ⲡⲓⲟⲩⲱⲛϣ

ⲛⲉ ⲟⲩⲟⲛ ⲟⲩⲥϩⲓⲙⲓ ⲉⲥⲙⲟϣⲓ ⲛⲉⲙⲡⲉⲥⲟⲩϩⲟⲣ ⲡⲓⲟⲩϩⲟⲣⲇⲉ ⲛⲁϥⲙⲟϣⲓ ⲛ̀ⲥⲱⲥ ⲉⲛⲉ ϯⲥϩⲓⲙⲓ ⲙⲟϣⲓ ⲛ̀ⲥⲁ ⲡⲓⲓⲉⲃⲧ ⲓⲉ ⲛ̀ⲥⲁ ⲡⲉⲙⲉⲛⲧ ⲡⲓⲟⲩϩⲟⲣ ϥⲙⲟϣⲓ ⲛ̀ⲥⲱⲥ ⲁⲣⲉϣⲁⲛϯⲥϩⲓⲙⲓ ϩⲟⲛϩⲉⲛ ⲙ̀ⲙⲟϥ ⲉϩⲉⲙⲥⲓ ⲉϥⲉϩⲉⲙⲥⲓ ⲓⲉ ⲛ̀ⲧⲉϥⲟϩⲓ ⲉⲣⲁⲧϥ ⲉϥⲉⲟϩⲓ ⲉ̀ⲣⲁⲧϥ ⲁⲥϯⲥⲁⲭⲟⲗ ⲉϩⲣⲉⲛⲡⲉⲥⲟⲩϩⲟⲣ ⲟⲩⲟϩ ⲉⲣⲉⲟⲩⲕⲟⲗⲗⲁⲣⲓⲟⲛ ϧⲉⲛⲡⲉϥⲙⲟⲩⲧ

ⲡⲓⲟⲩϩⲟⲣⲇⲉ ⲙ̀ⲡⲁϥⲭⲣⲉⲙⲣⲉⲙ ⲟⲩⲇⲉ ⲙ̀ⲡⲁϥⲫⲱⲧ ⲟⲩⲇⲉ ⲙ̀ⲡⲁϥϩⲱⲗⲉⲙ ⲛ̀ⲧⲉϥ⳪̅ ⲁⲗⲗⲁ ϣⲁⲣⲉ ⲡⲓⲟⲩϩⲟⲣ ⲟⲩⲱⲙ ⲉ̀ⲃⲟⲗϧⲉⲛⲛⲓⲗⲉϥⲗⲓϥⲓ ⲛⲏⲉ̀ϣⲁⲩϩⲉⲓ ⲉ̀ⲃⲟⲗ ϩⲓϯⲧⲣⲁⲡⲉⲍⲁ ⲛ̀ⲧⲉⲧⲉϥ⳪̅

ϩⲁⲣⲁ ⲁⲥϭⲓⲧϥ ⲉⲃⲟⲗϧⲉⲛⲕⲉⲛⲥ ⲛ̀ⲧⲉϥⲙⲁⲩ ⲓⲉ ⲁⲥⲁⲓϥ ⲛ̀ⲟⲩⲥⲓⲟⲩⲣ. ϩⲁⲣⲁ ⲟⲩⲟⲛϣϫⲟⲙ ⲙ̀ⲙⲟϥ ⲛ̀ⲧⲉϥϩⲱⲗⲉⲙ ⲁϥϣⲁⲛϩⲕⲟ ⲓⲉ ϣⲁϥⲟϩⲓ ⲛⲁϥ ϣⲁⲛⲧⲟⲩⲧⲉⲙⲙⲟϥ ϫⲉⲁⲥⲑⲉⲃⲓⲟϥ ⲥⲁⲡⲉⲥⲏⲧ ⲛ̀ⲛⲉⲥϭⲁⲗⲁⲩϫ ⲛⲓⲙⲅⲁⲣ ϧⲉⲛⲛⲓⲣⲱⲙⲓ ⲉⲧⲟⲛⲓ ⲛ̀ⲛⲓⲛⲟⲩϯ ⲛⲏ ⲉⲧϣⲓⲃϯ ⲧⲫⲩⲥⲓⲥ ⲛⲧⲉⲛⲓⲑⲏⲣⲓⲟⲛ

ⲓⲥϫⲉⲛ ϩⲁⲛϣⲟ ⲛ̀ⲣⲟⲙⲡⲓ ⲛⲉⲟⲩⲟⲛ ϩⲁⲛⲟⲩⲱⲛϣ ⲛ̀ⲣⲉϥϩⲱⲗⲉⲙ ⲉⲧⲁⲩⲓ̀ ⲉϩⲣⲉⲛ ϩⲁⲛⲫⲩⲗⲏ ⲛ̀ⲣⲱⲙⲓ ⲛⲓⲟⲩⲱⲛϣ ⲁⲩⲟⲩⲱⲙ ⲉ̀ⲃⲟⲗϧⲉⲛⲛⲓⲗⲉϥⲗⲓϥⲓ ⲛ̀ⲧⲉⲛⲓⲣⲱⲙⲓ ⲟⲩⲟϩ ⲕⲁⲧⲁ ⲕⲟⲩϫⲓ ⲕⲟⲩϫⲓ ⲛⲓⲟⲩⲱⲛϣ ⲁⲩⲭⲁ ⲧⲟⲩⲫⲩⲥⲓⲥ ⲛ̀ⲥⲱⲟⲩ ⲟⲩⲟϩ ⲁⲩϣⲱⲡⲓ ⲛ̀ϩⲁⲛⲟⲩϩⲟⲣ 

ⲛⲓⲣⲱⲙⲓⲇⲉ ϣⲁⲩⲧⲉⲙⲙⲟ ⲛ̀ⲛⲟⲩⲟⲩϩⲱⲣ ⲟⲩⲟϩ ϣⲁⲩⲧⲟⲩⲃⲟ ⲙ̀ⲙⲱⲟⲩ. ⲕⲉ ⲡⲁⲗⲓⲛ ⲟⲛ ϣⲁⲣⲉ ⲛⲓⲣⲱⲙⲓ ⲕⲱⲧ ⲛ̀ϩⲁⲛⲙⲛϣⲱⲡⲓ ⲉⲑⲃⲉ ⲛⲟⲩⲟⲩϩⲟⲣ ⲉⲧⲁⲩϣⲁⲛϣ ⲙ̀ⲙⲱⲟⲩ ⲓⲥϫⲉⲛ ⲧⲟⲩⲕⲉⲧⲕⲟⲩϫⲓ 

ⲉⲓⲥ ⲛⲓⲣⲱⲙⲓ ⲁⲩⲕⲱⲧ ⲛ̀ϩⲁⲛϣⲧⲉⲕⲱⲟⲩ ⲛ̀ⲛⲟⲩⲃ ⲉⲑⲃⲉ ⲛⲓⲑⲏⲣⲓⲟⲛ ⲥⲉⲟⲛⲓ ⲛ̀ϩⲁⲛⲕⲁⲥⲧⲣⲟⲛ ⲁⲗⲗⲁ ⲛⲓⲥⲱⲛϩ ⲛ̀ⲧⲉⲛⲓⲣⲱⲙⲓ ⲁⲩⲧⲁϫⲇⲟ ⲉϩⲣⲏⲓ ⲉ̀ϫⲉⲛⲧⲫⲩⲥⲓⲥ ⲛ̀ⲧⲉⲛⲓⲟⲩⲱⲛϣ ⲉⲧⲟⲩⲙⲟⲩϯ ⲉⲣⲱⲟⲩ ϫⲉⲛⲓⲟⲩϩⲱⲣ ⲛ̀ⲁⲧⲗⲱⲓⲗⲓ ⲕⲉⲡⲁⲗⲓⲛ ⲟⲛ ⲛⲓⲟⲩϩⲱⲣ ⲛ̀ⲥⲓⲟⲩⲣ 

ⲛⲓⲙ ⲡⲉ ⲡⲓⲑⲏⲣⲓⲟⲛ ⲙ̀ⲙⲏⲓ ⲉⲧⲟⲩⲉⲙⲧⲥⲁⲣⲝ ⲛ̀ⲧⲉⲙⲓⲕⲉⲍⲱⲟⲛ ⲟⲩⲟϩ ⲛⲓⲙ ⲡⲉⲧϣⲉⲙϣⲓ ⲙ̀ⲡⲓⲭⲉⲧ

ⲟⲩⲟⲓ ⲛⲁϥ ⲙ̀ⲫⲏⲉⲧⲭⲱ ⲛ̀ⲥⲱϥ ⲙ̀ⲫⲛⲟⲙⲟⲥ ⲛ̀ⲧⲉⲍⲉⲩⲥ ϧⲉⲛⲧⲉϥⲅⲛⲱⲙⲏ: ⲟⲩⲟϩ ⲛⲁϥ ⲙ̀ⲫⲏⲉⲧⲉⲣⲁ̀ⲙⲉⲗⲏⲥ ⲉ̀ⲛⲉϥⲉⲛⲧⲟⲗⲏ. 

ⲱⲟⲩⲛⲓⲁⲧⲟⲩ ⲛ̀ⲛⲓⲛⲁⲏⲧ ϫⲉⲛⲓⲣⲱⲙⲓ ⲛⲉⲙⲛⲓⲑϫⲣⲓⲟⲛ ⲡⲉⲧⲟⲩⲛⲁⲛⲁⲓ ⲛⲱⲟⲩ