲁϩⲓ ⲙ̀ⲃⲉⲣⲓ ϫⲉⲡϫⲟⲓ

ⲓⲥ ⲟⲩⲕⲁϩⲓ ⲙ̀ⲃⲉⲣⲓ

ⲁⲩϯⲣⲉⲛⲧ ⲛ̀ⲟⲩⲣⲁⲛ ⲙ̀ⲃⲉⲣⲓ

ⲙ̀ⲙⲟⲛ ⲡⲉⲑⲙⲟⲩϯ ⲉⲡⲁⲣⲁⲛ

ϩⲏⲡⲡⲉ ⲓⲥ ⲁⲓϫⲓⲙⲓ ⲙ̀ⲡⲁⲥⲟⲛ

ⲁⲗⲗⲁ ⲁϥⲑⲱⲛ ⲡⲉⲛⲗⲁⲥ

ⲃ̅

ⲉⲧⲁϥⲛⲁⲩ ⲉ̀ⲣⲟⲓ ⲁϥⲛⲉϥⲧ ⲣⲱϥ ⲛ̀ⲥⲱⲃⲓ ⲟⲩⲟϩ ⲁϥⲛⲉϥⲣⲱϥ ϧⲉⲛϩⲁⲛⲉⲣⲙⲱⲟⲩⲓ ⲟⲩⲟϩ ⲁϥⲙⲟϣⲓ ⲛ̀ⲥⲁ ⲛⲉϥϭⲓⲥⲉⲩ

ⲁⲥⲑⲱⲛ ⲧϧⲏⲓⲃⲓ ⲛ̀ⲧⲯⲩⲭⲏ ⲙ̀ⲡⲁⲥⲟⲛ ϯⲛⲟⲩ

ϯⲉⲙⲓ ⲁⲛ

ⲙⲏ ⲁ̀ⲛⲟⲕ ⲡⲟⲩⲣⲓⲧ ⲙ̀ⲡⲁⲥⲟⲛ

ⲁϧⲟⲓ ⲛⲉⲙⲁϥ ϩⲱϥ

ⲛⲁϭⲓⲥⲉⲩ ⲥⲉⲙⲟⲩϯ ⲉ̀ⲡⲁⲣⲁⲛ ⲙ̀ⲃⲉⲣⲓ

ⲉⲓⲉ̀ⲓ̀ ⲉ̀ϧⲟⲩⲛ ⲉⲡⲏⲓ ⲛ̀ⲛⲁⲛⲟⲩϯ ⲙ̀ⲃⲉⲣⲓ

ⲉⲓⲉ̀ⲟⲩⲱϣⲧ ⲛⲁϩⲣⲱⲟⲩ ϧⲉⲛⲛⲟⲩϩⲟϯ

ⲡⲉϫⲱⲟⲩ ⲛⲏⲓ ϫⲉⲛⲟⲩⲛⲟⲩϯ ⲁⲩⲑⲁⲙⲓⲟ ⲙ̀ⲡⲁⲛⲟⲩϯ

ⲟⲩⲟϩ ⲟⲛ ⲁⲩϧⲟⲑⲃⲉϥ

ⲙⲏ ⲛⲓⲛⲟⲩϯ ⲙⲟⲩ

ⲡⲉϫⲱⲟⲩ ⲛⲏⲓ ϫⲉⲡⲉⲕⲛⲟⲩϯ ⲡⲉⲕⲛⲟⲩϯ ⲉⲑⲃⲉ ⲟⲩ ⲁϥⲭⲁⲕⲟⲩⲛ ⲛ̀ⲥⲱϥ

ⲁ̀ⲛⲟⲕⲇⲉ ⲁⲓⲱϣ ⲉ̀ⲃⲟⲗ ⲉⲓϫⲱⲙ̀ⲙⲟⲥ ϫⲉⲉⲗⲱⲓ ⲉⲗⲱⲓ ⲗⲁⲙⲁ ⲥⲁⲃⲁⲭⲑⲁⲛⲓ ⲁⲩϭⲓ ⲙ̀ⲡⲁⲡ̅ⲛ̅ⲁ̅ ⲉ̀ϧⲣⲏⲓ ⲉⲛⲟⲩϫⲓϫ 

ϯⲛⲟⲩⲇⲉ ϯϣⲟⲡ ⲁϭⲛⲉⲡ̅ⲛ̅ⲁ̅ 

ⲁⲩⲓ̀ⲛⲓ ⲛⲏⲓ ⲛ̀ⲟⲩⲯⲩⲭⲏ ⲙ̀ⲃⲉⲣⲓ

ⲁⲩⲕⲱϣ ⲛ̀ⲛⲁⲕⲁϣ

ⲁⲩⲣⲱⲕϩ ⲛ̀ⲛⲁϫⲱⲙ

ⲟⲩⲟϩ ⲁⲩⲧⲥⲟⲓ ⲟⲩⲟϩ ⲁⲩⲧⲉⲙⲙⲟⲓ

ⲛⲉ ϣⲁⲓⲟⲩⲱⲙ ⲉ̀ⲃⲟⲗϧⲉⲛⲛⲓⲗⲉϥⲗⲓϥⲓ ⲛⲏ ⲉ̀ϣⲁⲩϩⲉⲓ ⲉ̀ⲃⲟⲗ ϩⲓϯⲧⲣⲁⲡⲉⲍⲁ ⲛ̀ⲧⲉⲛⲁϭⲓⲥⲉⲩ ⲟⲩⲟϩ ⲁⲓⲥⲓ 

ⲁⲩϯⲛⲏⲓ ⲛ̀ⲛⲟⲩϫⲱⲙ

ⲁⲩⲧⲥⲁⲃⲟⲓ ⲛ̀ⲧⲟⲩⲥⲟⲫⲓⲁ

ⲁⲓⲉⲣⲙⲉⲗⲉⲧⲁⲛ ϧⲉⲛⲛⲟⲩⲅⲣⲁⲫⲏ

ⲡⲉϫⲱⲟⲩ ϫⲉⲑⲁⲓⲧⲉ ⲧⲉⲛⲥⲟⲫⲓⲁ

ⲑⲁ ⲛⲓⲙⲧⲉ ϯⲥⲟⲫⲓⲁ

ⲛⲓⲙ ⲁϥⲑⲁⲙⲓⲟⲥ

ⲡⲉϫⲱⲟⲩ ϫⲉⲥⲉⲛⲁⲧⲏⲓⲧ ⲉ̀ⲃⲟⲗ ⲁⲓϣⲧⲉⲙⲥⲱⲧⲉⲙ ⲛ̀ⲥⲱⲟⲩ

ⲁⲓⲣⲓⲙⲓ ⲟⲩⲟϩ ⲁⲓⲛⲉϩⲡⲓ

ⲁⲓⲥⲱⲧⲉⲙ ⲟⲩⲟϩ ⲁⲓⲛⲁⲩ ⲟⲩⲟϩ ⲁⲓⲣⲉⲕ ⲡⲁⲙⲁϣϫ: ⲁⲓⲉⲣⲡⲱⲃϣ ⲙ̀ⲡⲁⲗⲁⲟⲥ ⲛⲉⲙⲡⲏⲓ ⲛ̀ⲧⲉⲡⲁⲓⲱⲧ

ϫⲉⲛⲁⲓϭⲓⲥⲉⲩ ⲉⲣⲟⲩⲣⲟ ⲉϩⲣⲏⲓ ⲉϫⲱⲓ ϫⲉⲟⲩⲏⲓ ⲛ̀ⲑⲱⲟⲩⲡⲉ ⲛⲁϭⲓⲥⲉⲩ

ⲁⲩⲑⲱⲙ ⲛ̀ⲣⲱⲓ ⲛ̀ⲧⲁϣⲧⲉⲙϫⲱ

ⲅ̅

ⲛ̀ϩⲣⲏⲓ ϧⲉⲛⲡⲓⲉϫⲱⲣϩ ⲁⲓ̀ ⲉ̀ⲃⲟⲗϧⲉⲛⲡⲏⲓ ⲛ̀ⲛⲁϭⲓⲥⲉⲩ 

ⲁⲓⲉⲣⲡⲓⲉϫⲱⲣϩ ⲧⲏⲣϥ ⲉⲓⲙⲟϣⲓ

ⲁⲓⲙⲟϣⲓ ⲛ̀ⲥⲁ ⲛⲓⲥⲓⲟⲩ ⲛⲉⲙⲡⲓⲓⲟϩ

ⲛ̀ⲑⲟⲕ ⲛⲓⲙ

ⲁⲛⲟⲕ ⲡⲉϣⲉⲛϯ ⲉⲓⲥϧⲁⲓ ⲛⲁⲕ ⲱ ⲫⲏⲉ̀ⲧⲱϣ ⲛ̀ⲧⲁⲓⲉⲡⲓⲥⲧⲟⲗⲏ ⲑⲁⲓ ϫⲉⲭⲁⲓⲣⲉⲓⲛ ⲕⲁⲗⲱⲥ ⲁⲕⲓ̀ ϯⲥⲱⲟⲩⲛ ⲙ̀ⲙⲟⲕ ⲁⲛ ⲁⲗⲗⲁ ϯⲙⲟⲕⲙⲉⲕ ϫⲉⲛ̀ⲑⲟⲕ ⲛⲓⲙ ⲟⲩⲟϩ ⲡⲱⲥ ⲁⲕϭⲓⲥⲃⲱ ⲉ̀ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ϩⲁⲣⲁ ⲟⲩⲛ ⲁⲕϥⲓⲣⲱⲟⲩϣ ϧⲁⲧⲁⲓⲁⲥⲡⲓ ⲛⲏⲉ̀ⲧϭⲓϧⲏⲓⲃⲓ ϧⲁⲧⲥⲕⲉⲡⲏ ⲛ̀ⲧⲉⲛⲉⲥⲧⲉⲛϩ.

ϩⲁⲣⲁ ⲟⲩⲛ ⲁⲕⲕⲱϯ ⲛ̀ⲥⲁⲛⲓⲉⲡⲓⲥⲧⲟⲗⲏ ⲛ̀ⲁⲡⲁⲥ ⲛⲏⲇⲉ ⲉ̀ⲧⲁⲩⲥϧⲏⲧⲟⲩ ⲛⲁⲛ ⲛ̀ϫⲉⲛⲉⲛⲓⲟϯ ⲓⲉ ⲁⲕϯϩⲑⲏⲕ ⲉ̀ⲛⲓϩⲏⲕⲓ ⲛⲁⲓⲇⲉ ⲉ̀ⲧⲁ ⲫⲣⲏ ⲭⲁⲩ ⲛ̀ⲥⲱϥ ϫⲉϯϭⲣⲟⲙⲡⲓ ⲉⲑⲛⲉⲥⲱⲥ ⲉ̀ⲧⲟⲩⲙⲟⲩϯ ⲉ̀ⲣⲟⲥ ϫⲉⲧⲉⲛⲁⲥⲡⲓ ⲙ̀ⲡⲉⲥⲛⲟϩⲉⲙⲅⲁⲣ ⲉ̀ⲃⲟⲗϧⲉⲛⲡⲓⲫⲁϣ ⲛ̀ⲧⲉⲡⲓⲣⲉϥϫⲱⲣϫ  ⲁⲩϧⲟⲙϧⲉⲙⲇⲉ ⲛ̀ϫⲉⲛⲏⲉ̀ⲧⲥⲁϫⲓ ⲙ̀ⲙⲟⲥ ⲟⲩⲟϩ ⲛⲁ ⲫⲗⲁⲥ ⲉⲣⲉ ⲛⲟⲩⲗⲁⲥ ϣⲁⲧ ϩⲓⲧⲉⲛϯⲙⲉⲧⲁⲧⲉⲙⲓ

ϩⲁⲣⲁ ⲟⲩⲛ ⲁⲕⲉⲗⲕϣⲁⲓ ⲉⲕϫⲱ ⲙ̀ⲙⲟⲥ ϫⲉⲛⲓⲕⲁⲥ ⲛ̀ⲧⲉϯϭⲣⲟⲙⲡⲓ ⲙ̀ⲡⲁⲥϯϧⲏⲓⲃⲓ ⲛ̀ϩⲗⲓ ⲁⲛ ⲓⲉ ⲁⲕⲥⲱⲃⲓ ⲙ̀ⲙⲟⲛ ⲉⲕϫⲱ ⲙ̀ⲙⲟⲥ ϫⲉⲭⲁ ⲛⲓⲣⲉϥⲙⲱⲟⲩⲧ ⲙⲁⲣⲟⲩⲕⲉⲥ ⲛⲟⲩⲣⲉϥⲙⲱⲟⲩⲧ ⲛ̀ⲑⲱⲧⲉⲛⲇⲉ ⲙⲟϣⲓ ⲛ̀ⲥⲁⲡⲓⲕⲟⲥⲙⲟⲥ 

ⲁ̀ⲛⲟⲛⲇⲉ ϩⲱⲛ ⲁⲥⲟⲣⲙⲉⲕ ⲉ̀ⲃⲟⲗ ⲉⲛϫⲱ ⲙ̀ⲙⲟⲥ ϫⲉϩⲏⲡⲡⲉ ⲓⲥ ⲡⲓⲁϧⲱⲙ ⲁϥⲛⲟϩⲙ ⲉ̀ⲃⲟⲗϧⲉⲛⲡⲓⲫⲁϣ ⲛ̀ⲧⲉⲡⲓⲣⲉϥϫⲱⲣϫ ⲟⲩⲟϩ ⲡⲓⲫⲁϣ ⲁϥϧⲟⲙϧⲉⲙ ⲟⲩⲟϩ ⲡⲓⲁϧⲱⲙ ⲁϥⲛⲟϩⲉⲙ ⲉϥⲭⲏⲡⲇⲉ ϧⲉⲛⲛⲓⲃⲏⲃ ⲛⲉⲙⲛⲓⲧⲱⲟⲩ ⲛⲉⲙⲡϯⲙⲓ ⲉ̀ⲧⲟⲩⲙⲟⲩϯ ⲉ̀ⲣⲟϥ ϫⲉⲡⲓⲥⲟⲗⲥⲉⲗ ⲓⲉ ϧⲉⲛϯⲛⲓϣϯ ⲙ̀ⲡⲟⲗⲓⲥ ⲁⲗⲉⲝⲁⲛⲇⲣⲉⲁⲥ ⲟⲩⲟϩ ⲁⲛⲉⲣⲫⲙⲉⲩⲓ ⲙ̀ⲫⲁⲓ ⲟⲩⲟϩ ⲁⲛϫⲉⲙⲛⲟⲙϯ ⲙ̀ⲫⲣⲏϯ ⲙ̀ⲫⲏⲉ̀ⲧⲟⲃⲓ ⲉⲧⲁϥϫⲉⲙⲛⲟⲙϯ ⲉ̀ⲁϥϣⲁⲛⲛⲁⲩ ⲉ̀ⲡⲓⲙⲱⲟⲩ ⲛ̀ⲛⲟⲩϫ ϧⲉⲛⲡϣⲁϥⲉ ⲉ̀ⲧⲉ ⲙ̀ⲡⲉⲛⲫⲟϩⲙⲉⲛ ⲉ̀ⲡⲓⲙⲱⲟⲩ ⲛ̀ⲛⲟⲩϫ ⲁⲛⲥⲟⲣⲙⲟⲩⲇⲉ ⲛ̀ⲛⲏⲉ̀ⲧⲕⲱϯ ⲛ̀ⲥⲁⲧⲁⲓⲁⲥⲡⲓ ⲑⲁⲓ ⲉ̀ⲧⲉⲙⲙⲁⲩ 

ϯⲛⲟⲩⲙⲉⲛ ⲁⲛϫⲉⲙⲉⲑⲛⲟⲩϫ ϩⲟⲡⲱⲥ ⲛ̀ⲧⲟⲩϯⲧⲁⲓⲟ ⲙ̀ⲙⲟⲛ ϯⲙⲉⲑⲙⲏⲓⲇⲉ ⲁⲥϯⲑⲉⲃⲓⲟ ⲛⲁⲛ ⲟⲩⲟϩ ⲁϭⲓϣϣⲱⲟⲩ ⲙ̀ⲡϣⲟⲩϣⲟⲩ ⲉ̀ϩⲟⲧⲉϯⲁⲗⲏⲑⲓⲁ ϫⲉⲉⲛⲉ ⲁⲛϭⲛⲉϫⲱⲛ ⲛ̀ⲑⲙⲏⲓ ⲛ̀ⲁⲥⲛⲁⲁⲓⲧⲉⲛ ⲛ̀ⲣⲉⲙϩⲉ  ⲡⲗⲏⲛ ⲙ̀ⲡⲉⲛⲥⲟⲩⲉⲛⲑⲙⲏⲓ ⲙⲏⲡⲱⲥ ⲛ̀ⲧⲉⲛⲭⲁϯⲙⲉⲧϭⲁⲥⲓϩⲏⲧ ⲛⲉⲙϯⲙⲉⲧⲁⲙⲉⲗⲏⲥ ⲛ̀ⲥⲱⲛ 

ⲁⲙⲟⲓ ⲛ̀ⲧⲉⲛⲧⲁⲓⲟ ⲛ̀ϯⲙⲉⲑⲙⲏⲓ ⲙⲁⲣⲉⲛⲧⲁⲥⲑⲟ ⲉ̀ⲛⲉⲛⲯⲩⲭⲏ ⲙⲁⲣⲉⲛⲕⲱϯ ⲛ̀ⲥⲁⲛⲉⲛϩⲏⲧ ⲙ̀ⲡⲉⲛⲑⲣⲉⲛⲙⲟϣⲓ ⲛ̀ⲥⲁⲡⲧⲁⲓⲟ ⲟⲩⲇⲉ ⲙ̀ⲡⲉⲛⲑⲣⲉⲛⲕⲱϯ ⲛ̀ⲥⲁⲡⲱⲟⲩ ⲛ̀ⲧⲉⲡⲓⲕⲟⲥⲙⲟⲥ 

ϯⲙⲉⲑⲙⲉⲑⲣⲉ ⲛ̀ⲧⲉⲁⲛⲇⲣⲉⲁⲥ

ϧⲉⲛⲧⲁ̀ⲣⲭⲏ ⲛⲉ ⲡⲓⲭⲁⲕⲓⲡⲉ ⲟⲩⲟϩ ⲡⲓⲭⲁⲕⲓ ⲛⲁϥⲭⲏ ϧⲁⲧⲉⲛⲡⲭⲁⲟⲥ ⲟⲩⲟϩⲛⲉ ⲟⲩⲭⲁⲟⲥⲡⲉ ⲡⲓⲭⲁⲕⲓ ⲫⲁⲓ ⲉ̀ⲛⲁϥⲭⲏ ⲓⲥϫⲉⲛϩⲏ ϧⲁⲧⲉⲛⲡⲭⲁⲟⲥ ϩⲱⲃ ⲛⲓⲃⲉⲛ ⲁⲧϭⲛⲟⲩϥ ⲟⲩⲟϩ ⲉ̀ⲃⲟⲗϩⲓⲧⲟⲧϥ ⲙ̀ⲡⲉϩⲗⲓ ϣⲱⲡⲓ ϧⲉⲛⲫⲏ ⲉⲧⲁϥϣⲱⲡⲓⲛⲉ ⲫⲙⲟⲩ ⲡⲉⲧⲉⲛ̀ϧⲏⲧϥ ⲟⲩⲟϩ ⲫⲙⲟⲩⲛⲉ ⲧϧⲁⲉ ⲛ̀ⲛⲓⲣⲱⲙⲓⲡⲉ ⲟⲩⲟϩ ⲫⲙⲟⲩ ⲁϥϭⲉⲛⲟ ⲙ̀ⲫⲟⲩⲱⲓⲛⲓⲓ ⲉ̀ⲃⲟⲗ ϧⲉⲛⲛⲓⲣⲱⲙⲓ ⲟⲩⲟϩ ⲙ̀ⲡⲉⲫⲟⲩⲱⲓⲛⲓ ⲧⲁϩⲟϥ

ⲁϥϣⲱⲡⲓ ⲛ̀ϫⲉⲟⲩⲣⲱⲙⲓ ⲉ̀ⲡⲉϥⲣⲁⲛⲡⲉ ⲁⲛⲇⲣⲉⲁⲥ ⲫⲁⲓ ⲁϥⲓ̀ ⲉⲩⲙⲉⲧⲙⲉⲑⲣⲉ ϩⲓⲛⲁ ⲛ̀ⲧⲉϥⲉⲣⲙⲉⲑⲣⲉ ϧⲁⲡⲓⲟⲩⲱⲓⲛⲓ ϩⲓⲛⲁ ⲛ̀ⲧⲉⲟⲩⲟⲛ ⲛⲓⲃⲉⲛ ⲉⲙⲓ ⲉ̀ⲃⲟⲗ ϩⲓⲧⲟⲧϥ ⲛⲉ ⲛ̀ⲑⲟϥ ⲁⲛⲡⲉ ⲡⲓⲟⲩⲱⲓⲛⲓ ⲁⲗⲗⲁ ϩⲓⲛⲁ ⲛ̀ⲧⲉϥⲉⲣⲙⲉⲑⲣⲉ ϧⲁⲡⲓⲟⲩⲱⲓⲛⲓ ⲛⲁϥϣⲟⲡ ⲛ̀ϫⲉⲡⲓⲟⲩⲱⲓⲛⲓ ⲛ̀ⲧⲁⲫⲙⲏⲓ ⲫⲏ ⲉⲧⲉⲣⲟⲩⲱⲓⲛⲓ ⲉ̀ⲛⲏⲉⲧϣⲟⲡ ⲙ̀ⲡⲓⲟⲩⲱⲓⲛⲓ ⲉ̀ⲣⲱⲟⲩ ⲉ̀ⲑⲛⲏⲟⲩ ⲉ̀ⲡⲓⲕⲟⲥⲙⲟⲥ ⲛⲁϥⲭⲏ ϧⲉⲛⲡⲓⲕⲟⲥⲙⲟⲥⲡⲉ ⲟⲩⲟϩ ⲡⲓⲕⲟⲥⲙⲟⲥ ⲁϥϣⲱⲡⲓ ⲟⲩⲟϩ ⲙ̀ⲡⲉ ⲡⲓⲕⲟⲥⲙⲟⲥ ⲥⲟⲩⲱⲛϥ ⲁϥⲓ̀ ϩⲁ ⲛⲏ ⲉ̀ⲧⲉⲛⲟⲩϥ ⲟⲩⲟϩ ⲛⲉⲧⲉⲛⲟⲩϥ ⲙ̀ⲡⲟⲩϣⲟⲡϥ ⲉ̀ⲣⲱⲟⲩ  ⲛⲏⲇⲉ ⲉ̀ⲧⲁⲩϣⲟⲡϥ ⲉ̀ⲣⲱⲟⲩ ⲁϥϯⲉⲣϣⲓϣⲓ ⲁⲩϣⲱⲡⲓ ⲛ̀ϩⲁⲛϣⲏⲣⲓ ⲛ̀ⲧⲉⲡⲓⲟⲩⲱⲓⲛⲓ ⲛⲏ ⲉ̀ⲧⲉⲙⲓ ⲉ̀ⲫⲟⲩⲱⲓⲛⲓ ⲛ̀ⲧⲉϯⲅⲱⲛⲥⲓⲥ ⲁⲛⲇⲣⲉⲁⲥⲇⲉ ⲁϥⲉⲣⲙⲉⲑⲣⲉ ⲉⲑⲃⲏⲧϥ ⲟⲩⲟϩ ⲁϥⲱϣ ⲉ̀ⲃⲟⲗ ⲉϥϫⲱⲙ̀ⲙⲟⲥ ϫⲉⲫⲁⲓ ⲫⲏ ⲉ̀ⲧⲁⲓϫⲟϥ ⲉⲑⲃⲏⲧϥ ϫⲉⲫⲏ ⲉ̀ⲑⲛⲏⲟⲩ ⲙⲉⲛⲉⲛⲥⲱⲓ ⲁⲟⲩⲱⲛϩ ⲉ̀ⲃⲟⲗ ϯⲛⲟⲩ  ϫⲉⲁ̀ⲛⲟⲛ ⲧⲏⲣⲉⲛ ⲁⲛϭⲓ ⲉ̀ⲃⲟⲗ ϧⲉⲛⲡⲉϥⲙⲟϩ ⲛⲉⲙ ⲟⲩⲉⲡⲓⲥⲧⲏⲙⲏ ⲛ̀ⲧϣⲉⲃⲓⲱ ⲛ̀ⲟⲩⲙⲉⲧⲁⲧⲉⲙⲓ ϫⲉⲡⲓⲭⲁⲕⲓ ⲁⲩⲧⲏⲓϥ ⲉ̀ⲃⲟⲗ ϩⲓⲧⲉⲛ ⲡⲓⲭⲁⲟⲥ ⲡⲓⲉⲙⲓⲇⲉ ⲛⲉⲙϯⲙⲉⲑⲙⲏⲓ ⲁⲩϣⲱⲡⲓ ⲉ̀ⲃⲟⲗ ϩⲓⲧⲉⲛⲡⲓⲣⲱⲙⲓ ⲉ̀ⲑⲛⲏⲟⲩ ⲉ̀ⲡⲓⲕⲟⲥⲙⲟⲥ ⲡⲓⲭⲁⲕⲓ ⲙ̀ⲡⲉ ϩⲗⲓ ⲛⲁⲩ ⲉ̀ⲣⲟϥ ⲉ̀ⲛⲉϩ ⲡⲓⲟⲩⲱⲓⲛⲓ ⲛ̀ⲧⲉϯⲅⲛⲱⲥⲓⲥ ⲫⲏ ⲉ̀ⲧϯ ⲟⲩⲃⲏϥ ⲛ̀ⲑⲟϥ ⲡⲉⲧⲁϥⲥⲁϫⲓ ⲟⲩⲟϩ ⲑⲁⲓⲧⲉ ϯⲙⲉⲧⲙⲉⲑⲣⲉ ⲛ̀ⲧⲉⲁⲛⲇⲣⲉⲁⲥ ϩⲟⲧⲉ ⲉⲧⲁⲩⲟⲩⲱⲣⲡ ϩⲁⲣⲟϥ ⲛ̀ϫⲉ ⲛⲓⲣⲱⲙⲓ ⲉ̀ⲃⲟⲗ ϧⲉⲛ ϯⲛⲓϣϯ ⲙ̀ⲃⲁⲕⲓ ⲛ̀ϩⲁⲛϧⲉⲗⲗⲟⲓ ⲛⲉⲙϩⲁⲛⲥⲁⲃⲉⲩ ϩⲓⲛⲁ ⲛ̀ⲧⲟⲩϣⲉⲛϥ ϫⲉⲛ̀ⲑⲟⲕ ⲛⲓⲙ ⲟⲩⲟϩ ⲁϥⲟⲩⲱⲛϩ ⲙ̀ⲡⲉϥϫⲱⲗ ⲉ̀ⲃⲟⲗ ⲟⲩⲟϩ ⲁϥⲟⲩⲱⲛϩ ϫⲉⲁ̀ⲛⲟⲕ ⲁⲛⲡⲉ ⲡⲓⲣⲱⲙⲓ ⲉ̀ⲑⲛⲏⲟⲩ ⲉ̀ⲡⲓⲕⲟⲥⲙⲟⲥ ⲟⲩⲟϩ ⲁⲩϣⲉⲛϥ ϫⲉⲛ̀ⲑⲟⲕⲡⲉ ⲍⲉⲩⲥ  ⲡⲉϫⲁϥ ϫⲉⲙ̀ⲙⲟⲛ ⲛ̀ⲑⲟⲕⲡⲉ ⲡⲓⲥⲟⲫⲟⲥ ⲁϥⲉⲣⲟⲩⲱ̀ ϫⲉⲙ̀ⲙⲟⲛ ⲡⲉϫⲱⲟⲩ ⲛⲁϥ ⲟⲩⲛ ϫⲉⲛ̀ⲑⲟⲕ ⲛⲓⲙ ϩⲓⲛⲁ ⲛ̀ⲧⲉⲛϫⲉⲙⲡϣⲓⲛⲓ ⲛ̀ⲛⲏ ⲉ̀ⲧⲁⲩⲧⲁⲟⲩⲟⲛ ⲟⲩ ⲡⲉⲧⲉⲕϫⲱ ⲙ̀ⲙⲟϥ ⲉⲑⲃⲏⲧⲕ ⲡⲉϫⲁϥ ϫⲉⲁ̀ⲛⲟⲕⲡⲉ ϯⲥⲙⲏ ⲉⲧⲱϣ ⲉ̀ⲃⲟⲗ ϩⲓⲡϣⲁϥⲉ ϫⲉⲥⲟⲩⲧⲉⲛⲡⲓⲙⲱⲓⲧ ⲛ̀ⲧⲉϯⲥⲟⲫⲓⲁ ⲙ̀ⲫⲣⲏϯ ⲉⲧⲁϥϫⲟⲥ ⲛ̀ϫⲉⲥⲟⲕⲣⲁⲧⲏⲥ ⲡⲓⲫⲓⲗⲟⲥⲟⲫⲟⲥ ⲉ̀ⲡⲉϥⲣⲁⲥϯⲇⲉ ⲁϥⲛⲁⲩ ⲉ̀ⲓⲏ̅ⲥ̅ ⲉⲡⲓⲣⲓ ϩⲁⲣⲟϥ ⲟⲩⲟϩ ⲡⲉϫⲁϥ ϫⲉⲓⲥ ⲡⲓⲣⲱⲙⲓ ⲛ̀ⲧⲉ ϯⲥⲟⲫⲓⲁ ⲫⲏ ⲉⲑⲛⲉⲣⲟⲩⲱⲓⲛⲓ ⲙ̀ⲡⲓⲕⲟⲥⲙⲟⲥ

ⲛⲓⲉⲛ ⲉ̀ⲧⲕⲱϯ ⲛ̀ⲥⲁⲡⲓⲙ̀ⲧⲟⲛ

ⲛⲉ ⲟⲩⲟⲛ ⲟⲩⲓⲁϩϣϣⲏⲛ ⲟⲩⲟϩ ⲛⲁⲣⲉ ⲛⲓⲉⲛ ϣⲟⲡ ⲙ̀ⲙⲁⲩ ⲁⲛⲓⲉⲛ ⲉⲧϣⲟⲡ ⲙ̀ⲙⲁⲩ ⲁⲩϣⲉⲡϧⲓⲥⲓ ϫⲉϣⲁⲩⲓ̀ ⲉⲡϣⲱⲓ ⲉϩⲣⲉⲛⲛⲓϣϣⲏⲛ ⲟⲩⲟϩϣⲁⲩⲓ̀ ⲉ̀ⲡⲉⲥⲏⲧ ⲕⲁⲧⲁ ⲉϩⲟⲟⲩ 

ⲁⲩⲑⲱⲟⲩϯⲇⲉ ⲛ̀ϫⲉⲛⲓⲉⲛ ⲟⲩⲟϩ ⲡⲉϫⲉⲟⲩⲁⲓ ⲙ̀ⲙⲱⲟⲩ ϫⲉⲁⲛⲟⲛ ϧⲁⲛⲓⲉⲛ ⲧⲉⲛⲉⲣⲡⲓⲉϩⲟⲟⲩ ⲧⲏⲣϥ ⲥⲁⲡϣⲱⲓ ⲛ̀ⲛⲓϣⲏⲛ ⲓⲉ ⲥⲁⲡⲉⲥⲏⲧ ⲙ̀ⲙⲱⲟⲩ ⲓⲥϫⲉⲛⲫⲛⲁⲩ ⲛ̀ⲧⲉϩⲁⲛⲁⲧⲟⲟⲩⲓ̀ ϣⲁⲛⲓ̇ⲉ̇ⲃⲟⲗ ⲉ̇ⲡⲉⲛϩⲱⲃ ⲛⲉⲙⲉ̇ϫⲉⲛⲧⲉⲛⲓⲟⲡⲏ ϣⲁⲫⲛⲁⲩ ⲛ̀ⲧⲉϩⲁⲛⲁⲣⲟⲩϩⲓ ⲙⲏ ⲧⲉⲛϣ̀ϥⲁⲓ ϧⲁⲡϫⲓⲛϣⲉ ⲉⲡϣⲱⲓ ⲉ̀ϫⲉⲛⲛⲁⲓϣϣⲏⲛ ⲛⲁⲓ ϧⲉⲛⲡⲁⲓⲥⲏⲟⲩ ⲫⲁⲓ ⲉ̀ⲧⲉⲙⲙⲁⲩ 

ⲛⲉⲛⲥⲩⲅⲅⲉⲛⲏⲥⲇⲉ ⲉ̀ⲧⲟⲩⲙⲟⲩϯ ⲉ̀ⲣⲱⲟⲩ ϫⲉⲛⲓⲣⲱⲙⲓ ϣⲁⲩⲕⲱⲧ ⲛ̀ϩⲁⲛⲏⲓ ⲟⲩⲟϩ ϣⲁⲩⲙ̀ⲧⲟⲛ ⲙ̀ⲙⲱⲟⲩ ⲛ̀ϧⲏⲧⲟⲩ ⲁ̀ⲛⲟⲛⲇⲉ ϩⲱⲛ ⲙⲁⲣⲉⲛⲕⲱⲱⲣⲉ ⲛ̀ⲛⲓϣⲏⲛ ϫⲉϩⲓⲛⲁ ⲛ̀ⲧⲉⲛⲕⲱⲧ ⲛⲁⲛ ⲛ̀ϩⲁⲛⲏⲓ ⲉ̀ⲧⲁⲩⲥⲱⲧⲉⲙⲇⲉ ⲉ̀ⲡⲉϥⲗⲟⲅⲟⲥ ⲛ̀ϫⲉⲛⲓⲕⲉⲉⲛ ⲁⲩⲕⲱⲗϩ ϧⲉⲛⲛⲟⲩⲙⲉⲥⲧⲉⲛϩⲏⲧ ⲁⲓⲑⲉⲗⲏⲗ ϧⲉⲛⲟⲩⲣⲁϣⲓ ⲛ̀ⲁⲧⲥⲁϫⲓ ⲙ̀ⲙⲟϥ ⲟⲩⲟϩ ⲁⲩⲓ̀ⲛⲓ ⲛ̀ⲛⲟⲩϫⲟⲣϯ ⲛⲉⲙⲛⲟⲩⲥⲏϥⲓ ⲛⲉⲙⲛⲟⲩⲃⲁϣⲟⲩⲣ ⲛ̀ⲧⲟⲩⲕⲉⲣⲉⲛⲓϣϣⲏⲛ ⲛⲉⲙⲛⲓⲃⲱ ⲛ̀ⲕⲉⲛⲧⲉ 

ⲉ̀ⲧⲁⲩϧⲱⲛⲧ ⲉⲡⲓⲓⲁϩϣϣⲏⲛ ⲁⲩⲓ̀ ⲉ̀ϩⲣⲉⲛⲡⲓϧⲉⲗⲗⲟ ⲛ̀ⲉⲛ ⲉϥϩⲉⲙⲥⲓ ⲉϥⲱϣ ⲛ̀ⲟⲩϫⲱⲙ ⲟⲩⲟϩ ⲡⲉϫⲉ ⲡⲓⲉⲛ ⲉ̀ⲧⲁϥⲥⲁϫⲓ ϫⲉⲭⲁⲙⲁ ⲛⲁⲛ ⲉⲕⲱⲱⲣⲉ ⲙ̀ⲡⲁⲓϣϣⲏⲛ ⲁϥⲉⲣⲟⲩⲱ ⲛⲱⲟⲩ ⲛ̀ϫⲉⲡⲓϧⲉⲗⲗⲟ ⲉϥϫⲱⲙ̀ⲙⲟⲥ ϫⲉⲁⲣⲉⲧⲉⲛϣⲁⲛϩⲓⲡϩⲟ ⲙ̀ⲡⲓϧⲓⲥⲓ ⲧⲉⲧⲉⲛⲛⲁ ϣⲱⲡ ⲉ̀ⲣⲱⲧⲉⲛ ⲙ̀ⲡⲓⲑⲉⲃⲓⲟ ⲟⲩⲟϩ ⲥⲉⲛⲁⲉⲛⲁⲓⲭⲙⲁⲗⲱⲧⲓⲍⲉ ⲙ̀ⲙⲱⲧⲉⲛ ⲛ̀ϯⲟⲩⲛⲟⲩ ϩⲁⲛⲟⲩⲟⲛⲇⲉ ⲉ̀ⲃⲟⲗ ϧⲉⲛⲛⲏ ⲉ̀ⲧⲟϩⲓ ⲉ̀ⲣⲁⲧⲟⲩ ⲙ̀ⲙⲁⲩ ⲉⲧⲁⲩⲥⲱⲧⲉⲙ ⲛⲁⲩϫⲱⲙ̀ⲙⲟⲥ ϫⲉϥⲉⲣϩⲟϯ ϧⲁⲧϩⲏ ⲛ̀ⲛⲓⲣⲱⲙⲓ ⲟⲩⲟϩ ⲡⲉϫⲱⲟⲩ ⲛⲁϥ ϫⲉⲛⲓⲣⲱⲙⲓ ⲙ̀ⲡⲁⲩϥⲓⲣⲱⲟⲩϣ ϧⲁⲣⲟⲛ ⲟⲩⲟϩ ⲛ̀ⲑⲟϥ ⲡⲉϫⲁϥ ⲛⲱⲟⲩ ϫⲉⲱ ⲛⲓⲁⲛⲟⲏⲧⲟⲥ ⲟⲩⲟϩ ⲉⲧⲟⲥⲕ ϧⲉⲛⲡⲟⲩϩⲏⲧ ⲉ̀ⲕⲁϯ ⲙ̀ⲡⲉⲣⲉⲣϩⲟϯⲅⲁⲣ ϧⲁⲧϩⲏ ⲛ̀ⲛⲓⲣⲱⲙⲓ  ϫⲉⲙ̀ⲙⲟⲛϣϫⲟⲙ ⲙ̀ⲙⲱⲟⲩ ⲉ̀ϧⲱⲧⲉⲃ ⲙ̀ⲙⲱⲧⲉⲛ ⲁⲣⲉⲧⲉⲛϣⲁⲛϯⲭⲱⲡ ⲟⲩⲧⲉ ⲛⲓⲕⲗⲁⲇⲟⲥ ⲁⲣⲓϩⲟϯⲇⲉ ⲛ̀ⲑⲟϥ ϧⲁⲧϩⲏ ⲛ̀ⲑⲏ ⲉ̀ⲧⲁⲥⲁⲓⲭⲙⲁⲗⲱⲧⲓⲍⲉ  ⲙ̀ⲡⲓⲣⲱⲙⲓ ⲙ̀ⲙⲓⲛ ⲙ̀ⲙⲟϥ ⲉ̀ⲧⲉ ⲑⲁⲓⲧⲉ ϯⲙⲉⲧⲁⲙⲉⲗⲏⲥ ⲟⲩⲙⲏϣⲅⲁⲣ ⲁⲥⲱϫϩ ⲙ̀ⲙⲱⲟⲩ ⲟⲩⲟϩ ⲁⲥⲣⲁϧⲧⲟⲩ ϩⲁⲛⲁⲧⲏⲡⲓⲇⲉ ⲛⲉ ⲛⲏ ⲉ̀ⲧⲁⲥϧⲟⲑⲃⲟⲩ

ⲛⲓⲣⲱⲙⲓⲅⲁⲣ ϯⲛⲟⲩ ⲥⲉⲟⲓ ⲛ̀ϩⲁⲛⲉⲭⲙⲁⲗⲱⲧⲟⲥ ⲛⲁⲓ ⲉ̀ⲧⲉ ⲧⲟⲩϧⲁⲉⲡⲉ ⲡⲧⲁⲕⲟ ⲛⲁⲓ ⲉ̀ⲧⲉ ⲡⲟⲩⲛⲟⲩϯⲡⲉ ⲧⲟⲩⲛⲉϫⲓ ⲟⲩⲟϩ ⲡⲟⲩⲱⲟⲩ ⲁϥϧⲉⲛⲟⲩϣⲓⲡⲓ ⲛⲁⲓ ⲉⲑⲙⲉⲩⲓ ⲉ̀ⲡⲓⲙ̀ⲧⲟⲛ ⲙⲟⲛⲟⲛ ϧⲟⲧϧⲉⲧ ϧⲉⲛⲛⲓϫⲱⲙ ⲛ̀ⲑⲱⲟⲩⲇⲉ ⲉ̀ⲧⲉⲣⲙⲉⲑⲣⲉ ⲉⲑⲃⲉϯⲡⲩⲗⲏ ⲉ̀ⲧϫⲏⲟⲩ ⲉ̀ⲧϭⲓ ⲉⲡⲧⲁⲓⲟ ⲛⲓⲣⲱⲙⲓⲇⲉ ⲁⲩⲧⲁⲕⲟⲅⲁⲣ ⲙ̀ⲡϩⲟ ⲙ̀ⲡⲕⲁϩⲓ ⲟⲩⲟϩ ⲁⲩϭⲱϧⲉⲙ ⲙ̀ⲡⲓⲁⲏⲣ ϩⲓⲧⲉⲛⲧⲟⲩⲙⲉⲧϭⲁⲥⲓϩⲏⲧ ⲛⲉⲙⲧⲟⲩⲙⲉⲧⲁⲙⲉⲗⲏⲥ ϣⲱⲡⲓ ⲟⲩⲛ ⲉⲣⲉⲧⲉⲛⲟⲓ ⲛ̀ⲥⲁⲃⲉ ⲙ̀ⲫⲣⲏϯ ⲛ̀ⲛⲓⲉⲛ ⲁⲕⲉⲣⲉⲟⲥⲇⲉ ⲙ̀ⲫⲣⲏϯ ⲛ̀ⲛⲓϣⲓⲧⲥ

ⲧⲟⲧⲉ ⲁⲛⲓⲉⲛ ⲭⲁ ⲛⲓⲃⲁϣⲟⲩⲣ ⲛ̀ⲥⲱⲟⲩ ⲁⲩⲟⲩⲱⲙ ⲛ̀ϩⲑⲏⲟⲩ ⲟⲩⲟϩ ⲁⲩⲉⲣⲙⲉⲧⲁⲛⲟⲓⲛ ⲁⲩϣⲉ ⲉⲡϣⲱⲓ ⲉϩⲣⲏⲓ ⲉ̀ϫⲉⲛⲛⲓϣϣⲏⲛ

ⲧⲉⲛⲁⲥⲡⲓ ⲛⲉⲙⲡⲉⲛⲕⲁϩⲓ

ϧⲉⲛⲟⲩⲁⲣⲭⲏ ⲛⲉⲡⲟⲗⲟⲅⲟⲥⲡⲉ ⲟⲩⲟϩ ⲡⲓⲗⲟⲅⲟⲥ ⲛⲁϥⲭⲏ ϧⲁⲧⲉⲛϯⲅⲛⲱⲥⲓⲥ ⲟⲩⲟϩ ⲛⲉ ⲟⲩⲛⲟⲩϯⲡⲉ ϯⲅⲛⲱⲥⲓⲥ ⲫⲁⲓ ⲉ̀ⲛⲁϥⲭⲏ ⲓⲥϫⲉⲛ ϩⲏ ϧⲁⲧⲉⲛϯⲅⲙⲱⲥⲓⲥ ϩⲱⲃ ⲛⲓⲃⲉⲛ ⲁⲩϣⲱⲡⲓ ⲉ̀ⲃⲟⲗ ϩⲓⲧⲟⲧⲥ ⲟⲩⲟϩ ⲁⲧϭⲛⲟⲩⲥ ⲙ̀ⲡⲉϩⲗⲓ ϣⲱⲡⲓ ϧⲉⲛⲫⲏⲉⲧⲁϥϣⲱⲡⲓ ⲛⲉ ⲡⲱⲛϧ ⲡⲉⲧⲉⲛ̀ϧⲏⲧⲥ ⲟⲩⲟϩ ⲡⲱⲛϧ ⲛⲉ ⲫⲟⲩⲱⲓⲛⲓ ⲛ̀ⲛⲓⲣⲱⲙⲓⲡⲉ ⲟⲩⲟϩ ⲡⲓⲟⲩⲱⲓⲛⲓ ⲁϥⲉⲣⲟⲩⲱⲓⲛⲓ ϧⲉⲛⲡⲓⲭⲁⲕⲓ ⲟⲩⲟϩ ⲙ̀ⲡⲉ ⲡⲓⲭⲁⲕⲓ ⲧⲁϩⲟϥ 

ⲁⲥϣⲱⲡⲓ ⲛ̀ϫⲉⲟⲩⲁⲥⲡⲓ ⲛ̀ⲗⲁⲥ ⲉ̀ⲁⲩⲟⲩⲟⲣⲡⲥ ⲉ̀ⲃⲟⲗ ϩⲓⲧⲉⲛ ϯⲅⲛⲱⲥⲓⲥ  ⲉ̀ⲡⲉⲥⲣⲁⲛⲡⲉ ϯⲙⲉⲧⲣⲉⲙⲛ̀ⲭⲏⲙⲓ ⲑⲁⲓ ⲁⲥⲓ̀ ⲉⲩⲙⲉⲧⲙⲉⲑⲣⲉ ϩⲓⲛⲁ ⲛ̀ⲧⲉⲥⲉⲣⲙⲉⲑⲣⲉ ϧⲁⲡⲓⲟⲩⲱⲓⲛⲓ ϩⲓⲛⲁ ⲛ̀ⲧⲉ ⲟⲩⲟⲛ ⲛⲓⲃⲉⲛ ⲛⲁϩϯ ⲉ̀ⲃⲟⲗ ϩⲓⲧⲟⲧⲥ ⲛⲉ ⲛ̀ⲑⲟⲥ ⲁⲛⲡⲉ ⲡⲓⲟⲩⲱⲓⲛⲓ ⲁⲗⲗⲁ ϩⲓⲛⲁ ⲛ̀ⲧⲉⲥⲉⲣⲙⲉⲑⲣⲉ ϧⲁⲡⲓⲟⲩⲱⲓⲛⲓ ⲛⲁϥϣⲟⲡ ⲛ̀ϫⲉ ⲡⲓⲟⲩⲱⲓⲛⲓ ⲛ̀ⲧⲁⲫⲙⲏⲓ ⲫⲏⲉ̀ⲧⲉⲣⲟⲩⲱⲓⲛⲓ ⲉ̀ⲣⲱⲙⲓ ⲛⲓⲃⲉⲛ ⲉⲑⲛⲏⲟⲩ ⲉ̀ⲡⲓⲕⲟⲥⲙⲟⲥ ⲛⲁϥⲭⲏ ϧⲉⲛⲡⲓⲕⲟⲥⲙⲟⲥⲡⲉ ⲟⲩⲟϩ ⲡⲓⲕⲟⲥⲙⲟⲥ ⲁϥϣⲱⲡⲓ ⲉ̀ⲃⲟⲗ ϩⲓⲧⲟⲧϥ ⲟⲩⲟϩ ⲙ̀ⲡⲉ ⲡⲓⲕⲟⲥⲙⲟⲥ ⲥⲟⲩⲱⲛϥ ⲁϥⲓ̀ ϩⲁ ⲛⲏⲉⲧⲉⲛⲟⲩϥ ⲟⲩⲟϩ ⲛⲉⲧⲉⲛⲟⲩϥ ⲙ̀ⲡⲟⲩϣⲟⲡϥ ⲉ̀ⲣⲱⲟⲩ  ⲛⲏ ⲇⲉ ⲉⲧⲁⲩϣⲟⲡϥ ⲉ̀ⲣⲱⲟⲩ ⲁϥϯⲉⲣϣⲓϣⲓ ⲛⲱⲟⲩ ⲉ̀ⲉⲣϣⲏⲣⲓ ⲛ̀ⲅⲙⲱⲥⲕⲥ ⲛⲏ ⲉⲑⲕⲁϯ ⲉⲧⲥⲟⲫⲓⲁ  ⲛⲏ ⲇⲉ ⲉ̀ⲃⲟⲗ ϧⲉⲛ ⲟⲩⲙⲉⲧⲁⲧⲉⲙⲓⲁⲛ ⲛⲉ ⲟⲩⲇⲉ ⲉ̀ⲃⲟⲗ ϧⲉⲛϯⲙⲉⲧⲁⲧϩⲏⲧ ⲁⲛ ⲛⲉ ⲟⲩⲇⲉ ⲉ̀ⲃⲟⲗ ϧⲉⲛ ⲫⲟⲩⲱϣ ⲛ̀ⲣⲱⲙⲓ ⲁⲛ ⲛⲉ ⲁⲗⲗⲁ ⲉⲧⲁⲩⲙⲁⲥⲟⲩ ⲉ̀ⲃⲟⲗ ϧⲉⲛϯⲅⲛⲱⲥⲓⲥ ⲟⲩⲟϩ ⲡⲓⲗⲟⲅⲟⲥ ⲁϥⲉⲣⲟⲩⲥⲁⲣⲝ ⲟⲩⲟϩ ⲁϥϣⲱⲡⲓ ⲛ̀ϧⲣⲏⲓ ⲛ̀ϧⲏⲧⲉⲛ ⲟⲩⲟϩ ⲁⲛⲛⲁⲩ ⲉ̀ⲡⲉϥⲱⲟⲩ ⲙ̀ⲫⲣⲏϯ ⲙ̀ⲡⲱⲟⲩ ⲛ̀ⲟⲩϣⲏⲣⲓ ⲙ̀ⲙⲁⲩⲁⲧϥ ⲛ̀ⲧⲟⲧϥ ⲛ̀ⲧⲉⲥⲙⲁⲩ ⲉϥⲙⲉϩ ⲛ̀ⲥⲟⲫⲓⲁ ⲛⲉⲙⲙⲉⲑⲙⲏⲓ ⲧⲉⲛⲁⲥⲡⲓ ⲁⲥⲉⲣⲙⲉⲑⲣⲉ ⲉⲑⲃⲏⲧϥ ⲟⲩⲟϩ ⲥⲱϣ ⲉ̀ⲃⲟⲗ ⲉⲥϫⲱ ⲙ̀ⲙⲟⲥ ϫⲉⲫⲁⲓ ⲫⲏⲉ̀ⲧⲁⲓϫⲟϥ ⲉⲑⲃⲏⲧϥ ϫⲉⲫⲏⲉ̀ⲑⲛⲏⲟⲩ ⲙⲉⲛⲉⲛⲥⲱⲓ ⲁϥⲉⲣϣⲟⲣⲡ ⲉ̀ⲣⲟⲓ ϫⲉⲛⲉⲟⲩϣⲟⲣⲡ ⲉ̀ⲣⲟⲓ ⲣⲱⲡⲉ  ϫⲉⲁⲛⲟⲛ ⲧⲏⲣⲉⲛ ⲁⲛϭⲓ ⲉ̀ⲃⲟⲗ ϧⲉⲛⲡⲉϥⲙⲟϩ ⲛⲉⲙⲟⲩⲥⲃⲱ ⲛ̀ⲧϣⲉⲃⲓⲱ ⲛ̀ⲟⲩⲙⲉⲧⲁⲧⲉⲙⲓ ϫⲉⲡⲓⲛⲟⲙⲟⲥ ⲁⲩⲧⲏⲓϥ ⲉ̀ⲃⲟⲗ ϩⲓⲧⲉⲛⲧⲫⲩⲥⲓⲥ ⲧⲥⲟⲫⲓⲁⲇⲉ ⲛⲉⲙϯⲙⲉⲑⲙⲏⲓ ⲁⲩϣⲱⲡⲓ ⲉ̀ⲃⲟⲗ ϩⲓⲧⲉⲛϯⲅⲛⲱⲥⲓⲥ 

ⲧⲉⲛⲁⲥⲡⲓ ⲁⲥⲣⲱⲧ ⲉⲃⲟⲗϧⲉⲛⲡⲉⲛⲕⲁϩⲓ ⲟⲩⲟϩ ϯⲅⲛⲱⲥⲓⲥ ⲁⲥⲫⲓⲣⲓ ⲉⲃⲟⲗϧⲉⲛⲡⲓϣϣⲏⲛ ⲛ̀ⲧⲉⲧⲉⲛⲁⲥⲡⲓ ⲧⲥⲟⲫⲓⲁⲡⲉ

ⲡⲟⲩⲧⲁϩ ⲛ̀ⲧⲉⲡⲁⲓϣϣⲏⲛ ⲟⲩⲟϩ ϧⲉⲛⲡⲓϭⲱⲙ ⲛ̀ⲧⲉⲡⲱⲛϧ ⲟⲩⲟⲛⲟⲩⲙⲏϣ ⲛ̀ϣϣⲏⲛ ϫⲉϯⲅⲛⲱⲥⲓⲥ ϫⲉⲙ̀ⲙⲟⲛⲁⲥⲡⲓ ⲛⲁⲧⲁϩⲉϯⲅⲛⲱⲥⲓⲥ ⲑⲁⲓ ⲉⲧⲉⲣⲟⲩⲱⲓⲛⲓ ⲉⲣⲱⲙⲓ ⲛⲓⲃⲉⲛ ⲉⲑⲛⲏⲟⲩ ⲉⲡⲓⲕⲟⲥⲙⲟⲥ 

ⲕⲉⲡⲁⲗⲓⲛ ⲟⲛ ⲟⲩⲟⲛϩⲁⲛⲕⲉⲙⲏϣ ⲛ̀ⲁⲥⲡⲓ ⲛ̀ⲗⲁⲥ ⲉ̀ⲧⲁ ϯⲅⲛⲱⲥⲓⲥ ⲟⲩⲟⲛϩⲥ ⲉ̀ⲃⲟⲗⲛ̀ϧⲏⲧⲟⲩ ϯⲙⲉⲧⲟⲩⲉⲓⲛⲓⲛ ⲛⲉⲙϯⲙⲉⲧϩⲉⲃⲣⲉⲟⲥ ⲛⲉⲙϯⲙⲉⲧⲁⲣⲁⲃⲟⲥ ⲛⲉⲙϯⲁⲥⲡⲓ ⲛ̀ⲧⲉⲙⲓⲉⲑⲁⲩϣ ⲛⲉⲙϯⲁⲥⲡⲓ ⲛ̀ⲧⲉⲁⲛⲟⲩⲃⲁ ⲛⲉⲙϩⲁⲛⲕⲉⲙⲏϣ ⲛ̀ⲁⲥⲡⲓ ⲛ̀ⲗⲁⲥ

ⲙⲁⲣⲉ ⲫⲟⲩⲱⲓⲛⲓ ⲛ̀ⲧⲉⲡⲓⲗⲟⲅⲟⲥ ⲫⲁⲓ ⲉⲧⲉⲣⲟⲩⲱⲓⲛⲓ ⲉⲃⲟⲗϩⲓⲧⲉⲛϯⲅⲛⲱⲥⲓⲥ ϣⲁⲓ ⲉϩⲣⲏⲓ ⲉϫⲱⲛ ϣⲁⲛⲧⲉϥⲫⲱⲧ ⲉⲃⲟⲗϩⲁ ⲡⲉϥϩⲟ ⲛ̀ϫⲉⲡⲭⲁⲕⲓ ⲛ̀ⲧⲉϯⲙⲉⲧⲁⲧⲉⲙⲓ

ⲉ̀ⲧⲁⲛⲭⲁⲧⲉⲛϫⲓⲛⲥⲁϫⲓ ⲛ̀ⲥⲱⲛ ⲁⲛⲉⲣⲡⲱⲃϣ ⲛ̀ⲧⲡⲟⲗⲏⲧⲉⲓⲁ ⲛⲉⲙⲧⲥⲟⲫⲓⲁ ⲛ̀ⲧⲉⲛⲉⲛⲓⲟϯ ϫⲉⲙ̀ⲙⲟⲛ ⲫⲏⲉⲧϧⲉⲛⲫⲙⲟⲩ ⲉϥⲙⲉⲩⲓ ⲉ̀ⲧⲉⲛϫⲓⲛⲥⲁϫⲓ. ⲛⲓⲙⲇⲉ ⲉⲑⲛⲁϣⲟⲩⲱⲛϩ ⲛⲁⲥ ⲉ̀ⲃⲟⲗ ⲛ̀ϧⲣⲏⲓ ϧⲉⲛⲁⲙⲉⲛϯ.

ⲛⲉⲛⲓⲟϯⲅⲁⲣ ⲁⲩⲭⲱ ⲛ̀ⲛⲟⲩⲥϧⲁⲓ ϧⲉⲛϩⲁⲛⲟⲩⲗⲱⲗ ⲟⲩⲟϩ ⲁⲩⲭⲱⲡ ⲛ̀ⲛⲁⲓⲕⲟⲩⲗⲱⲗ ⲛⲁⲓ ⲉⲧⲉⲙⲙⲁⲩ ϧⲉⲛϩⲁⲛⲃⲏⲃ ⲙⲏⲡⲱⲥ ⲛ̀ⲧⲟⲩⲣⲟⲕϩⲟⲩ ⲛ̀ϫⲉⲛⲓⲁⲛⲟⲙⲟⲥ ⲑⲁⲓⲅⲁⲣⲣⲉ ⲧⲉⲛⲕⲗⲏⲣⲟⲛⲟⲙⲓⲁ  ⲡⲗⲏⲛ ⲛⲓⲥϧⲁⲓ ⲥⲉⲉⲣⲙⲉⲑⲣⲉ ⲉϯⲙⲉⲧⲁⲧϩⲏⲧ ⲛ̀ⲧⲉⲡⲓⲗⲁⲟⲥ

ⲟⲩⲅⲁⲣ ⲉ̀ⲧⲉ ⲡⲓⲣⲱⲙⲓ ⲛⲁϫⲉⲙϩⲏⲟⲩ ⲙ̀ⲙⲟϥ ⲁϥϣⲁⲛϫⲉⲙϩⲏⲟⲩ ⲙ̀ⲡⲓⲕⲟⲥⲙⲟⲥ ⲧⲏⲣϥ ⲧⲉϥⲕⲗⲏⲣⲟⲛⲟⲙⲓⲁⲇⲉ ⲛ̀ⲧⲉϥϯⲟⲥⲓ ⲙ̀ⲙⲟⲥ ⲙ̀ⲙⲟⲛ ⲟⲩ ⲡⲉⲧⲉ ⲡⲓⲣⲱⲙⲓ ⲛⲁⲧⲏⲓϥ ⲛ̀ⲧϣⲉⲃⲓⲱ ⲛ̀ⲧⲉϥⲕⲗⲏⲣⲟⲛⲟⲙⲓⲁ ⲁⲙⲏⲛ ϯϫⲱⲙⲙⲟⲥ ⲛⲱⲧⲉⲛ ϫⲉⲫⲏⲉⲧⲉ ⲙ̀ⲡⲉϥϭⲓⲥⲃⲱ ⲉⲧϫⲓⲛⲥⲁϫⲓ ⲛⲉⲙⲧⲡⲟⲗⲏⲧⲓⲁ ⲛⲉⲙⲧⲥⲟⲫⲓⲁ ⲛ̀ⲧⲉⲛⲉϥⲓⲟϯ ϥⲟⲛⲓ ⲛ̀ϩⲁⲛⲛⲁⲫⲣⲓ ⲉⲧⲁⲩϩⲉⲓ ⲉ̀ϫⲉⲛⲡⲓⲙⲁ ⲙ̀ⲡⲉⲧⲣⲁ ⲡⲓⲙⲁ ⲉ̀ⲧⲉ ⲙ̀ⲙⲟⲛ ϣⲱⲕ ⲛ̀ⲕⲁϩⲓ ⲙ̀ⲙⲟϥ ⲟⲩⲟϩ ⲁⲩⲣⲱⲧ ⲥⲁⲧⲟⲧⲟⲩ ϫⲉⲙ̀ⲙⲟⲛⲧⲟⲩ ϣⲱⲕ ⲛ̀ⲕⲁϩⲓ ⲉⲧⲁⲫⲣⲏⲇⲉ ϣⲁⲓ ⲁⲩⲉⲣⲕⲁⲩⲙⲁ ⲟⲩⲟϩ ϫⲉⲙ̀ⲙⲟⲛⲧⲟⲩ ⲛⲟⲩⲛⲓ ⲙ̀ⲙⲁⲩ ⲁⲩϣⲱⲟⲩⲓ̀

ⲁϥⲉⲣⲡⲣⲟⲫⲏⲧⲉⲩⲓⲛ ⲛ̀ϫⲉⲡⲓⲙⲟⲛⲁⲭⲟⲥ ϫⲉϧⲉⲛⲧⲁⲓⲅⲉⲛⲉⲁ ⲑⲁⲓ ϥⲛⲏⲟⲩ ⲛ̀ϫⲉⲫⲏⲉⲑⲛⲁⲛⲁϩⲙⲉⲛ ⲉⲃⲟⲗϩⲁ ϯⲙⲉⲧⲁⲧϩⲏⲧ ⲁⲗⲗⲁ ϩⲁⲣⲁ ⲛ̀ⲑⲟϥ ⲟⲩⲡⲣⲟⲫⲏⲧⲏⲥ ⲛ̀ⲛⲟⲩϫⲡⲉ

ⲧⲉⲛⲉⲣⲭⲣⲓⲁⲅⲁⲣ ⲁⲛ ⲛ̀ⲟⲩⲡⲣⲟⲫⲏⲧⲓⲁ ⲙⲁⲗⲗⲟⲛⲇⲉ ⲉⲛⲉ̀ⲕⲱϯ ⲛ̀ⲥⲁⲛⲓⲥϧⲁⲓ ⲛ̀ⲧⲉⲛⲉⲛⲓⲟϯ ⲉⲛⲉ̀ⲱϣ ⲙ̀ⲙⲱⲟⲩ ⲟⲩϫⲱⲙⲅⲁⲣ ⲉϥϣⲑⲏⲟⲩⲧ ⲟⲛⲓ ⲛ̀ⲟⲩϫⲱⲙ ⲉⲧⲁⲩⲣⲟⲕϩϥ ⲉⲑⲃⲉⲟⲩ ⲧⲉⲧⲉⲛⲛⲉϩⲡⲓ ⲉⲣⲱⲟⲩ ⲛ̀ⲛⲓϫⲱⲙ ⲉⲧⲁⲩⲧⲁⲕⲟ ⲛⲓϫⲱⲙⲇⲉ ⲉⲧⲁⲩⲁⲣⲉϩ ⲉⲣⲱⲟⲩ ⲛⲁⲛ ⲙ̀ⲡⲁⲣⲉⲧⲉⲛⲟϣⲟⲩ

ⲛⲓϣⲏⲣⲓ ⲛ̀ⲧⲉⲡⲓⲭⲁⲕⲓ ⲙ̀ⲡⲉⲣⲣⲓⲙⲓ ⲉ̀ϫⲉⲛⲛⲓⲅⲣⲁⲫⲏ ⲉ̀ⲧⲁⲩⲧⲁⲕⲟ ⲟⲩⲇⲉ ⲙ̀ⲡⲉⲣⲣⲓⲙⲓ ⲉ̀ϫⲉⲛϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲡⲗⲏⲛ ⲣⲓⲙⲓ ⲉ̀ϫⲉⲛⲑⲏⲛⲟⲩ ⲛⲉⲙⲉ̀ϫⲉⲛⲧⲉⲧⲉⲛⲙⲉⲧⲁⲧⲉⲙⲓ ⲛⲉⲙⲧⲉⲧⲉⲛⲙⲉⲧⲁⲧϩⲏⲧ

ϯⲅⲛⲱⲥⲓⲥⲅⲁⲣ ⲥⲟⲛⲓ ⲛ̀ⲟⲩⲛⲉϩ ⲉ̀ⲧⲉⲣⲟⲩⲱⲓⲛⲓ ⲙ̀ⲡⲓⲗⲁⲙⲡⲁⲥ ⲟⲩⲟϩ ⲛⲓⲗⲁⲙⲡⲁⲥ ⲥⲉⲟⲛⲓ ⲙ̀ⲫⲣⲏϯ ⲛ̀ⲛⲓⲁⲥⲡⲓ ⲛ̀ⲗⲁⲥ ⲛⲓⲥⲟϫⲅⲁⲣ ⲉ̀ⲧⲁⲩϭⲓ ⲛ̀ⲛⲟⲩⲗⲁⲙⲡⲁⲥ ⲙ̀ⲡⲟⲩⲉⲗⲛⲉϩ ⲛⲉⲙⲱⲟⲩ ⲛⲓⲥⲁⲃⲉⲩⲇⲉ ⲁⲩⲉⲗⲛⲉϩ ⲛ̀ϧⲣⲏⲓ ϧⲉⲛⲛⲟⲩⲙⲟⲕⲓ ⲛⲉⲙⲛⲟⲩⲗⲁⲙⲡⲁⲥ ⲉ̀ⲧⲁⲩϣⲉ ⲉ̀ⲃⲟⲗ ⲛ̀ⲧⲟⲩⲓ̀ ⲉ̀ϩⲣⲉⲛⲛⲓⲙⲩⲥⲧⲏⲣⲓⲟⲛ ⲛ̀ⲧⲉⲡⲱⲛϧ

ⲁ̀ⲛⲟⲛⲇⲉ ϩⲱⲛ ⲙ̀ⲡⲉⲛⲑⲣⲉⲛⲣⲓⲙⲓ ⲉ̀ϫⲉⲛⲡⲓⲛⲉϩ ⲉⲧⲁⲩϫⲟϣϥ ϩⲓϫⲉⲛⲡⲕⲁϩⲓ ⲟⲩⲇⲉ ⲙ̀ⲡⲉⲛⲑⲣⲉⲛⲛⲉϩⲡⲓ ϫⲉⲁⲩⲕⲱϣ ⲛ̀ⲛⲉⲛⲗⲁⲙⲡⲁⲥ ⲡⲗⲏⲛ ⲙⲁⲣⲉⲛⲑⲱⲟⲩϯ ⲛ̀ⲛⲓⲗⲁⲙⲡⲁⲥ ⲛ̀ⲧⲉⲛⲉⲛⲓⲟϯ ⲉ̀ⲧⲉⲙ̀ⲡⲟⲩⲧⲁⲕⲟ ⲟⲩⲟϩ ⲙⲁⲣⲉⲛⲕⲱϯ ⲛ̀ⲥⲁⲡⲁⲉⲡⲓ ⲙ̀ⲡⲓⲛⲉϩ ϩⲓⲛⲁ ⲛ̀ⲧⲉⲛϭⲉⲣⲟ ⲛ̀ⲛⲉⲛⲗⲁⲙⲡⲁⲥ ⲟⲩⲟϩ ⲛ̀ⲧⲉⲛⲥⲟⲗⲥⲉⲗ ⲙ̀ⲙⲱⲟⲩ ⲧⲟⲧⲉ ⲡⲓⲟⲩⲱⲓⲛⲓ ⲙ̀ⲙⲏⲓ ⲛ̀ⲧⲉϯⲅⲛⲱⲥⲓⲥ ϥⲛⲁⲉⲣⲟⲩⲱⲓⲛⲓ ϧⲉⲛⲡⲓⲭⲁⲕⲓ ⲛ̀ⲧⲉϯⲙⲉⲧⲁⲧⲉⲙⲓ

ⲁⲙⲱⲓⲛⲓ ⲉ̀ϧⲟⲩⲛ ⲉ̀ⲃⲟⲗ ϩⲓⲧⲉⲛϯⲡⲩⲗⲏ ⲉ̀ⲧϫⲏⲟⲩ ⲛ̀ⲧⲉϯⲅⲛⲱⲥⲓⲥ ⲙ̀ⲙⲏⲓ ϫⲉⲥⲟⲩⲟϣⲥ ⲛ̀ϫⲉϯⲡⲩⲗⲏ ⲛ̀ⲧⲉⲡⲓⲣⲓⲙⲓ ⲟⲩⲟϩ ϥⲟⲩⲉⲥⲑⲱⲛ ⲛ̀ϫⲉⲡⲓⲙⲱⲓⲧ ⲛ̀ⲧⲉⲡⲓⲛⲉϩⲡⲓ ⲉ̀ⲧϭⲓ ⲉⲡⲧⲁⲕⲟ ⲟⲩⲟϩ ⲥⲉⲟϣ ⲛ̀ϫⲉⲛⲏⲉ̀ⲑⲛⲁϣⲉⲛⲱⲟⲩ ⲉ̀ϧⲟⲩⲛ ⲉ̀ⲃⲟⲗϩⲓⲧⲟⲧϥ ϫⲉⲥϫⲏⲟⲩ ⲛ̀ϫⲉϯⲡⲩⲗⲏ ⲟⲩⲟϩ ϥϩⲉϫϩⲱϫ ⲛ̀ϫⲉⲡⲓⲙⲱⲓⲧ ⲉⲧϭⲓ ⲉ̀ϯⲅⲛⲱⲥⲓⲥ ⲙ̀ⲙⲏⲓ ⲟⲩⲟϩ ϩⲁⲛⲕⲟⲩϫⲓ ⲡⲉⲑⲛⲁϫⲉⲙϥ ⲧⲉⲛⲁⲥⲡⲓⲅⲁⲣⲡⲉ ⲡⲉⲛⲙⲱⲓⲧ ⲁⲗⲏⲑⲱⲥⲅⲁⲣ ϧⲉⲛⲟⲩⲙⲉⲑⲙⲏⲓ ϯϫⲱⲙ̀ⲙⲟⲥ ⲛⲱⲧⲉⲛ ϫⲉⲟⲩⲟⲛ ϩⲁⲛⲕⲉⲙⲏϣ ⲙ̀ⲙⲓⲧⲱⲟⲩⲓ ϩⲱⲥ ϩⲁⲛϩⲉⲗϫⲉⲩⲛⲉ ⲛⲓⲥⲁϫⲓ ⲛ̀ⲧⲉⲧⲉⲛⲁⲥⲡⲓ ⲛ̀ⲧⲁϣⲃⲱⲃⲓ ⲉ̀ϩⲟⲧⲉ ⲡⲓⲁⲗⲟⲗⲓ ⲛⲉⲙⲡⲓⲕⲉⲛⲧⲉ ϧⲉⲛⲣⲱⲓ ⲉⲑⲃⲉ ⲫⲁⲓ ⲁⲓϭⲓⲥⲃⲱ ⲉ̀ⲣⲟⲥ

ⲧⲉⲛⲉⲣⲭⲣⲓⲁ ⲛ̀ⲛⲉϩ ϩⲓⲛⲁ ⲛ̀ⲧⲉⲛϭⲉⲣⲟ ⲛ̀ⲛⲉⲛⲗⲁⲙⲡⲁⲥ ⲁⲗⲗⲁ ⲡⲓⲭⲁⲕⲓ ϥⲉⲣⲭⲉⲣⲓⲁ ⲁⲛ ⲛ̀ⲛⲉϩ

ⲡⲓⲟⲩⲱⲓⲛⲓ ϥϣⲟⲡ ϧⲉⲛⲡⲓⲟⲩⲱⲓⲛⲓ ⲡⲓⲟⲩⲱⲓⲛⲓⲙⲉⲛ ϣⲁϥⲉⲣⲟⲩⲱⲓⲛⲓ ⲙⲟⲛⲟⲛ ϧⲉⲛⲡⲓⲭⲁⲕⲓ ϩⲁⲣⲁ ⲟⲩⲛ ⲡⲓⲟⲩⲱⲓⲛⲓ ϥⲉⲣⲭⲉⲣⲓⲁ ⲙ̀ⲡⲓⲭⲁⲕⲓ ϩⲟⲡⲱⲥ ⲛ̀ⲧⲉϥⲉⲣⲟⲩⲱⲓⲛⲓ ⲡⲭⲁⲕⲓⲇⲉ ⲙ̀ⲡⲁϥⲉⲣⲭⲣⲓⲁ ⲙ̀ⲡⲓⲟⲩⲱⲓⲛⲓ ⲟⲩⲇⲉ ⲙ̀ⲡⲁϥⲟⲩⲱϣ ⲉⲧⲁϩⲟϥ ⲙⲏⲡⲱⲥ ⲛ̀ⲧⲉϥⲧⲁⲕⲟ

ϩⲁⲣⲁ ⲟⲩⲛ ⲡⲓⲭⲁⲕⲓⲡⲉ ⲡⲉⲧϫⲏⲕ ⲉ̀ⲃⲟⲗ ⲁⲗⲗⲁ ⲙⲏ ⲡⲓⲭⲁⲕⲓⲡⲉ. ⲫⲏⲉⲧϣⲟⲡ ⲓⲉ ⲡⲓⲭⲁⲕⲓⲡⲉ ⲡⲓⲙⲁ ⲉ̀ⲧⲉ ⲙ̀ⲡⲉ ⲡⲓⲟⲩⲱⲓⲛⲓ ⲧⲁϩⲟϥ ⲉⲑⲃⲉ ⲫⲁⲓ ⲡⲓⲭⲁⲕⲓ ϥϣⲟⲡ ⲁⲛ ⲁⲗⲗⲁ ⲡⲓⲭⲁⲕⲓⲡⲉ ⲡⲓⲙⲁ ⲉ̀ⲧⲉ ⲙ̀ⲙⲟⲛ ⲟⲩⲱⲓⲛⲓ ϣⲟⲡ ⲛ̀ϧⲏⲧϥ

ⲡⲁⲓⲣⲏϯ ⲟⲛ ϯⲙⲉⲧⲁⲧϩⲏⲧⲡⲉ ⲡⲉⲛⲧⲁⲫⲟⲥ ⲁⲗⲗⲁ ϯⲅⲛⲱⲥⲓⲥⲧⲉ ⲧⲉⲛⲁⲛⲁⲥⲧⲁⲥⲓⲥ ⲙ̀ⲙⲏⲓ ⲡⲉϫⲱⲟⲩ ϫⲉⲧⲉⲕϫⲓⲛⲥⲁϫⲓ ⲟⲩⲱⲛϩ ⲙ̀ⲙⲟⲕ ⲁⲛⲟⲕⲇⲉ ϯϫⲱⲙ̀ⲙⲟⲥ ⲛⲱⲧⲉⲛ ϫⲉⲧⲁⲁⲥⲡⲓ ⲟⲩⲱⲛϩ ⲙ̀ⲙⲟⲓ ⲁⲛ ⲡⲗⲏⲛ ⲁⲛⲟⲕⲙⲉⲛ ⲡⲉⲑⲟⲩⲱⲛϩ ⲛ̀ⲧⲁⲁⲥⲡⲓ

ⲁⲥϫⲟⲥ ⲛⲁⲛ ⲛ̀ϫⲉϯⲥⲟⲫⲟⲥ ϫⲉⲛⲓⲁⲥⲡⲓ ⲙ̀ⲡⲁⲩⲙⲟⲩ ϫⲉⲙ̀ⲙⲟⲛ ⲱⲛϧ ϣⲟⲡ ⲛ̀ϧⲏⲧⲟⲩ ⲁⲗⲗⲁ ⲛⲏⲉ̀ⲧⲥⲁϫⲓ ⲙⲟⲩ ϫⲉⲟⲩⲟⲛ ⲟⲩⲱⲛϧ ϣⲟⲡ ⲛ̀ϧⲏⲧⲟⲩ

ⲡⲓⲟⲩⲱⲛϣ

ⲉⲡⲓⲇⲏ ⲟⲩⲙⲏϣ ⲁⲩϩⲓⲧⲟⲧⲟⲩ ⲉ̀ⲥϧⲉ ϩⲁⲛⲥⲁϫⲓ ⲉⲑⲃⲉ ⲛⲓϩⲃⲏⲟⲩⲓ ⲉⲧⲁⲩϫⲱⲕ ⲉ̀ⲃⲟⲗ ⲛ̀ϧⲣⲏⲓ ⲛ̀ϧⲏⲧⲉⲛ ⲁⲥⲣⲁⲛⲏⲓ ϩⲱ ⲉ̀ⲁⲓⲙⲟϣⲓ ⲛ̀ⲥⲁ ⲡⲁⲓϩⲱⲃ ⲫⲁⲓ ⲛⲓⲃⲉⲛ ⲉ̀ⲥϧⲁⲓ ⲛⲁⲕ ⲉ̀ⲫⲣⲏϯ ⲕⲣⲁⲧⲓⲥⲧⲉ ⲁⲣⲥⲉⲛⲓⲟⲥ 

ⲡⲉϫⲱⲟⲩ ϫⲉϩⲁⲛⲣⲱⲙⲓ ⲉⲩⲉⲉⲣⲁⲣⲭⲱⲛ ⲉ̀ⲛⲓⲧⲉⲃⲧ ⲛ̀ⲧⲉⲫⲓⲟⲙ ⲛⲉⲙⲛⲓϩⲁⲗⲁϯ ⲛ̀ⲧⲉⲧⲫⲉ ⲛⲉⲙⲛⲓⲧⲉⲃⲛⲱⲟⲩⲓ ⲛⲉⲙⲡⲕⲁϩⲓ ⲧⲏⲣϥ ⲛⲉⲙϭⲁⲧϥⲓⲛⲓⲃⲉⲛ ⲉⲧⲕⲓⲙ ϩⲓϫⲉⲛⲡⲕⲁϩⲓ ⲁⲗⲗⲁ ⲙ̀ⲡⲟⲩϫⲟⲥ ⲛⲁⲛ ϫⲉϯⲇⲓⲕⲁⲓⲟⲩⲥⲩⲛⲏ ⲛⲁϣⲱⲡⲓ ⲙ̀ⲡⲁⲓⲣⲏϯ ⲟⲩⲟϩ ⲉⲑⲃⲉⲫⲣⲱⲙⲓ ⲁⲩⲟⲩⲱⲛϩ ⲉ̀ⲃⲟⲗ ⲛ̀ⲧⲫⲩⲥⲓⲥ ⲛ̀ⲛⲓⲍⲱⲟⲛ. 

ⲡⲉϫⲉ ⲡⲓⲯⲁⲗⲧⲏⲥ ϫⲉⲟⲩⲛⲁⲓ ⲛⲉⲙⲟⲩⲙⲉⲑⲙⲏⲓ ⲁⲩⲓ̀ ⲉ̀ⲃⲟⲗ ⲉ̀ϩⲣⲉⲛ ⲛⲟⲩⲉⲣⲏⲟⲩ: ⲟⲩⲇⲓⲕⲉⲟⲥⲩⲛⲏ ⲛⲉⲙⲟⲩϩⲓⲣⲏⲛⲏ ⲁⲩϣⲉⲡⲧⲟⲧⲟⲩ ⲛ̀ⲛⲟⲩⲉⲣⲏⲟⲩ ⲁⲗⲗⲁ ⲛⲓⲙ ⲡⲉ ϯϫⲓⲛⲑⲙⲏϯ ⲛ̀ⲧⲉⲡⲓⲑⲱⲙ ⲟⲩⲧⲉ ⲡⲓⲛⲁⲓ ⲛⲉⲙϯⲙⲉⲑⲙⲏⲓ

ⲁⲥϣⲱⲡⲓ ϧⲉⲛⲛⲓⲉϩⲟⲟⲩ ⲡⲓⲁⲃⲟⲧ ⲉⲡⲏⲡ ⲁⲯ̅ⲙ̅ⲃ̅ ⲙ̀⳥ ⲛⲉ ⲟⲩⲟⲛ ⲟⲩⲥϩⲓⲙⲓ ⲉⲥⲙⲟϣⲓ ⲛⲉⲙⲡⲉⲥⲟⲩϩⲟⲣ. ϧⲉⲛϯⲁⲅⲟⲣⲁ ⲡⲓⲟⲩϩⲟⲣⲇⲉ ⲛⲁϥⲙⲟϣⲓ ⲛ̀ⲥⲱⲥ ⲉⲛⲉ ϯⲥϩⲓⲙⲓ ⲙⲟϣⲓ ⲛ̀ⲥⲁ ⲡⲓⲓⲉⲃⲧ ⲓⲉ ⲛ̀ⲥⲁ ⲡⲉⲙⲉⲛⲧ ⲡⲓⲟⲩϩⲟⲣ ϥⲙⲟϣⲓ ⲛ̀ⲥⲱⲥ ⲁⲣⲉϣⲁⲛϯⲥϩⲓⲙⲓ ϩⲟⲛϩⲉⲛ ⲙ̀ⲙⲟϥ ⲉϩⲉⲙⲥⲓ ⲉϥⲉϩⲉⲙⲥⲓ ⲓⲉ ⲛ̀ⲧⲉϥⲟϩⲓ ⲉⲣⲁⲧϥ ⲉϥⲉⲟϩⲓ ⲉ̀ⲣⲁⲧϥ ⲁⲥϯⲥⲁⲭⲟⲗ ⲉϩⲣⲉⲛⲡⲉⲥⲟⲩϩⲟⲣ ⲟⲩⲟϩ ⲉⲣⲉⲟⲩⲕⲟⲗⲗⲁⲣⲓⲟⲛ ϧⲉⲛⲡⲉϥⲙⲟⲩⲧ

ⲁⲓⲉⲣⲫⲙⲉⲩⲓ ⲙ̀ⲡⲓⲟⲩϩⲱⲣ ⲛ̀ⲧⲉⲧⲁⲙⲁⲩ ⲁⲛⲙⲉⲓ ⲙ̀ⲙⲟϥ ⲟⲩⲟϩ ϯⲛⲁϩϯ ϫⲉⲁϥⲙⲉⲓ ⲙ̀ⲙⲟⲛ ⲟⲛ ⲁⲛⲧⲁⲓⲟ ⲙ̀ⲙⲟϥ ⲁⲗⲗⲁ ⲁⲛⲉⲣⲟⲩⲣⲟ. ⲉϫⲱϥ ⲉⲡϧⲁⲉⲇⲉ ⲁϥⲙ̀ⲧⲟⲛ ⲙ̀ⲙⲟϥ ⲙⲁⲗⲗⲟⲛⲇⲉ ⲧⲉⲛⲙⲉⲓ ϣⲁϯⲛⲟⲩ

ϧⲉⲛϯⲁⲅⲟⲣⲁ ⲁⲓⲥⲟⲙⲥ ⲉⲡⲓⲟⲩϩⲟⲣ ⲛⲉⲙϯⲥϩⲓⲙⲓ ⲡⲓⲟⲩϩⲟⲣⲇⲉ ⲙ̀ⲡⲁϥⲭⲣⲉⲙⲣⲉⲙ ⲟⲩⲇⲉ ⲙ̀ⲡⲁϥⲫⲱⲧ ⲟⲩⲇⲉ ⲙ̀ⲡⲁϥϩⲱⲗⲉⲙ ⲛ̀ⲧⲉϥ⳪̅ ⲁⲗⲗⲁ ϣⲁⲣⲉ ⲡⲓⲟⲩϩⲟⲣ ⲟⲩⲱⲙ ⲉ̀ⲃⲟⲗϧⲉⲛⲛⲓⲗⲉϥⲗⲓϥⲓ ⲛⲏⲉ̀ϣⲁⲩϩⲉⲓ ⲉ̀ⲃⲟⲗ ϩⲓϯⲧⲣⲁⲡⲉⲍⲁ ⲛ̀ⲧⲉⲧⲉϥ⳪̅

ⲁⲓⲉⲣⲫⲙⲉⲩⲓ ⲛ̀ⲧⲁⲙⲁⲩ ⲉⲧⲁⲥⲙⲟⲩϯ ⲉⲣⲟⲓ ⲕⲁⲧⲁⲫⲣⲁⲛ ⲙ̀ⲡⲉⲥⲟⲩϩⲱⲣ ϩⲁⲣⲁ ⲁⲥⲧⲁⲓⲟ ⲙ̀ⲡⲉⲥⲟⲩϩⲱⲣ ⲓⲉ ⲁⲥⲧⲁⲓⲟⲓ

ⲁⲓⲭⲁ ⲛⲁⲓⲙⲉⲩⲓ ⲛ̀ⲥⲱⲓ ⲉⲧⲁⲓϯⲛⲓⲁⲧⲧ ⲉϯⲥϩⲓⲙⲓ ⲛⲉⲙⲡⲓⲟⲩϩⲟⲣ ⲉⲧϧⲉⲛ ϯⲁⲅⲟⲣⲁ ϩⲁⲣⲁ ⲁⲥϭⲓⲧϥ ⲉⲃⲟⲗϧⲉⲛⲕⲉⲛⲥ ⲛ̀ⲧⲉϥⲙⲁⲩ ⲓⲉ ⲁⲥⲁⲓϥ ⲛ̀ⲟⲩⲥⲓⲟⲩⲣ. ϩⲁⲣⲁ ⲟⲩⲟⲛϣϫⲟⲙ ⲙ̀ⲙⲟϥ ⲛ̀ⲧⲉϥϩⲱⲗⲉⲙ ⲁϥϣⲁⲛϩⲕⲟ ⲓⲉ ϣⲁϥⲟϩⲓ ⲛⲁϥ ϣⲁⲛⲧⲟⲩⲧⲉⲙⲙⲟϥ ϫⲉⲁⲥⲑⲉⲃⲓⲟϥ ⲥⲁⲡⲉⲥⲏⲧ ⲛ̀ⲛⲉⲥϭⲁⲗⲁⲩϫ ⲛⲓⲙⲅⲁⲣ ϧⲉⲛⲛⲓⲣⲱⲙⲓ ⲉⲧⲟⲛⲓ ⲛ̀ⲛⲓⲛⲟⲩϯ ⲛⲏ ⲉⲧϣⲓⲃϯ ⲧⲫⲩⲥⲓⲥ ⲛⲧⲉⲛⲓⲑⲏⲣⲓⲟⲛ

ⲉⲧⲁϥⲉⲛⲕⲟⲧ ⲛ̀ϫⲉⲡⲁⲙⲏⲧⲣⲟⲡⲁⲧⲱⲣ ϧⲉⲛⲫⲛⲁϩϯ ⲁϥⲙⲟⲕϩ ⲛ̀ϩⲏⲧ ⲛ̀ϫⲉⲡⲟⲩϩⲱⲣ ⲛ̀ⲧⲉⲧⲁⲙⲁⲩ ⲁⲗⲗⲁ ⲁⲧⲁⲙⲁⲩ ⲧⲉⲙⲙⲟϥ ⲟⲩⲟϩ ⲁⲥϣⲁⲛϣ ⲙ̀ⲙⲟϥ 

ⲓⲥϫⲉⲛ ϩⲁⲛϣⲟ ⲛ̀ⲣⲟⲙⲡⲓ ⲛⲉⲟⲩⲟⲛ ϩⲁⲛⲟⲩⲱⲛϣ ⲛ̀ⲣⲉϥϩⲱⲗⲉⲙ ⲉⲧⲁⲩⲓ̀ ⲉϩⲣⲉⲛ ϩⲁⲛⲫⲩⲗⲏ ⲛ̀ⲣⲱⲙⲓ ⲛⲓⲟⲩⲱⲛϣ ⲁⲩⲟⲩⲱⲙ ⲉ̀ⲃⲟⲗϧⲉⲛⲛⲓⲗⲉϥⲗⲓϥⲓ ⲛ̀ⲧⲉⲛⲓⲣⲱⲙⲓ ⲟⲩⲟϩ ⲕⲁⲧⲁ ⲕⲟⲩϫⲓ ⲕⲟⲩϫⲓ ⲛⲓⲟⲩⲱⲛϣ ⲁⲩⲭⲁ ⲧⲟⲩⲫⲩⲥⲓⲥ ⲛ̀ⲥⲱⲟⲩ ⲟⲩⲟϩ ⲁⲩϣⲱⲡⲓ ⲛ̀ϩⲁⲛⲟⲩϩⲟⲣ 

ⲉⲧⲁⲥⲙ̀ⲧⲟⲛ ⲙ̀ⲙⲟⲥ ⲛ̀ϫⲉⲑⲙⲁⲩ ⲛ̀ⲧⲁⲙⲁⲩ (ⲗ︦ⲏ︦) ⲧⲟⲧⲉ ⲁⲧⲯⲩⲭⲏ ⲛ̀ⲧⲉⲡⲟⲩϩⲱⲣ ⲛ̀ⲧⲁⲙⲁⲩ ⲙⲟⲕϩ ⲛ̀ϩⲏⲧ ϣⲁ ⲉ̀ϧⲣⲏⲓ ⲉ̀ⲫⲙⲟⲩ ⲙ̀ⲡⲉϥⲟⲩⲱⲙ ⲟⲩⲟϩ ⲁϥⲙⲟⲩ ⲧⲁⲙⲁⲩⲇⲉ ⲉⲧⲁⲥⲑⲱⲙ ⲛ̀ⲧⲉⲥⲙⲁⲩ ⲁⲥⲕⲟⲥϥ ⲟⲛ ⲡⲉϥⲣⲁⲛⲙⲉⲛ ⲁϥⲙⲟⲩⲛ ⲉ̀ⲃⲟⲗ ϫⲉⲁⲩϯⲣⲉⲛⲧⲅⲁⲣ ⲕⲁⲧⲁⲡⲉϥⲣⲁⲛ

ⲛⲓⲣⲱⲙⲓⲇⲉ ϣⲁⲩⲧⲉⲙⲙⲟ ⲛ̀ⲛⲟⲩⲟⲩϩⲱⲣ ⲟⲩⲟϩ ϣⲁⲩⲧⲟⲩⲃⲟ ⲙ̀ⲙⲱⲟⲩ. ⲕⲉ ⲡⲁⲗⲓⲛ ⲟⲛ ϣⲁⲣⲉ ⲛⲓⲣⲱⲙⲓ ⲕⲱⲧ ⲛ̀ϩⲁⲛⲙⲛϣⲱⲡⲓ ⲉⲑⲃⲉ ⲛⲟⲩⲟⲩϩⲟⲣ ⲉⲧⲁⲩϣⲁⲛϣ ⲙ̀ⲙⲱⲟⲩ ⲓⲥϫⲉⲛ ⲧⲟⲩⲕⲉⲧⲕⲟⲩϫⲓ 

ⲉⲓⲥ ⲛⲓⲣⲱⲙⲓ ⲁⲩⲕⲱⲧ ⲛ̀ϩⲁⲛϣⲧⲉⲕⲱⲟⲩ ⲛ̀ⲛⲟⲩⲃ ⲉⲑⲃⲉ ⲛⲓⲑⲏⲣⲓⲟⲛ ⲥⲉⲟⲛⲓ ⲛ̀ϩⲁⲛⲕⲁⲥⲧⲣⲟⲛ ⲁⲗⲗⲁ ⲛⲓⲥⲱⲛϩ ⲛ̀ⲧⲉⲛⲓⲣⲱⲙⲓ ⲁⲩⲧⲁϫⲇⲟ ⲉϩⲣⲏⲓ ⲉ̀ϫⲉⲛⲧⲫⲩⲥⲓⲥ ⲛ̀ⲧⲉⲛⲓⲟⲩⲱⲛϣ ⲉⲧⲟⲩⲙⲟⲩϯ ⲉⲣⲱⲟⲩ ϫⲉⲛⲓⲟⲩϩⲱⲣ ⲛ̀ⲁⲧⲗⲱⲓⲗⲓ ⲕⲉⲡⲁⲗⲓⲛ ⲟⲛ ⲛⲓⲟⲩϩⲱⲣ ⲛ̀ⲥⲓⲟⲩⲣ 

ⲛⲓⲙ ⲡⲉ ⲡⲓⲑⲏⲣⲓⲟⲛ ⲙ̀ⲙⲏⲓ ⲉⲧⲟⲩⲉⲙⲧⲥⲁⲣⲝ ⲛ̀ⲧⲉⲙⲓⲕⲉⲍⲱⲟⲛ ⲟⲩⲟϩ ⲛⲓⲙ ⲡⲉⲧϣⲉⲙϣⲓ ⲙ̀ⲡⲓⲭⲉⲧ

ⲟⲩⲟⲓ ⲛⲁϥ ⲙ̀ⲫⲏⲉⲧⲭⲱ ⲛ̀ⲥⲱϥ ⲙ̀ⲫⲛⲟⲙⲟⲥ ⲛ̀ⲧⲉⲍⲉⲩⲥ ϧⲉⲛⲧⲉϥⲅⲛⲱⲙⲏ: ⲟⲩⲟϩ ⲛⲁϥ ⲙ̀ⲫⲏⲉⲧⲉⲣⲁ̀ⲙⲉⲗⲏⲥ ⲉ̀ⲛⲉϥⲉⲛⲧⲟⲗⲏ. 

ⲱⲟⲩⲛⲓⲁⲧⲟⲩ ⲛ̀ⲛⲓⲛⲁⲏⲧ ϫⲉⲛⲓⲣⲱⲙⲓ ⲛⲉⲙⲛⲓⲑⲏⲣⲓⲟⲛ ⲡⲉⲧⲟⲩⲛⲁⲛⲁⲓ ⲛⲱⲟⲩ

ⲫⲏⲉⲧⲉ ⲟⲩⲟⲛ ϣⲁⲓ ⲙ̀ⲙⲟϥ ⲉϣⲱⲗⲉⲙ ⲙⲁⲣⲉϥϣⲱⲗⲉⲙ

ⲟⲩⲟⲛ ⲛ̀ⲧⲉⲡⲓⲟⲩϩⲟⲣ ⲛ̀ⲟⲩⲣⲁⲛ ⲙ̀ⲙⲁⲩ ⲙ̀ⲫⲣⲱⲙⲓ ⲟⲩⲟϩ ⲛ̀ⲑⲟϥ ⲟⲩⲟⲩϩⲟⲣⲡⲉ

ⲟⲩⲟⲛ ⲛ̀ⲧⲉⲫⲣⲱⲙⲓ ⲛ̀ⲛⲟⲩⲣⲁⲛ ⲙ̀ⲙⲁⲩ ⲙ̀ⲡⲟⲩϩⲟⲣ ⲁⲗⲗⲁ ⲛ̀ⲑⲟϥ ⲟⲩⲣⲱⲙⲓ ⲡⲉ 

ⲁⲫⲣⲏ ⲭⲁⲧ ⲛ̀ⲥⲱϥ

ⲡⲉϫⲱⲟⲩ ⲛⲏⲓ ϫⲉⲉⲓⲉⲥϧⲁⲓ ⲕⲁⲧⲁ ⲉϩⲟⲟⲩ ϫⲉϩⲓⲛⲁ ⲛ̀ⲧⲁⲧⲁⲓⲟ ⲙ̀ⲡⲁⲓⲙⲁ ⲫⲁⲓ ⲕⲉ ⲡⲁⲗⲓⲛ ⲟⲛ ⲁϥⲥϧⲁⲓ ⲛⲁⲛ ⲛ̀ϫⲉⲡⲁⲩⲗⲟⲥ ⲡⲓⲁⲡⲟⲥⲧⲟⲗⲟⲥ ϫⲉⲉⲣⲉⲧⲉⲛϣⲱⲡ ⲙ̀ⲡⲓⲥⲏⲟⲩ ϫⲉⲛⲓⲉϩⲟⲟⲩ ⲥⲉϩⲱⲟⲩ ⲉⲑⲃⲉ ⲫⲁⲓ ⲉⲓⲉⲥϧⲁⲓ ⲉⲓⲉⲣⲙⲉⲑⲣⲉ ⲛⲱⲧⲉⲛ ⲙ̀ⲫⲏⲉⲧϣⲟⲡ ⲛ̀ϩⲣⲏⲓ ϧⲉⲛⲡⲁⲓⲥⲏⲟⲩ ⲫⲁⲓ

ⲁⲓⲉⲣϩⲱⲧ ⲉⲡⲓⲧⲟⲩⲥⲥⲁⲓ (Πιτυοῦσσαι) ⲉⲧⲁⲓⲓ̀ ⲉ̀ⲃⲟⲗ ⲉⲑⲛⲏⲥⲟⲥ ⲁⲓⲛⲁⲩ ⲉⲛⲓⲧⲱⲟⲩ ⲉⲧⲉⲙⲙⲁⲩ ⲛⲉⲙⲛⲓⲃⲉⲛⲓ ⲛⲁⲓϣⲟⲡⲅⲁⲣ ϧⲉⲛⲑⲛⲏⲥⲟⲥ ⲉⲓⲛⲏⲃⲓ ϧⲉⲛⲫⲓⲟⲙ ⲛ̀ⲁⲧϩⲱⲓⲙⲓ ⲙ̀ⲡⲁϯⲛⲏⲃⲓ ϧⲉⲛⲑⲁⲗⲁⲥⲥⲁ ⲁⲩⲑⲱϩⲥⲙⲉⲛ ⲛ̀ⲧⲁⲁⲫⲉ ⲛ̀ⲟⲩⲛⲉϩ ⲙⲏⲡⲱⲥ ⲛ̀ⲧⲉϥⲣⲟⲕϩⲧ ⲛ̀ϫⲉⲡⲓϧⲙⲟⲧ ⲛ̀ⲧⲣⲫⲣⲏ ϫⲉⲁⲓⲉⲣ ⲡⲓⲉϩⲟⲟⲩ ⲧⲏⲣϥ ⲉⲓⲛⲏⲃⲓ ϧⲉⲛⲫⲓⲟⲙ ⲙ̀ⲫⲣⲏϯ ⲛ̀ⲟⲩⲧⲉⲃⲧ ⲡⲗⲏⲛ ⲫⲣⲏ ⲡⲉⲛⲧⲁϥⲭⲁⲧ ⲛ̀ⲥⲱϥ ⲁϥϧⲓϯ ⲙ̀ⲡⲁϣⲁⲣ  ⲉⲑⲃⲉ ⲫⲁⲓ ⲡⲁϣⲁⲣ ⲁϥⲑⲣⲟⲩϣⲣⲉϣ ⲙ̀ⲫⲣⲏϯ ⲛ̀ⲟⲩⲑⲣⲓⲣ ⲉⲡϧⲁⲉⲇⲉ ⲁⲩⲣⲁϧⲧϥ ⲁⲛⲓⲑⲏⲣⲁⲡⲓⲥⲧⲏⲥ ⲑⲱϩⲥ ⲙ̀ⲙⲟⲓ ⲛ̀ⲕⲉⲥⲟⲡ ϧⲉⲛⲟⲩⲛⲉϩ ⲁⲩϩⲟⲛϩⲉⲛ ⲛⲏⲓ ⲉϣⲱⲡⲓ ϧⲉⲛⲡⲏⲓ

ϯⲛⲟⲩⲇⲉ ϣⲁⲓⲫⲱⲧ ⲙ̀ⲡⲉⲙⲑⲟ ⲙ̀ⲫⲣⲏ ⲛⲉⲙⲡⲓϧⲙⲟⲙ ϣⲁⲛⲧⲉϥⲧⲟⲩϫⲟ ⲛ̀ϫⲉⲡⲁϣⲁⲣ ⲟⲩⲟϩ ϩⲟⲡⲱⲥ ⲛ̀ⲧⲉⲡⲉϥⲁⲟⲩⲁⲛ ⲛ̀ⲧⲉϣⲟⲣⲡ ⲕⲟⲧϥ ⲉⲣⲟⲓ ⲟⲩⲟϩ ⲛ̀ⲧⲁⲟⲩϫⲁⲓ ⲁⲓⲉⲙⲓⲅⲁⲣ ϫⲉⲁⲛⲟⲕ ⲟⲩⲧⲉⲃⲧ ⲁⲛ

ϯⲕⲟⲩϫⲓ ⲙ̀ⲙⲟⲩⲕⲓ

ⲁⲛⲟⲕ ⲡⲉϣⲉⲛϯ ⲉⲓⲥϧⲁⲓ ⲙ̀ⲫⲏⲉⲧϥⲓⲣⲱⲟⲩϣ ϧⲁϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ϫⲉϣⲟⲣⲡⲙⲉⲛ ⲛ̀ϩⲱⲃ ⲛⲓⲃⲉⲛ ϯϣⲓⲛⲓ ⲉ̀ⲣⲟⲕ ⲛⲉⲙⲡⲉⲕⲏⲓ ⲧⲏⲣϥ ⲡⲓⲟⲩⲁⲓ ⲡⲓⲟⲩⲁⲓ ⲕⲁⲧⲁ ⲡⲉϥⲣⲁⲛ ⲛⲉⲙϯⲟⲩⲓ ϯⲟⲩⲓ ⲕⲁⲧⲁ ⲡⲉⲥⲣⲁⲛ ⲭⲁⲓⲣⲉⲓⲛ ⲁⲓⲉⲙⲓⲅⲁⲣ ϫⲉⲟⲩⲟⲛ ⲟⲩⲟⲛ ⲟⲩⲙⲏϣ ⲉⲑⲟⲩⲱϣ ⲉⲑⲁⲙⲓⲟ ⲛ̀ⲟⲩⲁⲥⲡⲓ ⲉⲧⲟⲛⲓ ⲉⲧⲉⲛⲁⲥⲡⲓ ⲟⲩⲟϩ ⲛⲏⲇⲉ ⲉⲧⲉⲣ ⲫⲁⲓ ⲥⲉⲙⲟⲩϯ ⲉⲧⲟⲩϫⲓⲛⲥⲁϫⲓ ⲉⲑⲙⲉϩ ⲛ̀ϣⲱϥⲧ ϫⲉϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ

ⲡⲉϫⲉⲡⲓϧⲉⲗⲗⲟ ⲡⲁⲣⲥⲱⲙⲁ ⲛⲏⲓ ϫⲉⲙ̀ⲡⲉⲣⲥⲁϩⲟⲩⲓ ⲉⲡⲭⲁⲕⲓ ⲁⲗⲗⲁ ϭⲉⲣⲉ ⲟⲩϧⲏⲃⲥ ⲟⲩⲟϩ ⲭⲁϥ ϩⲓϫⲉⲛϯⲗⲩⲭⲛⲓⲁ ⲉⲑⲣⲉϥⲉⲣⲟⲩⲱⲓⲛⲓ ⲉ̀ⲟⲩⲟⲛ ⲛⲓⲃⲉⲛ ⲉⲧϣⲟⲡ ϧⲉⲛⲡⲓⲏⲓ

ⲉⲓⲥ ϯⲕⲟⲩϫⲓ ⲙ̀ⲙⲟⲩⲕⲓ ϩⲁⲣⲁ ⲥⲛⲁϭⲓⲙⲱⲓⲧ ϧⲁϫⲱⲛ ⲉⲧϫⲓⲛⲥⲁϫⲓ ⲛ̀ⲧⲉⲛⲉⲛⲓⲟϯ ⲁⲩⲑⲱⲟⲩϯⲇⲉ ⲛ̀ⲛⲓⲗⲉⲝⲓⲥ ⲉⲧⲭⲏ ϧⲉⲛ ϯⲇⲓⲁⲑⲏⲕⲏ ⲛ̀ⲁⲡⲁⲥ ⲛⲉⲙϯⲇⲓⲁⲑⲏⲕⲏ ⲙ̀ⲃⲉⲣⲓ ⲛⲉⲙⲛⲓⲡⲣⲁⲝⲓⲥ ⲛ̀ⲧⲉⲛⲓ⳥ ϩⲁⲣⲁ ⲧⲉⲛϫⲓⲛⲥⲁϫⲓ ⲟⲩⲱⲛϩ ⲙ̀ⲙⲟⲛ

ⲁⲩⲓ̀ ⲛ̀ϫⲉⲛⲓⲉⲕⲱⲧ ⲛⲉⲙⲛⲓⲁⲣⲭⲏⲧⲉⲕⲧⲱⲛ ⲛⲉⲙⲛⲓⲥⲁϧ ⲛ̀ⲧⲟⲩⲥϧⲁⲓ ⲙ̀ⲡⲁⲓϫⲱⲙ ⲫⲁⲓ ⲉⲧⲉⲙⲙⲁⲩ ⲡⲓϫⲱⲙⲙⲉⲛ ⲟⲩⲁⲓⲡⲉ ⲛⲓⲉⲣⲅⲁⲧⲏⲥⲇⲉ ϩⲁⲛⲙⲏϣ ⲉⲑⲃⲉ ⲫⲁⲓ ⲡⲓϫⲱⲙ ⲉϥⲉⲁⲓⲁⲓ ⲟⲩⲟϩ ⲁϣⲁⲓ ⲁⲙⲱⲓⲛⲓ ⲛⲓⲗⲁⲟⲥ ⲧⲏⲣⲟⲩ ⲛ̀ⲧⲉⲛⲥϧⲁⲓ ⲛ̀ⲟⲩϫⲱⲙ ⲛ̀ⲟⲩⲱⲧ 

ⲕⲁⲧⲁ ⲕⲟⲩϫⲓ ⲕⲟⲩϫⲓ ⲧⲉⲛⲛⲁⲕⲱϯ ⲛ̀ⲥⲁ ⲛⲓⲗⲉⲝⲓⲥ ⲛⲉⲙⲛⲓⲥⲁϫⲓ ⲧⲉⲛⲛⲁⲑⲱⲟⲩϯ ⲛ̀ⲛⲓⲫⲓⲣⲓ ⲛⲉⲙϯⲥⲟⲫⲓⲁ ⲛ̀ⲧⲉⲛⲉⲛⲓⲟϯ ⲕⲉ ⲡⲁⲗⲓⲛ ⲟⲛ ⲧⲉⲛϭⲓⲥⲃⲱ ⲉⲃⲟⲗϩⲓⲧⲉⲛ ⲧⲟⲩⲡⲟⲗⲏⲧⲓⲁ 

ⲁⲗⲏⲑⲱⲥⲅⲁⲣ ϧⲉⲛⲟⲩⲙⲉⲑⲙⲏⲓ ⲧⲉⲛⲉⲣⲭⲣⲓⲁ ⲛ̀ⲧⲉⲛⲙⲟϣⲓ ⲛ̀ⲥⲁ ⲡⲓⲗⲟⲅⲟⲥ ⲛ̀ⲧⲉⲛⲓⲥⲁⲃⲉⲩ ⲉⲧⲁⲩϭⲓⲙⲱⲓⲧ ϧⲁϫⲱⲟⲩ ⲛ̀ⲛⲟⲩⲙⲑⲏⲧⲏⲥ ⲛⲁⲓ ⲉⲧⲁⲩⲧⲥⲁⲃⲉ ⲛⲉⲛⲓⲟϯ ⲁ̀ⲛⲟⲛⲇⲉ ϩⲱⲛ ⲉⲛⲉϫⲉⲙϯⲡⲓ ⲟⲩⲟϩ ⲁⲛⲁⲩ ϫⲉⲥϩⲟⲗϫ ⲛ̀ϫⲉϯⲥⲟⲫⲓⲁ ⲛ̀ⲧⲉⲛⲓⲑⲙⲏⲓ 

ϯⲥⲟⲫⲓⲁ ⲛ̀ⲁⲕⲁⲛⲑⲁ

ⲓⲥ ϩⲏⲡⲡⲉ ⲁⲕϫⲓⲙⲓ ⲛⲁⲕ ⲛ̀ⲟⲩⲥϩⲓⲙⲓ ⲗⲟⲓⲡⲟⲛ ⲡⲓϩⲱⲃ ⲉⲣⲭⲣⲉⲓⲁ ⲉⲑⲣⲉⲕⲉⲣϩⲱⲃ ⲛ̀ϫⲱⲣϩ ⲛⲉⲙⲙⲉⲣⲓ ϫⲉϩⲓⲛⲁ ⲛ̀ⲧⲉⲕϣⲁⲛⲟⲩϣⲕ ⲛⲉⲙⲁⲥ ⲛⲉⲙⲡⲉⲥϣⲏⲣⲓ

ⲉⲣⲉ ⲍⲱⲟⲛ ⲛⲓⲃⲉⲛ ⲙⲉⲓ ⲙ̀ⲡⲉⲧⲓⲛⲓ ⲙ̀ⲙⲟϥ

ⲟⲩ ⲧⲉ ⲧⲕⲟⲓⲛⲱⲛⲓⲁ ⲛ̀ⲟⲩⲟⲩⲱⲛϣ ⲛⲉⲙⲟⲩϩⲓⲏⲃ

ⲁϣ ⲧⲉ ⲧϩⲓⲣⲏⲛⲏ ⲛ̀ⲟⲩⲃⲟⲓϣⲓ ⲛⲉⲙⲟⲩⲟⲩϩⲟⲣ

ϯⲥⲟⲫⲓⲁ ⲧⲏⲣⲥ ⲟⲩ ⲉ̀ⲃⲟⲗ ϩⲓⲧⲉⲛ ϯⲅⲛⲱⲥⲓⲥ ⲟⲩⲟϩ ⲥϣⲟⲡ ⲛⲉⲙⲁⲥ ϣⲁ ⲉⲛⲉϩ

ⲡⲓⲭⲗⲟⲙ ⲛ̀ⲧⲉϯⲥⲟⲫⲓⲁⲡⲉ ⲡϫⲓⲛⲕⲱϯ ⲛ̀ⲥⲁϯⲅⲛⲱⲥⲓⲥ ⲉⲥϯⲟⲩⲱ ⲛ̀ⲟⲩϩⲓⲣⲏⲛⲏ ⲛⲉⲙⲟⲩⲕⲱⲧ

ⲙ̀ⲙⲟⲛϣϫⲟⲙ ⲛ̀ⲟⲩⲣⲉϥϫⲱⲛⲧ ⲉⲑⲙⲁⲓⲟ ⲡⲓⲣⲓⲕⲓⲅⲁⲣ ⲛ̀ⲧⲉⲡⲉϥϫⲱⲛⲧⲡⲉ ⲡⲉϥϩⲉⲓ

ⲙ̀ⲡⲉⲣⲉⲣⲙⲉⲧϣⲟⲃⲓ ⲙ̀ⲡⲉⲙⲑⲟ ⲉ̀ⲃⲟⲗ ⲛ̀ⲛⲓⲣⲱⲙⲓ ⲙⲁϩⲑⲏⲕ ⲉ̀ⲣⲱⲕ ⲛⲉⲙⲛⲉⲕⲥⲫⲟⲧⲟⲩ

ⲙ̀ⲡⲉⲣϭⲓⲥⲓ ⲙ̀ⲙⲟⲕ ϫⲉⲛ̀ⲛⲉⲕϩⲉⲓ ⲛ̀ⲧⲉⲕⲓⲛⲓ ⲛ̀ⲟⲩϣⲱϣ ⲉ̀ϫⲉⲛⲧⲉⲕⲯⲩⲭⲏ

ⲓⲥϫⲉ ⲭⲛⲁϯ ⲙ̀ⲡⲉⲕⲟⲩⲟⲓ ⲉ̀ⲉⲣⲃⲱⲕ ⲛ̀ϯⲙⲉⲑⲙⲏⲓ ⲥⲉⲃⲧⲉⲧⲉⲕⲯⲩⲭⲏ ⲉ̀ϩⲁⲛⲡⲓⲣⲁⲥⲙⲟⲥ

ⲥⲟⲩⲧⲉⲛ ⲡⲉⲕϩⲏⲧ ⲟⲩⲟϩ ϥⲁⲓ ⲉ̀ⲣⲟⲕ ⲛ̀ⲧⲉⲕϣ̀ⲧⲉⲙϫⲁⲡϫⲉⲡ ϧⲉⲛⲡⲥⲏⲟⲩ ⲛ̀ⲛⲉⲕϧⲓⲥⲓ

ϩⲱⲃⲛⲓⲃⲉⲛ ⲉⲑⲛⲏⲟⲩ ⲉ̀ϫⲱⲕ ϣⲟⲡⲟⲩ ⲉ̀ⲣⲟⲕ ⲛ̀ⲧⲉⲕϣⲱⲡⲓ ⲛ̀ⲣⲉϥⲱⲟⲩⲛϩⲏⲧ ϧⲉⲛⲡⲕⲁϩⲓ ⲙ̀ⲡⲉⲕⲑⲉⲃⲓⲟ

ϫⲉⲉ̀ϣⲁⲩⲉⲣⲇⲟⲕⲓⲙⲁⲍⲓⲛⲅⲁⲣ ⲙ̀ⲡⲓⲛⲟⲩⲃ ϩⲓⲧⲉⲛⲡⲓⲭⲣⲱⲙ ⲛⲓⲥⲱⲧⲡ ϩⲱⲧⲉⲛ ⲛ̀ⲧⲉⲛⲓⲣⲱⲙⲓ ϧⲉⲛⲟⲩϩⲣⲱ ⲛ̀ⲑⲉⲃⲓⲟ

ϩⲁⲛⲙⲏϣⲅⲁⲣ ⲛⲏⲉⲑⲙⲉⲩⲓ ⲛ̀ϧⲏⲧⲟⲩ ⲡⲗⲁⲛⲁⲛ ⲙ̀ⲙⲱⲟⲩ ⲟⲩⲟϩ ⲁⲛⲟⲩⲙⲉⲩⲓ ⲉⲧϩⲱⲟⲩ ϯⲥⲗⲁϯ ⲙ̀ⲙⲱⲟⲩ

ⲁⲗⲏⲑⲱⲥ ⲡⲉⲧϣⲁⲛϣ ⲉⲡⲉϫⲁϫⲓ ⲉϥⲉⲣⲛⲟⲃⲓ ⲉⲣⲟϥ ⲙ̀ⲙⲓⲛⲙ̀ⲙⲟϥ

ⲁⲣⲉϩⲇⲉ ⲉ̀ⲣⲱⲧⲉⲛ ⲉ̀ⲃⲟⲗϩⲁⲛⲓⲥⲁϧ ⲛ̀ⲛⲟⲩϫ ⲛⲏⲉⲑⲛⲏⲟⲩ ϩⲁⲣⲱⲧⲉⲛ ϧⲉⲛϩⲁⲛϩⲉⲃⲥⲱ ⲛⲉⲥⲱⲟⲩ ⲥⲁϧⲟⲩⲛⲇⲉ ⲙ̀ⲙⲱⲟⲩ ϩⲁⲛⲟⲩⲱⲛϣ ⲛ̀ⲣⲉϥϩⲱⲗⲉⲙ ⲛⲉ

ⲡϩⲏⲧ ⲙ̀ⲡⲥⲁⲃⲉ ϣⲁϥⲙⲉⲩⲓ ⲉⲟⲩⲡⲁⲣⲁⲃⲟⲗⲏ ⲟⲩⲟϩ ⲫⲟⲩⲱϣ ⲛ̀ⲟⲩⲥⲁⲃⲉⲡⲉ ⲟⲩⲙⲁϣϫ.

ⲙⲁϩⲑⲏⲕ ⲉⲡⲓⲥⲏⲟⲩ ⲛ̀ⲧⲉⲕⲁⲣⲉϩ ⲉⲣⲟⲕ

ⲙ̀ⲡⲉⲣⲁⲙⲟⲛⲓ ⲛ̀ⲟⲩⲥⲁϫⲓ ϧⲉⲛⲟⲩⲥⲏⲟⲩ ⲛ̀ⲟⲩϫⲁⲓ ⲉ̀ϣⲁⲩⲥⲟⲩⲉⲛϯⲥⲟⲫⲓⲁⲅⲁⲣ ϧⲉⲛⲡⲓⲥⲁϫⲓ ⲟⲩⲟϩ ϯⲙⲉⲧⲥⲁⲃⲉ ϧⲉⲛⲡⲥⲁϫⲓ ⲙ̀ⲡⲓⲗⲁⲥ

ⲡⲉϫⲉ ⲡⲓⲥⲟⲫⲟⲥ ϫⲉⲓⲥϫⲉ ⲁⲛⲟⲕ ⲟⲩⲥⲟⲫⲟⲥⲡⲉ ⲛ̀ϯⲉⲙⲓ ⲁⲛ ⲟⲩⲁⲓ ⲗⲇⲉ ⲡⲉϯⲥⲱⲟⲩⲛ ⲙ̀ⲙⲟϥ ϫⲉϯⲥⲱⲟⲩⲛ ⲛ̀ϩⲗⲓ ⲁⲛ

ⲙⲉⲛⲣⲉϯⲙⲉⲑⲙⲏⲓ ϫⲉⲙ‌ⲡⲁⲣⲉϯⲥⲟⲫⲓⲁ ϣⲉ ⲉϧⲟⲩⲛ ⲉⲟⲩⲯⲩⲭⲏ ⲉⲥϩⲱⲟⲩ ϯⲥⲟⲫⲓⲁⲅⲁⲣ ϣⲁⲥⲫⲱⲧ ⲉ‌ⲃⲟⲗ ⲛ‌ⲭⲣⲟϥ ⲛⲓⲃⲉⲛ 

ϫⲉϣⲁⲩϫⲓⲙⲓ ⲙ‌ⲙⲟⲥ ⲛ‌ϫⲉ ⲛⲏⲉⲧⲉ ⲛ‌ⲥⲉⲉⲣⲡⲓⲣⲁⲍⲓⲛ ⲙ‌ⲙⲟⲥ ϣⲁⲥⲟⲩⲱⲛϩ ⲉ‌ⲃⲟⲗ ⲛ‌ⲛⲏⲉⲧⲉ ⲛ‌ⲥⲉⲟⲓ ⲛ‌ⲁⲑⲛⲁϩϯ ⲉ‌ⲣⲟⲥ

ϯⲥⲟⲫⲓⲁⲅⲁⲣ ⲥⲕⲓⲙ ⲉ‌ϧⲟⲩⲛ ⲉ‌ⲛⲏⲉⲧⲕⲓⲙ ⲧⲏⲣⲟⲩ ⲥⲫⲟϩ ⲟⲩⲟϩ ⲉⲥⲛⲏⲟⲩ ⲉ‌ⲃⲟⲗ ϩⲓⲧⲉⲛ ⲡⲧⲏⲣϥ ⲉⲑⲃⲉ ⲡⲉⲥⲧⲟⲩⲃⲟ

ⲟⲩⲟⲩⲱⲓⲛⲓⲅⲁⲣ ⲧⲉ ⲛ‌ⲧⲉⲡⲓⲟⲩⲱⲓⲛⲓ ⲛⲉⲛⲉϩ ⲟⲩⲟϩ ⲧϩⲓⲕⲱⲛ ⲛ‌ⲧⲉⲧⲉϥⲙⲉⲧⲁⲅⲁⲑⲟⲥ ⲧⲉ

ⲟⲩ ⲓⲧⲉ ⲉⲥϫⲉⲙϫⲟⲙ ⲉ‌ϩⲱⲃ ⲛⲓⲃⲉⲛ ⲟⲩⲟϩ ⲥⲭⲏ ϧⲁⲣⲓϧⲁⲣⲟⲥ ⲉⲥⲓⲣⲓ ⲙⲡⲧⲏⲣϥ ⲙ‌ⲃⲉⲣⲓ ⲟⲩⲟϩ ⲕⲁⲧⲁ ⲅⲉⲛⲉⲁ ⲉⲥϣⲉ ⲉ‌ϧⲟⲩⲛ ⲉ‌ϩⲁⲛⲯⲩⲭⲏ ⲉⲩⲟⲩⲁⲃ ⲉⲥⲓⲣⲓ ⲙ‌ⲙⲱⲟⲩ ⲛ‌ϩⲁⲛⲥⲟⲫⲟⲥ

ⲥⲉϫⲟⲩϣⲧ ϫⲉⲁⲣⲏⲟⲩ ⲁⲥϫⲟⲥ ⲛ‌ϩⲁⲛⲙⲏⲓⲛⲉ ⲉⲩⲉⲣⲇⲟⲕⲓⲙⲁⲍⲓⲛ ⲙ‌ⲫⲏⲉⲑⲛⲁϣⲱⲡⲓ ⲁⲩϣⲁⲛⲙⲟϣⲓ ⲛ‌ⲥⲁ ϯⲥⲟⲫⲓⲁ

ⲛ‌ⲧⲁⲥϯϩⲏⲟⲩ ⲙ‌ⲙⲟⲛ ⲛ‌ⲟⲩ ⲛ‌ϫⲉⲧⲉⲛⲙⲉⲧϭⲁⲥⲓϩⲏⲧ

ⲛⲁⲓⲛⲉ ⲛⲓⲉⲛⲧⲟⲗⲏ ⲛ̀ⲧⲉⲡⲓⲥⲁⲃⲉ ⲉ̀ⲧⲁⲧⲥⲟⲫⲓⲁ ⲉⲣⲟⲩⲱⲓⲛⲓ ⲉ̀ⲣⲟϥ

ⲛ̀ⲛⲉⲕϧⲱⲧⲉⲃ

ⲛ̀ⲛⲉⲕⲉⲣⲛⲱⲓⲕ

ⲛ̀ⲛⲉⲕϭⲓⲟⲩⲓ

ⲛ̀ⲛⲉⲕⲑⲓϧⲓ

ⲛ̀ⲛⲉⲕⲉⲣⲙⲉⲑⲣⲉ ⲛ̀ⲛⲟⲩϫ

ⲡⲉϫⲉ ⲡⲁⲥⲁϧ ϣⲁϥⲓⲕ ⲡϣⲏⲣⲓ ⲛ‌ⲇⲁⲙⲓⲁⲛⲟⲥ ⲛⲏⲓ

ϫⲉⲱⲟⲩⲛⲓⲁⲧϥ ⲙ‌ⲡⲓⲣⲱⲙⲓ ⲉⲧⲭⲱ ⲛ‌ⲥⲱϥ ⲛ‌ϯⲙⲉⲧϭⲁⲥⲓϩⲏⲧ ⲛⲉⲙϯϩⲟϯ ϩⲓⲛⲁ ⲛ‌ⲧⲉϥⲕⲱϯ ⲛ‌ⲥⲁϯⲁⲗⲏⲑⲓⲁ

ⲁⲡⲟⲧⲁⲥⲥⲉ ⲛ‌ⲧⲕⲁⲧⲁⲗⲁⲗⲓⲁ ⲛ‌ⲧⲉⲕϣⲧⲉⲙⲟⲩⲉⲙⲧⲥⲁⲣⲝ ⲛ‌ⲧⲉⲛⲉⲕⲥⲛⲏⲟⲩ

ⲱⲟⲩⲛⲓⲁⲧϥ ⲙ‌ⲫⲏⲉⲧⲕⲱϯ ⲛ‌ⲥⲁϯⲅⲛⲱⲥⲓⲥ ⲙ‌ⲙⲏⲓ ϫⲉⲥⲛⲁϭⲓⲙⲱⲓⲧ ϧⲁϫⲱϥ

ⲁⲡⲟⲧⲁⲥⲥⲉ ⲛ‌ϯⲙⲉⲧϭⲁⲥⲓϩⲏⲧ ⲛ‌ⲧⲉⲕϣⲧⲉⲙⲣⲓⲕⲓ ⲥⲁⲃⲟⲗ ⲥⲁⲃⲟⲗ ⲛ‌ϯⲙⲉⲑⲙⲏⲓ

ⲱⲟⲩⲛⲓⲁⲧϥ ⲙ‌ⲫⲏⲉⲧⲉⲣⲉⲧⲓⲛ ⲛ‌ⲧⲥⲟⲫⲓⲁ ϫⲉϥⲛⲁⲉⲣⲥⲁⲃⲉ

ⲁⲡⲟⲧⲁⲥⲥⲉ ⲙ‌ⲡϫⲱⲛⲧ ⲛⲉⲙⲫⲙⲟⲥϯ ⲛ‌ⲧⲉⲕϣⲧⲉⲙⲛⲉϫⲙⲁⲧⲟⲩ ⲉⲧⲉⲕⲯⲩⲭⲏ

ⲱⲟⲩⲛⲓⲁⲧϥ ⲙ‌ⲡⲓⲇⲓⲕⲉⲟⲥ ϫⲉϣⲁϥϯϩⲁⲡ ϧⲉⲛⲟⲩⲙⲉⲑⲙⲏⲓ ⲛⲉⲙⲟⲩⲥⲱⲟⲩⲧⲉⲛ

ⲁⲡⲟⲧⲁⲥⲥⲉ ⲛ‌ϯⲙⲉⲧⲁⲙⲉⲗⲏⲥ ϫⲉϣⲁⲣⲉ ⲫⲣⲏ ϣⲁⲓϩⲓϫⲱⲕ ⲟⲩⲟϩ ⲡⲓⲉϩⲟⲟⲩ ϣⲁϥⲥⲓⲛⲓ ⲙ‌ⲡⲁⲧⲉⲕⲉⲣⲡⲉⲑⲛⲁⲛⲉϥ

ⲱⲟⲩⲛⲓⲁⲧϥ ⲙ‌ⲫⲏⲉⲧⲉⲣⲙⲉⲗⲉⲧⲁⲛ ϧⲉⲛⲛⲓⲥⲃⲱⲟⲩⲓ ϫⲉϥⲛⲁϫⲫⲟ ⲛⲁϥ ⲛ‌ⲧⲉⲡⲓⲥⲧⲏⲙⲏ

ⲁⲡⲟⲧⲁⲥⲥⲉ ⲛ‌ϯⲙⲉⲧⲁⲧⲉⲙⲓ ⲟⲩⲟϩ ϩⲉⲛⲕ ⲥⲁⲃⲟⲗ ⲙ‌ⲙⲟⲥ ⲕⲁⲧⲁⲫⲣⲏϯ ⲉⲧⲁ ⲫⲟⲩⲱⲓⲛⲓ ϭⲟϫⲓ ⲛ‌ⲥⲁⲡⲭⲁⲕⲓ ϩⲟⲡⲱⲥ ⲛ‌ⲧⲉⲕⲥⲱⲟⲩⲛ ⲛ‌ⲛⲓⲙⲓⲧⲱⲟⲩⲓ ⲉ‌ⲧϭⲓ ⲉⲡⲱⲛϧ ⲙ‌ⲙⲏⲓ

ⲁⲓⲟⲩⲛⲟϥ ⲉ‌ϫⲉⲛⲛⲏⲉⲧⲁⲩϫⲟⲥ ⲛⲏⲓ ϫⲉⲧⲉⲛⲛⲁϣⲉⲛⲁⲛ ⲉ‌ϯⲃⲓⲃⲗⲓⲟⲑⲏⲕⲏ

ⲁ‌ⲛⲟⲛ ϩⲱϯ ⲉ‌ⲣⲟⲛⲡⲉ ⲛ‌ⲧⲉⲛⲉⲣϩⲱⲃ ⲉ‌ⲛⲓϩⲃⲏⲟⲩⲓ‌ ⲉ‌ⲑⲛⲁⲛⲉϥ ϩⲱⲥ ⲡⲓⲉ‌ϩⲟⲟⲩⲡⲉ ϩⲓⲛⲁ ⲛ‌ⲧⲉⲛⲥⲓϯ ⲛ‌ⲧⲁⲅⲁⲡⲏ ⲛⲉⲙⲧϩⲓⲣⲏⲛⲏ ⲛⲉⲙⲧⲇⲓⲕⲉⲟⲩⲥⲩⲛⲏ ϧⲉⲛⲡⲉⲛⲕⲁϩⲓ ϩⲓⲛⲁⲛ‌ⲧⲉⲛⲱⲥϧ ⲛ‌ⲧⲥⲟⲫⲓⲁ ⲛⲉⲙϯⲅⲛⲱⲥⲓⲥ ⲛⲉⲙϯⲙⲉⲑⲙⲏⲓ

ⲫⲏⲉⲧⲉ ⲟⲩⲟⲛ ⲙⲁϣϫ ⲙ‌ⲙⲟϥ ⲙⲁⲣⲉϥⲥⲱⲧⲉⲙ ⲟⲩⲟϩ ⲙⲁⲣⲉϥϧⲟⲧϧⲉⲧ ϧⲉⲛⲛⲓⲥⲁϫⲓ ϫⲉⲡⲓⲥⲁⲃⲉ ϧⲟⲧϧⲉⲧ ⲛ‌ⲉⲛⲭⲁⲓ ⲛⲓⲃⲉⲛ ⲛⲉⲙⲉⲧϣⲏⲕ ⲛ‌ϯⲅⲛⲱⲥⲓⲥ

ⲡⲓϩⲟϥ ⲛⲉⲙⲡⲓⲃⲁϣⲟⲩⲣ

 ⲟⲩⲡⲣⲉⲡⲱⲛ ⲡⲉ ⲟⲩⲟϩ ⲟⲩⲟⲇⲓⲕⲁⲓⲟⲛⲡⲉ ⲉⲑⲣⲓϫⲟⲥ ⲛⲱⲧⲉⲛ ϫⲉⲛⲉⲟⲩⲟⲛ ⲟⲩϩⲁⲙϣⲉ ⲙ̀ⲙⲁⲩ ⲉⲟⲩⲟⲛⲧⲉϥ ⲟⲩⲃⲁϣⲟⲩⲣ ⲟⲩⲟϩ ⲉⲧⲁⲣⲟⲩϩⲓⲇⲉ ϣⲱⲡⲓ ⲁⲡⲓϩⲁⲙϣⲉ ⲉⲛⲕⲟⲧ ⲛ̀ⲧⲉϥϩⲓⲛⲓⲙ ⲁⲟⲩϩⲟϥ ⲓ̀ ⲉⲃⲟⲗϧⲉⲛⲟⲩⲭⲟⲗ ⲙ̀ⲡⲕⲁϩⲓ. ⲉⲁϥⲙⲟϣⲓⲇⲉ ⲉϫⲉⲛ ⲧⲉϥⲙⲉⲥⲧⲉⲛϩⲏⲧ ⲉϥⲕⲱϮ ⲛ̀ⲥⲁ ⲟⲩϧⲣⲉ ⲁⲡⲓⲃⲁϣⲟⲩⲣ ϫⲱⲧϩ ⲙ̀ⲙⲟϥ ⲁϥϧⲣⲁϫⲣⲉϫⲙⲉⲛ ⲛ̀ⲛⲉϥⲛⲁϫϩⲓ ⲛ̀ϫⲉⲡⲓϩⲟϥ ⲁϥⲕⲱϮ  ⲙ̇ⲡⲕⲱϯ ⲙ̇ⲡⲓⲃⲁϣⲟⲩⲣ ⲁϥϭⲱⲛⲧ ⲉⲟⲩⲉⲙⲡⲓⲃⲁϣⲟⲩⲣ ⲁⲗⲗⲁ ⲡⲓⲃⲁϣⲟⲩⲣ ⲁϥϫⲱⲧϩ ⲛ̀ⲣⲱϥ ⲁϥϫⲱⲛⲇⲉ ⲛ̀ϫⲉⲡⲓϩⲟϥ ⲟⲩⲟϩ ⲁϥⲕⲱϮ ⲙ̇ⲡⲕⲱϯ ⲡⲓⲃⲁϣⲟⲩⲣ ⲛ̀ⲕⲉⲥⲟⲡ ⲁϥⲕⲱⲗ ϩⲓⲛⲁ ⲛ̀ⲧⲉϥϧⲟⲙϧⲉⲙ ⲙ̀ⲡⲓⲁⲃϣⲟⲩⲣ ⲉϥϭⲱⲛⲧ ⲉⲥⲡⲗⲏⲗⲓⲛ ⲙ̀ⲙⲟϥ ⲁⲗⲗⲁ ⲡⲓⲃⲁϣⲟⲩⲣ ⲁϥϫⲱⲧϩ ⲙ̀ⲡⲓϩⲟϥ ⲛ̀ⲥⲁⲥⲁ ⲛⲓⲃⲉⲛ ⲥⲟⲡⲅⲁⲣ ⲛⲓⲃⲉⲛ ⲉⲧⲉ ⲡⲓϩⲟϥ ⲥⲡⲗⲏⲗⲓⲛ ⲙ̀ⲟⲩⲃⲁϣⲟⲩⲣ ⲡⲓⲃⲁϣⲟⲩⲣ ϣⲱⲧ ⲛ̀ⲛⲓⲙⲉⲗⲟⲥ ⲛ̀ⲧⲉⲡⲓϩⲟϥ ⲉϥϯⲙⲃⲟⲛ ⲙ̀ⲙⲟϥ 

ⲉⲡϧⲁⲉⲇⲉ ⲁϮⲙⲉⲧϭⲁⲥⲓϩⲏⲧ ⲛⲉⲙⲡⲓⲙⲃⲟⲛ ⲛ̀ⲧⲉⲡⲓϩⲟϥ ⲧⲁⲕⲟϥ. ⲉⲧⲁⲧⲟⲟⲩⲓⲇⲉ ϣⲱⲡⲓ ⲁϥⲛⲉϩⲥⲓ ⲛ̇ϫⲉⲡⲓϩⲁⲙϣⲉ ⲁϥⲧⲟⲩⲃⲟ ⲙ̇ⲡⲓⲃⲁϣⲟⲩⲣ ⲟⲩⲟϩ ⲁϥⲑⲱⲟⲩϯ ⲙ̇ⲡⲥⲱⲙⲁ ⲛ̇ⲧⲉⲡⲓϩⲟϥ ⲉⲧⲁϥⲙⲟⲩ ⲟⲩⲟϩ ⲁϥⲑⲟⲙⲥϥ

ⲁⲛⲟⲛⲇⲉ ϩⲱⲛ ⲱ ⲛⲁⲙⲉⲛⲣⲁϯ ⲙⲁⲣⲉⲛⲉⲣⲫⲙⲉⲩⲓ ϫⲉⲛⲓⲉⲣϧⲟⲧ ⲛ̇ⲥⲱⲙⲁⲧⲓⲕⲟⲥ ϯⲙⲕⲁϩ ⲛⲁⲛ ⲙⲟⲛⲟⲛ ⲡⲗⲏⲛ ⲡⲓϫⲱⲛⲧ ⲛⲉⲙϯⲙⲉⲧϭⲁⲥⲓϩⲏⲧ ⲥⲉⲟⲛⲓ ⲛ̇ⲟⲩⲫⲁⲣⲙⲁⲅⲓⲁ ⲉⲧⲧⲁⲕⲟ ⲛ̇ⲧⲯⲩⲭⲏ ⲕⲉ ⲡⲁⲗⲓⲛ ⲟⲛ ⲙⲁⲣⲉⲛⲙⲟϣⲓ ⲙⲫⲣⲏϯ ⲛ̇ⲛⲓⲥⲁⲃⲉⲩ ⲡⲉϫⲉ ⲡⲓⲥⲟⲫⲟⲥ ϫⲉϣⲱⲡⲓⲟⲩⲛ ⲉⲣⲉⲧⲉⲛⲟⲓ ⲛ̇ⲥⲁⲃⲉ ⲙ̇ⲫⲣⲏϯ ⲛ̇ⲛⲓϩⲱϥ ⲁⲗⲗⲁ ⲁⲣⲉⲧⲉⲛⲉⲙⲓ ϯⲛⲟⲩ ϫⲉⲡϫⲱⲛⲧ ⲛⲉⲙϯⲙⲉⲧϭⲁⲥⲓϩⲏⲧ ϣⲁⲩⲭⲱⲣϥ ⲛ̇ϯⲥⲟⲫⲓⲁ ⲉⲧϭⲓⲙⲱⲓⲧ ϧⲁϫⲱⲛ ⲙⲁⲣⲉⲛⲙⲟϣⲓ ϧⲉⲛⲟⲩϩⲩⲡⲟⲙⲟⲛⲏ ⲕⲁⲧⲁⲡⲥⲁϫⲓ ⲛ̇ⲁⲡⲁ ⲡⲁϧⲱⲙ ϫⲉϣⲱⲡⲓ ⲛ̀ϩⲁⲣϣϩⲏⲧ ϫⲉⲉⲕⲉⲱⲡ ⲉⲡⲓⲁⲣⲓⲑⲙⲟⲥ ⲛ̀ⲛⲓⲥⲁⲃⲉⲩ

ⲯⲁⲗⲙⲟⲥ ⲫⲁ ⲧⲁⲁⲥⲡⲓ

ϩⲓϫⲉⲛ ⲫⲓⲁⲣⲟ ⲛ‌ⲭⲏⲙⲓ ⲁⲓϩⲉⲙⲥⲓ ⲙ‌ⲙⲁⲩ

ⲟⲩⲟϩ ⲙ‌ⲡⲓⲣⲓⲙⲓ ⲉ‌ⲡϫⲓⲛϯⲉⲣⲫⲙⲉⲩⲓ ⲛ‌ϯⲁⲥⲡⲓ ⲛ‌ⲣⲉⲙⲛ‌ⲭⲏⲙⲓ

ϩⲓϫⲉⲛ ⲛⲓⲃⲱ ⲛ‌ⲕⲉⲛⲧⲉ ϧⲉⲛⲧⲉϥⲙⲏϯ ⲁⲓⲓϣⲓ ⲛ‌ⲧⲁⲕⲩⲑⲁⲣⲁ

ⲉ‌ϣⲱⲡ ⲁⲓϣⲁⲛⲉⲣⲡⲉⲱⲃϣ ⲛ̀ⲧⲁⲁⲥⲡⲓ ⲉⲓⲉ‌ⲉⲣⲡⲱⲃϣ ⲛ‌ⲧⲁⲟⲩⲓⲛⲁⲙ:
ⲡⲁⲗⲁⲥ ⲉϥⲉ‌ϫⲱⲗϫ ⲉ‌ⲧⲁϣⲃⲱⲃⲓ ⲉ‌ϣⲱⲡ ⲁⲓϣⲧⲉⲙⲉⲣⲡⲉⲙⲉⲩⲓ

ⲛ‌ϯⲛⲁϭⲓϣⲓⲡⲓ ⲁⲛ ϫⲉϯⲟⲓ ⲛ‌ⲁⲑⲛⲟⲃⲓ ⲉⲃⲟⲗϩⲁ ⲡⲧⲁⲕⲟ ⲛ‌ⲧⲁⲁⲥⲡⲓ

ⲕⲉ ⲡⲁⲗⲓⲛ ⲟⲛ ϯϯϩⲁⲡ ⲁⲛ ⲉⲛⲁⲓⲟϯ

ⲛ‌ϯⲛⲁⲣⲓⲙⲓⲅⲁⲣ ⲁⲛ ϫⲉϯⲛⲁⲁⲣⲉϩ ⲉⲧⲁⲕⲗⲏⲣⲟⲛⲟⲙⲓⲁ

ⲧⲉⲣⲃⲟⲛⲏ ⲛⲟⲩⲥ ⲛ‌ⲧⲉⲗⲉⲟⲥ

ⲛ‌ⲧⲁⲧⲁⲧⲟⲩⲓ ⲁⲛⲟⲕ ⲉⲃⲟⲗϧⲉⲛϫⲟⲙ
ⲟⲩⲟϩ ⲛ‌ⲧⲁⲓ‌ ϣⲁⲛⲏⲉⲧⲙⲉⲩⲓ ⲉⲣⲟⲓ
ⲟⲩⲟϩ ⲁⲓϫⲓⲙⲓ ⲙ‌ⲙⲟⲓ ϧⲉⲛⲛⲏⲉⲧϣⲓⲛⲓ ⲛ‌ⲥⲱⲓ
ⲉⲛⲁⲩⲉⲣⲟⲓ ⲛⲏⲉⲧⲙⲉⲩⲓ ⲉⲣⲟⲓ
ⲟⲩⲟϩ ⲛ‌ⲓⲣⲉϥⲥⲱⲧⲉⲙ ⲥⲱⲧⲉⲙ ⲉⲣⲟⲓ
ⲛⲏⲉⲧϫⲟⲩϣⲧ ⲉⲃⲟⲗϧⲁⲧϩⲏⲓ ϣⲟⲡⲧ ⲉⲣⲱⲧⲉⲛ

ⲟⲩⲟϩ ⲙ‌ⲡⲉⲣⲫⲱⲧ ⲛ‌ⲥⲱⲓ ⲙ‌ⲡⲉⲙⲑⲟ ⲛ‌ⲛⲉⲧⲉⲛⲃⲁⲗ ⲉⲃⲟⲗ
ⲟⲩⲟϩ ⲙ‌ⲡⲉⲣⲑⲣⲉ ⲡⲉⲧⲉⲛϧⲣⲱⲟⲩ ⲙⲉⲥⲧⲱⲓ
ⲙ‌ⲡⲉⲣⲉⲣⲁⲧⲥⲱⲟⲩⲛ ⲙ‌ⲙⲟⲓ ⲕⲁⲧⲁ ⲙⲁ ⲓⲉ ⲕⲁⲧⲁ ⲕⲉⲥⲏⲟⲩ
ⲁⲣⲉϩ ⲙ‌ⲡⲉⲣⲉⲣⲁⲧⲥⲱⲟⲩⲛ ⲙ‌ⲙⲟⲓ
ⲁⲛⲟⲕⲅⲁⲣ ⲧⲉ ⲧϣⲟⲣⲡ ⲟⲩⲟϩ ⲧϧⲁⲉ
ⲁⲛⲟⲕⲧⲉ ⲑⲏⲉⲧⲧⲁⲓⲏⲟⲩⲧ ⲟⲩⲟϩ ⲑⲏⲉⲧϣⲏϣ
ⲁⲛⲟⲕⲧⲉ ⲧⲡⲟⲣⲛⲏ ⲟⲩⲟϩ ⲧⲥⲉⲙⲛⲏ
ⲁⲛⲟⲕⲧⲉ ϯⲥϩⲓⲙⲓ ⲟⲩⲟϩ ϯⲡⲁⲣⲑⲉⲛⲟⲥ
ⲁⲛⲟⲕⲡⲉ ϯⲙⲁⲩ ⲟⲩⲟϩ ϯϣⲉⲣⲓ
ⲁⲛⲟⲕ ⲛⲓⲙⲉⲗⲟⲥ ⲛ‌ⲧⲉ ⲧⲁⲙⲁⲩ
ⲁⲛⲟⲕⲧⲉ ϯⲁϭⲣⲏⲛ ⲟⲩⲟϩ ⲛⲁϣⲉ ⲛⲉⲥϣⲏⲣⲓ
ⲁⲛⲟⲕⲧⲉ ⲑⲏⲉⲧϣⲉ ⲡⲉⲥⲅⲁⲙⲟⲥ ⲟⲩⲟϩ ⲙ‌ⲡⲓϭⲓϩⲁⲓ
ⲁⲛⲟⲕⲧⲉ ⲑⲙⲉⲥⲓⲱ ⲟⲩⲟϩ ⲑⲏⲉⲧⲉ ⲙ‌ⲡⲉⲥⲙⲓⲥⲓ
ⲁⲛⲟⲕⲡⲉ ⲡⲥⲟⲗⲥⲉⲗ ⲛ‌ⲛⲁⲁⲛⲁⲁⲕⲉ
ⲁⲛⲟⲕⲧⲉ ⲧϣⲉⲗⲉⲧ ⲟⲩⲟϩ ⲡⲓⲡⲁⲧϣⲉⲗⲉⲧ ⲟⲩⲟϩ ⲡⲁϩⲱⲟⲩⲧ ⲡⲉⲛⲧⲁϥϫⲫⲟⲓ

ⲁⲛⲟⲕⲧⲉ ⲑⲙⲁⲩ ⲛ‌ⲧⲉ ⲡⲁⲓⲱⲧ ⲟⲩⲟϩ ⲧⲥⲱⲛⲓ ⲙ‌ⲡⲁϩⲱⲟⲩⲧ
ⲟⲩⲟϩ ⲛ‌ⲑⲟϥ ⲡⲉ ⲡⲁϣⲏⲣⲓ
ⲁⲛⲟⲕⲧⲉ ϯⲃⲱⲕⲓ ⲙ‌ⲡⲉⲛⲧⲁϥⲥⲉⲃⲧⲱⲧ
ⲁⲛⲟⲕⲧⲉ ⲧϭⲟⲓⲥ ⲙ‌ⲡⲁϫⲫⲟ
ⲛ‌ⲑⲟϥⲇⲉ ⲡⲉⲛⲧⲁϥϫⲫⲟⲓ ϧⲁⲧϩⲏ ⲙ‌ⲡⲁⲥⲏⲟⲩ ϧⲉⲛ ⲟⲩϩⲟⲩⲙⲓⲥⲓ
ⲟⲩⲟϩ ⲧⲁⲇⲩⲛⲁⲙⲓⲥ ⲟⲩⲉⲃⲟⲗⲛ‌ϧⲏⲧϥⲧⲉ
ⲁⲛⲟⲕ ⲡϭⲁⲣⲱⲃ ⲛ‌ⲧⲉϥϫⲟⲙ ϧⲉⲛⲧⲉϥⲙⲉⲧϣⲏⲙ
ⲟⲩⲟϩ ⲛ‌ⲑⲟϥⲡⲉ ⲧⲕⲉⲗⲉⲗⲓ ⲛ‌ⲧⲁⲙⲉⲧϧⲉⲗⲗⲱ
ⲟⲩⲟϩ ⲡⲉⲧⲁϥⲟⲩⲟϣϥ ϣⲁϥϣⲱⲡⲓ ⲙ‌ⲙⲟⲓ
ⲁⲛⲟⲕⲡⲉ ⲡⲭⲁⲣⲱϥ ⲉⲧⲉ ⲙ‌ⲡⲁⲩϣⲧⲁϩⲟϥ
ⲟⲩⲟϩ ⲧⲉⲡⲓⲛⲟⲓⲁ ⲉⲧⲉ ⲛⲁϣⲉ ⲡⲉⲥⲉⲣⲫⲙⲉⲩⲓ
ⲁⲛⲟⲕⲧⲉ ϯⲥⲙⲏ ⲉⲧⲉ ⲛⲁϣⲉ ⲡⲉⲥϧⲣⲱⲟⲩ
ⲟⲩⲟϩ ⲡⲓⲗⲟⲅⲟⲥ ⲉⲧⲉ ⲛⲁϣⲉ ⲡⲉϥⲓ‌ⲛⲓ
ⲁⲛⲟⲕⲡⲉ ⲡⲥⲁϫⲓ ⲙ‌ⲡⲁⲣⲁⲛ
ⲉⲑⲃⲉⲟⲩ ⲛⲏⲉⲑⲙⲟⲥϯ ⲙ‌ⲙⲟⲓ ⲧⲉⲧⲉⲛⲙⲉⲓ ⲙ‌ⲙⲟⲓ ⲟⲩⲟϩ ⲧⲉⲧⲉⲛⲙⲟⲥϯ ⲛ‌ⲛⲏⲉⲑⲙⲉⲓ ⲙ‌ⲙⲟⲓ
ⲛⲏⲉⲧⲉⲣⲁⲣⲛⲓ ⲙ‌ⲙⲟⲓ ⲉⲣϩⲓⲙⲟⲗⲟⲅⲓⲛ ⲙ‌ⲙⲟⲓ ⲟⲩⲟϩ ⲛⲏⲉⲧⲉⲣϩⲓⲙⲟⲗⲟⲅⲓⲛ ⲙ‌ⲙⲟⲓ ⲉⲣⲁⲣⲛⲓ ⲙ‌ⲙⲟⲓ
ⲛⲏⲉⲧϫⲉⲙⲉⲑⲛⲟⲩϫ ⲉⲣⲟⲓ ϫⲉ ϯⲙⲉⲑⲙⲏⲓ ⲉⲣⲟⲓ
ⲛⲏⲉⲧϫⲉϯⲙⲉⲑⲙⲏⲓ ⲉⲣⲟⲓ ϫⲉⲙⲉⲑⲛⲟⲩϫ ⲉⲣⲟⲓ
ⲛⲏⲉⲧⲥⲱⲟⲩⲛ ⲙ‌ⲙⲟⲓ ⲉⲣⲁⲧⲥⲱⲟⲩⲛ ⲙ‌ⲙⲟⲓ
ⲟⲩⲟϩ ⲛⲏⲉⲧⲉ ⲙ‌ⲡⲟⲩⲥⲟⲩⲟⲛⲧ ⲙⲁⲣⲟⲩⲥⲟⲩⲟⲛⲧ
ⲁⲛⲟⲕⲅⲁⲣⲡⲉ ⲡⲥⲱⲟⲩⲛ ⲟⲩⲟϩ ϯⲙⲉⲧⲁⲧⲥⲱⲟⲩⲛ
ⲁⲛⲟⲕⲡⲉ ⲡϣⲓⲡⲓ ⲟⲩⲟϩ ⲧⲡⲁⲣϩⲓⲥⲓⲁ
ⲁⲛⲟⲕ ⲟⲩⲁⲧϣⲓⲡⲓⲁⲛⲟⲕ ⲟⲩϫⲫⲏⲓⲧ
ⲁⲛⲟⲕ ⲟⲩⲛⲁϣⲧ
ⲁⲛⲟⲕ ⲟⲩϩⲟϯ
ⲁⲛⲟⲕⲡⲉ ⲡⲓⲡⲟⲗⲉⲙⲟⲥ ⲟⲩⲟϩ ϯϩⲓⲣⲏⲛⲏ
 

ⲙⲁϩⲑⲏⲧⲉⲛ ⲉⲣⲟⲓ ⲁⲛⲟⲕⲧⲉ ⲑⲏⲉⲧⲑⲉⲃⲓⲏⲟⲩⲧ ⲟⲩⲟϩ ⲑⲛⲓϣϯ
ⲙⲁϩⲑⲏⲧⲉⲛ ⲉⲧⲁⲙⲉⲧϩⲏⲕⲓ ⲟⲩⲟϩ ⲧⲁⲙⲉⲧⲣⲁⲙⲁⲟ
ⲙ̀ⲡⲉⲣϭⲓⲥⲓⲛ̇ϩⲏⲧ ⲉⲣⲟⲓ ⲉⲉⲓⲛⲏϫ ⲉⲃⲟⲗϩⲓϫⲉⲛⲡⲕⲁϩⲓ
ⲟⲩⲟϩ ⲧⲉⲧⲉⲛⲛⲁϫⲓⲙⲓ ⲙ̇ⲙⲟⲓ ϧⲉⲛⲛⲉⲧⲉⲛⲑⲏⲛⲟⲩ
ⲟⲩⲟϩ ⲙ̇ⲡⲉⲣⲛⲁⲩ ⲉⲣⲟⲓ ϩⲓⲧⲕⲟⲡⲣⲓⲁ ⲛ̀ⲧⲉⲧⲉⲛϣⲉⲛⲱⲧⲉⲛ ⲛ̇ⲧⲉⲧⲉⲛⲭⲁⲧ ⲉⲓⲛⲏϫ ⲉⲃⲟⲗ
ⲟⲩⲟϩ ⲧⲉⲧⲉⲛⲛⲁϫⲓⲙⲓ ⲙ̇ⲙⲟⲓ ϧⲉⲛⲛⲓⲙⲉⲧⲟⲩⲣⲟ
ⲟⲩⲇⲉ ⲙ̇ⲡⲉⲣⲛⲁⲩ ⲉⲣⲟⲓ ⲉⲓⲛⲏϫ ⲉⲃⲟⲗϧⲉⲛⲛⲏⲉⲧⲑⲉⲃⲓⲏⲟⲩⲧ
ⲟⲩⲟϩ ϧⲉⲛⲛⲓⲉⲗⲁⲭⲓⲥⲧⲟⲥ ⲛ̇ⲧⲟⲡⲟⲥ ⲛ̇ⲛⲉⲧⲉⲛⲥⲱⲃⲓ ⲛ̇ⲥⲱⲓ ⲛ̇ⲥⲱⲓ
ⲟⲩⲇⲉ ⲙ̇ⲡⲉⲣⲛⲟϫⲧ ⲉϩⲣⲏⲓ ⲉⲛⲏⲉⲧϣⲁⲧ ϧⲉⲛⲟⲩⲙⲉⲧⲁⲩⲥⲧⲏⲣⲟⲥ

 

ⲁⲛⲟⲕⲇⲉ ⲁⲛⲟⲕ ⲟⲩϣⲁⲛϩⲑⲏⲥ
ⲟⲩⲟϩ ⲁⲛⲟⲕ ⲟⲩⲁⲧϣⲉⲛϩⲏⲧ
ⲟⲩⲟϩ ⲧⲁⲉⲅⲕⲣⲁⲧⲉⲓⲁ  ⲛ̇ⲛⲉⲧⲉⲛⲙⲉⲛⲣⲓⲧⲥ ϧⲉⲛⲧⲁⲙⲉⲧϫⲱⲃ ⲙ̇ⲡⲉⲣⲃⲟϣⲧⲉⲛ ⲉⲣⲟⲓ
ⲟⲩⲟⲏ ⲛ̇ⲛⲉⲧⲉⲛⲉⲣϩⲟϯ ϧⲁⲧϩⲏ ⲛ̇ⲧⲁϫⲟⲙ
ⲉⲑⲃⲉⲟⲩⲅⲁⲣ ⲧⲉⲧⲉⲛⲛⲕⲁⲧⲁⲫⲣⲟⲛⲓⲛ ⲛ̇ⲧⲁϩⲟϯ
ⲟⲩⲟϩ ⲧⲉⲧⲉⲛⲥⲁϩⲟⲩⲓ ⲙ̇ⲡⲁϣⲟⲩϣⲟⲩ
ⲁⲛⲟⲕⲇⲉ ⲑⲏⲉⲧϣⲟⲡ ϧⲉⲛⲛⲓⲫⲟⲃⲟⲥ ⲧⲏⲣⲟⲩ
ⲟⲩⲟϩ ϥⲛⲁϣⲧ ϧⲉⲛⲓⲟⲩⲥⲧⲱⲧ
ⲁⲛⲟⲕⲇⲉ ⲑⲏⲉⲧϫⲱⲃ
ⲟⲩⲟϩ ⲉⲓⲟⲩⲟϫ ϧⲉⲛⲟⲩϩⲏⲥⲟⲛⲏ ⲛ̇ⲧⲟⲡⲟⲥ
ⲁⲛⲟⲕ ⲟⲩⲁⲧϩⲏⲧ ⲟⲩⲟϩ ⲁⲛⲟⲕ ⲟⲩⲥⲁⲃⲏ

ⲉⲑⲃⲉⲟⲩ ⲁⲧⲉⲧⲉⲛⲙⲉⲥⲧⲱⲧ ϧⲉⲛⲛⲉⲧⲉⲛⲥⲟϭⲛⲓ
ϫⲉϯⲛⲁⲭⲁⲣⲱⲓ ϧⲉⲛⲛⲏⲉⲑⲭⲁⲣⲱⲟⲩ
ⲟⲩⲟϩ ϯⲛⲁⲟⲩⲱⲛϩ ⲉⲃⲟⲗ ⲛ̇ⲧⲁⲥⲁϫⲓ
ⲉⲑⲃⲉⲟⲩ ⲟⲩⲛ ⲁⲧⲉⲧⲉⲛⲙⲉⲥⲧⲱⲧ ⲛⲓϩⲏⲗⲗⲏⲛ 

ⲁⲛⲟⲕ ⲟⲩⲃⲁⲣⲃⲁⲣⲟⲥ ϧⲉⲛⲛⲓⲃⲁⲣⲃⲁⲣⲟⲥ
ⲁⲛⲟⲕⲅⲁⲣⲧⲉ ⲧⲥⲟⲫⲓⲁ ⲛ̇ⲛⲓϩⲏⲗⲗⲏⲛ
ⲟⲩⲟϩ ⲧⲅⲛⲱⲥⲓⲥ ⲛ̇ⲛⲓⲃⲁⲣⲃⲁⲣⲟⲥ
ⲁⲛⲟⲕⲡⲉ ⲡϩⲁⲡ ⲛ̇ⲛⲓϩⲏⲗⲗⲏⲛ ⲛⲉⲙⲛⲓⲃⲁⲣⲃⲁⲣⲟⲥ
ⲁⲛⲟⲕ ⲡⲉⲑⲛⲁϣⲉ ⲡⲉⲥⲓ̇ⲓⲛⲓ ϧⲉⲛⲭⲏⲙⲓ
ⲟⲩⲟϩ ⲑⲏⲉⲑⲙⲉⲧⲁⲧⲓ̇ⲓⲛⲓ ϧⲉⲛⲛⲓⲃⲁⲣⲃⲁⲣⲟⲥ 

ⲁⲛⲟⲕ ⲑⲏⲉⲧⲁⲩⲙⲉⲥⲧⲱⲥ ϧⲉⲛⲙⲁⲓⲛⲓⲃⲉⲛ
ⲟⲩⲟϩ ⲑⲏⲉⲧⲁⲩⲙⲉⲛⲣⲓⲧⲥ ϧⲉⲛⲙⲁⲓⲛⲓⲃⲉⲛ
ⲁⲛⲟⲕ ⲑⲏⲉⲧⲉ ϣⲁⲩⲙⲟⲩϯ ⲉⲣⲟⲥ ϫⲉⲡⲱⲛϧ
ⲟⲩⲟϩ ⲁⲧⲉⲧⲉⲛⲙⲟⲩϯ ϫⲉⲫⲙⲟⲩ
ⲁⲛⲟⲕ ⲑⲏⲉⲧⲉ ϣⲁⲩⲙⲟⲩϯ ⲉⲣⲟⲥ ϫⲉⲫⲛⲟⲙⲟⲥ
ⲟⲩⲟϩ ⲁⲧⲉⲧⲉⲛⲙⲟⲩϯ ϫⲉⲧⲁⲛⲟⲙⲓⲁ
ⲁⲛⲟⲕ ⲑⲏⲉⲧⲁⲧⲉⲧⲉⲛⲫⲱⲧ ⲛ̀ⲥⲱⲓ
ⲁⲛⲟⲕ ⲑⲏⲉⲧⲁⲧⲉⲧⲉⲛⲁⲙⲁϩϯ ⲙ̀ⲙⲟⲓ
ⲁⲛⲟⲕⲧⲉ ⲑⲏⲉⲧⲁⲧⲉⲧⲉⲛϫⲟⲣⲧ ⲉⲃⲟⲗ
ⲟⲩⲟϩ ⲁⲧⲉⲧⲉⲛⲥⲱⲟⲩϩⲧ ⲉϧⲟⲩⲛ
ⲁⲛⲟⲕ ⲑⲏⲉⲧⲁⲧⲉⲛϣⲓⲡⲓ ⲛ̇ϧⲏⲧⲥ
ⲟⲩⲟϩ ⲁⲧⲉⲧⲉⲛⲉⲣⲁⲧϣⲓⲡⲓ ⲛⲏⲓ
ⲁⲛⲟⲕ ⲑⲏⲉⲧⲉ ⲛ̇ⲁⲧⲉⲣϣⲁⲓ
ⲟⲩⲟϩ ⲁⲛⲟⲕ ⲑⲏⲉⲧⲉ ⲛⲁϣⲉ ⲛⲉⲥϣⲁⲓ

ⲁⲛⲟⲕ ⲁⲛⲟⲕ ⲟⲩⲁⲑⲛⲟⲩϯ
ⲟⲩⲟϩ ⲁⲛⲟⲕ ⲑⲏⲉⲧⲉ ⲛⲁϣⲉ ⲛⲉⲥⲛⲟⲩϯ
ⲁⲛⲟⲕ ⲫⲏⲉⲑⲁⲧⲉⲧⲉⲛⲙⲉⲩⲓ ⲉ̇ⲣⲟⲓ ⲟⲩⲟϩ ⲁⲧⲉⲧⲉⲛϣⲟϣⲧ
ⲁⲛⲟⲕ ⲟⲩⲁⲧⲥⲃⲱ
ⲟⲩⲟϩ ⲉⲩϭⲓⲥⲃⲱ ⲉⲃⲟⲗϩⲓⲧⲟⲧ
ⲁⲛⲟⲕⲧⲉ ⲑⲏⲉⲧⲁⲧⲉⲧⲉⲛⲕⲁⲧⲁⲫⲣⲟⲛⲓⲛ ⲙ̇ⲙⲟⲓ
ⲟⲩⲟϩ ⲧⲉⲧⲉⲛⲙⲉⲩⲓ ⲉⲣⲟⲓ
ⲁⲛⲟⲕ ⲫⲏⲉⲧⲁⲧⲉⲧⲉⲛⲭⲱⲡ ⲉⲣⲟⲓ
ⲟⲩⲟϩ ⲁⲧⲉⲧⲉⲛⲟⲩⲱⲛϩ ⲛⲏⲓ ⲉⲃⲟⲗ

ϩⲟⲧⲁⲛⲇⲉ ⲁⲧⲉⲧⲉⲛϣⲁⲛⲭⲱⲡ ⲙ̇ⲙⲱⲧⲉⲛ
ⲁⲛⲟⲕ ϩⲱ ϯⲛⲁⲟⲩⲱⲛϩ ⲉⲃⲟⲗ
ϩⲟⲧⲁⲛⲅⲁⲣ ⲁⲣⲉϣⲁⲛ ⲧⲉⲧⲉⲛⲟⲩⲟⲛϩⲧ ⲉⲃⲟⲗ
ⲁⲛⲟⲕ ϩⲱ ϯⲛⲁⲭⲱⲡ ⲉⲣⲱⲧⲉⲛ

.............
.............

ϥⲓ ⲙ̀ⲙⲟⲓ ϧⲉⲛⲧⲟⲩⲉⲡⲓⲥⲧⲏⲙⲏ ⲉⲃⲟⲗϧⲉⲛⲟⲩⲙⲕⲁϩ ⲛ̀ϩⲏⲧ
ⲟⲩⲟϩ ⲛ̀ⲧⲉⲧⲉⲛϣⲟⲡⲧ ⲉⲣⲱⲧⲉⲛ ⲉⲃⲟⲗϧⲉⲛⲟⲩⲉⲡⲓⲥⲧⲏⲙⲏ ⲛⲣⲙⲟⲩⲙⲕⲁϩ ⲛ̀ϩⲏⲧ
ⲛ̀ⲧⲉⲧⲉⲛϣⲟⲡⲧ ⲉⲣⲱⲧⲉⲛ ⲉⲃⲟⲗϧⲉⲛϩⲁⲛⲧⲟⲡⲟⲥ ⲉⲩϫⲁⲓⲱⲟⲩ ⲟⲩⲟϩ ϧⲉⲛⲟⲩⲧⲁⲛⲟ
 

 

 

ϩⲁⲛⲥⲩⲅⲅⲣⲁⲙⲙⲁ ⲛ̀ⲧⲉ ϩⲁⲛⲫⲓⲗⲟⲥⲟⲫⲟⲥ ⲛⲉⲙϩⲁⲛⲁⲥⲕⲏⲧⲏⲥ

ⲛⲓⲣⲱⲙⲓ ⲧⲏⲣⲟⲩ ⲁⲩⲙⲁⲥⲟⲩ ⲉⲩⲣⲉⲙϩⲉⲩ ⲟⲩⲟϩ ⲉⲩϣⲟⲡ ⲛ‌ϩⲁⲛϩⲩⲥⲱⲥ ⲛⲉⲙⲛⲟⲩⲉⲣⲏⲟⲩ ϧⲉⲛⲡⲓⲧⲓⲙⲏ ⲛⲉⲙⲧⲟⲩⲁⲝⲓⲱⲙⲁ ⲁⲩⲧⲏⲧⲟⲩⲇⲉ ⲛ‌ϯⲗⲟⲅⲓⲁ ⲛⲉⲙϯⲥⲩⲛⲏⲇⲉⲥⲓⲥ ⲟⲩⲟϩ ⲉⲩⲉⲡⲟⲗⲓⲧⲉⲩⲉⲥⲑⲁ ⲙ‌ⲡⲓⲟⲩⲁⲓ ⲡⲓⲟⲩⲁⲓ ϧⲉⲛⲡⲓⲡⲛⲉⲩⲙⲁ ⲛ‌ⲧⲉϯⲙⲉⲧⲥⲟⲛ

ⲕⲉⲅⲁⲣ ⲁϥϫⲟⲥ ϧⲉⲛⲛⲓⲫⲓⲗⲟⲥⲟⲫⲟⲥ ϫⲉⲫⲏⲉⲑⲛⲁⲡⲁⲧⲁⲥⲥⲉⲓⲛ ⲛ̀ⲟⲩⲙⲟⲩⲓ ⲟⲩϫⲱⲣⲓ ⲁⲛ ⲡⲉ ⲟⲩⲟϩ ⲫⲏⲉⲑⲛⲁⲡⲁⲧⲁⲥⲥⲉⲓⲛ ⲛ̀ⲟⲩⲡⲁⲛⲑⲏⲣ ⲟⲩⲇⲩⲛⲁⲧⲟⲥ ⲁⲛ ⲡⲉ ⲫⲏⲉⲑⲛⲁⲙⲟⲩⲇⲉ ⲛ̀ⲑⲟϥ ⲉϥⲟⲩⲁⲃ ⲉⲧⲁⲡⲁⲧⲏ ⲛ̀ϯⲙⲉⲧⲁⲧⲉⲙⲉⲗⲏⲥ ⲫⲁⲓ ⲟⲩϫⲱⲣⲓ ⲡⲉ ⲛ̀ϩⲟⲩⲟ

ϯⲉⲡⲓⲥⲧⲟⲗⲏ ⲉⲧⲁⲩⲥϧⲏⲧⲥ ⲛ‌ⲗⲁⲩⲥⲓⲟⲥ ⲡⲓⲡⲣⲉⲡⲟⲥⲓⲧⲟⲥ

ⲱⲟⲩⲛⲓⲁⲧⲥ ⲛⲧⲉⲕⲡⲣⲟϩⲉⲣⲉⲥⲓⲥ

ⲥⲉⲙⲡϣⲁⲅⲁⲣ ⲛⲧⲁⲉⲣϩⲏⲧⲥ ⲛ̀ϯⲉⲡⲓⲥⲧⲟⲗⲏ ⲉⲃⲟⲗϩⲓⲧⲉⲛ ϯⲙⲉⲧⲛⲁⲓⲁⲧⲥ

ϫⲉⲟⲩⲏⲓⲅⲁⲣ ⲉⲣⲉ ⲟⲩⲟⲛⲛⲓⲃⲉⲛ ⲉⲣⲉⲣⲱⲟⲩϣ ⲟⲩⲏⲛ ϧⲉⲛⲛⲓⲙⲉⲧⲉⲫⲗⲏⲟⲩ

ⲟⲩⲟϩ ⲛⲁⲓⲥⲉⲕⲱⲧ ⲛϩⲁⲛⲏⲓ ⲛⲱⲟⲩ ⲛⲏⲉⲧⲉ ⲡⲟⲩϯϩⲏⲟⲩ ⲛⲱⲟⲩ

ⲟⲩⲟⲛⲅⲁⲣ ⲛⲓⲃⲉⲛ ⲉⲧϫⲱ ⲙ̀ⲙⲟⲥ ϫⲉⲧⲉⲛⲉⲣⲭⲣⲓⲁ ⲁⲛ ⲛ̀ⲣⲉϥϯⲥⲃⲱ ⲟⲩⲟϩ ⲉⲣⲉⲡⲟⲩϩⲏⲧ ⲑⲏⲧ ⲁⲛ ⲛⲉⲙⲛⲏⲉⲧϯⲥⲃⲱ ⲛⲱⲟⲩ ⲛⲁⲓⲉⲧⲉⲧⲙⲁⲩ ⲉⲩϣⲱⲛⲓ ϧⲉⲛⲡⲓϣⲱⲛⲓ ϯⲙⲉⲧⲁⲧⲉⲙⲓ ⲉⲧⲉⲙⲁⲩ ⲧⲉ ⲛϯⲙⲉⲧϭⲁⲥⲓϩⲏⲧ ⲑⲏⲉⲧⲁⲩⲙⲉⲛⲣⲓⲧⲥ ⲛϫⲉⲛⲏⲉⲧⲁⲩⲥⲉⲃⲧⲱⲧⲟⲩ ϫⲉⲡⲧⲁⲕⲟ ⲓⲥϫⲉⲛ ϣⲟⲣⲡ

ⲁϥϫⲟⲥ ⲟⲛ ⲛ̀ϫⲉⲁⲡⲁ ⲁⲛⲧⲱⲛⲓⲟⲥ ϫⲉϧⲓⲥⲓ ⲛⲓⲃⲉⲛ ⲉⲣⲉⲡⲓⲣⲉϥϫⲱⲛⲧ ⲛⲁⲁⲓⲧⲟⲩ ⲥⲉⲧⲁⲕⲏⲟⲩⲧ ⲛ̀ⲧⲟⲧϥ ⲙ̀ⲙⲏⲛⲓ

ⲁϥϫⲟⲥ ⲟⲛ ⲛ̀ϫⲉⲡⲓⲥⲟⲫⲟⲥ ϫⲉⲛ̀ⲛⲉⲕⲟⲩⲉⲙⲧⲥⲁⲣⲝ ⲛ̀ⲛⲉⲕⲥⲛⲏⲟⲩ ϩⲓⲧⲉⲛ ⲧⲕⲁⲧⲁⲗⲁⲗⲉⲓ

ⲡⲉϫⲉ ⲥⲉⲝⲧⲟⲥ ⲡⲓⲥⲟⲫⲟⲥ ϫⲉⲉⲣⲉ ⲉⲟⲩⲉⲡⲓⲥⲧⲏⲙⲏⲧⲉ ⲉⲥⲁϫⲓ ⲟⲩⲉⲡⲓⲥⲧⲏⲙⲏ ⲟⲛ ⲧⲉ ⲉⲭⲁⲣⲱϥ

ⲇⲓⲟⲥ ⲡⲉⲧⲏⲡ ⲉⲡⲗⲓⲛⲟⲥ ⲁϥϫⲟⲥ ϫⲉⲧⲙⲉⲗⲉⲧⲁⲡⲉ ϩⲱⲃⲛⲓⲃⲉⲛ

ⲁⲛⲁⲭⲁⲣⲥⲓⲥ ⲡⲓⲫⲓⲗⲥⲟⲫⲟⲥ ⲡⲉⲧⲏⲡ ⲉⲧⲉⲥⲕⲩⲑⲓⲁ ⲁϥϫⲟⲥ ⲉⲑⲃⲉ ϯⲃⲱ ⲛⲁⲗⲟⲗⲓ ϫⲉ ϣⲁⲥⲛⲟⲩϫ ⲉⲃⲟⲗ ⲛϣⲟⲙⲧ ⲛⲥⲙⲁϩ ⲛϣⲟⲣⲡ ⲙⲉⲛ ⲟⲩⲟⲩϫⲁⲓ ⲡⲉ ⲡⲓⲙⲁϩⲥⲛⲁⲩ ⲟⲩϩⲏⲇⲟⲛⲏ ⲡⲉ ⲡⲓⲙⲁϩϣⲟⲙⲧ ⲟⲩϣⲱϣ ⲡⲉ.

ⲡⲉϫⲁϥ ⲛ̀ϫⲉ ⲡⲓⲥⲟⲫⲟⲥ ϫⲉⲡⲓϫⲁϫⲓⲙⲉⲛ ⲛ̀ⲧⲉⲡⲓⲉⲙⲓⲡⲉ ϯⲙⲉⲧⲁⲧⲉⲙⲓ ⲁⲛ ⲁⲗⲗⲁ ⲡⲓϫⲁϫⲓ ⲛ̀ⲁⲗⲏⲑⲓⲛⲟⲥⲡⲉ ϯⲁⲡⲁⲧⲏ ⲛ̀ⲧⲉⲡⲓⲉⲙⲓ

ⲡⲉϫⲉ ⲡⲓⲁϧⲱⲙ ϫⲉⲙ̀ⲡⲉⲣϯ ⲉ̀ϧⲟⲩⲛ ⲉϩⲣⲉⲛ ⲡⲓⲁⲃⲱⲕ ⲁⲗⲗⲁ ϩⲁⲗⲁⲓ ⲥⲁⲡϣⲱⲓ ⲟⲩⲟϩ ⲛ̀ϥⲛⲁϣⲧⲁϩⲟⲕ ⲁⲛ

ⲇⲓⲟⲅⲉⲛⲏⲥ ⲡⲓⲫⲓⲗⲟⲥⲟⲫⲟⲥ ⲁϥⲛⲁⲩ ⲉⲟⲩⲡⲁⲣⲑⲉⲛⲟⲥ ⲉⲩⲧⲥⲁⲃⲟ ⲙⲙⲟⲥ ⲉⲥϧⲁⲓ ⲡⲉϫⲁϥ ϫⲉ ⲉⲓⲥ ⲟⲩⲥⲏϥⲓ ⲉⲩϫⲱⲣ ⲙⲙⲟⲥ

ⲇⲓⲟⲅⲉⲛⲏⲥ ⲡⲓⲫⲓⲗⲟⲥⲟⲫⲟⲥ ⲁϥⲛⲁⲩ ⲉⲟⲩⲥⲟϫ ⲉϥϩⲉⲙⲥⲓ ϩⲓϫⲉⲛ ⲟⲩⲱⲛⲓ. ⲡⲉϫⲁϥ ϫⲉ ⲉⲓⲥ ⲟⲩⲱⲛⲓ ⲉϥϩⲉⲙⲥⲓ ϩⲓϫⲉⲛ ⲟⲩⲱⲛⲓ

ⲇⲓⲟⲅⲉⲛⲏⲥ ⲡⲓⲫⲓⲗⲟⲥⲟⲫⲟⲥ ⲁⲟⲩⲁⲓ ϣⲉⲛϥ ϫⲉ ⲟⲩ ⲡⲉⲧϫⲏⲣ ⲉⲧϫⲟⲣϯ ⲡⲉϫⲁϥ ϫⲉ ϯⲉⲡⲓⲃⲟⲩⲗⲏ ⲛⲣⲱⲙⲓ ⲧⲉ

ⲁⲟⲩⲫⲓⲗⲟⲥⲟⲫⲟⲥ ϫⲟⲥ ϫⲉⲛⲁⲛⲉ ⲉⲉⲣ ⲡⲓⲡⲉⲑⲛⲁⲛⲉϥ ⲛⲟⲩⲟⲩϩⲟⲣ ⲛⲉⲙⲟⲩⲙⲟⲩⲓ ⲉϩⲟⲧⲉ ⲉⲉⲣⲫⲁⲓ ⲛⲟⲩⲣⲱⲙⲓ ⲛⲁⲧϣⲉⲡϩⲙⲟⲧ ⲓⲥϫⲉ ⲡⲓⲟⲩϩⲟⲣ ⲛⲉⲙⲡⲓⲙⲟⲩⲓ ϣⲁⲩϣⲱⲡⲓ ⲛⲅⲛⲏⲥⲓⲟⲥ ⲉⲩⲁⲣⲉϩ ⲉϯⲙⲉⲧϣⲫⲏⲣ ⲙⲡⲉⲧϣⲁⲛϣ ⲙⲙⲱⲟⲩ ⲡⲁⲇⲓⲁⲑ[ⲉ]ⲧⲟⲥⲇⲉ ⲛⲑⲟϥ ⲟⲩ ⲙⲟⲛⲟⲛ ϫⲉⲙ̀ⲡⲉϥⲁⲣⲉϩ ⲉϯⲙⲉⲧϣⲫⲏⲣ ⲁⲗⲗⲁ ϣⲁⲕϫⲉⲙϥ ⲉⲕⲉⲣⲡⲉⲑⲛⲁⲛⲉϥ ⲛⲁϥ ⲉϥϣⲓⲛⲓ ⲛⲥⲁ ⲡϩⲱⲗⲉⲙ ⲙ̀ⲡⲉⲕⲏⲓ ⲟⲩⲟϩ ⲉⲧⲏⲓⲕ ⲉϩⲣⲏⲓ ⲛ̀ϫⲓϫ ⲛⲛⲉⲕϫⲁϫⲓ

ⲁϥϫⲟⲥ ⲛ̀ϫⲉⲟⲩⲫⲓⲗⲟⲥⲟⲫⲟⲥ ϫⲉⲁⲩⲉⲛⲥⲛⲁⲩ ⲛ̀ⲕⲁⲧⲁⲇⲓⲕⲟⲥ ⲙ̀ⲡⲟⲩⲣⲟ ⲉⲁⲩⲉⲣⲛⲟⲃⲓ ϧⲉⲛⲟⲩⲛⲟⲃⲓ ⲛ̀ⲟⲩⲱⲧ. ⲙ̀ⲡⲓⲥⲛⲁⲩ ⲟⲩⲁⲓ ⲟⲩⲣⲁⲙⲁⲟⲡⲉ ⲟⲩⲟϩ ⲡⲓⲕⲉⲟⲩⲁⲓ ⲟⲩϩⲏⲕⲓⲡⲉ. ⲁⲫⲣⲁⲙⲁⲟ ϯⲭⲣⲏⲙⲁ ⲁⲩⲭⲁϥ ⲉⲃⲟⲗ. ⲡϩⲏⲕⲓⲇⲉ ⲉⲧⲉⲙ̀ⲡⲉϥϫⲓⲙⲓ ⲉϯ ⲁⲩⲉⲝⲟⲣⲓⲁⲍⲉⲓⲛ ⲙ̀ⲙⲟϥ. ⲗⲟⲓⲡⲟⲛ ⲉϥϫⲱⲙⲙⲟⲥ ϫⲉⲱ ⲃⲓⲁ ϫⲉϣⲁⲣⲉⲑⲙⲉⲧⲣⲁⲙⲁⲟ ⲑⲱⲧ ⲙ̀ⲡϩⲏⲧ ⲛ̀ⲁϣ ⲛ̀ⲣⲏϯ ϯⲙⲉⲧϩⲏⲕⲓ ϩⲱⲥ ϣⲁⲥϣⲱⲡⲓ ϧⲁⲡϩⲁⲡ

ⲉⲣⲙⲏⲛⲓⲁ

ⲕⲁⲗⲱⲥ ⲁϥϫⲟⲥ ⲛ̀ϫⲉⲡⲓⲫⲓⲗⲟⲥⲟⲫⲟⲥ ϫⲉⲑⲁⲓⲅⲁⲣⲧⲉ ⲧϧⲉ ⲉⲑⲛⲁϣⲱⲡⲓ ϧⲁⲧϩⲏ ⲙ̀ⲡⲓⲕⲣⲓⲧⲏⲥ ⲙ̀ⲙⲏⲓ ϫⲉⲛⲉⲛⲣⲁⲙⲁⲟ ϧⲉⲛⲛⲉⲛⲁⲣⲉⲧⲏ ⲛⲁⲑⲱⲧ ⲛ̀ϩⲏⲧ. ⲡⲓϩⲏⲕⲓⲇⲉ ϧⲉⲛⲧⲇⲓⲕⲁⲓⲟⲩⲥⲩⲛⲏ ϥⲛⲁϣⲱⲡⲓ ϧⲁⲡϩⲁⲡ

ⲁⲗⲏⲑⲱⲥ ⲫⲏⲉⲧϣⲁⲛϣ ⲉⲡⲉϥϫⲁϫⲓ ⲉϥⲉⲣⲛⲟⲃⲓ ⲉⲣⲟϥ ⲙ̀ⲙⲓⲛⲙ̀ⲙⲟϥ

ⲟⲩⲥⲟⲫⲟⲥ ⲁϥϭⲓϩⲁⲡ ⲛⲉⲙⲕⲉⲥⲟⲫⲟⲥ ⲉⲁⲡϫⲱⲛⲧ ⲕⲓⲙ ⲉⲟⲩⲁⲓ ⲙ̀ⲙⲱⲟⲩ. ⲁϥⲉⲣϩⲛⲁϥ ⲉϣⲱϣ ⲙ̀ⲡⲕⲉⲟⲩⲁⲓ ⲉϥϫⲱⲙⲙⲟⲥ ϫⲉⲡⲁⲅⲉⲛⲟⲥ ⲧⲁⲓⲏⲟⲩⲧ ⲉϩⲟⲧⲉⲫⲱⲕ. ⲟⲩⲟϩ ⲉⲧⲓ ⲉⲩⲥⲁϫⲓ ⲁⲩⲓ̀ ⲉ̀ϫⲉⲛⲟⲩⲕⲉⲣⲁⲙⲉⲩⲥ ⲉϥⲉⲣϩⲱⲃ ⲉⲡⲟⲙⲓ. ⲡⲉϫⲉⲫⲏⲉⲧⲟⲩϣⲱϣ ⲙ̀ⲙⲟϥ ⲙ̀ⲡⲓⲣⲉϥϯϣⲱϣ ⲉ̀ϣⲱⲡ ⲕⲕⲉⲗⲉⲩⲉ ⲫⲁⲫⲛⲓϣϯ ⲛ̀ⲅⲉⲛⲟⲥ ⲁⲙⲟⲩ ⲛ̀ⲧⲉⲛⲛⲁⲩ ⲉⲛⲉⲛⲥⲩⲅⲅⲉⲛⲏⲥ ⲉⲩⲑⲁⲙⲓⲟ ⲙ̀ⲙⲱⲟⲩ. ⲟⲩⲟϩ ⲁⲡⲉⲧϯϣⲱϣ ϣⲓⲡⲓ. ⲡⲉϫⲁϥ ⲛⲁϥ ϫⲉⲁⲗⲏⲑⲱⲥ ⲁⲕⲑⲉⲃⲓⲟ ⲛ̀ⲧⲁⲙⲉⲧϭⲁⲥⲓϩⲏⲧ ϩⲓⲧⲉⲛⲧⲉⲕⲥⲟⲫⲓⲁ. ⲟⲩⲟϩ ⲟⲛ ⲉⲧⲓ ⲉϥⲙⲟϣⲓ ⲁⲩⲓ̀ ⲉϫⲉⲛ ϩⲁⲛⲡⲁⲡⲉⲓⲧ ⲉⲩⲑⲁⲙⲓⲉϩⲁⲛⲧⲱⲃⲓ. ⲡⲉϫⲁϥ ⲙ̀ⲡⲉϥϣⲫⲏⲣ ϫⲉⲫⲁⲫⲛⲓϣϯ ⲛ̀ⲅⲉⲛⲟⲥ ⲉⲓⲥϩⲁⲛⲕⲉⲥⲩⲅⲅⲉⲛⲏⲥ ⲛ̀ⲧⲁⲕ ϧⲉⲛⲡⲁⲓⲙⲁ ⲟⲩⲟϩ ⲁϥⲉⲣϩⲑⲏϥ ⲁⲩϩⲱⲧⲡ ⲛⲉⲙⲛⲟⲩⲉⲣⲏⲟⲩ ⲁⲩϣⲉⲛⲱⲟⲩ ϧⲉⲛⲟⲩϩⲓⲣⲏⲛⲏ

ⲛⲓⲙ ⲡⲉ ⲡⲓϫⲱⲣⲓ

ⲕⲉⲅⲁⲣ ⲁϥϫⲟⲥ ϧⲉⲛⲛⲓⲫⲓⲗⲟⲥⲟⲫⲟⲥ ϫⲉⲫⲏⲉⲑⲛⲁⲡⲁⲧⲁⲥⲥⲉⲓⲛ ⲛ̀ⲟⲩⲙⲟⲩⲓ ⲟⲩϫⲱⲣⲓ ⲁⲛ ⲡⲉ ⲟⲩⲟϩ ⲫⲏⲉⲑⲛⲁⲡⲁⲧⲁⲥⲥⲉⲓⲛ ⲛ̀ⲟⲩⲡⲁⲛⲑⲏⲣ ⲟⲩⲇⲩⲛⲁⲧⲟⲥ ⲁⲛ ⲡⲉ ⲫⲏⲉⲑⲛⲁⲙⲟⲩⲇⲉ ⲛ̀ⲑⲟϥ ⲉϥⲟⲩⲁⲃ ⲉⲧⲁⲡⲁⲧⲏ ⲛ̀ϯⲙⲉⲧⲁⲧⲉⲙⲉⲗⲏⲥ ⲫⲁⲓ ⲟⲩϫⲱⲣⲓ ⲡⲉ ⲛ̀ϩⲟⲩⲟ

ⲁϥⲑⲱⲛ ⲡⲁⲗⲁⲥ

ⲁⲓⲛⲉϩⲥⲓⲇⲉ ⲟⲩⲟϩ ⲉⲧⲁⲓⲥⲁϫⲓ ⲙ̀ⲡⲓϫⲓⲙⲓ ⲙ̀ⲡⲁⲗⲁⲥ ⲙ̀ⲙⲟⲛϣϫⲟⲙⲙ̀ⲙⲟⲓ ⲉϣⲓⲛⲓ ⲛ̀ϩⲗⲓⲛ̀ⲣⲱⲙⲓ ⲙⲏⲡⲱⲥ ⲛ̀ⲧⲟⲩ 

ϯϣⲓⲡⲓ ⲛⲏⲓ ⲙ̀ⲙⲟⲛⲅⲁⲣ ⲡⲉⲧⲕⲁϯ ⲉⲣⲟⲓ ⲁⲓⲕⲱϯⲙⲉⲛ ⲛ̀ⲥⲁ ⲧⲁⲁⲥⲡⲓ ϧⲉⲛⲛⲉⲛϫⲱⲙ ⲛ̀ⲧⲉ ϯϩⲓⲥⲧⲟⲣⲓⲁ ⲁⲗⲗⲁ ⲁⲩⲧⲁⲙⲟⲓ ϫⲉⲁⲥⲧⲁⲕⲟ ⲟⲩⲟϩ ⲁⲥⲉⲣⲁⲑⲟⲩⲱⲛϩ ⲁⲓⲕⲱϯⲇⲉ ⲛ̀ⲥⲱⲥ ϧⲉⲛϯⲉⲕⲕⲗⲏⲥⲓⲁ ⲁⲩϫⲟⲥ ⲛⲏⲓ ϫⲉⲡⲉⲥⲗⲁⲟⲥ ⲁϥⲉⲣⲡⲱⲃϣ ⲙ̀ⲙⲟⲥ ⲛ̀ⲥⲉⲕⲁϯ ⲉⲣⲟⲥ ⲁⲛ ϯⲛⲟⲩ ⲁⲓϣⲉⲛⲏⲓ ⲉⲛⲓⲙⲟⲛⲁⲥⲧⲏⲣⲓⲟⲛ ⲟⲩⲟϩ ⲡⲉϫⲱⲟⲩ ⲛⲏⲓ ϫⲉⲁⲛϯ ⲛⲉⲛϫⲱⲙ ⲛ̀ⲁⲡⲁⲥ ⲉⲃⲟⲗ ϫⲉⲁⲛⲟⲛⲅⲁⲣ ⲁⲛⲟⲛ ϩⲁⲛⲓⲇⲓⲱⲧⲏⲥ ⲛ̀ⲣⲱⲙⲓ ⲙ̀ⲡⲉⲛϭⲓⲥⲃⲱ ⲛ̀ⲧⲉⲡⲁⲓⲕⲟⲥⲙⲟⲥ ⲟⲩⲇⲉ ⲛ̀ⲛⲉⲥϣⲱⲡⲓ ⲙ̀ⲙⲟⲛ ⲁⲓϩⲱⲗ ⲉⲛⲓⲣⲉⲙⲛ̀ⲭⲏⲙⲓ ⲙ̀ⲫⲁⲣⲁⲱ ⲙ̀ⲃⲉⲣⲓ ⲡⲉϫⲱⲟⲩ ⲛⲏⲓ ϫⲉⲧⲉⲕⲁⲥⲡⲓ ⲥⲟⲛⲓ ⲛ̀ϯⲙⲉⲧⲟⲩⲉⲓⲛⲓⲛ ⲁⲛⲟⲛⲇⲉ ⲧⲉⲛⲧⲟⲩⲃⲟⲥ ⲉⲃⲟⲗϩⲁ ⲡⲑⲱⲗⲉⲃ ⲛ̀ⲧⲉ ⲛⲓⲕⲉⲁⲥⲡⲓ ⲛ̀ⲗⲁⲥ ⲙⲏⲡⲱⲥ ⲛ̀ⲧⲟⲩⲙⲟⲩϯ ⲉⲣⲟⲛ ϫⲉϩⲁⲛϣⲉⲙⲙⲱⲟⲩ ⲧⲉⲛⲛⲁⲧⲁⲕⲟⲅⲁⲣ ⲙ̀ⲙⲟⲥ ϩⲓⲛⲁ ⲛ̀ⲧⲉⲛⲧⲟⲩⲃⲟⲥ ⲁⲩϫⲕⲥ ϫⲉϯⲕⲉⲁⲥⲡⲓ ⲙ̀ⲃⲉⲣⲓⲧⲉ ϯⲁⲥⲡⲓ ⲛ̀ⲗⲁⲥ ⲛ̀ⲁⲡⲁⲥ ⲙ̀ⲙⲓⲛⲙ̀ⲙⲟⲥ ⲁⲩⲥⲱⲃⲓ ⲙ̀ⲙⲟⲓ ⲁⲩϫⲟⲥ ϫⲉⲕⲕⲁϯ ⲁⲛ ϫⲉⲕⲥⲱⲟⲩⲛ ⲁⲛ ⲛ̀ⲧⲉⲕⲁⲥⲡⲓ ⲙ̀ⲃⲉⲣⲓ ⲛ̀ⲑⲟⲕ ⲟⲩⲣⲉⲙⲛ̀ⲭⲏⲙⲓ ⲙ̀ⲙⲏⲓ ⲁⲛ ⲁⲓϣⲉⲡϣⲉⲙⲙⲟ ⲉⲓⲕⲱϯ ⲛ̀ⲥⲱⲥ ⲛⲓⲥⲟⲫⲟⲥⲇⲉ ⲁⲩϫⲟⲥ ⲛⲏⲓ ϫⲉⲧⲉⲛⲕⲁϯ ⲉⲣⲟⲥ ⲕⲁⲗⲱⲥ ⲧⲉⲛⲥⲁϫⲓⲙⲉⲛ ⲙ̀ⲙⲟⲥ ⲁⲛ ⲁⲓⲧⲁⲥⲑⲟ ⲉⲛⲁϣⲫⲏⲣ ⲁⲩϫⲟⲥ ⲛⲏⲓ ⲛ̀ⲑⲟⲕ ⲟⲩϩⲟⲡⲗⲟⲥ ⲙⲁϯϩⲓⲱⲧⲕ ⲛ̀ϯϧⲉⲗⲗⲓⲃϣ ⲟⲩⲟϩ ⲁⲙⲟⲛⲓ ⲛ̀ⲧⲉⲕⲥⲏϥⲓ ⲉⲧⲁⲓϫⲟⲥ ϫⲉϯⲉⲣⲉⲧⲓⲛ ⲛ̀ϯϩⲓⲣⲏⲛⲏ ⲁⲩⲱϣ ⲉⲃⲟⲗ ⲉⲩϫⲱⲙ̀ⲙⲟⲥ ϫⲉⲉⲓⲥ ⲡⲓⲡⲣⲟⲇⲟⲧⲏⲥ ϯϫⲱⲙⲙⲟⲥ ⲛⲱⲧⲉⲛ ϫⲉϯⲛⲁⲥϧⲁⲓ ⲛ̀ⲧⲁⲁⲥⲡⲓ ϩⲓ ⲡϣⲱ ⲛ̀ⲧⲉ ⲫⲓⲟⲙ ⲟⲩⲟϩ ⲁⲣⲉϣⲁⲛ ⲛⲓϩⲱⲙⲓ ⲱⲙⲥ ⲙ̀ⲙⲟⲥ ϯⲛⲁⲥϧⲏⲧⲥ ⲛ̀ⲕⲉⲥⲟⲡ 

ϯⲡⲁⲣⲁⲥⲕⲉⲩⲏ ⲧⲉ ϯⲕⲩⲣⲓⲁⲕⲏ

 ϧⲉⲛⲭⲏⲙⲓ ϯⲡⲁⲣⲁⲥⲕⲉⲩⲏ ⲧⲉ ϯⲕⲩⲣⲓⲁⲕⲏ ϣⲁⲓϣⲉⲛⲏⲓⲇⲉ ⲉϯⲉⲕⲕⲗⲏⲥⲓⲁ ⲛ̀ϯⲡⲁⲣⲁⲥⲕⲉⲩⲏ ϫⲉϣⲁⲓⲉⲣϩⲱⲃ ⲛ̀ϯⲕⲩⲣⲓⲁⲕⲏ ⲓⲥϫⲉⲛ ⲧⲁⲙⲉⲧⲕⲟⲩϫⲓ ⲁⲓⲉⲣϣⲫⲏⲣⲓ ϫⲉⲁⲩⲙⲟⲩϯ ⲉⲡⲓⲧⲱⲧⲉⲣ ⲛ̀ⲧⲉ ϯⲉⲕⲕⲗⲏⲥⲓⲁ ϫⲉϯⲁⲛⲍⲏⲃ ⲛ̀ⲧⲉ ϯⲕⲩⲣⲓⲁⲕⲏ ⲁⲗⲗⲁ ϣⲁⲛⲣⲁⲟⲩⲱ ⲛ̀ϯⲡⲁⲣⲁⲥⲕⲉⲩⲏ  

ϧⲉⲛⲧⲁⲙⲉⲧⲕⲟⲩϫⲓ ⲛⲉ ϣⲁⲓϣⲉⲛⲏⲓ ⲉϯⲉⲕⲕⲗⲏⲥⲓⲁ ⲛ̀ϯⲡⲁⲣⲁⲥⲕⲉⲩⲏ ϣⲁⲓϣⲗⲏⲗ ⲛ̀ϯⲁⲛⲁⲫⲟⲣⲁ ⲟⲩⲟϩ ⲱϣ ⲛ̀ⲛⲓϩⲩⲙⲛⲟⲥ ϧⲉⲛⲡϫⲓⲛⲑⲱⲟⲩϯ ⲛ̀ⲧⲉ ⲛⲓⲇⲓⲁⲕⲱⲛ ⲙⲉⲛⲉⲛⲥⲁ ⲫⲁⲓ ⲛⲉ ϣⲁⲓ ϣⲉⲛⲏⲓ ⲉϯⲁⲛⲍⲏⲃ ⲛ̀ⲧⲉ ϯⲕⲩⲣⲓⲁⲕⲏ ⲁⲓⲓ̀ ⲉϩⲣⲉⲛ ϩⲁⲛⲙⲏϣ ⲛ̀ϣⲫⲏⲣ ⲛ̀ⲭⲣⲓⲥⲧⲓⲁⲛⲟⲥ ⲙ̀ⲙⲁⲩ 

ⲡⲉϫⲉ ⲓⲏ̅ⲥ̅ ϫⲉⲁⲙⲱⲓⲛⲓ ϩⲁⲣⲟⲓ ⲟⲩⲟⲛ ⲛⲓⲃⲉⲛ ⲉⲧϧⲟⲥⲓ ⲟⲩⲟϩ ⲉⲧⲟⲡⲧ ϧⲁ ⲛⲟⲩⲉⲧⲫⲱⲟⲩⲓ ⲁⲗⲗⲁ ϯⲉⲕⲕⲗⲏⲥⲓⲁ ⲥϫⲟⲥ ϫⲉⲁⲙⲱⲓⲛⲓ ϩⲁⲣⲟⲓ ⲱ ⲛⲓⲭⲣⲓⲥⲧⲓⲁⲛⲟⲥ ⲛ̀ⲟⲣⲑⲟⲇⲟⲝⲟⲥ ⲡⲓⲛⲁϩϯⲅⲁⲣ ⲁϥϣⲱⲡⲓ ⲛ̀ⲟⲩⲥⲟⲃⲧ ⲟⲩⲧⲉ ⲛⲓⲡⲓⲥⲧⲟⲥ ⲛ̀ⲭⲣⲓⲥⲧⲓⲁⲛⲟⲥ ⲛⲉⲙⲛⲓⲕⲉⲭⲱⲟⲩⲛⲓ ⲛⲉⲛⲥⲃⲟⲧⲇⲉ ⲛ̀ⲧⲉ ϯⲉⲕⲕⲗⲏⲥⲓⲁ ⲙ̀ⲡⲁⲩⲁⲣⲉϩ ⲉⲣⲟⲥ ⲁⲗⲗⲁ ⲥⲉⲫⲱⲣϫ ⲟⲩⲧⲉ ⲛⲓⲥⲛⲏⲟⲩ ⲉⲧϧⲉⲛⲡⲓⲕⲟⲥⲙⲟⲥ ⲛ̀ⲟⲩⲱⲧ ⲉⲑⲃⲉ ⲡⲟⲩⲛⲁϩϯ ⲥⲉϣⲗⲏⲗ ⲉⲩϫⲱⲙⲙⲟⲥ ϫⲉⲁⲣⲓⲥⲟⲃⲧ ⲉⲣⲟⲥ ⲛ̀ⲛⲉⲥⲕⲓⲙ ϣⲁ ⲉⲛⲉϩ

ⲱⲟⲩⲛⲓⲁⲧϥ ⲙ̀ⲫⲏⲉⲧⲧⲁⲕⲟ ⲛ̀ⲛⲓⲥⲟⲃⲧ ⲛ̀ⲧⲉ ⲛⲉⲛϩⲏⲧ ⲛⲉⲙⲛⲉⲛⲛⲟⲩⲥ ϩⲓⲛⲁ ⲛ̀ⲧⲉⲛⲉⲣⲁⲅⲁⲡⲁⲛ ⲙ̀ⲡⲓⲟⲩⲁⲓ ⲡⲓⲟⲩⲁⲓ ϧⲉⲛⲟⲩⲙⲉⲑⲙⲏⲓ ⲟⲩⲟϩ ⲛ̀ⲧⲉⲛⲙⲉⲓ ⲛ̀ϯⲟⲓⲕⲟⲩⲙⲉⲛⲏ ⲛⲉⲙⲟⲩⲟⲛⲛⲓⲃⲉⲛ ⲉⲧϣⲟⲡ ⲛ̀ϧⲏⲧⲥ

ⲡⲭ̅ⲥ̅ ϥⲭⲏ ϧⲉⲛϯⲉⲕⲕⲗⲥⲓⲁ ⲙⲟⲛⲟⲛ ⲓⲏ̅ⲥ̅ⲇⲉ ϥϣⲟⲡ ⲥⲁⲃⲟⲗ ⲛ̀ⲛⲓⲥⲃⲟⲧ ⲛ̀ϯⲉⲕⲕⲗⲏⲥⲓⲁ   

 

ϯⲅⲛⲱⲥⲓⲥ ϧⲉⲛⲡϣⲁϥⲉ

 ϯⲥⲁϩⲟⲩⲓ ⲁⲛ ⲙ‌ⲡⲭⲁⲕⲓ ⲁⲗⲗⲁ ⲡⲓⲭⲁⲕⲓⲙⲉⲛ ϥⲥⲁϩⲟⲩⲓ ⲙ‌ⲙⲟⲓ ϣⲁϯⲛⲟⲩ ϥϭⲟϫⲓ ⲛ‌ⲥⲱⲓ ⲛ‌ϫⲉⲡⲧⲁⲕⲟ ⲁⲗⲗⲁ ⲙ‌ⲡⲉϥϣⲧⲁϩⲟⲓ

ⲁⲛⲟⲕⲅⲁⲣⲡⲉ ⲫⲟⲩⲱⲓⲛⲓ ⲛⲉⲙⲧϧⲏⲓⲃⲓ
ⲁⲛⲟⲕⲡⲉ ϯⲁⲗⲏⲑⲓⲁ ⲛⲉⲙϯⲁⲡⲁⲧⲏ
ⲁⲛⲟⲕⲡⲉ ⲡⲓⲑⲉⲃⲓⲏⲟⲩⲧ ⲛⲉⲙⲡⲓϭⲁⲥⲓϩⲏⲧ
ⲁⲛⲟⲕⲡⲉ ⲡⲓⲙⲱⲓⲧ ⲛⲉⲙⲡⲓⲟⲥⲓ
ⲁⲛⲟⲕⲡⲉ ⲡⲓⲁϩⲟ ⲛⲉⲙⲡⲧⲁⲕⲟ
ⲁⲛⲟⲕⲡⲉ ⲡⲓϧⲣⲱⲟⲩ ⲉⲧⲱϣ ϧⲉⲛⲡϣⲁϥⲉ ⲁⲗⲗⲁ ⲙ‌ⲙⲟⲛⲡⲉⲧⲁϥⲥⲟⲑⲙⲉⲧ ϫⲉⲁⲓⲫⲱⲧ ⲉⲃⲟⲗϩⲁ ⲡⲓⲕⲟⲥⲙⲟⲥ

ⲛⲁⲣⲉ ⲡⲓⲕⲟⲥⲙⲟⲥ ⲙⲡϣⲁ ⲙ‌ⲙⲟⲓ ⲁⲛ ⲡⲉ ⲉⲓⲥⲱⲣⲉⲙ ϩⲓⲛⲓϣⲁϥⲉⲩ ⲛⲉⲙⲛⲓⲧⲱⲟⲩ ⲛⲉⲙⲛⲓⲃⲏⲃ ⲛⲉⲙⲛⲓⲭⲟⲗ ⲛ‌ⲧⲉⲡⲕⲁϩⲓ ⲁⲛⲟⲕⲇⲉ ϩⲱ ϯⲙⲡϣⲁ ⲙ‌ⲡⲓⲕⲟⲥⲙⲟⲥ ⲁⲛ ϫⲉⲁⲛⲟⲕ ⲛⲉ ⲡⲉ ⲡⲉϥⲟⲩⲱⲓⲛⲓ

ⲁⲛⲟⲕⲡⲉ ⲧϣⲱϯ ⲙ‌ⲙⲱⲟⲩ ⲛ‌ⲱⲛϧ ⲉⲑⲙⲉϩ ⲙ‌ⲫⲁⲣⲙⲁⲅⲓⲁ

ⲁⲕϣⲁⲛⲕⲁϯ ⲉⲣⲟⲓ ⲭⲛⲁⲕⲁⲧ ⲛ‌ⲥⲱⲕ ⲇⲉⲟⲥ ⲭⲛⲁⲙⲟϣⲓ ⲛ‌ⲥⲱⲓ
ⲁⲕϣⲧⲉⲙⲕⲁϯ ⲉⲣⲟⲕ ⲭⲛⲁϩⲓⲱⲛⲓ /ⲙ‌ⲙⲟⲓ ϩⲱⲥ ϩⲉⲣⲉⲧⲓⲕⲟⲥ ⲛⲉⲕⲱⲛⲓ ⲥⲉⲛⲁⲑⲱⲙ ⲛ‌ⲣⲱⲓ ⲁⲗⲗⲁ ⲧⲁⲥⲟⲫⲓⲁ ⲥⲛⲁⲭⲁⲣⲱⲥ ⲁⲛ

ⲡⲓⲙⲁⲧⲟⲓ ⲛⲉⲙⲡⲓⲁⲛⲁⲭⲱⲣⲓⲧⲏⲥ

ϧⲉⲛⲥⲟⲩⲁⲓ ⲙ̀ⲡⲓⲁⲃⲟⲧ ⲫⲁⲙⲉⲛⲱⲑ ⲛ̀ϯⲣⲟⲙⲡⲓ ⲙ̇ⲙⲁϩⲁⲯ̅ⲙ̅ⲃ̅ ⲙ̇⳥ ⲁ̀ⲛⲟⲕ ⲡⲉϣⲉⲛϯ ⲉⲓⲥϧⲁⲓ ⲙ̀ⲡⲁⲥⲟⲛ ⲁⲅⲁⲑⲟⲛ ϫⲉϣⲟⲣⲡⲙⲉⲛ ⲛ̀ⲉⲛⲭⲁⲓⲛⲓⲃⲉⲛ ϯⲡⲣⲟⲥⲕⲩⲛⲉⲥⲓⲥ ⲙ̀ⲙⲟⲕ ⲭⲁⲓⲣⲉⲓⲛ ⲓⲥϫⲉ ⲁⲕⲥⲱⲧⲉⲙ ⲉ̀ϩⲁⲛⲙⲏϣ ⲛ̀ⲥⲙⲏ ⲉⲑⲃⲉ ⲛⲓⲉⲙⲗⲁϧ ⲉ̀ⲧⲁⲩϣⲱⲡⲓ ⲟⲩⲧⲉ ⲛⲓⲥⲛⲏⲟⲩ ⲉⲁⲩⲥⲕⲁⲛⲇⲁⲗⲉⲍⲉⲓ ⲙ̀ⲙⲟⲓ ⲛ̀ϫⲉϩⲁⲛⲙⲟⲛⲁⲭⲟⲥ ⲕⲉ ⲡⲁⲗⲓⲛ ⲟⲛ ⲁⲩⲙⲟⲩϯ ⲉ̀ⲣⲟⲓϫⲉⲓⲟⲩⲇⲁⲥ ⲡⲓⲥⲕⲁⲣⲓⲱⲧⲏⲥ ⲟⲩⲟϩ ⲁⲩϫⲟⲥ ϫⲉⲁ̀ⲛⲟⲕ ⲟⲩϩⲉⲗⲗⲏⲛⲟⲥ ϫⲉⲙ̀ⲡⲓⲙⲟϣⲓ ⲛ̀ⲥⲱⲟⲩ ϩⲱⲥ ⲉⲥⲱⲟⲩ ⲛ̀ⲁⲧⲕⲁϯ ϫⲉⲉⲓⲥ ⲟⲩϣⲃⲱⲧ ⲛ̀ϫⲟⲙ ⲛ̀ⲧⲱⲟⲩ ⲟⲩⲟϩ ⲥⲉⲛⲁϯϩⲁⲡ ⲉ̀ⲣⲟⲓ ⲛ̀ⲭⲱⲗⲉⲙ ⲛⲁⲓ ⲉ̀ⲧⲁⲩⲭⲱ ⲙ̀ⲡⲓⲥⲱⲟⲩⲛ ⲛ̀ⲥⲱⲟⲩ ⲉⲑⲃⲉⲫⲁⲓ ϯⲛⲁⲧⲁⲙⲟⲕ ϩⲟⲡⲱⲥ ⲛ̀ⲧⲉⲕϣⲧⲉⲙⲉⲣⲙ̀ⲫⲣⲏϯ ⲙ̀ⲫⲏⲉ̀ⲧⲉ ⲛ̀ⲧⲉϥⲥⲱⲟⲩⲛ ⲙ̀ⲙⲁⲩ ⲁⲛ

ⲡⲉϫⲉ ⲡⲓⲥⲟⲫⲟⲥ ϫⲉⲙ̀ⲡⲉⲣⲁⲙⲟⲛⲓ ⲛ̀ⲟⲩⲥⲁϫⲓ ϧⲉⲛⲟⲩⲥⲏⲟⲩ ⲛ̀ⲟⲩϫⲁⲓ ⲉ̀ϣⲁⲩⲥⲟⲩⲉⲛϯⲥⲟⲫⲓⲁⲅⲁⲣ ϧⲉⲛⲡⲓⲥⲁϫⲓ ⲟⲩⲟϩ ϯⲙⲉⲧⲥⲁⲃⲉ ϧⲉⲛⲡⲓⲗⲁⲥ ⲉ̀ϣⲱⲡⲟⲩⲛ ⲁⲩϣⲁⲛϭⲟϫⲓ ⲛ̀ⲥⲱⲓ ⲛ̀ⲥⲉϣⲱϣ ⲙ̀ⲙⲟⲓ ⲟⲩⲟϩ ⲛ̀ⲥⲉϫⲉ ⲡⲉⲧϩⲱⲟⲩ ⲛⲓⲃⲉⲛ ⲛ̀ⲥⲱⲓ ⲉⲩϫⲉⲙⲉⲑⲛⲟⲩϫ ⲉ̀ⲣⲟⲓ ⲉⲑⲃⲉⲧⲟⲩⲙⲉⲧⲛⲁϣⲧϩⲏⲧ ⲉⲕⲉ̀ⲉⲙⲓ ⲉ̀ϯⲙⲉⲑⲙⲏⲓ ⲱ ⲡⲓⲙⲁⲕⲁⲣⲟⲓⲥ ⲁ̀ⲛⲟⲕⲅⲁⲣ ϯϥⲓⲣⲱⲟⲩϣ ⲁⲛ ϧⲁⲛⲓϧⲓⲥⲓ ⲉⲧⲁⲓϣⲟⲡⲟⲩ ⲁⲗⲗⲁ ϯⲉⲣⲙⲉⲑⲣⲉ ϧⲁϯⲙⲉⲑⲙⲏⲓ 

ⲉ̀ϣⲁⲩⲥⲟⲩⲉⲛϯⲥⲟⲫⲓⲁⲅⲁⲣ ϧⲉⲛⲡⲓⲥⲁϫⲓ ⲟⲩⲟϩ ϯⲙⲉⲧⲥⲁⲃⲉ ϧⲉⲛⲡⲥⲁϫⲓ ⲙ̀ⲡⲓⲗⲁⲥ ⲟⲩⲟϩ ⲛ̀ⲑⲟⲕⲇⲉ ϩⲱⲕ ⲉⲕⲉ̀ⲥⲟⲩⲉⲛⲑⲙⲏⲓ ⲟⲩⲟϩ ⲉⲣⲉ ⲑⲙⲏⲓ ⲁⲓⲕ ⲛ̀ⲣⲉⲙϩⲉ ⲕⲉⲡⲁⲗⲓⲛ ⲟⲛ ⲉⲕⲉ̀ⲉⲙⲓ ϫⲉϯⲙⲉⲧⲙⲁⲓϯⲧⲱⲛ ⲑⲱⲗⲉⲃ ⲛ̀ϯⲯⲩⲭⲏ ⲟⲩⲟϩ ϯⲙⲉⲧϭⲁⲥⲓϩⲏⲧ ϣⲁⲥϯⲟⲩⲃⲉ ϯⲅⲛⲱⲥⲓⲥ ⲙ̀ⲙⲏⲓ ⲡϩⲏⲧⲇⲉ ⲙ̀ⲡⲥⲁⲃⲉ ϣⲁϥⲙⲉⲩⲓ ⲉ̀ⲟⲩⲡⲁⲣⲁⲃⲟⲗⲏ ⲟⲩⲟϩ ⲫⲟⲩⲱϣ ⲛ̀ⲟⲩⲥⲁⲃⲉⲡⲉ ⲟⲩⲙⲁϣϫ. ⲉⲑⲃⲉ ⲫⲁⲓ ϯⲥϧⲁⲓ ⲛⲁⲕ ⲛ̀ⲧⲁⲓⲉⲡⲓⲥⲧⲟⲗⲏ ⲑⲁⲓ ⲟⲩⲟϩ ϯⲛⲁⲟⲩⲱⲣⲡ ⲛⲁⲕ ⲟⲛ ⲛ̀ⲛⲓⲉⲡⲓⲥⲧⲟⲗⲏ ⲉⲧⲁⲓⲥϧⲏⲧⲟⲩ ⲁⲣⲓⲧⲁⲅⲁⲡⲏ ⲙ̀ⲡⲉⲣϯϩⲁⲡ ϩⲓⲛⲁ ⲛ̀ⲧⲟⲩϣⲧⲉⲙϯϩⲁⲡ ⲉ̀ⲣⲟⲕ ⲁⲗⲗⲁ ⲱϣ ⲟⲩⲟϩ ⲕⲁϯ ⲉⲓⲥ ⲛⲓⲉⲡⲓⲥⲧⲟⲗⲏ ⲫⲗⲟⲅⲟⲥ ⲉⲑⲟⲩⲁⲃ ⲙⲁⲣⲉϥϣⲱⲡⲓ ⲙ̀ⲫⲁⲛⲟⲥ ⲙ̀ⲡⲉⲕⲛⲟⲩⲥ ⲟⲩϫⲁⲓ 

ⲙⲏⲓⲥ ⲛ̀ⲁⲅⲁⲑⲟⲛ ϩⲓⲧⲉⲛⲙⲁⲣⲕⲟⲥ 

___________________

 ϧⲉⲛⲥⲟⲩⲁⲓ ⲙ̇ⲡⲓⲁⲃⲟⲧ ⲭⲟⲓⲁⲕ ⲛ̇ϯⲣⲟⲙⲡⲓ ⲙ̇ⲙⲁϩⲁⲯ̅ⲙ̅ⲃ̅ ⲙ̇⳥ ⲁⲛⲟⲕ ⲡⲉϣⲉⲛϯ ⲡⲓⲉⲗⲁⲭⲓⲥⲧⲟⲥ ⲉⲧⲟⲩⲙⲟⲩϯ ⲉ̀ⲣⲟⲓ ϧⲉⲛⲟⲩⲙⲉⲧⲁⲧⲙⲡϣⲁ ϫⲉⲡⲓⲁⲛⲁⲭⲱⲣⲓⲧⲏⲥ ⲉⲓⲥϧⲁⲓ ⲙ̀ⲡⲁⲥⲟⲛ ⲡⲓϭⲱⲓϫ ⲙ̇ⲙⲁⲧⲟⲓ ⲛ̇ⲧⲉⲡⲁϩⲓ ⲛ̀ⲭⲏⲙⲓ ϫⲉⲭⲁⲓⲣⲉ ⲁⲓⲓ̀ ⲉϩⲣⲁⲕ ⲓⲥϫⲉⲛ ⲕ̅ⲉ̅ ⲛ̀ⲣⲟⲙⲡⲓ ⲛⲁⲕⲥⲁϫⲓ ⲛ̀ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ϧⲉⲛⲟⲩⲙⲟⲑⲛⲉⲥ ⲛⲁⲕⲥⲱⲃⲓ ⲟⲩⲟϩ ⲛⲁⲕϫⲉⲛϫⲉⲛ ⲁⲛⲥⲉϩⲉⲛⲕⲉ ⲛⲉⲙⲛⲉⲛⲉⲣⲏⲟⲩ ⲟⲩⲟϩ ⲁⲛⲥⲁϫⲓ ⲛⲉⲙⲛⲉⲛⲉⲣⲏⲟⲩ ⲛ̀ϩⲉⲃⲇⲟⲙⲁⲥ ⲛⲓⲃⲉⲛ ⲁⲛⲉⲣ ⲛⲓⲟⲩⲛⲟⲩ ⲛ̀ⲧⲉⲛⲓⲉϫⲱⲣϩ ⲉⲛϭⲓⲥⲃⲱ ⲉⲧⲉⲛⲁⲥⲡⲓ ϩⲓⲛⲁ ⲛ̀ⲧⲉⲛⲥⲁϫⲓ ⲛ̀ϯⲙⲉⲧⲣⲉⲙⲛ̀ⲭⲏⲙⲓ ⲛⲉⲙⲡⲓⲁⲧⲑⲱⲟⲩⲓ ⲛⲉⲙⲑⲟⲩⲑⲙⲟⲥ ⲛⲉⲙⲁⲓⲑⲁⲙⲓⲟ ⲛⲁⲛⲑⲱⲟⲩϯⲇⲉ ⲛ̀ⲥⲁⲃⲃⲁⲧⲟⲛⲛⲓⲃⲉⲛ ⲛ̀ⲧⲉⲛⲥⲁϫⲓ ⲛⲉⲙⲛⲉⲛⲉⲣⲏⲟⲩ . 

ⲟⲩⲟϩ ⲉ̀ⲧⲁⲛⲓⲣⲟⲙⲡⲓⲇⲉ ⲥⲓⲛⲓ ⲁⲛϣⲓⲃϯ ⲁⲓⲙⲉⲓⲙⲉⲛ ⲛ̀ⲛⲓⲥϧⲁⲓ ⲛ̀ⲧⲉⲛⲁⲓⲟϯ ⲟⲩⲟϩ ⲁⲓⲥⲱⲧⲉⲙ ⲉ̀ⲡⲟⲩϧⲣⲱⲟⲩ ⲉ̀ⲧⲱϣ ⲉ̀ⲃⲟⲗϧⲉⲛⲛⲟⲩⲥϧⲁⲓ ⲉⲃⲟⲗϩⲓⲧⲟⲧⲟⲩ ⲁⲓⲥⲱⲟⲩⲛ ⲛ̀ϯⲙⲉⲑⲙⲁⲓⲣⲱⲙⲓ ⲛⲓⲥϧⲁⲓ ⲛ̀ⲧⲉⲡⲧⲱⲟⲩ ⲛ̀ϣⲓϩⲏⲧ ⲁⲩⲧⲥⲁⲃⲟⲓ ⲛ̀ⲧⲁⲭⲱ ⲛⲱⲟⲩ ⲛ̀ⲟⲩⲟⲛ ⲛⲓⲃⲉⲛ 

ⲁⲓⲙⲉⲓⲅⲁⲣ ϫⲉⲧⲉⲛⲁⲥⲡⲓ ⲁⲥⲙⲟⲩ ⲟⲩⲟϩ ⲙ̀ⲙⲟⲛ ⲱⲛϧ ⲭⲏ ϧⲉⲛⲡϫⲱⲛⲧ ⲟⲩⲇⲉ ⲡⲓⲙⲟⲥϯ ⲁⲓⲁⲣⲉϩ ⲉϯϩⲓⲥⲧⲟⲣⲓⲁ ⲛ̀ⲧⲉⲧⲉⲛⲁⲥⲡⲓ ⲟⲩⲟϩ ⲁⲓϩⲓⲧⲥ ϧⲉⲛⲫⲓⲟⲙ ⲁⲓϣⲱⲡⲓ ⲙ̀ⲫⲣⲏϯ ⲛ̀ⲟⲩϩⲉⲣⲙⲓⲧⲏⲥ ϧⲉⲛⲡⲓⲉⲣⲫⲉⲓ ⲛ̀ⲧⲉⲧⲉⲛⲁⲥⲡⲓ ⲟⲩⲟϩ ⲡⲓⲟⲩⲱⲓⲛⲓ ⲛ̀ⲧⲉϯⲅⲛⲱⲥⲓⲥ ⲁϥⲉⲣⲟⲩⲱⲓⲛⲓ ϧⲉⲛⲡⲓⲭⲁⲕⲓ ⲛ̀ⲧⲉⲧⲁⲙⲉⲧⲁⲧⲉⲙⲓ ⲟⲩⲟϩ ⲙ̀ⲡⲉ. ⲡⲓⲭⲁⲕⲓ ⲧⲁϩⲟϥ 

ⲛ̀ⲑⲟⲕⲇⲉⲁⲕϣⲱⲡⲓ  ⲙ̀ⲫⲣⲏϯ ⲛ̀ⲟⲩⲙⲁⲧⲟⲓ ⲉⲕϯⲟⲩⲃⲉ ⲛⲏⲉⲧϯ ⲉ̀ϧⲟⲩⲛ ⲉϩⲣⲉⲛ ⲧⲉⲛⲁⲥⲡⲓ ⲁⲕⲉⲣⲭⲣⲓⲁ ⲛ̀ⲧⲉⲕϭⲓⲥⲓ ⲙ̀ⲡⲧⲁⲡ ⲛ̀ⲧⲉⲧⲉⲛⲁⲥⲡⲓ ⲁⲕⲛⲁⲩ ⲉ̀ⲛⲓϫⲁϫⲓ ⲛ̀ⲧⲉⲧⲉⲛⲁⲥⲡⲓ ϧⲉⲛⲙⲁⲓ ⲛⲓⲃⲉⲛ ϣⲁⲛⲓⲥⲁϫⲓ ⲛ̀ⲧⲉⲧⲉⲛⲁⲥⲡⲓ ⲁⲕϫⲓⲙⲓⲅⲁⲣ  ⲛ̀ϩⲁⲛϫⲁϫⲓ ϧⲉⲛϩⲁⲛⲥⲁϫⲓ ⲙ̀ⲫⲣⲏϯ ⲛ̀ϯϩⲉⲇⲟⲙⲁⲥ ⲛⲉⲙϯⲡⲁⲣⲁⲥⲕⲉⲩⲏ ⲛⲉⲙⲡⲓⲥⲁⲃⲃⲁⲧⲟⲛ ⲛⲉⲙϯⲕⲩⲣⲓⲁⲕⲏ ⲁⲕⲉⲣⲉⲡⲓⲑⲩⲙⲓⲛ ⲛ̀ⲧⲉⲕⲧⲟⲩⲃⲟ ⲛ̀ϯⲙⲉⲧⲣⲉⲙⲛ̀ⲭⲏⲙⲓ ⲉ̀ⲃⲟⲗϩⲁ ⲧⲉⲥϩⲓⲥⲧⲟⲣⲓⲁ ⲉⲕⲉⲣⲉⲧⲓⲛ ⲛ̀ⲧⲉⲕⲉⲣⲃⲉⲣⲓ ⲛ̀ⲧⲉⲛⲁⲥⲡⲓ ⲟⲩⲟϩ ⲁⲕⲉⲙⲗⲁϧ ⲛⲉⲙⲟⲩⲟⲛ ⲛⲓⲃⲉⲛ ⲉⲧⲉ ⲙ̀ⲡⲉϥⲟⲩⲱϣ ⲛ̀ⲧⲉϥϭⲓ ⲟⲩⲥⲏϥⲓ ⲟⲩⲟϩ ⲙⲓϣⲓ ⲉ̀ϫⲉⲛⲧⲉⲛⲁⲥⲡⲓ ϧⲉⲛⲣⲱⲥ ⲛ̀ⲧⲥⲏϥⲓ ⲛ̀ⲧⲉ ⲫⲗⲁⲥ

ⲁⲓⲛⲁⲩ ⲉ̀ⲣⲟⲕ ⲉⲕⲉⲣⲫⲟⲣⲓⲛ ⲙ̀ⲫⲣⲁⲛ ⲛ̀ⲧⲉⲡⲓⲕⲁϩⲓ ⲟⲩⲟϩ ⲁⲓϣⲉⲙϣⲏⲕϫⲓ ϫⲉⲁⲕϫⲉⲙⲉⲑⲛⲟⲩϫ ⲉⲕϫⲱⲙ̀ⲙⲟⲥ ϫⲉⲁⲓⲕϭⲓⲥⲃⲱ ⲉⲧⲉⲛⲁⲥⲡⲓ ⲉ̀ⲃⲟⲗϩⲓⲧⲟⲧϥ ⲙ̀ⲡⲏⲓ ⲉ̀ⲧⲁϥⲁⲣⲉϩ ⲉ̀ⲧⲉⲛⲁⲥⲡⲓ ϩⲱⲥ ⲙ̀ⲡⲟⲩⲉⲣⲡⲉⲥⲱⲃϣ ⲉⲛⲉϩ ⲟⲩⲟϩ ⲁⲕϫⲟⲥ ϫⲉⲛⲓⲣⲉⲙⲣⲏⲥ ⲁⲩⲁⲣⲉϩ ⲉ̀ⲧⲉⲛⲁⲥⲡⲓ ⲁⲕϫⲟⲥⲙⲉⲛ ϫⲉⲧⲉⲛⲁⲥⲡⲓ ⲙ̀ⲡⲉⲥϣⲓⲃϯ ⲭⲱⲣⲓⲥ ⲛⲓⲕⲁⲡ ⲛ̀ⲥϧⲁⲓ ⲁⲕⲭⲁ ⲛ̀ⲥⲱⲕ ⲛ̀ⲛⲓⲥⲁϫⲓ ⲛ̀ⲧⲉⲛⲉⲛⲓⲟϯ ⲟⲩⲟϩ ⲁⲕⲑⲁⲙⲓⲟ ⲛ̀ϩⲁⲛⲥⲁϫⲓ ⲙ̀ⲃⲉⲣⲓ ⲛⲁⲓ ⲉⲛⲉ ⲛⲉⲛⲓⲟϯ ⲥⲱⲧⲉⲙ ⲉⲣⲱⲟⲩ ⲛⲁⲩⲛⲁⲕⲁϯ ⲉ̀ⲣⲟⲕ ⲁⲛ ⲁⲕⲙⲟⲩϯ ⲉ̀ⲣⲟⲓ ϫⲉⲟⲩϩⲏⲗⲗⲓⲛⲟⲥ ⲉⲕϫⲱⲙ̀ⲙⲟⲥ ϫⲉϯⲟⲩⲱϣ ⲛ̀ⲧⲁϥⲱϯ ⲛ̀ⲛⲓⲥⲁϫⲓ ⲛ̀ⲧⲉⲛⲉⲛⲓⲟϯ ⲟⲩⲟϩ ⲓ̀ⲛⲓ ⲛ̀ϩⲁⲛⲥⲁϫⲓ ⲛ̀ⲟⲩⲉⲓⲛⲓⲛ

ⲥⲱⲧⲉⲙ ⲛ̀ⲧⲁⲧⲁⲙⲟⲕ ⲱ̀ ⲫⲏⲉ̀ⲧⲉⲣⲁ̀ⲛⲧⲓⲗⲉⲅⲓⲛ ⲟⲩⲃⲉ ⲛⲁⲥⲁϫⲓ. ⲁⲙⲏⲛ ⲁⲙⲏⲛ ϯϫⲱⲙⲙⲟⲥ ⲛⲁⲕ ϫⲉϯⲥⲁϫⲓ ⲛ̀ⲧⲉⲛⲁⲥⲡⲓ ⲕⲁⲧⲁⲛⲓⲥϧⲁⲓ ⲛ̀ⲧⲉⲛⲉⲛⲓⲟϯ ⲙ̀ⲡⲁⲓϥⲱϯ ⲛ̀ϩⲁⲛⲥⲁϫⲓ ⲉ̀ⲧⲁⲣⲉ ⲛⲉⲛⲓⲟϯ ⲛ̀ⲁⲅⲓⲟⲥ ⲉⲣⲭⲣⲁⲥⲑⲉ ⲙ̀ⲙⲱⲟⲩ ϯϥⲓⲣⲱⲟⲩϣⲅⲁⲣ ⲁⲛ ϧⲁⲑⲛⲟⲩⲛⲓ ⲛ̀ⲧⲉⲛⲓⲥⲁϫⲓ ϫⲉⲟⲩⲏⲓ ϯⲥⲁϫⲓ ⲕⲁⲧⲁⲫⲣⲏϯ ⲉ̀ⲧⲁⲩⲥⲁϫⲓ ⲛ̀ϫⲉⲛⲛⲉⲛⲓⲟϯ ⲟⲩⲟϩ ⲁⲕϣⲁⲛⲕⲁⲧⲏⲅⲟⲣⲓⲛ ⲙ̀ⲙⲟⲓ ϫⲉϯⲧⲏⲓⲥ ⲛ̀ⲧⲁⲁⲥⲡⲓ ⲉ̀ⲛⲓϣⲉⲙⲙⲱⲟⲩ ⲉⲑⲃⲉ ⲛⲓⲥⲁϫⲓ ⲛ̀ⲟⲩⲉⲓⲛⲓⲛ ⲉ̀ⲧⲁⲩϫⲱ ⲙ̀ⲙⲱⲟⲩ ⲛ̀ϫⲉⲛⲉⲛⲓⲟϯ ⲧⲟⲧⲉ ⲉⲕⲕⲁⲧⲏⲅⲟⲣⲓⲛ ⲛ̀ⲛⲉⲛⲓⲟϯ ⲟⲛ ⲟⲩⲟϩ ⲟⲛ ⲁⲕϫⲟⲥ ⲉ̀ⲟⲩⲣⲱⲙⲓ ϫⲉⲭⲁⲣⲱⲕ ϫⲉⲛ̀ⲑⲟⲕ ⲟⲩⲣⲉⲙⲛ̀ⲭⲏⲙⲓ ⲁⲛ ⲥϣⲉ ⲁⲛ ⲛ̀ⲧⲉⲕⲥⲁϫⲓ ⲟⲩⲟϩ ⲟⲛ ⲁⲕϯϣⲱϣ ⲛ̀ⲟⲩⲣⲱⲙⲓ ⲉⲑⲃⲉ ⲡⲉϥⲅⲉⲛⲟⲥ ⲟⲩⲟϩ ⲁⲕϯⲟⲩⲃⲉ ⲛⲓϧⲉⲗϣⲁⲓⲣⲓ ⲉ̀ⲧⲥϧⲁⲓ ⲙ̀ⲡⲓⲗⲉⲝⲓⲕⲟⲛ ⲙⲏ ⲛ̀ⲑⲟⲕ ⲟⲩⲛⲓϣϯ ⲛ̀ⲑⲟⲕ ⲉ̀ⲛⲓⲕⲉⲉⲑⲛⲟⲥ ⲉ̀ⲧⲁⲕϯϣⲱϣ ⲛ̀ⲛⲓⲕⲉⲭⲱⲟⲩⲛⲓ ⲁⲕⲭⲁ ϯⲇⲓⲕⲉⲟⲩⲥⲩⲛⲏ ⲛⲉⲙϯⲙⲉⲑⲙⲏⲓ ⲛ̀ⲥⲱⲕ 

ⲛⲉ ⲛⲉⲛⲓⲟϯ ⲙ̀ⲙⲟⲛⲁⲭⲟⲥ ⲉⲣⲁⲥⲕⲓⲛ ⲟⲩⲟϩ ⲁⲛⲟⲕϧⲁ ⲡⲓϫⲱⲃ ⲛ̀ⲣⲉϥⲉⲣⲛⲟⲃⲓ ⲉⲓⲉⲙⲟϣⲓ ⲛ̀ⲥⲱⲟⲩ ⲙ̀ⲙⲟⲛϣϫⲟⲙ ⲙ̀ⲙⲟⲓ ⲛ̀ⲧⲁϩⲓⲟⲩⲓ ⲛ̀ⲛⲓⲁⲣⲉⲧⲏ ⲧⲏⲣⲟⲩ ⲉⲧⲁⲩⲧⲥⲁⲃⲟⲓ ⲛ̀ⲧⲁⲙⲓϣⲓ ⲛⲉⲙⲁⲕ ⲉ̀ϫⲉⲛ ⲧⲉⲛⲁⲥⲡⲓ ϫⲉⲟⲩⲏⲓ ⲁⲛⲟⲕ ⲟⲩⲣⲉϥⲃⲱⲧⲥ ⲁⲛ

ⲁⲛϩⲓⲟⲓ ⲛⲉⲙⲛⲉⲛⲉⲣⲏⲟⲩ ⲛ̀ϩⲟ ⲟⲩⲃⲉ ϩⲟ ϫⲉⲟⲩⲏⲓ ⲁ̀ⲛⲟⲕ ⲛⲁⲓⲣⲏⲥ ⲡⲉ ϧⲉⲛⲛⲓⲅⲣⲁⲫⲏ ⲟⲩⲟϩ ⲛⲁⲣⲉ ⲡⲁⲕⲁϯ ⲥⲉⲃⲧⲱⲧⲡⲉ ⲉⲥⲟϩⲓ ⲛ̀ⲛⲓⲥⲁϫⲓ ⲛ̀ⲧⲉⲛⲓϩⲉⲣⲉⲧⲓⲕⲟⲥ ϧⲉⲛⲧⲥⲟⲫⲓⲁ ⲛ̀ⲧⲉⲛⲉⲛⲓⲟϯ ⲛ̀ⲑⲟⲕⲇⲉ ⲁⲕϯ ⲟⲩⲃⲏⲓ ϧⲉⲛⲟⲩⲙⲉⲧϫⲱⲣⲓ ⲉⲣⲉ ϯⲃⲁⲕⲓ ϯⲱⲟⲩ ⲛⲁⲕ ⲁⲗⲗⲁ ⲙⲉⲛⲉⲛⲥⲁ ⲧⲁⲓⲥⲃⲱ ⲧⲏⲣⲥ ⲁⲕⲟⲩⲱϣ ⲛ̀ⲟⲩⲱⲟⲩ ⲉⲑⲃⲉ ϯⲙⲉⲧϭⲁⲥⲓϩⲏⲧ ⲉ̀ⲧⲁⲥϣⲱⲡⲓ ⲙ̀ⲙⲟⲕ ⲁⲕϩⲉⲓ ⲉ̀ⲧⲟⲧⲕ ⲙ̀ⲡⲓⲇⲁⲓⲙⲱⲛ ⲛ̀ⲧⲉⲡϫⲱⲛⲧ 

ⲉⲓⲉⲭⲁⲕ ⲛ̀ⲥⲱⲓ ⲱ ⲡⲓⲙⲁⲧⲟⲓ ⲛ̀ⲧⲉϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲟⲩⲟϩ ⲉⲓⲉⲧⲁⲥⲑⲉ ⲉⲧⲁⲣⲓ ⲉⲓⲥⲟⲙⲥ ⲉⲛⲓⲥϧⲁⲓ ⲛ̀ⲁⲡⲁⲥ ⲟⲩⲟϩ ⲉⲓⲉⲥϧⲁⲓ ⲛ̀ⲧⲁⲁⲥⲡⲓ ϧⲉⲛⲟⲩϩⲓⲣⲏⲛⲏ ⲥⲁⲃⲟⲗ ⲙ̀ⲡⲓϣⲑⲟⲣⲧⲉⲣ ⲛ̀ⲧⲉⲡⲓⲕⲟⲥⲙⲟⲥ

ⲟⲩϫⲁⲓ ⲡⲁⲥⲟⲛ ϫⲉⲁⲕϯϩⲓⲱⲧⲕ ⲛ̀ϯϧⲉⲗⲓⲃϣ ⲛⲉⲙϯⲡⲉⲣⲓⲕⲉⲫⲁⲗⲉⲁ ⲛ̀ⲧⲉⲛⲓⲙⲁⲧⲟⲓ ⲁⲕϧⲱⲧⲉⲃ ⲛ̀ⲛⲉⲕϫⲁϫⲓ ϧⲉⲛⲡⲉⲕⲕⲟⲛⲧⲁⲣⲓⲟⲛ ϯⲛⲁⲭⲁⲕ ⲛ̀ⲥⲱⲓ ⲙⲏⲡⲟⲧⲉ ⲛ̀ⲧⲉⲕⲡⲗⲩⲧⲏ ⲙ̀ⲙⲟⲓ ϧⲉⲛⲡⲉⲕϫⲱⲛⲧ 

ⲟⲩϫⲁⲓ ⲡⲁⲥⲟⲛ ϫⲉⲙ̀ⲙⲟⲛϣϫⲟⲙ ⲙ̀ⲙⲟⲓ ⲉϫⲟⲩϣⲧ ⲉⲡⲓⲥⲛⲟϥ ϩⲓⲧⲟⲧⲕ 

ⲟⲩϫⲁⲓ ⲡⲁⲥⲟⲛ ⲙ̀ⲡⲁϯⲥⲱⲧⲉⲙ ⲉⲡϧⲣⲱⲟⲩ ⲉⲧϫⲟⲥ ⲛⲁⲕ ϫⲉⲟⲩ ⲡⲉⲧⲁⲕⲁⲓϥ ⲧⲥⲙⲏ ⲙ̀ⲡⲥⲛⲟϥ ⲙ̀ⲡⲉⲕⲥⲟⲛ ⲱϣ ⲉ̀ϩⲣⲏⲓ ϩⲁⲣⲟⲓ ⲉ̀ⲃⲟⲗϧⲉⲛⲡⲕⲁϩⲓ

ⲛ̀ⲑⲟⲕⲇⲉ ⲕⲉⲙⲓ ⲉⲫⲙⲁ ⲛ̀ⲧⲉⲧⲁⲕⲉⲗⲓ ⲁⲕϣⲁⲛⲧⲱⲃϩ ⲛ̀ϯϩⲓⲣⲏⲛⲏ ⲕⲱⲗϩ ϩⲓⲣⲉⲛ ⲫⲣⲟ ⲛ̀ⲧⲁⲕⲉⲗⲗⲓⲁ ⲟⲩⲟϩ ϯⲛⲁⲉⲣⲟⲩⲱ ⲛⲁⲕ

_________________________________

ϧⲉⲛⲥⲟⲩⲍ̄ ⲙ̇ⲡⲓⲁⲃⲟⲧ ⲭⲟⲓⲁⲕ ⲁⲯ̅ⲙ̅ⲃ̅ ⲙ̇ⲙⲁⲣⲧⲩⲣⲟⲥ ⲁ̀ⲛⲟⲕ ⲡⲉϣⲉⲛϯ ⲉⲓⲥϧⲁⲓ ⲙ̇ⲡⲓⲙⲁⲧⲟⲓ ϫⲉⲭⲁⲓⲣⲉⲓⲛ ϯϣⲓⲛⲓ ⲉⲣⲟⲕ ⲉⲓⲥ ⲁⲓⲭⲁⲕ ⲛ̀ⲥⲱⲓ ⲁⲗⲗⲁ ⲁⲕϭⲟϫⲓ ⲛ̀ⲥⲱⲓ ϧⲉⲛⲙⲁⲓⲛⲓⲃⲉⲛ ϩⲱⲥ ⲙⲁⲧⲟⲓ ⲙ̀ⲙⲏⲓ ⲙ̀ⲡⲁⲕⲭⲁⲙⲁⲛⲏⲓ ⲛ̀ⲧⲁⲫⲱⲧ ⲉⲃⲟⲗϩⲁ ⲡⲉⲕϩⲟ ⲁⲕⲟⲡⲧⲇⲉ ϩⲱⲥ ϫⲁϫⲓ ⲟⲩⲟϩ ⲉⲕϯϩⲁⲡ ⲉⲣⲟⲓ ⲟⲩⲟϩ ⲁⲕⲱⲣϫ ϫⲉⲛ̀ⲛⲉⲕⲛⲁⲭⲁ ⲧⲉⲕⲥⲏϥⲓ ⲛ̀ⲥⲱⲕ ϣⲁⲛⲧⲉⲕϧⲟⲙϧⲉⲙ ⲙ̀ⲙⲟⲓ ⲥⲁⲡⲉⲥⲏⲧ ⲛ̀ⲛⲉⲕϭⲁⲗⲁⲩϫ ⲛⲓⲙⲅⲁⲣ ϧⲉⲛⲛⲓⲣⲱⲙⲓ ⲉⲑⲛⲁⲥⲉⲙⲛⲓ ⲛⲁⲕ ⲛ̀ⲧⲉϥϩⲓⲣⲏⲛⲏ ⲁⲛⲟⲕⲇⲉ ϯⲛⲁⲫⲱⲧ ⲉⲧⲁⲣⲓ ⲟⲩⲟϩ ⲉⲓⲉⲙⲟⲩⲛ ⲉⲃⲟⲗ ⲉⲥⲙⲟⲩ ⲉⲧⲉⲛⲁⲥⲡⲓ ϧⲉⲛⲡⲉⲥⲉⲣⲫⲉⲓ ⲛⲉⲙⲛⲁⲥⲛⲏⲟⲩ 

ϯϫⲟⲩϣⲧⲉⲃⲟⲗϧⲁⲧϩⲏ ⲙ̀ⲡⲉⲕϫⲓⲛⲧⲁⲥⲑⲟ ⲁⲭⲛⲁⲕⲱⲗϩ ϩⲓⲣⲉⲛ ⲫⲣⲟ ⲛ̀ⲧⲁⲕⲉⲗ ⲓⲉ ⲁⲭⲛⲁⲧⲁⲕⲟ ⲙ̀ⲡⲓⲉⲣⲫⲉⲓ ⲧⲏⲣϥ ⲛⲉⲙⲛⲏⲉⲧⲡⲣⲉⲃⲉⲩⲓⲛ ⲛ̀ϧⲏⲧϥ ⲉⲓⲥ ⲟⲩϩⲉⲃⲇⲟⲙⲁⲥ ⲁⲥⲥⲓⲛⲓ ⲛ̀ⲑⲟⲕⲇⲉ ⲁⲕⲑⲱⲟⲩϯ ⲛ̀ⲛⲓⲕⲉⲙⲁⲧⲟⲓ ϩⲓⲛⲁ ⲛ̀ⲧⲟⲩⲙⲓϣⲓ ⲟⲩⲃⲏⲓ ⲁⲕⲧⲁⲙⲟⲅⲁⲣ ⲙ̀ⲙⲱⲟⲩ ϫⲉⲁⲛⲟⲕ ⲟⲩϫⲁϫⲓ ⲉⲧⲁⲩⲧⲁⲕⲟ ⲛ̀ⲧⲉⲛⲕⲉⲗⲗⲓⲁ ⲙ̀ⲡⲟⲩϫⲓⲙⲓ ⲛ̀ⲟⲩⲥⲏϥⲓ ⲁⲩⲛⲁⲩ ⲉⲡⲁⲕⲁϣ ⲛⲉⲙⲛⲁⲉⲡⲓⲥⲧⲟⲗⲏ ⲛⲉⲙϩⲁⲛⲅⲣⲁⲫⲏ ⲛ̀ⲁⲡⲁⲥ ⲟⲩⲟϩ ⲁⲩⲓ̀ ϩⲁⲣⲟⲓ ⲛ̀ϫⲉⲛⲓⲙⲁⲧⲟⲓⲉⲩⲉⲣⲡⲓⲣⲁⲍⲓⲛ ⲙ̀ⲙⲟⲓ ⲉⲩϫⲱⲙ̀ⲙⲟⲥ ϫⲉⲡⲱⲥ ⲁⲕϫⲉⲟⲩⲁ ⲟⲩⲟϩ ⲕⲥⲁϩⲟⲩⲓ ⲛ̀ⲛⲉⲕⲁⲣⲭⲱⲛ ⲛⲉⲙⲛⲉⲕⲥⲩⲅⲅⲉⲛⲏⲥ ⲛⲉⲙⲡⲉⲛⲛⲟⲩϯ ⲡⲉϫⲏⲓ ⲛⲱⲟⲩ ϫⲉϯⲥⲁϩⲟⲩⲓ ⲁⲛ ⲙ‌ⲡⲭⲁⲕⲓ ⲁⲗⲗⲁ ⲡⲓⲭⲁⲕⲓⲙⲉⲛ ϥⲥⲁϩⲟⲩⲓ ⲙ‌ⲙⲟⲓ ϣⲁϯⲛⲟⲩ ϥϭⲟϫⲓ ⲛ‌ⲥⲱⲓ ⲛ‌ϫⲉⲡⲧⲁⲕⲟ ⲁⲗⲗⲁ ⲙ̀ⲡⲉϥϣⲧⲁϩⲟⲓ

ⲁ̀ⲛⲟⲕⲅⲁⲣⲡⲉ ⲫⲟⲩⲱⲓⲛⲓ ⲛⲉⲙⲧϧⲏⲓⲃⲓ
ⲁ̀ⲛⲟⲕⲡⲉ ϯⲁⲗⲏⲑⲓⲁ ⲛⲉⲙϯⲁⲡⲁⲧⲏ
ⲁ̀ⲛⲟⲕⲡⲉ ⲡⲓⲑⲉⲃⲓⲏⲟⲩⲧ ⲛⲉⲙⲡⲓϭⲁⲥⲓϩⲏⲧ
ⲁ̀ⲛⲟⲕⲡⲉ ⲡⲓⲙⲱⲓⲧ ⲛⲉⲙⲡⲓⲟⲥⲓ
ⲁ̀ⲛⲟⲕⲡⲉ ⲡⲓⲁϩⲟ ⲛⲉⲙⲡⲧⲁⲕⲟ
ⲁ̀ⲛⲟⲕⲡⲉ ⲡⲓϧⲣⲱⲟⲩ ⲉ̀ⲧⲱϣ ϧⲉⲛⲡϣⲁϥⲉ ⲁⲗⲗⲁ ⲙ‌ⲙⲟⲛⲡⲉⲧⲁϥⲥⲟⲑⲙⲉⲧ ϫⲉⲁⲓⲫⲱⲧ ⲉ̀ⲃⲟⲗϩⲁ ⲡⲓⲕⲟⲥⲙⲟⲥ

ⲁ̀ⲛⲟⲕⲇⲉ ⲁⲓⲉⲣⲟⲩⲥⲉⲣⲙⲏ ϩⲓ ⲛⲓϣⲁϥⲉⲩ ⲛⲉⲙⲛⲓⲧⲱⲟⲩ ⲛⲉⲙⲛⲓⲃⲏⲃ ⲛⲉⲙⲛⲓⲭⲟⲗ ⲛ̀ⲧⲉⲡⲕⲁϩⲓ ⲉⲓⲕⲱϯ ⲛ̀ⲥⲁϯⲅⲛⲱⲥⲓⲥ ⲛⲉⲙϯⲥⲟⲫⲓⲁ ⲛⲉⲙϯⲁⲅⲁⲡⲏ ⲉⲓϫⲟⲩϣⲧ ⲉ̀ⲃⲟⲗ ϫⲉⲁⲣⲉ ⲫⲣⲏ ⲛⲁϩⲱⲧⲡ ⲛ̀ⲑⲛⲁⲩ ϩⲓⲛⲁ ⲛ̀ⲧⲁⲙⲧⲟⲛ ⲉ̀ⲃⲟⲗϧⲉⲛⲛⲁⲓϧⲓⲥⲓ ⲛⲉⲙⲛⲁⲙⲕⲁϩ ⲛ̀ϩⲏⲧ ⲛⲏⲉⲧⲕⲱϯ ⲉⲣⲟⲓ ϯⲛⲟⲩ

ⲛⲁⲣⲉ ⲡⲓⲕⲟⲥⲙⲟⲥ ⲙⲡϣⲁ ⲙ‌ⲙⲟⲓ ⲁⲛ ⲡⲉ ⲉⲓⲥⲱⲣⲉⲙ ϩⲓⲡϣⲁϥⲉ ⲛ̀ⲥⲓⲛⲁ ⲛⲉⲙⲡⲧⲱⲟⲩ ⲛ̀ⲧⲉ ϣⲓϩⲏⲧ ⲛⲉⲙⲛⲓⲃⲏⲃ ⲛⲉⲙⲛⲓⲭⲟⲗ ⲛ‌ⲧⲉⲡⲕⲁϩⲓ ⲁⲛⲟⲕⲇⲉ ϩⲱ ϯⲙ̀ⲡϣⲁ ⲙ̀ⲡⲓⲕⲟⲥⲙⲟⲥ ⲁⲛ ϫⲉⲁⲛⲟⲕ ⲁⲛ ⲡⲉ ⲡⲉϥⲟⲩⲱⲓⲛⲓ. ⲁⲛⲟⲕⲡⲉ ⲧϣⲱϯ ⲙ‌ⲙⲱⲟⲩ ⲛ‌ⲱⲛϧ ⲉⲑⲙⲉϩ ⲙ‌ⲫⲁⲣⲙⲁⲅⲓⲁ

ⲁⲣⲉⲧⲉⲛϣⲁⲛⲕⲁϯ ⲉⲣⲟⲓ ⲧⲉⲧⲉⲛⲛⲁⲭⲁⲧ ⲛ̀ⲥⲁⲑⲏⲛⲟⲩ ⲓⲉ ⲧⲉⲧⲉⲛⲛⲁⲙⲟϣⲓ ⲛ̀ⲥⲱⲓ
ⲁⲣⲉⲧⲉⲛϣⲧⲉⲙⲕⲁϯ ⲉ̀ⲣⲟⲓ ⲧⲉⲧⲉⲛⲛⲁϩⲓⲱⲛⲓ ⲙ̀ⲙⲟⲓ ϩⲱⲥ ϩⲉⲣⲉⲧⲓⲕⲟⲥ ⲛⲉⲧⲉⲛⲱⲛⲓϥⲁⲣ ⲥⲉⲛⲁⲑⲱⲙ ⲛ̀ⲣⲱⲓ ⲁⲗⲗⲁ ⲧⲁⲥⲟⲫⲓⲁ ⲥⲛⲁⲭⲁⲣⲱⲥ ⲁⲛ

__________________________________

ⲁⲩⲥⲱⲃⲓ ⲙ̀ⲙⲟⲓ ⲉⲩϫⲱⲙⲙⲟⲥ ⲛⲏⲓ ϫⲉⲛ̀ⲑⲟⲕⲇⲉ ⲉⲭⲟⲩⲉϩ ⲛ̀ⲥⲁϯⲅⲛⲱⲥⲓⲥ ⲛⲉⲙϯⲥⲟⲫⲓⲁ ⲛⲉⲙϯⲙⲉⲧⲇⲓⲕⲉⲟⲥ ⲛ̀ⲧⲉⲡⲁⲓⲕⲟⲥⲙⲟⲥ ⲫⲁⲓ ⲉⲧϩⲱⲟⲩ ⲛ̀ⲑⲟⲕⲟⲩⲛ ⲟⲩⲁⲛⲁⲭⲱⲣⲓⲧⲏⲥ ⲁⲛ ⲁⲗⲗⲁ ⲟⲩϩⲉⲣⲉⲧⲓⲕⲟⲥ ϫⲉⲟⲩⲏⲓⲅⲁⲣ ⲉⲣⲉⲣⲱⲕ ⲟⲩⲏⲛ ϧⲉⲛⲛⲓⲙⲉⲧⲉⲫⲗⲏⲟⲩ ⲟⲩⲟϩ ⲟⲩⲟⲓ ⲛⲁⲕ ϫⲉⲁⲕⲕⲱⲧ ⲛⲁⲕ ⲛϩⲁⲛⲩⲕⲉⲗⲗⲓⲁ ⲛⲏⲉⲧⲉ ⲙ̀ⲡⲟⲩϯϩⲏⲟⲩ ⲛⲁⲕ ⲛ̀ⲑⲟⲕ ⲟⲩⲕⲟⲩϫⲓ ϧⲉⲛⲛⲓⲁⲣⲉⲧⲏ ⲁⲕⲟⲩⲱⲙⲅⲁⲣ ⲉⲃⲟⲗϧⲉⲛ ⲡⲟⲩⲧⲁϩ ⲙ̀ⲡⲓϣϣⲏⲛ ⲛ̀ⲧⲉⲡⲉⲙⲓ ⲉ̀ⲡϣⲓⲃϯ ⲛ̀ϯⲥⲟⲫⲓⲁ ⲛⲉⲙϯⲙⲉⲧⲁⲧⲥⲃⲱ ⲟⲩⲟϩ ϯⲫⲁⲣⲁⲙⲅⲓⲁ ⲛ̀ⲧⲉⲡⲓⲉⲙⲓ ⲁⲥⲧⲁϩⲟⲕ ⲟⲩⲟⲓ ⲙ̀ⲙⲟⲕ ϫⲉⲁⲕⲉⲣⲡⲓⲑⲩⲙⲓⲛ ⲙ̀ⲡⲓⲉⲙⲓ ϫⲉⲭⲛⲁⲉⲣⲛⲉⲕⲉϩⲟⲟⲩ ⲧⲏⲣⲟⲩ ⲉⲕⲕⲱϯ ⲛ̀ⲥⲁϯⲅⲛⲱⲥⲓⲥ 

ⲁⲛⲟⲛⲅⲁⲣ ⲁⲛⲟⲛ ϩⲁⲛⲓⲇⲓⲱⲧⲏⲥ ⲛ̀ⲣⲱⲙⲓ ⲙ̀ⲡⲉⲛϭⲓⲥⲃⲱ ⲛ̀ⲧⲉⲡⲁⲓⲕⲟⲥⲙⲟⲥ ⲟⲩⲇⲉ ⲛ̀ⲛⲉⲥϣⲱⲡⲓ ⲙ̀ⲙⲟⲛ ⲁⲛⲟⲩⲱⲙⲅⲁⲣ ⲉⲃⲟⲗϧⲉⲛ ⲡⲟⲩⲧⲁϩ ⲙ̀ⲡⲓϣϣⲏⲛ ⲛ̀ⲧⲉⲡⲱⲛϧ 

ⲡⲉϫⲁϥ ⲛⲏⲓ ⲛ̀ϫⲉⲟⲩⲣⲉϥⲃⲱⲧⲥ ϫⲉⲁⲕⲟⲩⲉϩ ⲉϫⲉⲛ ⲡⲓⲙⲁⲧⲟⲓ ⲛ̀ⲁⲅⲁⲑⲟⲥ ⲙ‌ⲫⲣⲏϯ ⲛ̀ⲟⲩⲟⲩⲱⲛϣ ⲙ̀ⲡⲉϥⲕⲱϯ

ⲁⲓⲉⲣⲟⲩⲱ ⲛⲱⲟⲩ ⲧⲏⲣⲟⲩ ⲁⲓϫⲱⲙⲙⲟⲥ ϫⲉⲁⲣⲉϩⲇⲉ ⲉ‌ⲣⲱⲧⲉⲛ ⲉ‌ⲃⲟⲗϩⲁ ⲛⲓⲥⲟⲫⲟⲥ ⲛ‌ⲛⲟⲩϫ ⲛⲏ ⲉⲑⲛⲏⲟⲩ ϩⲁⲣⲱⲧⲉⲛ ϧⲉⲛϩⲁⲛϩⲉⲃⲥⲱ ⲛⲉⲥⲱⲟⲩ ⲥⲁϧⲟⲩⲛⲇⲉ ⲙ‌ⲙⲱⲟⲩ ϩⲁⲛⲟⲩⲱⲛϣ ⲛ‌ⲣⲉϥϩⲱⲗⲉⲙ ⲛⲉ. ⲁϥϧⲣⲁϫⲣⲉϫ ⲛ̀ⲛⲉϥⲛⲁϫϩⲓ ⲛ̀ϫⲉⲡⲓⲙⲁⲧⲟⲓ ⲉⲧⲁϥⲥⲟⲑⲙⲉⲧ ⲁϥϩⲟⲛϩⲉⲛ ⲛ̀ⲧⲟⲩⲉⲣⲃⲁⲥⲁⲛⲍⲓⲛ ⲙ̀ⲙⲟⲓ 

ⲁⲛⲟⲕⲇⲉ ⲁⲓϭⲓⲉⲣϧⲟⲧ ⲉⲑⲃⲉⲧⲟⲩⲙⲉⲧⲁⲧⲉⲙⲓ. ⲟⲩⲟϩ ⲁⲓϣⲱⲛⲓ ⲉⲑⲃⲉ ⲛⲟⲩⲁⲛⲟⲙⲓⲁ ⲧⲥⲃⲱ ⲛ̀ⲧⲉ ⲧⲟⲩϩⲓⲣⲏⲛⲏ ⲉ̀ϩⲣⲏⲓ ⲉ̀ϫⲱⲓ ϧⲉⲛⲛⲁⲗⲉⲗⲉⲭⲏⲙⲓ ⲛ̀ⲑⲱⲟⲩ ⲁⲩⲑⲉⲗⲏⲗ. ⲉⲧⲓ ⲉⲓϩⲉϫϩⲱϫ ϧⲉⲛϩⲱⲃⲛⲓⲃⲉⲛ ⲁⲗⲗⲁ ⲛ̀ⲧⲁϩⲉϫϩⲱϫ ⲁⲛ ⲉⲩϩⲓⲟⲩⲓ ⲙ̀ⲙⲟⲓ ⲉ̀ⲃⲟⲗ ⲁⲗⲗⲁ ⲛ̀ⲧⲁϩⲱⲟⲩⲓ ⲉ̀ⲃⲟⲗ ⲁⲛ ⲉⲩϭⲟϫⲓ ⲛ̀ⲥⲱⲓ ⲁⲗⲗⲁ ⲁϥⲭⲱ ⲙ̀ⲙⲟⲛ ⲉⲩⲣⲱϧⲧ ⲙ̀ⲙⲟⲓ ⲉ̀ϧⲣⲏⲓ ⲁⲗⲗⲁ ϯⲧⲁⲕⲏⲟⲩⲧ ⲁⲛ ⲉⲑⲃⲉ ⲧⲟⲩⲙⲉⲧⲛⲓϣϯ ⲛ̀ⲛⲁⲓ ⲉⲧⲉ ⲙ̀ⲡⲟⲩϫⲓⲙⲓ ⲛ̀ⲟⲩⲥⲏϥⲓ ⲙ̀ⲡⲟⲩϧⲟⲧϧⲉⲧ ⲡⲉϫⲱⲟⲩ ⲛⲁϥ ϫⲉⲫⲁⲓ ⲟⲩϩⲉⲣⲉⲧⲓⲕⲟⲥ ⲁⲗⲗⲁ ⲟⲩⲙⲁⲧⲟⲓ ⲁⲛ ⲉⲧⲁⲩⲛⲁⲩⲇⲉ ⲛ̀ϫⲉⲛⲓⲙⲁⲧⲟⲓ ϫⲉⲥⲉⲛⲁϫⲉⲙϩⲏⲟⲩ ⲛ̀ϩⲗⲓ ⲁⲛ ⲁⲗⲗⲁ ⲙⲁⲗⲗⲟⲛ ⲟⲩϣⲑⲟⲣⲧⲉⲣ ⲡⲉⲑⲛⲁϣⲱⲡⲓ ⲁⲩϭⲓ ⲛ̀ⲟⲩⲙⲱⲟⲩ ⲁⲩⲓⲁ ⲛⲟⲩϫⲓϫ ⲉ̀ⲃⲟⲗ ⲙ̀ⲡⲉⲙⲑⲟ ⲙ̀ⲡⲓⲙⲁⲧⲟⲓ ⲉⲩϫⲱ ⲙ̀ⲙⲟⲥ ϫⲉⲧⲉⲛⲟⲓ ⲛ̀ⲁⲑⲛⲟⲃⲓ ⲉ̀ⲃⲟⲗϩⲁ ⲡⲥⲛⲟϥ ⲛ̀ⲧⲉ ⲡⲁⲓϩⲉⲣⲉⲧⲓⲕⲟⲥ ⲛ̀ⲁⲧⲥⲏϥⲓ ⲛ̀ⲑⲟⲕ ⲉⲕⲉⲉ̀ⲣⲱϣⲓ

ⲡⲉϫⲁϥ ⲛⲏⲓ ⲛ̀ϫⲉⲡⲓⲙⲁⲧⲟⲓ ϫⲉϯⲉⲣⲭⲣⲓⲁ ⲁⲛ ⲛ̀ⲣⲉϥϯⲥⲃⲱ ⲟⲩⲟϩ ⲉⲣⲉⲡⲁϩⲏⲧ ⲑⲏⲧ ⲁⲛ ⲛⲉⲙⲛⲏⲉⲧϯⲥⲃⲱ ⲛⲏⲓ ⲛ̀ϯⲛⲁⲥⲟⲗⲥⲉⲗ ⲛ̀ⲛⲓⲥⲁϫⲓ ⲁⲛ ϧⲉⲛⲟⲩⲙⲉⲧⲫⲓⲗⲟⲥⲟⲫⲟⲥ ⲛⲏⲉⲧⲁⲓⲓⲣⲓ ⲉⲣⲱⲟⲩ ⲁⲛ ϧⲉⲛⲟⲩⲙⲉⲧⲡⲉⲣⲓⲟⲣⲅⲟⲥ ⲁⲗⲗⲁ ϧⲉⲛⲟⲩϫⲱϥ ⲛ̀ϩⲏⲧ ⲛ̀ⲑⲟⲕⲡⲉ ⲕⲟⲛⲓ ⲛ̀ⲟⲩⲙⲁⲑⲏⲧⲏⲥ ⲛ̀ⲥⲟϫ ⲡⲉ ⲁⲕⲁⲣⲉϩ ⲉⲛⲁⲓⲥⲁϫⲓ ⲁⲗⲗⲁ ⲛ̀ⲑⲟⲕ ⲟⲩⲃⲁⲗϩⲏⲧ ⲁⲛⲟⲕⲅⲁⲣ ⲡⲉ ⲫⲏⲉⲧϭⲟⲥⲓ ⲑⲱⲓ ⲧⲉ ϯϫⲟⲙ ⲛⲉⲙⲡⲓⲱⲟⲩ ⲛⲉⲙⲡⲓⲁⲙⲁϩⲓ ϯⲛⲁϧⲟⲙϧⲉⲙ ⲛ̀ⲧⲉⲕⲫⲓⲗⲟⲥⲟⲫⲓⲁ ⲛ̀ⲕⲟⲥⲙⲓⲕⲟⲛ

__________________________________

ⲡⲉϫⲉⲡⲓⲣⲱⲙⲓ ⲛ̀ⲁⲅⲁⲑⲟⲥ ϫⲉⲙ̀ⲡⲉⲣϯ ⲉ̀ϧⲟⲩⲛ ⲉ̀ϩⲣⲉⲛ ⲡⲓⲡⲉⲧϩⲱⲟⲩ ⲟⲩⲟϩ ⲉⲓⲥⲡⲓⲣⲉϥϭⲓⲟⲩⲓ̀ⲇⲉ ⲛ̀ⲑⲟϥ ⲁϥⲓ̀ ⲁϥϭⲓⲟⲩⲓ̀ ⲛ̀ⲧⲉⲕⲥⲏϥⲓ ⲛⲉⲙⲧⲉⲕϧⲉⲗⲗⲓⲃϣ ⲟⲩⲟϩ ⲁ̀ⲛⲟⲕ ⲉⲧⲁⲓⲓ̀ ⲉϩⲣⲁϥ ⲁⲓϣⲉⲛϩⲏⲧ ϧⲁⲣⲟⲕ ⲁⲓⲙⲟⲩⲣ ⲛ̀ⲛⲉⲕⲉⲣϧⲱⲧ ⲁⲓϯ ⲛⲉϩ ϩⲓ ⲏⲣⲡ ⲛ̀ⲥⲱⲟⲩ ⲉⲧⲁϥⲧⲁⲗⲟϥ ⲁⲓⲙⲟⲩϯⲇⲉ ⲙ̀ⲡⲓⲣⲉϥϭⲓⲟⲩⲓ ϩⲓⲛⲁ ⲛ̀ⲧⲉϥⲉⲣⲙⲉⲧⲁⲛⲟⲓⲛ ⲁⲗⲗⲁ ⲙ̀ⲡⲉϥⲟⲩⲱϣ ⲁⲓⲧⲁⲙⲉ ⲛⲓⲕⲉⲙⲁⲧⲟⲓ ⲙⲏⲡⲱⲥ ⲛ̀ⲧⲟⲩϭⲓⲟⲩⲓ ⲛ̀ⲛⲟⲩⲥⲏϥⲓ ⲟⲛ ⲛ̀ⲑⲟⲕⲇⲉ ⲁⲕϫⲟⲥ ⲛⲏⲓ ϫⲉⲙ̀ⲡⲓⲛⲁⲩ ⲉⲡⲓⲣⲉϥϭⲓⲟⲩⲓ ⲁⲗⲗⲁ ϯⲧⲁϫⲣⲏⲟⲩⲧ ϫⲉⲛ̀ⲑⲟϥ ⲟⲩⲙⲟⲛⲁⲭⲟⲥ ⲡⲉ ϯⲛⲟⲩⲇⲉ ⲁⲕϫⲓⲙⲓ ⲛ̀ⲧⲉⲕⲥⲏϥⲓ ⲁⲗⲗⲁ ⲙ̀ⲡⲉⲕⲟⲩⲉⲙϩⲑⲏⲕ ⲉⲁⲕⲕⲁⲧⲏⲅⲟⲣⲓⲛ ⲛ̀ⲟⲩⲙⲟⲛⲁⲭⲟⲥ ⲉⲑⲃⲉⲟⲩ ⲁⲕⲟⲩⲱϣ ⲛ̀ⲟⲩⲕⲁⲥⲧⲣⲟⲛ ⲟⲩⲧⲉ ⲛⲉⲛⲕⲉⲗⲗⲓⲁ ⲛⲧⲉⲛⲓⲙⲟⲛⲁⲭⲟⲥ ⲉⲑⲃⲉⲟⲩ ⲁⲕⲉⲣⲉⲧⲓⲛ ⲛ̀ⲧⲟⲩⲁⲓⲕ ⲛ̀ⲟⲩⲁⲣⲭⲏⲙⲁⲛⲇⲣⲓⲧⲏⲥ 

ⲁⲓϫⲟⲩϣⲧ ⲉ̀ⲡϣⲱⲓ ⲁⲓⲛⲁⲩ ⲉⲟⲩⲁϧⲱⲙ ⲉϥⲣⲏⲥ ⲟⲩⲟϩ ⲉϥⲉⲣⲛⲩⲙⲫⲓⲛ ⲟⲩⲟϩ ⲉⲓⲥ ⲟⲩⲁⲃⲱⲕ  ⲙ̀ⲫⲣⲏϯ ⲛ̀ⲟⲩⲙⲟⲩⲓ ⲉϥϩⲉⲙϩⲉⲙ ⲉϥⲕⲱϯ ⲛ̀ⲥⲁ ⲉⲙϥ ⲙ̀ⲡⲓⲁϧⲱⲙ ⲟⲩⲟϩ ⲡⲓⲁϧⲱⲙⲇⲉ ϫⲉⲙ̀ⲡⲉϥϯ ⲉ̀ϧⲟⲩⲛ ⲉϩⲣⲉⲛ ⲡⲓⲁⲃⲱⲕ ⲁⲗⲗⲁ ⲁϥϩⲁⲗⲁⲓ ⲛ̀ϫⲉ ⲡⲓⲁϧⲱⲙ ⲥⲁⲡϣⲱⲓ ⲟⲩⲟϩ ⲙ̀ⲡⲉ ⲡⲓⲁⲃⲱⲕ ⲧⲁϩⲟϥ

_______________________________

ϧⲉⲛⲥⲟⲩⲕ̄ⲁ̄ ⲙ̇ⲡⲓⲁⲃⲟⲧ ⲭⲟⲓⲁⲁⲕ ⲁⲯ̅ⲙ̅ⲃ̅ ⲙ̇ⲙⲁⲣⲧⲩⲣⲟⲥ ⲡⲉϣⲉⲛϯ ϥⲥϧⲁⲓ ⲙ̀ⲡⲓⲙⲁⲧⲟⲓ ϫⲉⲁⲓϫⲟⲥ ⲛⲁⲕ ϫⲉϯⲛⲁⲕⲏⲛⲇⲉ ϯⲛⲟⲩ ⲉⲓⲥⲁϫⲓ ⲛⲉⲙⲁⲕ ⲉⲑⲃⲉ ⲡⲁⲓϩⲱⲃ ⲁⲫⲣⲱϣⲓ ϣⲱⲡⲓ ⲧⲟⲧⲉ ⲁⲕⲑⲱⲟⲩϯ ⲛ̀ⲛⲓⲙⲟⲛⲁⲭⲟⲥ ⲁⲕϣⲉⲛⲁⲕ ⲉⲧⲁⲅⲟⲣⲁ ⲁⲕⲱϣ ⲉ̀ⲃⲟⲗ ⲉⲕϫⲱⲙⲙⲟⲥ  ϫⲉⲡⲁⲛⲁⲑⲏⲙⲁ ⲛ̀ϩⲏⲧ ϥⲭⲏ ϧⲉⲛⲧⲉⲧⲉⲛⲙⲏϯ ⲉⲧⲁⲕϣⲉⲛⲁⲕ ⲉϯ ⲕⲁⲑⲉⲇⲣⲁ ⲁⲕⲥϧⲁⲓ ⲛ̀ⲟⲩⲧⲟⲙⲟⲥ ⲙ̀ⲃⲉⲣⲓ ⲁⲕϫⲟⲥ ϫⲉⲛⲁⲛⲉⲥⲅⲁⲣ ⲉⲥⲉⲏⲣⲡ ϧⲉⲛⲟⲩⲥⲟϭⲛⲓ ⲉⲛⲁⲛⲉϥ ⲉϩⲟⲧⲉ ⲉⲥⲉⲙⲱⲟⲩ ϧⲉⲛⲟⲩⲙⲉⲧϭⲁⲥⲓϩⲏⲧ ⲙⲁϩⲑⲏⲧⲉⲛⲟⲩⲛ ⲉⲛⲓⲑⲙⲏⲓ ⲛⲏⲉⲧⲁⲩⲥⲉⲏⲣⲡ ϧⲉⲛⲟⲩⲥⲟϭⲛⲓ ⲉⲛⲁⲛⲉϥ ⲟⲩⲟϩ ⲙ̀ⲡⲉⲣϯϩⲑⲏⲧⲉⲛ ⲑⲏⲛⲟⲩ ⲉⲡⲁⲓⲁⲛⲁⲭⲱⲣⲓⲧⲏⲥ ⲫⲁⲓ ⲉⲧⲉⲙⲙⲁⲩ ⲛ̀ⲥⲙⲟⲧ ⲛ̀ⲇⲁⲓⲙⲟⲛ ⲫⲏⲉⲧⲥⲉⲙⲱⲟⲩ ϧⲉⲛⲟⲩⲙⲉⲩⲓ ⲉϥⲥⲙⲟⲛⲧ ⲁⲛ ⲁⲩⲥⲉⲏⲣⲡⲅⲁⲣ ⲛⲉⲙⲡⲉⲛ⳪̅ ⲓⲏ̅ⲥ̅  ⲡⲭ̅ⲥ̅ ⲛ̀ϫⲉⲛⲁⲛ̀ⲏⲓ ⲙ̀ⲡⲉⲧⲣⲟⲥ ⲡⲓⲁⲡⲟⲥⲧⲟⲗⲟⲥ ⲛⲉⲙⲛⲉϥⲙⲁⲑⲏⲧⲏⲥ ⲧⲏⲣⲟⲩ ⲡⲁⲓⲁⲛⲁⲭⲱⲣⲓⲧⲏⲥⲇⲉ ⲫⲁⲓ ⲉⲧⲉⲙⲙⲁⲩ ⲁϥⲥⲉⲙⲱⲟⲩ ϧⲉⲛⲟⲩⲙⲉⲧϭⲁⲥⲓϩⲏⲧ ⲁⲩⲥⲉⲙⲱⲟⲩ ϩⲱⲟⲩ ⲛ̀ϫⲉⲛⲓⲫⲓⲗⲟⲥⲓⲫⲟⲥ ⲉⲧⲉ ⲡⲩⲑⲁⲅⲟⲣⲁⲥⲡⲉ ⲛⲉⲙⲇⲓⲟⲅⲉⲛⲏⲥ ⲛⲉⲙⲡⲗⲁⲧⲱⲛ ⲛⲉⲙⲛⲓⲕⲉⲙⲁⲛⲓⲭⲉⲟⲥ ⲉⲧⲁⲩⲓ̀ ⲉⲃⲟⲗ ⲛ̀ϧⲏⲧⲟⲩ ⲛⲉⲙϯⲑⲱⲟⲩⲧⲥ ⲧⲏⲣⲥ ⲛ̀ⲧⲉⲛⲓⲥⲁⲃⲉⲩ ⲛ̀ⲛⲟⲩϫ ⲛⲁⲓ ⲉⲧⲁⲩⲥⲣⲱϥⲧ ⲉϩⲁⲛⲛⲓϣϯ ⲛ̀ⲛⲟⲃⲓ ⲛ̀ⲧⲁⲓⲙⲁⲓⲏ ϩⲱⲥⲧⲉ ⲛ̀ⲧⲟⲩϣⲱⲡⲓ ⲛ̀ⲁⲧⲥⲟⲩⲉⲛⲫⲛⲟⲩϯ ⲟⲩⲟϩ ⲛ̀ⲧⲟⲩⲟⲩⲱϣⲧ ⲛ̀ⲛⲓⲓⲇⲱⲗⲟⲛ ⲉⲧⲥⲟϥ 

ⲉⲓⲥ ⲟⲩϩⲉⲣⲉⲧⲓⲕⲟⲥ ⲙ̀ⲃⲉⲣⲓ ⲁϥⲟⲩⲉϩ ⲛ̀ⲥⲁ ⲛⲓϩⲏⲗⲗⲓⲛⲟⲥ ⲁϥϣⲁⲙϣⲉⲓϧ ⲟⲩⲟϩ ⲥⲁⲧⲟⲧⲟⲩ ⲁⲩⲥⲟϭⲛⲓ ⲛ̀ⲟⲩⲥⲟϭⲛⲓ ⲛ̀ϣⲱⲣⲡ ⲛ̀ϫⲉⲛⲓⲁⲣⲭⲓⲉⲣⲉⲩⲥ ⲛⲉⲙⲛⲓⲡⲣⲉⲥⲃⲩⲧⲉⲣⲟⲥ ⲛⲉⲙⲛⲓⲇⲓⲁⲕⲟⲛⲟⲥ ⲛⲉⲙⲛⲓⲙⲟⲛⲁⲭⲟⲥ ⲛⲉⲙⲡⲓⲙⲁⲛ̀ϯϩⲁⲡ ⲧⲏⲣϥ ⲁⲩⲥⲱⲛϩ ⲙ̀ⲙⲟⲓ ⲟⲩⲟϩ ⲁϥϣⲉⲛⲧ ⲛ̀ϫⲉⲛⲓⲁⲣⲭⲱⲛ ϫⲉ ⲛ̀ⲑⲟⲕ ⲡⲉ ⲡⲥⲟⲫⲟⲥ ⲛ̀ⲧⲉ ⲛⲓϩⲉⲣⲉⲧⲓⲕⲟⲥ ⲙ̀ⲃⲉⲣⲓ ⲁⲛⲟⲇⲉ ⲉⲧⲁⲓⲉⲣⲟⲩⲱ ⲡⲉϫⲏⲓ ⲛⲱⲟⲩ ϫⲉ ⲛ̀ⲑⲱⲧⲉⲛ ⲁⲧⲉⲧⲉⲛϯϩⲁⲡ ⲉⲣⲟⲓ ⲙ̀ⲡⲁⲧⲉⲧⲉⲛⲥⲟⲑⲙⲉⲧ ⲟⲩⲟϩ ⲛⲁⲩⲉⲣⲕⲁⲧⲏⲅⲟⲣⲓⲛ ⲛ̀ϩⲁⲛⲙⲏϣ ϧⲁⲣⲟⲓ ⲛ̀ϫⲉⲛⲓⲁⲣⲭⲓⲉⲣⲉⲩⲥ ⲡⲓⲙⲁⲧⲟⲓⲇⲉ ⲁϥⲉⲣⲟⲩⲱ ⲛⲱⲟⲩ ⲉϥϫⲱⲙ̀ⲙⲟⲥ ϫⲉⲧⲉⲧⲉⲛⲟⲩⲱϣ ⲛ̀ⲧⲁⲭⲱ ⲛⲱⲧⲉⲛ ̀ⲉⲃⲟⲗ ⲙ̀ⲡⲁⲓϩⲉⲣⲉⲧⲓⲕⲟⲥ ⲉⲧⲥⲱϥ  ⲟⲩ ⲟⲩⲛ ⲡⲉϯⲛⲁⲁⲓϥ ⲙ̀ⲫⲏⲉⲧⲉⲧⲉⲛϫⲱ ⲙ̀ⲙⲟⲥ ⲉ̀ⲣⲟϥ ϫⲉ ⲡⲥⲟⲫⲟⲥ ⲛ̀ⲧⲉ ⲛⲓϩⲉⲣⲉⲧⲓⲕⲟⲥ ⲛ̀ⲑⲱⲟⲩⲇⲉ ⲟⲛ ⲁⲩⲱϣ ⲉ̀ⲃⲟⲗ ϫⲉⲙⲁⲣⲉϥⲉⲣⲁⲛⲁⲑⲏⲙⲁ ⲁϥϫⲟⲥ ⲛⲏⲓ ⲛ̀ϫⲉⲡⲓⲁⲙⲧⲟⲓ ⲉ̀ⲃⲟⲗⲅⲁⲣ ϧⲉⲛ ⲛⲉⲕⲥⲁϫⲓ ⲁⲩϯϩⲁⲡ ⲉ̀ⲣⲟⲕ 

ⲡⲉϫⲏⲓ ⲛⲁⲕ ϫⲉϯⲛⲁⲕⲏⲛⲇⲉ ϯⲛⲟⲩ ⲉⲓⲥⲁϫⲓ ⲛⲉⲙⲁⲕ ⲉⲑⲃⲉ ⲡⲁⲓϩⲱⲃ ⲁⲫⲣⲱϣⲓ ϣⲱⲡⲓ ⲁⲕⲧⲱⲛϣ ⲟⲩⲟϩ ⲁⲕⲥⲱⲃⲓ ⲙ̀ⲙⲟⲓ ⲟⲩⲟϩ ⲁⲕϩⲱⲟⲩϣ ⲟⲩⲟϩ ⲁⲕⲥⲁϩⲟⲩⲓ

ⲁⲓϫⲟⲥ ⲛⲁⲕ ϫⲉⲭⲁⲣⲱⲕ ⲁⲗⲗⲁ ⲁⲕⲱϣ ⲉⲃⲟⲗ ⲉⲕϫⲱⲙⲙⲟⲥ ϫⲉⲙ̀ⲫⲱⲣ ⲉⲡϧⲁⲉⲇⲉ ⲁⲩϯϫⲟⲙ ⲛⲏⲓ ⲁⲓⲑⲱⲙ ⲛ̀ⲣⲱⲕ ϣⲁ ϩⲁⲛⲁⲧⲟⲟⲩⲓ ⲟⲩⲟϩ ⲛ̀ϧⲣⲏⲓ ϧⲉⲛⲡⲁⲓⲉϫⲱⲣϩ ⲙ̀ⲡⲁⲧⲉ ⲟⲩⲁⲗⲉⲕⲧⲱⲣ ⲙⲟⲩϯ ⲁⲕⲭⲁⲧ ⲛ̀ⲥⲱⲕ

ⲉⲓⲥ ⲁⲕⲕⲱⲧ ⲛ̀ⲟⲩⲙⲟⲛⲁⲥⲧⲏⲣⲓⲟⲛ ⲙ̀ⲃⲉⲣⲓ ⲁⲩⲁⲓⲕ ⲙ̀ⲡⲉϥⲓⲱⲧ ⲁⲩⲑⲱⲟⲩϯ ⲛ̀ϫⲉⲛⲓⲙⲁⲧⲟⲓ ⲛⲉⲙⲛⲓⲙⲟⲛⲁⲭⲟⲥ ⲛⲉⲙⲛⲏⲉⲧⲁⲩⲛⲁϩϯ ϫⲉⲁⲛⲟⲕ ⲟⲩϩⲉⲗⲗⲏⲛⲟⲥ ⲡⲉ ϯⲛⲟⲩⲇⲉ ϯⲧⲟⲩⲃⲟ ⲛ̀ⲧⲁⲕⲉⲗⲗⲓⲁ ⲟⲩⲟϩ ϯⲕⲱⲧ ⲙ̀ⲙⲟⲥ ⲛ̀ⲕⲉⲥⲟⲡ. ⲁⲫⲣⲱϣⲓ ϣⲱⲡⲓ 
__________________________________________

ⲉⲧⲓ ⲉⲓϩⲉⲙⲥⲓ ⲉⲓⲛⲟⲩⲃⲧ ⲛ̀ϩⲁⲛⲃⲏⲧ ⲉⲓϯϩⲑⲏⲓ ⲉⲡⲁϩⲱⲃ ⲛ̀ϫⲓϫ ⲟⲩⲇⲉ ⲙ̀ⲡⲓⲥⲟⲙⲥ ⲉⲣⲱⲟⲩ ⲉⲛⲁⲩ ⲁⲗⲗⲁ ⲁⲩⲱϣ ⲉ̀ⲃⲟⲗ ⲉⲩϫⲱⲙⲙⲟⲥ ⲙ̀ⲡⲓⲙⲁⲧⲟⲓ ϫⲉⲡⲑⲉⲟⲥ ⲉϥⲉⲥⲙⲟⲩ ⲉⲣⲟⲕ ⲕⲁⲧⲁ ⲡⲓϧⲓⲥⲓ ⲟⲩⲟϩ ⲉϥⲉϯⲃⲉⲭⲉ ⲛⲁⲕ ϧⲉⲛⲧⲫⲉ 

ⲁⲛⲟⲕⲇⲉ ⲁⲓⲕⲱⲧ ⲛ̀ⲟⲩⲥⲟⲃⲧ ⲉϥϭⲟⲥⲓ ⲉⲓⲉⲣϩⲟϯⲅⲁⲣ ϧⲁⲧϩⲏ ⲛ̀ⲛⲓⲙⲟⲛⲁⲭⲟⲥ ⲉⲑⲙⲟϣⲓ ⲛ̀ⲥⲱϥ ⲟⲩⲟϩ ⲁⲥϣⲱⲡⲓ ⲉⲓⲭⲏ ϧⲉⲛⲟⲩⲙⲁ ⲉⲓⲉⲣⲡⲣⲟⲥⲉⲩⲭⲉⲥⲑⲉ ⲉⲧⲁⲓⲕⲏⲛ ⲡⲉϫⲉ ⲟⲩⲁⲓ ⲛ̀ⲛⲉϥⲙⲁⲑⲏⲧⲏⲥ ⲛⲏⲓ ϫⲉⲡⲱⲥ ⲁⲕⲭⲁ ⲡⲉⲕⲥⲟⲛ ⲛ̀ⲥⲱⲕ ⲡⲉϫⲏⲓⲇⲉ ⲛⲁϥ ϫⲉϩⲟⲧⲁⲛ ⲁⲕϣⲁⲛⲉⲣⲁⲅⲁⲡⲁⲛ ⲛ̀ⲟⲩⲁⲓ ⲉⲕⲉ̀ⲁⲓϥ ⲛ̀ⲥⲣⲁϩ 

ⲥⲉⲱϣ ⲉⲃⲟⲗ ⲉⲩϫⲱⲙⲙⲟⲥ ϫⲉⲙⲁⲣⲉⲛⲧⲁⲛϧⲟ ⲛ̀ⲧⲉⲛⲁⲥⲡⲓ ⲁⲗⲗⲁ ⲥⲉⲥⲁϫⲓ ϧⲉⲛϩⲁⲛⲕⲉⲁⲥⲡⲓ ⲛ̀ⲗⲁⲥ ⲁⲩⲟⲩⲱϣⲧ ⲙ̀ⲙⲟϥ ⲁⲩⲙⲟⲩϯ ⲉⲣⲟϥ ϫⲉⲡⲓⲥⲁⲃⲉ 

ⲡⲉϫⲉ ⲡⲓⲙⲁⲧⲟⲓ ϫⲉⲛⲓⲙⲅⲁⲣ ϧⲉⲛⲛⲓⲙⲟⲛⲁⲭⲓⲥ ⲉⲧⲟⲛⲓ ⲙ̀ⲙⲟⲓ ϧⲉⲛϯⲙⲁⲓⲏ ⲛⲉⲙⲡⲓϩⲙⲟⲧ ⲁⲛⲟⲕⲇⲉ ϯⲱⲣⲕ ⲛ̀ⲧⲫⲉ ⲛⲉⲙⲡⲕⲁϩⲓ ⲛ̀ⲧⲁϯϣⲱϣ ⲛ̀ⲛⲏⲉⲑⲙⲟϣⲓ ⲛ̀ⲥⲁ ⲛⲉⲛⲓⲟϯ ⲁⲩⲉⲛⲕⲟⲧⲅⲁⲣ ⲁⲩⲙⲧⲟⲛ ⲙ̀ⲙⲱⲟⲩ ⲛ̀ϫⲉⲛⲉⲧⲉⲛⲓⲟϯ ⲟⲩⲇⲓⲁⲑⲏⲕⲏⲇⲉ ⲙ̀ⲃⲉⲣⲓ ⲉⲓⲉⲥⲙⲛⲏⲧⲥ ⲛⲱⲧⲉⲛ ⲙⲟϣⲓⲟⲩⲛ ⲛ̀ⲥⲱⲓ ⲟⲩⲟϩ ⲭⲁ ⲛⲓⲣⲉϥⲙⲱⲟⲩⲧ ⲙⲁⲣⲟⲩⲑⲱⲙⲥ ⲛ̀ⲛⲟⲩⲣⲉϥⲙⲱⲟⲩⲧ  ⲛⲁⲥⲛⲏⲟⲩ ⲁ̀ⲛⲟⲕ ϯⲙⲉⲩⲓ ⲉ̀ⲣⲟⲓ ϫⲉⲁⲓⲟⲩⲱ ⲁⲓⲧⲁϩⲟ ⲟⲩⲁⲓⲇⲉ ⲉⲓⲓⲣⲓⲙⲉⲛ ⲙ̀ⲡⲱⲃϣ ⲛ̀ⲛⲁⲫⲁϩⲟⲩ ⲉⲓⲥⲱⲟⲩⲧⲉⲛⲇⲉ ⲙ̀ⲙⲟⲓ ⲉ̀ⲛⲁⲧϩⲏ ⲁⲛⲟⲛⲇⲉ ϩⲱⲛ ϧⲁⲛⲏⲉⲧⲟⲛϧ ⲙⲁⲣⲉⲛⲉⲣⲫⲙⲉⲩⲓ ϫⲉⲙ̀ⲡⲁⲣⲉ ϩⲗⲓ ⲉⲗ ⲟⲩⲧⲱⲓⲥ ⲙ̀ⲃⲉⲣⲓ ⲛ̀ⲧⲉϥϩⲓⲧⲥ ⲉ̀ⲟⲩⲫⲉⲗϫⲓ ⲛ̀ϩⲃⲟⲥ ϣⲁⲥⲱⲗⲓⲅⲁⲣ ⲙ̀ⲡⲉⲥⲙⲟϩ ⲉ̀ⲃⲟⲗ ϩⲓ ⲡⲓϩⲃⲟⲥ ⲟⲩⲟϩ ϣⲁⲣⲉ ⲟⲩⲫⲱϧ ϣⲱⲡⲓ ⲛ̀ϩⲟⲩⲟ ⲟⲩⲇⲉ ⲙ̀ⲡⲁⲩϩⲓ ⲏⲣⲡ ⲙ̀ⲃⲉⲣⲓ ⲉ̀ⲁⲥⲕⲟⲥ ⲛ̀ⲁⲡⲁⲥ ⲙ̀ⲙⲟⲛ ϣⲁⲣⲉ ⲛⲓⲁⲥⲕⲟⲥ ⲫⲱϧ ⲟⲩⲟϩ ϣⲁⲣⲉ ⲡⲓⲏⲣⲡ ⲫⲱⲛ ⲉ̀ⲃⲟⲗ ⲟⲩⲟϩ ϣⲁⲣⲉ ⲛⲓⲁⲥⲕⲟⲥ ⲧⲁⲕⲟ ⲁⲗⲗⲁ ϣⲁⲩϩⲓ ⲏⲣⲡ ⲙ̀ⲃⲉⲣⲓ ⲉ̀ⲁⲥⲕⲟⲥ ⲙ̀ⲃⲉⲣⲓ ⲟⲩⲟϩ ϣⲁⲩϥⲓ ⲛ̀ⲛⲟⲩⲉⲣⲏⲟⲩ ⲱⲟⲩⲛⲓⲁⲧⲟⲩ ⲛ̀ⲁⲡⲁ ⲕⲗⲁⲩⲇⲓⲟⲥ ⲛⲉⲙⲁⲡⲁ ⲡⲓⲥⲉⲛϯ ⲛⲉⲙⲁⲡⲁ ⲭⲣⲓⲥⲧⲟⲇⲟⲗⲟⲥ ⲛ̀ⲑⲱⲟⲩⲅⲁⲣ ⲁⲩϭⲓⲙⲱⲓⲧ ϧⲁϫⲱⲛ ⲉϧⲟⲩⲛ ⲉⲡⲁⲓⲙⲱⲓⲧ ⲙ̀ⲃⲉⲣⲓ ⲫⲁⲓ

ⲉⲓⲥ ⲧϧⲁⲉ ⲛ̀ⲧⲁⲉⲡⲓⲥⲧⲟⲗⲏ ⲁⲥⲧⲁϩⲟⲓ ⲛⲉⲛⲕⲩⲕⲕⲗⲟⲥⲇⲉ ⲛ̀ⲧⲉ ⲛⲓⲡⲟⲗⲉⲙⲟⲥ ⲛⲁⲧⲁⲕⲟ ⲛ̀ⲧⲁϩⲓⲣⲏⲛⲏ ⲡⲉϫⲉ ⲥⲟⲕⲣⲁⲧⲏⲥ ⲡⲓⲫⲓⲗⲟⲥⲟⲫⲟⲥ ϫⲉγνώθι σε αυτόν ⲉϣⲁⲩⲟⲩⲁϩⲙⲉϥ ϫⲉⲥⲱⲟⲩⲛ ⲙ̀ⲙⲓⲛ ⲙ̀ⲙⲟⲕ ⲁⲛⲟⲕⲇⲉ ⲉⲓⲉⲧⲁⲥⲑⲟ ⲉⲧⲁⲣⲓ ⲉⲓⲉⲕⲱⲧ ⲙ̀ⲫⲏⲉⲧⲁϥⲧⲁⲕⲟ ⲉⲓⲉⲥⲱⲟⲩⲛ ⲙ̀ⲙⲓⲛ ⲙ̀ⲙⲟⲓ ⲕⲁⲗⲱⲥ ⲉⲓⲉϣⲑⲁⲙ ⲙ̀ⲫⲣⲟ ⲛ̀ⲧⲁⲣⲓ

ⲉⲛⲁⲓϣⲉ ⲉⲃⲟⲗ ϣⲁ ϯϣⲱϯ ϩⲓⲛⲁ ⲛ̀ⲧⲁⲙⲉϩ ⲧⲁⲁⲛⲧⲗⲏⲙⲁ ⲁⲓⲱϣ ⲛ̀ⲟⲩⲥϧⲁⲓ ⲙ̀ⲃⲉⲣⲓ ⲥⲥϧⲏⲟⲩⲧⲅⲁⲣ ϫⲉⲟⲩϩⲉⲣⲉⲧⲓⲕⲟⲥ ϥⲭⲱⲡ ⲙ̀ⲛⲁⲓ ⲧⲟⲧⲉ ⲁⲓⲧⲁⲥⲑⲟ ⲁⲓⲉⲣⲛⲏⲥⲧⲉⲩⲓⲛ ϣⲁ ⲫⲛⲁⲩ ⲛ̀ϩⲁⲛⲁⲣⲟⲩϩⲓ ⲟⲩⲟϩ ⲉⲧⲁ ⲣⲟⲩϩⲓⲇⲉ ϣⲱⲡⲓ ⲁⲓϣⲉ ⲉⲃⲟⲗ ⲛ̀ⲧⲁϣⲧⲉⲙⲙⲟⲩϫⲧ ⲛⲉⲙⲛⲓⲕⲉⲙⲁⲧⲟⲓ ⲉⲧⲟⲩⲙⲟⲩϯ ⲉⲣⲱⲟⲩ ϫⲉⲛⲓⲙⲟⲛⲁⲭⲟⲥ ⲛ̀ⲧⲉⲡⲓⲙⲱⲓⲧ ⲙ̀ⲃⲉⲣⲓ

ⲉⲧⲁⲓⲱϣ ⲛ̀ⲛⲓⲥϧⲁⲓ ⲁⲭⲣⲉⲙⲣⲉⲙ ⲁⲓϫⲟⲥ ϫⲉⲡⲓⲉϫⲱⲣϩ ⲉⲧⲉⲙ̀ⲙⲁⲩ ⲉϥⲉ̀ⲉⲣⲭⲁⲕⲓ ⲟⲩⲟϩ ⲛ̀ⲛⲉϥⲕⲱϯ ⲛ̀ⲥⲱϥ ⲛ̀ϫⲉ ⲫⲣⲏ ⲉ̀ⲃⲟⲗ ⲙ̀ⲡϣⲱⲓ ⲟⲩⲇⲉ ⲛ̀ⲛⲉϥⲓ ⲉ̀ϫⲱϥ ⲛ̀ϫⲉ ⲫⲟⲩⲱⲓⲛⲓ ϥⲉ̀ϭⲓⲧϥ ⲛ̀ϫⲉⲡⲭⲁⲕⲓ ⲛⲉⲙⲧϧⲏⲓⲃⲓ ⲙ̀ⲫⲙⲟⲩ ⲉϥⲉ̀ⲓ̀ ⲉ̀ϫⲱϥ ⲛ̀ϫⲉⲟⲩⲅⲛⲟⲫⲟⲥ ⲉⲩⲉ̀ⲉⲣⲭⲁⲕⲓ ⲛ̀ϫⲉⲛⲓⲥⲓⲟⲩ ⲛ̀ⲧⲉⲡⲓⲉϫⲱⲣϩ ⲉⲧⲉⲙ̀ⲙⲁⲩ ⲛ̀ⲛⲟⲩⲉⲣϩⲩⲡⲟⲙⲉⲛⲓⲛ ⲟⲩⲇⲉ ⲛ̀ⲛⲟⲩⲓ̀ ⲉ̀ⲫⲟⲩⲱⲓⲛⲓ ⲟⲩⲟϩ ⲛ̀ⲛⲟⲩⲛⲁⲩ ⲉ̀ⲡⲓⲥⲓⲟⲩ ⲛ̀ⲧⲉ ϩⲁⲛⲁⲧⲟⲟⲩⲓ ⲉϥϣⲁⲓⲱⲟⲩ ⲉⲑⲃⲉⲟⲩⲅⲁⲣ ⲁⲩϯ ⲙ̀ⲫⲟⲩⲱⲓⲛⲓ ⲛ̀ⲛⲏⲉⲧϧⲉⲛ ⲡⲭⲁⲕⲓ ϫⲉⲛⲁⲉϩⲟⲟⲩ ⲁⲩⲙⲟⲩⲛⲕ ⲙ̀ⲫⲣⲏϯ ⲛ̀ⲟⲩⲭⲣⲉⲙⲧⲥ: ⲟⲩⲟϩ ⲛⲁⲕⲁⲥ ⲁⲩϫⲱϫ ⲙ̀ⲫⲣⲏϯ ⲛ̀ⲟⲩϫⲁϫⲱ. ⲁⲓⲙⲓϣⲓ ⲙ̀ⲫⲣⲏϯ ⲛ̀ⲟⲩⲥⲓⲙ ⲟⲩⲟϩ ⲁϥϣⲱⲟⲩⲓ ⲛ̀ϫⲉⲡⲁϩⲏⲧ: ϫⲉⲁⲓⲉⲣⲡⲱⲃϣ ⲉ̀ⲟⲩⲱⲙ ⲙ̀ⲡⲁⲱⲓⲕ ⲉ̀ⲃⲟⲗ ϩⲁ ⲧⲥⲙⲏ ⲛ̀ⲧⲉⲡⲁϥⲓⲁϩⲟⲙ. ⲡⲁⲕⲁⲥ ⲁϥⲧⲱⲙⲓ ⲉ̀ⲧⲁⲥⲁⲣⲝ ⲁⲓⲉⲣ ⲙ̀ⲫⲣⲏϯ ⲛ̀ⲟⲩϩⲙⲏ ⲉ̀ⲃⲟⲗ ϩⲓⲡϣⲁϥⲉ: ⲁⲓϣⲱⲡⲓ ⲙ̀ⲫⲣⲏϯ ⲛ̀ⲟⲩⲙⲟⲩⲗⲁϫ ϧⲉⲛⲟⲩⲏⲓ ⲉϥϣⲱϥ. ⲁⲓⲉⲣϣⲣⲱⲓⲥ: ⲟⲩⲟϩ ⲁⲓϣⲱⲡⲓ ⲙ̀ⲫⲣⲏϯ ⲛ̀ⲟⲩϭⲁϫ: ⲉϥⲥⲱϫⲡ ϩⲓϫⲉⲛ ⲟⲩϫⲉⲛⲉⲫⲱⲣ ⲙ̀ⲙⲁⲩⲁⲧϥ. ⲁⲓⲟⲩⲉⲙⲕⲉⲣⲙⲓ ⲙ̀ⲫⲣⲏϯ ⲛ̀ⲟⲩⲱⲓⲕ: ⲟⲩⲟϩ ⲡⲁⲥⲱ ⲁⲩⲑⲟⲧϥ ⲛⲏⲓ ⲛⲉⲙⲟⲩⲣⲓⲙⲓ. ⲛⲁⲉϩⲟⲟⲩⲇⲉ ⲁⲩⲣⲓⲕⲓ ⲙ̀ⲫⲣⲏϯ ⲛ̀ⲟⲩϧⲏⲓⲃⲓ ⲟⲩⲟϩ ⲁ̀ⲛⲟⲕ ⲁⲓϣⲱⲟⲩⲓ ⲙ̀ⲫⲣⲏϯ ⲛ̀ⲟⲩⲥⲱⲟⲩⲃⲉⲛ. ⲁ̀ⲛⲟⲕ ⲡⲉ ⲡⲓⲣⲱⲙⲓ ⲉⲧϫⲟⲩϣⲧ ⲉ̀ⲟⲩⲙⲉⲧϩⲏⲕⲓ

ⲉⲁϥⲙⲟⲩϯ ⲛ̀ϫⲉⲟⲩⲁⲗⲉⲕⲧⲱⲣ ⲁⲩⲕⲱⲗϩ ϩⲓⲣⲉⲛ ⲫⲣⲟ ⲛⲧⲁⲕⲉⲗⲗⲓⲁ ⲛ̀ϫⲉϣⲟⲙⲧ ⲙ̀ⲙⲟⲛⲁⲭⲟⲥ ⲉⲛⲟⲩⲣⲁⲛ ⲛⲉ ⲙⲁⲣⲕⲟⲥ ⲛⲉⲙⲡⲓⲥⲉⲛⲑⲉⲟⲥ ⲛⲉⲙⲡⲓⲙⲟⲩⲓ ⲙⲁⲣⲕⲟⲥⲇⲉ ⲁϥϫⲟⲥ ⲛⲏⲓ ϫⲉⲧⲉⲛⲟⲩⲉϩ ⲛ̀ⲥⲱⲕ ϧⲉⲛⲡⲉⲕϩⲏⲧ ⲧⲏⲣϥ ⲟⲩⲟϩ ⲧⲉⲛⲕⲱϯ ⲛ̀ⲥⲁ ⲧⲉⲕⲥⲟⲫⲓⲁ ⲙ̀ⲡⲉⲣϯϣⲓⲡⲓ ⲛⲁⲛ ⲧⲉⲛⲉⲣϩⲟϯⲅⲁⲣ ϧⲁⲧϩⲏ ⲙ̀ⲡⲓⲙⲁⲧⲟⲓ ⲁⲛ ⲁⲕⲉⲣⲟⲩⲱ ⲛⲱⲟⲩ ϫⲉⲕⲁⲗⲱⲥ ⲁⲧⲉⲧⲉⲛⲓ̀ ⲡⲉϫⲉ ⲙⲁⲣⲕⲟⲥⲇⲉ ϫⲉϩⲏⲡⲡⲉ ⲁ̀ⲛⲟⲛ ⲁⲛⲭⲁ ⲡⲉⲧⲉⲛⲧⲁⲛ ⲁⲛⲙⲟϣⲓ ⲛ̀ⲥⲱⲕ ⲙ̀ⲡⲉⲣⲫⲱⲛϩ ⲙ̀ⲡⲉⲕϩⲟ ⲥⲁⲃⲟⲗ ⲙ̀ⲙⲟⲛ ⲣⲉⲕ ⲡⲉⲕⲙⲁϣϫ ⲉⲣⲟⲛ ⲭⲱⲗⲉⲙ ⲥⲱⲧⲉⲙ ⲉⲣⲟⲛ ⲡⲓⲙⲁⲧⲟⲓⲇⲉ ⲉ̀ⲃⲟⲗ ϩⲁ ⲡϩⲟ ⲙ̀ⲡⲉϥϫⲱⲛⲧ ⲛⲉⲙⲡⲉϥⲙⲃⲟⲛ. ⲉ̀ⲁϥϥⲁⲓ ⲙ̀ⲙⲟⲛ ⲁϥⲣⲁϧⲧⲉⲛ ⲉ̀ϧⲣⲏⲓ: ⲁⲓⲁⲥⲡⲁⲍⲉⲙⲉⲛ ⲙ̀ⲙⲱⲟⲩ ⲁⲓϯ ⲛ̀ⲟⲩⲱⲓⲕ ⲛⲱⲟⲩ ⲛⲉⲙⲟⲩϫⲏ ⲛ̀ⲁⲣϣⲓⲛ ⲟⲩⲟϩ ⲁⲩⲟⲩⲱⲙ ⲟⲩⲟϩ ⲁⲩⲥⲱ ⲟⲩⲟϩ ⲁϥⲧⲱⲛϥ ⲛ̀ϫⲉⲡⲓⲙⲟⲩⲓ ⲁϥϣⲉⲛⲁϥ ⲟⲩⲟϩ ⲉⲧⲁ ⲣⲟⲩϩⲓⲇⲉ ϣⲱⲡⲓ ⲁⲓϫⲟⲩϣⲧ ⲉⲃⲟⲗϧⲉⲛⲡⲓϫⲟⲩϣⲧ ⲁⲓⲛⲁⲩ ⲉⲣⲟϥ ⲉϥⲛⲏⲟⲩ ⲉⲃⲟⲗϧⲉⲛ ⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲧⲉⲡⲓⲙⲁⲧⲟⲓ ⲟⲩⲟϩ ⲉⲧⲁⲓⲥⲱⲧⲉⲙ ⲉⲡϧⲣⲱⲟⲩ ⲛ̀ⲧⲉ ⲡⲓⲙⲁⲧⲟⲓ ⲁⲓϣⲗⲁϩⲛ̀ϩⲏⲧ ϫⲉⲟⲩⲟⲓ ⲛⲏⲓ ⲫⲏ ⲅⲁⲣ ⲉⲧⲁϥⲥⲉⲡ ⲧⲉϥϫⲓϫ ⲛⲉⲙⲏⲓ ϧⲉⲛⲡⲓⲃⲓⲛⲁϫ ⲫⲁⲓ ⲉⲧⲉⲙⲙⲁⲩ ⲡⲉⲑⲛⲁⲧⲏⲓⲧ ϩⲁⲣⲁ ⲡⲁⲓⲁⲫⲟⲧ ⲛⲁⲥⲉⲛⲧ ⲙ̀ⲙⲟⲛϯ ⲁⲥⲟⲩⲓ ⲟⲩⲇⲉ ⲥⲏϥⲓ ⲡⲗⲏⲛ  ⲁⲡⲁϩⲏⲧ ⲁϥⲃⲉⲃⲓ ⲛ̀ⲟⲩⲥⲁϫⲓ ⲛ̀ⲁⲅⲁⲑⲟⲛ: ϯⲛⲁϫⲱ ⲛ̀ⲛⲁϩⲃⲏⲟⲩⲓ ⲁ̀ⲛⲟⲕ ⲛ̀ⲛⲓⲙⲁⲑⲏⲧⲏⲥ ⲡⲁⲗⲁⲥ ⲟⲩⲕⲁϣⲡⲉ ⲛ̀ⲧⲉⲟⲩⲥⲁϧ ⲉϥϣⲉⲃϣⲱⲃ ⲛ̀ⲥϧⲁⲓ. 

ϯⲛⲟⲩⲇⲉ ⲁⲓⲉⲙⲓ ϫⲉⲙ̀ⲙⲟⲛ ⲙⲁⲑⲏⲧⲏⲥ ⲛ̀ⲧⲏⲓ ⲛⲁⲓⲅⲁⲣ ⲛⲉ ⲛⲉⲛⲙⲁⲑⲏⲧⲏⲥ ⲛ̀ⲧⲉⲡⲱⲛϧ ϯⲅⲛⲱⲥⲓⲥⲇⲉ ⲥϭⲓⲙⲱⲓⲧ ϧⲁϫⲱⲟⲩ ⲟⲩⲟϩ ⲫⲣⲏ ⲛ̀ⲧⲉϯⲙⲉⲑⲙⲏⲓ ⲉⲣⲟⲩⲱⲓⲛⲓ ⲉⲣⲱⲟⲩ ϯⲥⲟⲫⲓⲁⲅⲁⲣ ϯⲕⲁϯ ⲛⲱⲟⲩ ⲟⲩⲟϩ ϯⲉⲡⲓⲥⲧⲏⲙⲏ ⲥⲁⲣⲉϩ ⲉⲣⲱⲟⲩ

ⲉ̀ϣⲱⲡⲇⲉ ⲁⲓϣⲁⲛϯⲛⲱⲟⲩ ⲛ̀ⲟⲩⲕⲁϣ ⲥⲉⲛⲁⲥϧⲁⲓ ⲛ̀ⲛⲓⲅⲣⲁⲫⲏ ⲛⲉⲙⲛⲓϫⲱⲙ ⲛ̀ⲧⲉⲛⲓⲫⲓⲗⲟⲥⲟⲫⲟⲥ ⲟⲩⲟϩ ϧⲟⲧϧⲉⲧ ϧⲉⲛϯⲃⲓⲃⲗⲓⲟⲑⲏⲕⲏ ⲛ̀ⲧⲉⲁⲗⲉⲝⲁⲛⲇⲣⲓⲁⲥ ⲡⲗⲏⲛ ⲕⲁⲛ ⲁⲩϣⲁⲛϯⲛⲱⲟⲩ ⲛ̀ⲟⲩⲥⲏϥⲓ ⲧⲉⲛⲛⲁϫⲫⲟ ⲛⲁⲛ ⲙ̀ⲡⲧⲁⲕⲟ 

ⲁⲡⲟⲩϧⲣⲱⲟⲩ ⲫⲟϩ ϣⲁⲁⲩⲣⲏⲕⲥ ⲛ̀ϯⲟⲓⲕⲟⲩⲙⲉⲛⲏ ⲟⲩⲟϩ ⲉⲧⲁⲛϧⲟⲧϧⲉⲧ ⲛ̀ⲛⲓⲅⲣⲁⲫⲏ ⲁⲛⲥⲱⲧⲉⲙ ⲉⲡⲓⲙⲁⲧⲟⲓ ⲉϥⲱϣ ⲉⲃⲟⲗ ⲉϥϫⲱⲙ‌ⲙⲟⲥ ϫⲉⲙⲟϣⲓ ⲛ̀ⲥⲱⲓ ϫⲉⲁⲛⲟⲕ ⲙ̀ⲙⲁⲩⲁⲧ ⲡⲉⲑⲛⲁϭⲓⲙⲱⲓⲧ ϧⲁϫⲉⲛⲑⲏⲛⲟⲩ ⲉⲡⲓⲁϩⲟ ⲙ̀ⲙⲏⲓ ⲟⲩⲟϩ ⲛ̀ⲟⲩϩⲟϯ ϧⲉⲛⲟⲩϩⲟϯ ⲁϥⲓ̀ ϩⲁⲣⲟϥ ⲛ̀ϫⲉⲙⲁⲣⲕⲟⲥ ⲡⲓⲫⲓⲗⲟⲥⲟⲫⲟⲥ ⲟⲩⲟϩ ⲡⲉϫⲁϥ ⲛⲁϥ ϫⲉⲉⲓⲥ ⲛⲓⲅⲣⲁⲫⲏ ⲥⲉϯϩⲁⲡ ⲉⲛⲉⲕⲥⲁϫⲓ ⲁⲛⲟⲕⲇⲉ ϩⲱ ⲉⲧⲁⲓϫⲉⲙⲛⲟⲙϯ ⲁⲓϫⲟⲥ ⲛⲁϥ ϫⲉⲉⲓⲥ ⲛⲓⲛⲟⲙⲟⲥ ⲟⲛ ⲥⲉϯϩⲁⲡ ⲉⲣⲟⲕ ⲡⲉϫⲁϥ ⲛⲏⲓ ϫⲉⲉⲕⲉⲟⲩⲉϩ ⲛ̀ⲥⲱⲓ ⲁⲓⲉⲣⲟⲩⲱ ⲛⲁϥ ⲉⲩϫⲱⲙⲙⲟⲥ ϫⲉⲁⲕϩⲱⲟⲩϣ ⲙ̀ⲙⲟⲓ ⲟⲩⲟϩ ⲁⲕⲥⲁϩⲟⲩⲓ ⲙ̀ⲙⲟⲓ ⲟⲩⲟϩ ⲁⲕⲧⲱⲛϣ ⲙ̀ⲙⲟⲓ ⲁϥⲉⲗⲕϣⲁⲓ ⲙ̀ⲙⲟⲓ ⲉϥϫⲱⲙ‌ⲙⲟⲥ ϫⲉⲛ̀ⲑⲟⲕ ⲟⲩⲁⲩⲑⲁⲇⲏⲥ ⲙ̀ⲡⲉⲕϯϩⲑⲏⲕⲅⲁⲣ ⲉⲛⲁⲥⲁϫⲓ ⲉⲧⲁⲕⲉⲣⲡⲁⲣⲁⲃⲉⲛⲓⲛ ⲉⲕϩⲓⲡϩⲟ ⲙ̀ⲙⲟⲓ ϧⲉⲛⲟⲩϩⲓⲡϩⲟ ⲧⲟⲧⲉ ⲁⲛϯϩⲁⲡ ⲉⲣⲟⲕ ⲉⲑⲃⲉ ⲧⲉⲕⲙⲉⲧϭⲁⲥⲓϩⲏⲧ ⲁⲛⲟⲕⲇⲉ ⲙ̀ⲡⲓϥⲁⲓ ⲛ̀ϫⲱⲓ ⲉⲓⲛⲟⲩⲃⲧ ⲛ̀ϩⲁⲛⲃⲏⲧ ⲡⲉϫⲏⲓ ⲛⲁϥ ϧⲉⲛⲟⲩⲥⲙⲏ ⲉⲥⲥⲉⲙⲛⲏⲟⲩⲧ ϫⲉⲉ̀ⲃⲟⲗⲅⲁⲣ ϧⲉⲛⲛⲉⲕⲥⲁϫⲓ ⲉⲕⲉ̀ⲙⲁⲓ ⲟⲩⲟϩ ⲉ̀ⲃⲟⲗ ϧⲉⲛⲛⲉⲕⲥⲁϫⲓ ⲉⲩⲉ̀ϯϩⲁⲡ ⲉ̀ⲣⲟⲕ ϯⲛⲟⲩⲇⲉ ⲁⲕⲥⲁϩⲟⲩⲓ ⲙ̀ⲙⲟⲓ ⲛ̀ⲕⲉⲥⲟⲡ ⲕⲉⲙⲡϣⲁⲙⲉⲛ ⲁⲛ ⲛ̀ⲧⲁϫⲉⲙⲡⲉⲕϣⲓⲛⲓ ⲟⲩⲇⲉ ⲉⲣⲡⲉⲕⲙⲉⲩⲓ ⲉⲧⲓ ⲉⲓⲧⲁⲥⲑⲟ ⲁϥⲙⲟϣⲓ ⲛ̀ⲥⲱⲓ ⲛ̀ϫⲉⲙⲁⲣⲕⲟⲥ ⲉϥⲉϯⲛⲟⲙϯ ⲛⲏⲓ ⲡⲉϫⲁϥ ϫⲉⲁⲓϫⲱⲛⲧ ⲉⲧⲁϥⲡⲁⲣⲁⲃⲛⲉⲓⲛ ⲉⲛⲓⲉⲛⲧⲟⲗⲏ ⲛ̀ⲧⲉⲛⲓⲙⲁⲧⲟⲓ ⲁⲛⲟⲛⲇⲉ ϩⲱⲛ ϧⲁⲛⲏⲉⲧⲟⲓ ⲛ̀ⲣⲉⲙⲛ̀ϫⲱⲓⲗⲓ ⲙ̀ⲡⲁⲓⲙⲁ ⲉⲛⲉⲁⲣⲉϩ ⲉⲛⲓⲛⲟⲙⲟⲥ ⲛ̀ⲧⲉⲛⲓⲥⲟⲫⲟⲥ ⲛⲉⲙⲛⲓⲕⲁⲱⲛⲱⲛ ⲛ̀ⲛⲓⲁⲥⲕⲏⲧⲏⲥ ⲛ̀ⲓⲟϯ ⲡⲉϥⲗⲟⲅⲟⲥⲇⲉ ⲁϥⲥⲟⲗⲥⲉⲗ ⲛ̀ⲧⲁⲯⲩⲭⲏ 

ⲛ̀ϩⲣⲏⲓ ϧⲉⲛⲡⲓⲉϫⲱⲣϩ ⲁϥⲕⲱⲗϩ ϩⲓⲣⲉⲛ ⲫⲣⲟ ⲛ̀ⲧⲁⲣⲓ ⲛ̀ϫⲉⲡⲓⲙⲁⲧⲟⲓ ⲉⲧⲁⲓⲟⲩⲱⲛ ⲙ̀ⲫⲣⲟ ⲡⲉϫⲁϥ ⲛⲏⲓ ϫⲉⲕⲁⲧⲁⲫⲣⲏϯ ⲉⲧⲉ ⲛⲓⲙⲁⲛ̀ϣⲁⲓ ⲟⲩⲏⲟⲩ ⲉ̀ⲃⲟⲗ ⲛ̀ⲛⲓⲙⲁⲛϩⲱⲧⲡ ⲁⲩⲑⲣⲟⲩⲟⲩⲉⲓ ⲙ̀ⲙⲟⲛ ⲛ̀ϫⲉⲛⲉⲛϩⲏⲧ ⲁⲗⲗⲁ ⲙⲁⲣⲉⲛⲧⲁⲥⲑⲟ ⲉⲧⲉⲛⲛⲓϣϯ ⲛ̀ⲁⲅⲁⲡⲏ ⲉϧⲟⲩⲛ ⲉⲧⲉⲛⲁⲥⲡⲓ ⲙ̀ⲡⲉⲣϯⲟⲩⲛ ⲟⲩⲃⲏⲓ ⲛⲁϩⲣⲉⲛ ⲡⲓⲙⲏϣ ⲙ̀ⲡⲉⲛⲑⲣⲉ ⲫⲣⲏ ϣⲁⲓ ⲉϫⲉⲛⲛⲉⲕⲥⲁϫⲓ ⲁⲙⲟⲩ ϩⲁⲣⲟⲓ ⲛ̀ⲭⲱⲡ ⲛ̀ϩⲣⲏⲓ ϧⲉⲛⲛⲓⲉϫⲱⲣϩ ⲛ̀ⲧⲉⲕⲥⲁϫⲓ ⲛⲉⲙⲏⲓ ⲛ̀ⲧⲟⲩϣⲧⲉⲙⲥⲱⲧⲉⲙ ⲉⲧⲉⲕⲥⲙⲏ ⲛ̀ϫⲉⲟⲩⲟⲛⲛⲓⲃⲉⲛ ⲥⲉ ⲟⲛⲧⲱⲥ ⲡⲁⲥⲟⲛ ϣⲁ ϯⲛⲟⲩ ϯⲧⲁⲓⲟ ⲙ̀ⲙⲟⲕ ⲁⲡⲁϩⲏⲧ ϣⲑⲟⲣⲧⲉⲣ ⲛ̀ⲥⲱϥ ⲁⲓⲉⲣⲡⲉϥⲙⲉⲩⲓ ⲉⲛⲁϥⲟⲓ ⲛ̀ϧⲉⲗϣⲓⲣⲓ ⲉϥⲧⲥⲁⲃⲟⲓ ⲛ̀ⲧⲁⲥⲉϩⲉⲙⲕⲓ ⲟⲩⲟϩ ⲟⲛ ⲁⲓⲉⲣⲫⲙⲉⲩⲓ ⲛ̀ⲧⲉϥⲥⲙⲏ ⲉϥϫⲱ ⲛ̀ⲟⲩϩⲱⲇⲏ ⲙ̀ⲃⲉⲣⲓ ⲉϫⲉⲛⲧⲉϥⲃⲁⲕⲓ ⲉⲛⲉ ⲁϥⲟⲩⲉⲙϩⲑⲏϥ ⲛⲁⲓⲛⲁⲭⲱ ⲛⲁϥ ⲉⲃⲟⲗ ⲁⲗⲗⲁ ⲁϥⲥⲁϫⲓ ⲙ̀ⲫⲣⲏϯ ⲛ̀ⲛⲓϣⲉⲙⲙⲱⲟⲩ ⲛⲉⲙⲏⲓ ⲧⲟⲧⲉ ⲁⲓⲉⲙⲓ ϫⲉⲁⲡⲓⲙⲁⲧⲟⲓ ⲉⲧⲟϩⲓ ⲉ̀ⲣⲁⲧϥ ⲙ̀ⲡⲁⲙⲑⲟ ⲁϥϧⲱⲧⲉⲃ ⲙ̀ⲡⲁⲥⲟⲛ ⲉⲧⲁϥⲧⲥⲟⲓ ⲙ̀ⲡⲓϩⲉⲙⲕⲓ ⲉⲛⲟⲩⲉⲙⲑⲉⲣⲙⲟⲥ ⲛⲉⲙⲡⲓⲃⲩⲭⲕⲓ ⲛⲉⲙⲛⲉⲛϣⲫⲏⲣ ⲉⲛⲙⲟϣⲓ ⲛⲉⲙⲛⲉⲛⲉⲣⲏⲟⲩ ϧⲉⲛⲛⲓϧⲓⲣ ⲛ̀ⲧⲉⲃⲁⲃⲩⲗⲱⲛ ⲛ̀ⲭⲏⲙⲓ ⲛⲉⲙⲣⲁⲕⲟϯ ⲛⲉⲙⲱⲛ ⲁⲓϣⲉⲛϩⲏⲧ ϧⲁⲣⲟϥ ⲛⲁⲓⲛⲁϫⲟⲥ ⲛⲁϥ ϫⲉϯⲭⲱ ⲛⲁⲕ ⲉⲃⲟⲗ ⲁⲗⲗⲁ ⲟⲩⲟⲛⲧⲏⲓ ϩⲁⲣⲟⲕ ϫⲉϯⲁⲅⲁⲡⲏ ⲛ̀ⲧⲉϣⲟⲣⲡ ⲁⲕⲭⲁⲥ ⲛ̀ⲥⲱⲕ ⲁⲗⲗⲁ ⲁⲓⲭⲁⲣⲱⲓ ⲁϥⲥⲟⲙⲥ ⲉⲣⲟⲓ ⲟⲩⲟϩ ⲁⲓⲥⲁϫⲓ ϧⲉⲛⲟⲩⲕⲟⲩϫⲓ ⲛ̀ⲥⲙⲏ ⲉⲓϫⲱⲙ̀ⲙⲟⲥ ⲛⲁϥ ϫⲉⲁⲓⲕⲏⲛⲇⲉ ⲉⲓⲥⲁϫⲓ ⲛⲉⲙⲁⲕ ⲉⲑⲃⲉ ⲡⲁⲓϩⲱⲃ ⲁⲫⲣⲱϣⲓ ϣⲱⲡⲓ 

ⲉⲧⲁⲧⲟⲟⲩⲓⲇⲉ ϣⲱⲡⲓ ⲁⲓϯⲙⲡⲁⲟⲩⲟⲓ ⲉⲛⲓϧⲉⲗⲗⲟⲓ ⲉⲓⲉⲣⲉⲧⲓⲛ ⲛ̀ⲟⲩⲥⲟϭⲛⲓ ⲉⲛⲁⲛⲉϥ ⲡⲉϫⲉ ⲡⲓϧⲉⲗⲗⲟ ⲛⲏⲓ ϫⲉⲫⲏⲉⲧϣⲁⲛϣ ⲉⲡⲉϥϫⲁϫⲓ ϥⲉⲣⲛⲟⲃⲓ ⲉⲣⲟϥ ⲙ̀ⲙⲓⲛⲙ̀ⲙⲟϥ ⲡⲓⲙⲁⲑⲏⲧⲏⲥⲇⲉ ⲛ̀ⲧⲉⲡⲓϧⲉⲗⲗⲟ ⲁϥϣⲉⲙϣⲏϫⲓ ⲟⲩⲟϩ ⲁϥϥⲓⲁϩⲟⲙ ⲟⲩⲟϩ ⲁϥϫⲟⲥ ⲛⲏⲓ ϫⲉⲉⲕⲉⲃⲱⲗ ⲉⲃⲟⲗ ⲛ̀ⲛⲓⲥⲱⲛϩ ⲛ̀ⲧⲉⲡϫⲱⲛⲧ ⲟⲩⲟϩ ⲡⲉϫⲉ ⲡⲓϧⲉⲗⲗⲟ ⲙ̀ⲡⲉϥⲙⲁⲑⲏⲧⲏⲥ ϫⲉⲙⲁⲑⲁⲙⲓⲟ ⲛⲁⲛ ⲛ̀ⲟⲩⲕⲟϫⲓ ⲛ̀ⲁⲣϣⲓⲛ ⲟⲩⲟϩ ⲁϥⲑⲁⲙⲓⲟϥ ⲡⲉϫⲁϥ ϫⲉϩⲉⲣⲡ ϩⲁⲛⲱⲓⲕ ⲛⲁⲛ ⲟⲩⲟϩ ⲁϥϩⲟⲣⲡⲟⲩ ⲛ̀ⲑⲟϥⲇⲉ ⲁϥⲙⲟⲩⲛ ⲉⲃⲟⲗ ⲁϥⲧⲥⲁⲃⲟⲓ ⲛ̀ⲧⲥⲟⲫⲓⲁ ⲛ̀ⲧⲉⲛⲓϧⲉⲗⲗⲟⲓ ⲙ̀ⲡⲓⲉϩⲟⲟⲩ ⲧⲏⲣϥ ⲛⲉⲙⲡⲓⲉϫⲱⲣϩ ⲧⲏⲣϥ ⲉⲡⲉϥⲣⲁⲥϯⲇⲉ ⲁⲓⲓ̀ ⲉϩⲣⲉⲛ ⲁⲙⲁ ⲧⲁⲙⲁⲛⲏ ⲑⲏⲉⲧⲁⲥⲑⲁϩⲙⲉⲧ ⲉⲡⲉⲥⲃⲏⲃ ⲟⲩⲟϩ ⲡⲉϫⲁⲥ ⲛⲏⲓ ϫⲉⲛ̀ⲑⲟⲕ ⲟⲩⲃⲱⲕ ⲁⲛ ⲡⲓⲁⲩⲑⲁⲇⲏⲥⲅⲁⲣ ⲉϥⲥⲟⲛϩ ⲙ̀ⲙⲓⲛⲙ̀ⲙⲟϥ ϧⲉⲛⲡⲓⲡⲩⲣⲅⲟⲥ ⲛ̀ⲧⲉⲧⲉϥⲙⲉⲧϭⲁⲥⲓϩⲏⲧ ⲡⲓⲥⲁⲃⲉⲇⲉ ϥⲕⲱϯ ⲛ̀ⲥⲁϯⲉⲡⲓⲥⲧⲏⲙⲏ ϣⲁ ⲁⲩⲣⲏϫⲥ ⲛ̀ϯⲟⲩⲕⲟⲩⲙⲉⲛⲏ ⲉ̀ϣⲱⲡⲟⲩⲛ ⲁⲣⲉϣⲁⲛ ϯⲅⲛⲱⲥⲓⲥ ⲁⲓⲕ ⲛ̀ⲣⲉⲙϩⲉ ⲟⲛⲧⲱⲥ ⲭⲛⲁⲉⲣⲣⲉⲙϩⲉ ⲁⲓⲧⲁⲥⲑⲟ ⲉⲓⲣⲁϣⲓ ⲟⲩⲟϩ ⲁⲓⲥⲉⲙⲛⲓ ⲙ̀ⲡⲓⲥⲟⲃⲧ ϩⲓⲛⲁ ⲛ̀ⲧⲉϥϣⲧⲉⲙϫⲉⲙⲡⲁϣⲓⲛⲓ ⲛ̀ϫⲉⲡⲓⲙⲁⲧⲟⲓ ⲁⲩⲑⲱⲟⲩϯ ⲛ̀ϫⲉⲛⲓⲥⲛⲏⲟⲩ ⲟⲩⲟϩ ⲁⲩϯⲛⲟⲙϯ ⲛⲏⲓ ⲉⲧⲁⲓⲛⲁⲩⲇⲉ ⲉ̀ⲛⲓⲙⲏϣ ⲁⲓϣⲉⲛⲏⲓ ⲉ̀ⲡϣⲱⲓ ⲉ̀ϫⲉⲛ ⲡⲓⲧⲱⲟⲩ ⲟⲩⲟϩ ⲉⲧⲁⲓϩⲉⲙⲥⲓ ⲁⲩⲓ̀ ϩⲁⲣⲟⲓ ⲛ̀ϫⲉⲛⲓⲙⲁⲑⲏⲧⲏⲥ ⲟⲩⲟϩ ⲉⲧⲁⲓⲟⲩⲱⲛ ⲛ̀ⲣⲱⲙⲓ ⲛⲁⲓϯⲥⲃⲱ ⲛⲱⲟⲩ ⲉⲓϫⲱⲙ̀ⲙⲟⲥ ϫⲉⲣⲉϩⲇⲉ ⲉ̀ⲣⲱⲧⲉⲛ ⲉ̀ⲃⲟⲗϩⲁⲛⲓⲥⲁϧ ⲛ̀ⲛⲟⲩϫ ⲛⲏⲉⲑⲛⲏⲟⲩ ϩⲁⲣⲱⲧⲉⲛ ϧⲉⲛϩⲁⲛϩⲉⲃⲥⲱ ⲛⲉⲥⲱⲟⲩ ⲥⲁϧⲟⲩⲛⲇⲉ ⲙ̀ⲙⲱⲟⲩ ϩⲁⲛⲟⲩⲱⲛϣ ⲛ̀ⲣⲉϥϩⲱⲗⲉⲙ ⲟⲩ ⲧⲉ ⲧⲕⲟⲓⲛⲱⲛⲓⲁ ⲛ̀ⲟⲩⲟⲩⲱⲛϣ ⲛⲉⲙⲟⲩϩⲓⲏⲃ ⲁϣ ⲧⲉ ⲧϩⲓⲣⲏⲛⲏ ⲛ̀ⲟⲩⲃⲟⲓϣⲓ ⲛⲉⲙⲟⲩⲟⲩϩⲟⲣ ⲙ̀ⲙⲟⲛϣϫⲟⲙ ⲛ̀ⲟⲩⲣⲉϥϫⲱⲛⲧ ⲉⲑⲙⲁⲓⲟ ⲡⲓⲣⲓⲕⲓⲅⲁⲣ ⲛ̀ⲧⲉ ⲙⲡⲉϥϫⲱⲛⲧⲡⲉ ⲡⲉϥϩⲉⲓ

ϯⲥⲟⲫⲓⲁ ⲧⲏⲣⲥ ⲟⲩ ⲉ̀ⲃⲟⲗ ϩⲓⲧⲉⲛ ϯⲅⲛⲱⲥⲓⲥ ⲟⲩⲟϩ ⲥϣⲟⲡ ⲛⲉⲙⲁⲥ ϣⲁ ⲉⲛⲉϩ

ⲡⲓⲭⲗⲟⲙ ⲛ̀ⲧⲉϯⲥⲟⲫⲓⲁⲡⲉ ⲡϫⲓⲛⲕⲱϯ ⲛ̀ⲥⲁϯⲅⲛⲱⲥⲓⲥ ⲉⲥϯⲟⲩⲱ ⲛ̀ⲟⲩϩⲓⲣⲏⲛⲏ ⲛⲉⲙⲟⲩⲕⲱⲧ

ⲙ̀ⲡⲉⲣⲉⲣⲙⲉⲧϣⲟⲃⲓ ⲙ̀ⲡⲉⲙⲑⲟ ⲉ̀ⲃⲟⲗ ⲛ̀ⲛⲓⲣⲱⲙⲓ ⲙⲁϩⲑⲏⲧⲉⲛ ⲉ̀ⲣⲱⲧⲉⲛ ⲛⲉⲙⲛⲉⲅⲉⲛⲥⲫⲟⲧⲟⲩ

ⲙ̀ⲡⲉⲣϭⲓⲥⲓ ⲙ̀ⲙⲱⲧⲉⲛ ϫⲉⲛ̀ⲛⲉⲧⲉⲛϩⲉⲓ ⲛ̀ⲧⲉⲧⲉⲛⲓⲛⲓ ⲛ̀ⲟⲩϣⲱϣ ⲉ̀ϫⲉⲛⲧⲉⲧⲉⲛⲯⲩⲭⲏ

ⲓⲥϫⲉ ⲁⲧⲉⲧⲉⲛⲛⲁϯ ⲙ̀ⲡⲉⲧⲉⲛⲟⲩⲟⲓ ⲉ̀ⲉⲣⲃⲱⲕ ⲛ̀ϯⲙⲉⲑⲙⲏⲓ ⲥⲉⲃⲧⲉⲧⲉⲛⲯⲩⲭⲏ ⲉ̀ϩⲁⲛⲡⲓⲣⲁⲥⲙⲓⲥ

ⲥⲟⲩⲧⲉⲛ ⲡⲉⲧⲉⲛϩⲏⲧ ⲟⲩⲟϩ ϥⲁⲓ ⲉ̀ⲣⲱⲧⲉⲛ ⲛ̀ⲧⲉⲧⲉⲛϣⲧⲉⲙϫⲁⲡϫⲉⲡ ϧⲉⲛⲡⲥⲏⲟⲩ ⲛ̀ⲛⲉⲧⲉⲛϧⲓⲥⲓ

ϩⲱⲃⲛⲓⲃⲉⲛ ⲉⲑⲛⲏⲟⲩ ⲉ̀ϫⲉⲛⲑⲏⲛⲟⲩ ϣⲟⲡⲟⲩ ⲉ̀ⲣⲱⲧⲉⲛ ⲛ̀ⲧⲉⲧⲉⲛϣⲱⲡⲓ ⲛ̀ⲣⲉϥⲱⲟⲩⲛϩⲏⲧ ϧⲉⲛⲡⲕⲁϩⲓ 

ϩⲁⲛⲙⲏϣⲅⲁⲣ ⲛⲏⲉⲑⲙⲉⲩⲓ ⲛ̀ϧⲏⲧⲟⲩ ⲡⲗⲁⲛⲁⲛ ⲙ̀ⲙⲱⲟⲩ ⲟⲩⲟϩ ⲁⲛⲟⲩⲙⲉⲩⲓ ⲉⲧϩⲱⲟⲩ ϯⲥⲗⲁϯ ⲙ̀ⲙⲱⲟⲩ

ⲡϩⲏⲧ ⲙ̀ⲡⲥⲁⲃⲉ ϣⲁϥⲙⲉⲩⲓ ⲉⲟⲩⲡⲁⲣⲁⲃⲟⲗⲏ ⲟⲩⲟϩ ⲫⲟⲩⲱϣ ⲛ̀ⲟⲩⲥⲁⲃⲉ ⲡⲉ ⲟⲩⲙⲁϣϫ

ⲙ̀ⲡⲉⲣϯ ⲟⲩⲃⲉ ϯⲙⲉⲑⲙⲏⲓ

ⲙ̀ⲡⲉⲣⲁⲙⲟⲛⲓ ⲛ̀ⲟⲩⲓⲁⲣⲟ ⲉϥϧⲁϯ

ⲙ̀ⲡⲉⲣⲫⲟⲣϣⲕ ⲉ̀ⲃⲟⲗ ϧⲁⲧⲉⲛ ⲟⲩⲣⲱⲙⲓ ⲛⲥⲟϫ ⲙ̀ⲡⲉⲣϭⲓ ⲙ̀ⲡϩⲟ ⲛ̀ⲟⲩϫⲱⲣⲓ 

ϯ ⲉ̀ϫⲉⲛ ϯⲙⲉⲑⲙⲏⲓ ϣⲁⲉ̀ϧⲣⲏⲓ ⲉ̀ⲫⲙⲟⲩ

ⲟⲩⲟϩ ϧⲉⲛⲫⲛⲁⲩ ⲛ̀ϩⲁⲛⲁⲧⲟⲟⲩⲓ ⲁϥⲧⲁⲥⲑⲟ ⲛ̀ϫⲉⲡⲓⲙⲁⲧⲟⲓ ⲙ̀ⲡⲉⲙⲑⲟ ⲛ̀ⲟⲩⲟⲛ ⲛⲓⲃⲉⲛ ⲉϥⲱϣ ⲉⲃⲟⲗ ⲉϥϫⲱⲙ‌ⲙⲟⲥ ϫⲉⲕⲧⲁⲓⲟ ⲁⲛ ⲛ̀ⲛⲉⲕⲓⲟϯ ⲟⲩⲟϩ ⲙ̀ⲡⲁϯⲉⲣⲟⲩⲱ ⲛⲁϥ ⲁⲟⲩⲁⲓ ϫⲟⲥ ⲛⲁϥ ϫⲉⲡⲓⲁⲛⲁⲭⲱⲣⲓⲧⲏⲥ ϥⲧⲁⲓⲟ ⲛ̀ϯⲙⲉⲑⲙⲏⲓ ⲛ̀ϥⲟⲩⲱϣⲧ ⲁⲛ ⲛ̀ⲛⲉϥⲓⲟϯ ⲙ̀ⲫⲣⲏϯ ⲛ̀ⲛⲓⲁⲛⲟⲙⲟⲥ ⲁⲣⲓⲁⲅⲁⲡⲏ ⲙ̀ⲡⲉⲣϫⲉⲙⲉⲑⲛⲟⲩϫ ⲁⲡⲉⲛⲥⲁϧ ⲙⲁⲣⲕⲟⲥ ⲁϥⲥⲱⲧⲉⲙ ⲉⲣⲟϥ ⲟⲩⲟϩ ⲁϥϫⲟⲥ ⲛⲁϥ ϫⲉⲁϫⲟⲥ ⲛⲏⲓ ϫⲉⲡⲱⲥ ⲕⲥⲁϩⲟⲩⲓ ⲙ̀ⲡⲁⲓⲣⲱⲙⲓ ⲡⲉϫⲉⲡⲓⲙⲁⲧⲟⲓ ⲛⲁϥ ϫⲉⲁⲛⲟⲕ ⲟⲩⲙⲁⲧⲟⲓ ⲉⲓϯ ⲟⲩⲃⲉ ⲛⲓϩⲉⲣⲉⲧⲓⲕⲟⲥ ⲛⲉⲙⲛⲓϭⲁⲥⲓϩⲏⲧ ⲡⲁⲓⲁⲛⲭⲱⲣⲓⲧⲏⲥⲇⲉ ⲫⲁⲓ ⲉⲧⲉⲙⲙⲁⲩ ⲁϥⲣⲓⲕⲓ ϯⲛⲟⲩⲇⲉ ⲟⲩⲟⲛⲧⲏⲓ ϩⲁⲣⲟϥ ϫⲉϯⲁⲅⲁⲡⲏ ⲛ̀ⲧⲉϣⲟⲣⲡ ⲁϥⲭⲁⲥ ⲛ̀ⲥⲱϥ ⲡⲉϫⲉ ⲙⲁⲣⲕⲟⲥ ⲛⲁϥ ϫⲉⲉⲕⲉⲣ ⲟⲩⲙⲏϣ ⲛ̀ⲥⲁϫⲓ ⲟⲩⲟϩ ⲙ̀ⲡⲁⲕⲥⲱⲧⲉⲙ ⲉϩⲗⲓ ⲛ̀ⲣⲱⲙⲓ ⲁⲙⲏⲛ ⲁⲙⲏⲛ ϯϫⲱⲙⲙⲟⲥ ⲛⲁⲕ ⲟⲩⲑⲙⲏⲓ ⲁⲛ ⲙ̀ⲫⲏⲉⲧⲁⲕϫⲟϥ ⲁⲣⲓⲟⲩⲓⲛⲁⲓ ⲛⲉⲙⲁⲛ ⲟⲩⲟϩ ⲭⲁⲣⲱⲕ ⲁϥⲙ̀ⲃⲟⲛ ⲛ̀ϫⲉⲡⲓⲙⲁⲧⲟⲓ ⲟⲩⲟϩ ⲁϥⲟⲩⲱϩⲉⲙ ⲙ̀ⲫⲏⲉⲧⲁϥϫⲟϥ ⲁⲙⲁⲣⲕⲟⲥ ϫⲟⲥ ⲛⲁϥ ϫⲉⲑⲱⲙ ⲛ̀ⲣⲱⲕ ⲉⲥϣⲉ ⲁⲛ ⲛ̀ⲧⲟⲩⲉⲙⲗⲁϧ ⲛ̀ϫⲉⲛⲏⲉⲧⲁⲩϯϩⲓⲱⲧⲟⲩ ⲛ̀ϯⲥⲭⲏⲙⲁ ⲫⲁⲓⲅⲁⲣⲡⲉ ⲡⲓⲧⲱⲟⲩ ⲙ̀ⲡⲓϩⲟⲥⲉⲙ ⲉⲧⲉϣⲓⲏⲧⲡⲉ ⲡⲓⲙⲁ ⲉϣⲁⲩϣⲓ ⲛ̀ⲛⲓϩⲏⲧ ⲛⲉⲙ ⲛⲓⲙⲉⲩⲓ ⲛ̀ϧⲏⲧϥ ϧⲉⲛⲟⲩⲇⲓⲁⲕⲕⲣⲏⲥⲓⲥ ⲙ̀ⲙⲏⲓ ⲟⲩⲟⲛ ⲛⲓⲃⲉⲛ ⲉⲧϯⲙⲁϯ ϧⲉⲛ ⲡⲁⲓⲕⲁⲛⲱⲛ ⲧϩⲓⲣⲏⲛⲏ ⲉ̀ϩⲣⲏⲓ ⲉ̀ϫⲱⲟⲩ ⲛⲉⲙⲡⲓⲛⲁⲓ  ⲙⲁⲣⲉ ⲡⲓⲟⲩⲁⲓ ⲡⲓⲟⲩⲁⲓ ϫⲟⲥ ϫⲉⲁⲛⲟⲕⲇⲉ ⲛ̀ⲛⲉⲥϣⲱⲡⲓ ⲛⲏⲓ ⲛ̀ⲧⲁϣⲟⲩϣⲟⲩ ⲙ̀ⲙⲟⲓ ⲉⲃⲏⲗ ϧⲉⲛϯⲙⲉⲑⲙⲏⲓ ⲙ̀ⲙⲁⲩⲁⲧⲥ ⲱⲟⲩⲛⲓⲁⲧϥⲙⲉⲛⲙ̀ⲡⲓⲣⲱⲙⲓ ⲉⲧⲕⲱϯ ⲛ̀ⲥⲁϯⲁⲗⲏⲑⲓⲁ ϧⲉⲛⲡϣⲱⲕ ⲙ̀ⲡⲉϥϩⲏⲓ ⲟⲩⲟⲓ ⲙ̀ⲡⲧⲱⲟⲩ ⲙ̀ⲡⲓϩⲟⲥⲉⲙ ⲉⲑⲃⲉ ⲛⲓⲥⲕⲁⲛⲇⲁⲗⲟⲛ ⲁⲛⲁⲅⲕⲏⲅⲁⲣ ⲛ̀ⲧⲟⲩⲓ ⲛ̀ϫⲉⲛⲓⲥⲕⲁⲛⲇⲁⲗⲟⲛ ⲡⲗⲏⲛ ⲟⲩⲟⲓ ⲙ̀ⲡⲓⲣⲱⲙⲓ ⲉⲧⲉⲡⲓⲥⲕⲁⲛⲇⲁⲗⲟⲛ ⲓ̀ ⲉ̀ⲃⲟⲗ ϩⲓⲧⲟⲧϥ ⲁⲓⲱⲣⲕ ⲟⲩⲟϩ ⲛ̀ⲛⲁⲟⲩⲱⲙ ⲛ̀ϩⲑⲏⲓ ϫⲉⲫⲏⲉⲧⲁⲣⲉϩ ⲉⲛⲁⲓⲉⲛⲧⲟⲗⲏ ϯⲛⲁⲧⲁⲓⲟ ⲙ̀ⲡⲉϥⲣⲁⲛ ⲁⲗⲗⲁ ⲫⲏⲉⲑⲛⲁⲁⲙⲉⲗⲏⲥ ϯⲛⲁϩⲓⲧϥ ⲥⲁⲃⲟⲗ ⲛ̀ϣⲓⲏⲧ ⲛ̀ⲧⲁϥⲱϯ ⲙ̀ⲡⲉϥⲣⲁⲛ ⲛ̀ⲧⲁⲣⲱⲕϩ ⲛ̀ⲛⲉϥⲉⲡⲓⲥⲧⲟⲗⲏ ⲛⲉⲙⲛⲉϥⲕⲁⲧⲏⲅⲏⲥⲓⲥ ⲁⲛⲁⲡⲟⲧⲁⲍⲉⲥⲑⲉⲅⲁⲣ ⲙ̀ⲡⲓⲕⲟⲥⲙⲟⲥ ⲛ̀ⲧⲉⲛⲁⲓⲁⲓ ϧⲉⲛⲧⲡⲟⲗⲏⲧⲉⲓⲁ ⲛⲉⲙϯⲥⲟⲫⲓⲁ ⲙ̀ⲡⲉⲛⲑⲣⲉⲛⲑⲱⲗⲉⲃ ⲙ̀ⲫⲣⲁⲛ ⲉⲧⲧⲁⲓⲏⲟⲩⲧ ⲛ̀ⲧⲉ ⲡⲁⲓⲙⲁ ⲉⲑⲟⲩⲁⲃ ⲫⲁⲓ ⲧⲟⲧⲉ ⲁⲥⲙⲟⲩⲛϩⲱⲟⲩ ⲛ̀ϫⲉⲧⲫⲉ ⲟⲩⲟϩ ⲛⲓⲙⲟⲛⲁⲭⲟⲥ ⲁⲩⲫⲱⲧ ⲉⲛⲟⲩⲣⲓ 

ⲁⲛⲟⲕⲇⲉ ⲉⲧⲁⲓⲥⲱⲧⲉⲙ ⲉⲛⲉϥⲉⲛⲧⲟⲗⲏ ⲁⲓϭⲓϣⲫⲏⲣⲓ ϫⲉⲙⲁⲣⲕⲟⲥ ⲡⲉⲧϯ ⲉ̀ϩⲣⲏⲓ ⲉ̀ϫⲱⲓ ⲟⲩⲟϩ ⲁⲛⲟⲕ ⲙ̀ⲡⲓⲥⲁϫⲓ ⲁⲓⲧⲁⲥⲑⲟ ⲉⲧⲁⲣⲓ ⲉⲓⲉⲣⲙⲉⲗⲉⲧⲁⲛ ϧⲉⲛⲛⲓⲅⲣⲁⲫⲏ ⲧⲉⲱⲥ ⲛⲓⲕⲉⲙⲟⲛⲁⲭⲟⲥ ⲉⲣⲡⲣⲉⲥⲃⲉⲩⲓⲛ ⲉ̀ϩⲣⲏⲓ ⲉ̀ϫⲱⲛ 

ⲁⲡⲁⲝ ⲁⲡⲗⲱⲥ ⲁⲥⲧⲁⲕⲟ ⲛ̀ϫⲉϯⲙⲉⲧϩⲏⲧ ⲛ̀ⲟⲩⲁⲓ ⲛ̀ⲧⲉϯⲁⲅⲁⲡⲏ ϩⲁⲣⲁ ⲛⲓⲙ ⲡⲉⲧⲟⲩⲛⲟϥ ⲙ̀ⲙⲟϥ ϯⲛⲟⲩ ⲡⲉϫⲁϥ ⲛ̀ϫⲉⲡⲓⲯⲁⲗⲧⲏⲥ ϫⲉϩⲏⲡⲡⲉ ⲟⲩⲡⲉⲑⲛⲁⲛⲉϥ ⲓⲉ ⲟⲩⲡⲉⲧϩⲟⲗϫ: ⲉ̀ⲃⲏⲗ ⲉ̀ϩⲁⲛⲥⲛⲏⲟⲩ ⲉⲩϣⲟⲡ ϩⲓ ⲟⲩⲙⲁ ϩⲁⲣⲁ ⲛⲓⲙ ⲛⲉ ⲛⲁⲓⲥⲛⲏⲟⲩ ⲟⲩⲟϩ ⲁϥⲑⲱⲛ ⲡⲁⲓⲙⲁ ⲁϥϧⲟⲙϧⲉⲙ ⲙ̀ⲙⲟⲛ ⲛ̀ϫⲉⲡⲓⲡⲟⲗⲉⲙⲟⲥ 

ⲛ̀ϯⲛⲁⲓ̀ ⲉⲃⲟⲗϧⲉⲛⲧⲁⲣⲓ ⲁⲛ ⲟⲩⲇⲉ ⲛ̀ϯⲛⲁⲣⲓⲙⲓ ϧⲉⲛ ⲟⲩⲛϣⲁϣⲓ ⲁⲛ ⲉⲓⲉⲛⲟⲩⲃⲧ ⲛ̀ϩⲁⲛⲃⲏⲧ 

ⲟⲩⲟⲓ ⲛⲏⲓ ϫⲉⲁⲛⲟⲕ ⲟⲩϧⲉⲗϣⲁⲓⲣⲓ ⲛ̀ⲁⲧⲥⲃⲱ ⲁⲛ ⲟⲩⲇⲉ ⲙ̀ⲡⲓⲉⲣϧⲉⲗⲗⲟ ϩⲱⲥ ⲥⲁⲃⲉ 

ⲟⲩⲟⲓ ⲛⲏⲓ ϫⲉⲁⲛⲟⲕ ⲟⲩⲙⲁⲧⲟⲓ ⲁⲛ ⲟⲩⲇⲉ ⲁⲛⲟⲕ ⲟⲩⲣⲉϥⲉⲣϩⲓⲣⲏⲛⲏ ⲁⲛ 

ⲟⲩⲟⲓ ⲛⲏⲓ ϫⲉⲁⲓⲉⲣⲁⲙⲉⲗⲏⲥ ϫⲉⲙ̀ⲡⲓⲁⲣⲉϩ ⲉⲛⲓⲉⲛⲧⲟⲗⲏ ⲛ̀ⲧⲉⲛⲓϧⲉⲗⲗⲟⲓ 

ⲟⲩⲟⲓ ⲛⲏⲓ ϫⲉⲁⲓⲕⲱϯ ⲛ̀ⲥⲁⲛⲓⲡⲁⲑⲟⲥ ⲟⲩⲟϩ ⲁⲓⲭⲁϯⲥⲟⲫⲓⲁ ⲛ̀ⲥⲱⲓ

ⲟⲩⲟⲓ ⲛⲏⲓ ϫⲉⲁⲓϯϩⲁⲡ ⲉⲛⲓⲕⲉⲭⲱⲟⲩⲛⲓ ⲟⲩⲟϩ ⲙ̀ⲡⲓϯϩⲁⲡ ⲉⲧⲁⲯⲩⲭⲏ

ⲉⲓⲥ ⲁⲓⲛⲁⲩ ⲉⲡⲓⲙⲁⲧⲟⲓ ⲛ̀ⲕⲉⲥⲟⲡ ⲉϥⲉⲙⲗⲁϧ ⲛⲉⲙⲙⲁⲣⲕⲟⲥ ⲉϥⲧⲁⲙⲟϥ ϧⲁϯϩⲓⲥⲧⲟⲣⲓⲁ ⲛ̀ⲧⲉⲡⲉϥⲙⲟⲛⲏ ⲉϥϫⲱⲙⲙⲟⲥ ⲛⲁϥ ϫⲉⲁⲓⲉⲣⲕⲗⲏⲣⲟⲛⲟⲙⲓⲛ ⲙ̀ⲡⲁⲓⲙⲟⲛⲁⲥⲧⲏⲣⲓⲟⲛ ⲉⲃⲟⲗϩⲓⲧⲟⲧⲟⲩ ⲛ̀ⲛⲓⲫⲁⲣⲁⲱ ⲛⲁⲓⲟϯ ⲁⲩⲟⲩⲉⲙⲧⲉⲃⲧ ⲛⲉⲙⲱⲃ ⲛⲉⲙⲥⲱⲡⲩϩⲓ ⲉϥⲗⲁϧⲉⲙ ⲙ̀ⲡⲁⲓⲙⲁ ⲁⲛⲟⲕⲇⲉ ϩⲱ ϯⲟⲩⲉⲙⲛⲁⲓϧⲣⲏⲟⲩⲓ ⲁⲛⲟⲕⲟⲩⲛⲡⲉ ⲡϣⲏⲣⲓ ⲛ̀ⲛⲓⲫⲁⲣⲁⲱ ⲉⲓⲥ ⲁⲓϯϩⲓⲱⲧⲧ ⲛ̀ⲛⲟⲩϩⲃⲱⲥ ⲥⲁⲡⲉⲥⲏⲧ ⲛ̀ⲧⲁⲥⲭⲏⲙⲁ ⲉⲧⲁⲩⲛⲁⲩ ⲉⲣⲟϥ ⲁⲩⲟⲡⲧϥ ϩⲱⲥ ⲟⲩⲣⲉϥⲥⲱⲃⲓ ⲁⲩⲥⲱⲃⲓ ⲙ̀ⲙⲟϥ ⲧⲏⲣⲟⲩ. ⲁϥⲟⲩⲱϩⲉⲙ ⲧⲉϥⲗⲁⲗⲓⲁ ⲟⲩⲟϩ ⲁϥⲟⲩⲱⲙ ⲛ̀ⲧⲁⲥⲁⲣⲝ ϧⲉⲛⲧⲉϥⲕⲁⲧⲁⲗⲁⲗⲓⲁ ⲛ̀ⲕⲉⲥⲟⲡ ⲁⲗⲗⲁ ⲙ̀ⲡⲉϥϫⲟⲥ ⲙ̀ⲡⲁⲣⲁⲛ ⲡⲉϫⲏⲓ ⲛⲁϥ ϫⲉⲉⲛⲉ ⲁⲕⲉⲣⲁⲛⲟⲙⲓⲛ ⲛ̀ⲕⲉⲥⲟⲡ ⲉⲕϫⲟⲥ ⲙ̀ⲡⲁⲣⲁⲛ ⲛ̀ϯⲛⲁⲭⲁⲣⲱⲓ ⲁⲛ 

ⲛ̀ϩⲣⲏⲓ ϧⲉⲛⲡⲓⲉϫⲱⲣϩ ⲁϥⲓ̀ ϩⲁⲣⲟⲓ ⲛ̀ϫⲉⲡⲓⲙⲁⲧⲟⲓ ⲡⲉϫⲁϥ ⲛⲏⲓ ϫⲉⲁⲕⲟⲩⲱϣ ⲛ̀ⲧⲉⲕⲉⲙⲓ ϫⲉⲉⲑⲃⲉ ⲟⲩ ⲙ̀ⲡⲓϫⲟⲥ ⲙ̀ⲡⲉⲕⲣⲁⲛ ⲡⲉϫⲏⲓⲇⲉ ⲛⲁϥ ϫⲉϩⲉⲛⲕ ⲥⲁⲃⲟⲗ ⲙⲙⲟⲓ ϯⲟⲩⲱϣ ⲁⲛ ⲛ̀ⲧⲁⲥⲁϫⲓ ⲛⲉⲙⲁⲕ ⲁⲕⲧⲁⲥⲑⲟ ϩⲁⲣⲟⲓ ⲉⲕϫⲱⲙⲙⲟⲥ ϫⲉⲉϩⲛⲏⲓ ⲉⲥⲁϫⲓ ⲛⲉⲙⲁⲕ ⲟⲩⲟϩ ⲁⲕⲕⲟⲧⲕ ⲛ̀ⲕⲉⲥⲟⲡ ⲉⲕⲉⲣⲉⲧⲓⲛ ⲉⲑⲣⲉⲕϫⲟⲥ ⲛⲏⲓ ϫⲉⲡⲱⲥ ⲁⲓϣⲱϥⲧ ⲁⲗⲗⲁ ⲛ̀ⲛⲁⲭⲁⲙⲁ ⲛⲁⲕ ⲛ̀ⲧⲉⲕϩⲓⲱⲓϣ ⲛⲏⲓ ⲛ̀ⲛⲁⲕⲟⲧⲧ

ⲉⲡϧⲁⲓⲇⲉ ⲁⲩϩⲓⲧϥ ⲉⲃⲟⲗϩⲁ ϯⲥⲩⲛⲟⲇⲟⲥ ⲟⲩⲟϩ ⲁⲩϥⲱϯ ⲙ̀ⲡⲉϥⲣⲁⲛ ⲉ̀ⲃⲟⲗϧⲉⲛ ⲛⲓⲙⲟⲛⲏ ⲙ̀ⲃⲉⲣⲓ ⲉⲑⲃⲉ ⲧⲉϥⲙⲉⲧⲁⲧⲉⲙⲓ ⲛⲉⲙⲧⲉϥⲙⲉⲧϭⲁⲥⲓϩⲏⲧ ⲁⲩⲉⲣⲥⲁⲗⲡⲓⲍⲓⲛ ϧⲉⲛϯⲁⲅⲟⲣⲁ ϫⲉⲁⲩϩⲓⲧϥ ⲙ̀ⲡⲓⲙⲁⲧⲟⲓ ⲥⲁⲃⲟⲗ ⲛ̀ϯⲡⲁⲛⲉⲡⲓⲥⲧⲏⲙⲏ ⲛⲉⲙⲛⲓⲁⲅⲟⲣⲁ ϫⲉϣⲁϥϭⲟϫⲓ ⲛ̀ⲥⲁ ⲛⲓⲥⲃⲟⲩⲓ

ⲡⲁⲥⲟⲛ ⲁⲅⲁⲑⲟⲛ ϯⲉⲣⲟⲙⲟⲗⲟⲅⲓⲛ ϫⲉⲙ̀ⲡⲓϣⲉⲛϩⲏⲧ ϧⲁⲣⲟϥ ⲙⲁⲗⲗⲟⲛⲇⲉ ⲁⲓⲣⲁϣⲓ ⲙ̀ⲙⲟϥ ϯⲟⲩⲉⲙϩⲑⲏⲓⲟⲩⲛ ⲕⲉ ⲡⲁⲗⲓⲛ ⲟⲛ ϯϣⲉⲙϣⲏϫⲓ ϫⲉⲁⲓϣⲁⲛϣ ⲉⲡⲓϫⲱⲛⲧ ⲛⲉⲙⲡⲓⲭⲟϩ ⲛⲉⲙⲡⲓⲫⲑⲟⲛⲟⲥ ⲛ̀ϧⲣⲏⲓ ⲛ̀ϧⲏⲧ ⲛⲁⲓⲇⲉ ⲁⲩⲑⲱⲗⲉⲃ ⲛ̀ⲧⲁⲯⲩⲭⲏ ⲙ̀ⲡⲓⲁⲣⲉϩ ⲉϯⲙⲉⲧⲡⲁⲣⲑⲉⲛⲉⲓⲁ ⲛ̀ⲧⲉⲡⲁϩⲏⲧ ⲁⲓⲥⲱϥⲅⲁⲣ ⲙ̀ⲡⲁⲛⲟⲩⲥ ⲉⲓⲥϧⲁⲓ ⲛ̀ⲛⲁⲓⲉⲙⲗⲁϧ ⲉⲓⲛⲁϩϯ ϫⲉⲫⲁⲓⲡⲉ ⲡⲓⲛⲓϣϯ ⲙ̀ⲡⲟⲗⲉⲙⲟⲥ ⲟⲩⲧⲉ ⲫⲟⲩⲱⲓⲛⲓ ⲛⲉⲙⲡⲓⲭⲁⲕⲓ ⲁⲓⲙⲉⲩⲓ ϫⲉⲁⲛⲟⲕⲡⲉ ϯⲗⲩⲭⲛⲓⲁ ⲛ̀ⲛⲟⲩⲃ ⲟⲩⲟⲓ ⲛⲏⲓ ϫⲉⲁⲩⲙⲟϣⲓ ⲛ̀ⲥⲱⲓ ⲛ̀ϫⲉⲛⲙⲁⲑⲏⲧⲏⲥ ⲁⲗⲗⲁ ϯϫⲟⲗϩ ⲙ̀ⲡⲓϣⲓⲡⲓ 

________________________________________

ⲡⲓⲙⲁⲧⲟⲓ ⲉⲡⲓⲁⲛⲁⲭⲱⲣⲓⲧⲏⲥ ⲉⲕⲉ̀ⲟⲩⲁϩⲕ ⲛ̀ⲥⲱⲓ ⲙⲁⲣⲉⲛⲉⲣⲡⲱⲃϣ ⲙ̀ⲫⲏⲉⲧⲁϥϣⲱⲡⲓ ⲛ̀ⲧⲉⲛⲟⲩⲱϩⲉⲙ ⲛ̀ⲧⲉⲛⲙⲉⲧϣⲫⲏⲣ ⲛ̀ⲑⲟⲕⲡⲉ ⲡⲁⲥⲟⲛ ⲁⲗⲗⲁ ⲕⲟⲛⲓ ⲛ̀ⲟⲩⲙⲁⲑⲏⲧⲏⲥ ⲉϥⲥⲟϫ

________________________________________

ⲁ̀ⲛⲟⲕ ⲡⲓⲁⲛⲁⲭⲱⲣⲓⲧⲏⲥ ⲉⲓⲥϧⲁⲓ ⲙ̀ⲡⲓⲙⲁⲧⲟⲓ ϫⲉⲁⲕⲙⲟⲩϯ ⲉ̀ⲣⲟⲓ ϫⲉⲟⲩϩⲉⲣⲉⲧⲓⲕⲟⲥ ⲓⲥϫⲉ ⲁⲛⲟⲕ ⲟⲩϩⲉⲣⲉⲧⲓⲕⲟⲥ ⲡⲱⲥ ⲁⲕⲉⲣⲉⲧⲓⲛ ⲛ̀ⲧⲉⲕϣⲱⲡ ⲉ̀ⲣⲟⲕ ⲙ̀ⲡⲁⲓⲑⲱⲗⲉⲃ ⲓⲥϫⲉ ⲙ̀ⲙⲟⲛ ⲉⲑⲃⲉ ⲟⲩ ⲁⲕϫⲉⲙⲉⲑⲛⲟⲩϫ ⲟⲩⲛ ⲙⲏ ⲭⲛⲁⲉⲣⲙⲟⲗⲟⲅⲓⲛ ϫⲉⲁⲕⲧⲁⲕⲟ ⲛ̀ⲧⲁⲣⲓ ⲛⲉⲙⲛⲓⲕⲉⲗⲗⲓⲁ ⲧⲏⲣⲟⲩ ⲙⲏ ⲁⲭⲛⲁⲉⲣⲙⲉⲧⲁⲛⲟⲓⲛ ⲛⲁϩⲣⲉⲛ ⲛⲓⲧⲏⲣⲟⲩ  ⲡⲓⲥⲁϫⲓⲅⲁⲣ ⲛ̀ⲧⲉⲧⲉⲛⲁⲥⲡⲓ ⲛ̀ⲧⲉⲛ ⲛⲏ ⲙⲉⲛ ⲉⲧϯ ⲟⲩⲃⲉ ϯⲙⲉⲑⲙⲏⲓ ⲟⲩⲙⲉⲧⲥⲟϫⲡⲉ ⲛⲁⲛⲇⲉ ⲁ̀ⲛⲟⲛ ϧⲁⲛⲏⲉ̀ⲑⲕⲱϯ ⲛ̀ⲥⲁ ϯⲅⲛⲱⲥⲓⲥ ⲟⲩⲡⲟⲗⲏⲧⲉⲓⲁⲡⲉ

ⲑⲁⲓ ⲧⲉ ⲧⲁⲉⲡⲓⲥⲧⲟⲗⲏ ⲛ̀ϧⲁⲉ

_________________________________________