ϯϭⲱⲛⲧ ⲛ̇ⲧⲁⲥⲓⲛⲓ ⲛⲉⲙⲧⲁⲁⲥⲡⲓ
..............ⲟⲩⲃⲉ ⲫⲗⲁⲥ ⲙ̇ⲡⲕⲁϩⲓ
ϯⲁⲙⲟⲛⲓ ⲉⲛⲁⲕⲁⲥ
ⲟⲩⲟϩ ⲥⲱⲧⲉⲙ ⲉⲡϫⲓⲛⲭⲁⲣⲱϥ
ⲉⲑⲃⲉ ⲫⲁⲓ ϯⲛⲁϣⲥⲁϫⲓ
...ϯⲑⲱⲙⲥ ⲛ̀ⲛⲁⲕⲁϣ
ⲉⲑⲣⲟⲩⲣⲱⲧ ⲉⲛⲟⲩⲭⲁⲕⲓ
ϯⲛⲁϫⲉⲣϫⲉⲣ ⲛⲉⲙⲟⲩⲁⲥⲟⲩⲗⲓ
ⲟⲩⲟϩ ϯⲛⲁⲱⲙⲥ ⲉⲛⲟⲩⲣⲁⲥⲟⲩⲓ
ⲟⲩⲃⲉ ⲡϩⲟ ⲙ̇ⲫⲣⲁϣⲓ
.... ϯⲥⲟⲙⲥ ⲟⲩϭⲁϫⲓ
ⲟⲩⲙⲟⲩⲙⲓⲇⲉ ⲉϣⲁⲥⲓ̇ ⲉⲡϣⲱⲓ ⲉⲃⲟⲗϧⲉⲛⲡⲕⲁϩⲓ
ⲟⲩⲟϩ ϣⲁⲥⲧⲥⲟ ⲙ̇ⲡϩⲟ ⲙ̀ⲡⲕⲁϩⲓ ⲧⲏⲣϥ
ⲡⲉϫⲱⲟⲩ ⲛⲏⲓ ϫⲉⲁϧⲟⲕ
ⲡⲉϫⲱⲟⲩ ⲛⲏⲓ ϫⲉⲟⲩ ⲡⲉ ⲉⲧϣⲟⲡ ⲙ̇ⲙⲟⲕ
ⲡⲉϫⲏⲓ ⲛⲱⲟⲩ ϫⲉⲡⲉⲥⲣⲁⲛ ϩⲟⲗϫ ϧⲉⲛⲣⲱⲓ
ⲁⲓⲑⲱⲟⲩϯ ⲛ̇ⲛⲓϧⲣⲱⲟⲩ ⲛ̇ⲁⲡⲁⲥ ϧⲉⲛⲡⲓⲛⲟⲩⲥ ⲛ̇ⲟⲩⲱⲧ
ϩⲓⲛⲁ ⲛ̇ⲧⲉⲡⲓⲟⲩⲁⲓ ⲛⲓϥⲓ ⲉϧⲟⲩⲛ ϧⲉⲛⲡⲉⲥϩⲟ ⲛ̇ⲟⲩⲡⲛⲉⲩⲙⲁ ⲛ̇ⲱⲛϧ
ⲟⲩⲙⲟⲩⲙⲓⲇⲉ ⲉϣⲁⲥⲓ̇ ⲉⲡϣⲱⲓ ⲉⲃⲟⲗϧⲉⲛⲫⲓⲁⲣⲟ
ⲟⲩⲟϩ ϣⲁⲥⲧⲥⲟ ⲙ̇ⲡϩⲟ ⲛ̇ϯⲟⲓⲕⲟⲩⲙⲉⲛⲏ
ⲡⲉϫⲱⲟⲩ ⲛⲏⲓ ϫⲉⲁⲕⲙⲟⲥϯ ⲙ̇ⲙⲟⲛ
ⲡⲉϫⲏⲓ ⲛⲱⲟⲩ ϫⲉϯⲉⲣⲁⲅⲁⲡⲁⲛ ⲙ̇ⲡⲓⲟⲩⲱⲓⲛⲓ
ⲡⲓⲟⲩⲱⲓⲛⲓⲇⲉ ⲁϥⲉⲣⲟⲩⲱⲓⲛⲓ ϧⲉⲛⲡⲓⲭⲁⲣⲱϥ
ϩⲓⲛⲁ ⲛ̇ⲧⲉⲡϧⲣⲱⲟⲩ ⲛ̇ⲧⲉⲧⲉⲛⲁⲥⲡⲓ ⲁϣⲁⲓ
ⲁⲙⲱⲓⲛⲓ ⲉⲃⲟⲗϧⲉⲛⲧϧⲏⲓⲃⲓ ⲛ̇ϯⲁⲡⲁⲧⲏ ϣⲁⲛⲧⲁⲛⲁⲩ ⲉⲣⲱⲧⲉⲛ
ⲁⲙⲱⲓⲛⲓ ⲟⲩⲟϩ ⲥⲁϫⲓ ⲁⲛⲟⲕⲇⲉ ϯⲛⲁϭⲓⲥⲙⲏ
ⲉⲑⲃⲉ ⲟⲩ ⲁⲩⲭⲁⲣⲱⲟⲩ ⲛ̇ϫⲉⲛⲓⲥⲁⲃⲉⲩ
ⲟⲩⲟϩ ⲛⲓⲁⲧϩⲏⲧ ⲥⲉⲱϣ ⲉⲃⲟⲗ ⲛ̇ⲥⲏⲟⲩ ⲛⲓⲃⲉⲛ ⲉⲩϫⲱⲙⲙⲟⲥ
ϫⲉⲁⲛⲟⲛ ⲛⲉ ⲡⲓⲟⲩⲱⲓⲛⲓ ⲙ̇ⲙⲏⲓ
ⲉⲑⲃⲉ ⲟⲩ ⲁⲩⲭⲁⲣⲱⲟⲩ ⲛ̇ϫⲉⲛⲏⲉⲑⲙⲱⲟⲩⲧ
ⲟⲩⲟϩ ⲛⲏⲉⲧⲱⲛϧ ⲙ̇ⲡⲁⲩⲥⲱⲧⲉⲙ ⲛ̇ⲥⲁϯⲥⲟⲫⲓⲁ
ϣⲁⲩⲥⲱⲧⲉⲙ ⲉⲛⲟⲩⲥⲙⲏ ⲙⲟⲛⲟⲛ ⲟⲩⲟϩ ⲁⲩⲑⲱⲙⲥ ⲛ̇ⲛⲓⲅⲣⲁⲫⲏ
ⲛⲓⲙ ⲡⲉⲧⲉⲣⲫⲙⲉⲩⲓ ⲛ̇ⲛⲓⲅⲣⲁⲫⲏ
ⲛⲓⲙ ⲡⲉⲧⲉⲣⲫⲙⲉⲩⲓ ⲛ̇ϯⲥⲟⲫⲓⲁ
ⲛⲓⲙ ⲡⲉⲧⲧⲁⲓⲟ ⲛ̇ϯⲅⲛⲱⲥⲓⲥ
ϯⲙⲟⲩⲙⲓ ⲁⲥϧⲁϯ ⲟⲩⲟϩ ⲁⲡⲓⲙⲱⲟⲩ ⲛ̇ⲧⲉ ⲡⲓⲕⲁⲧⲁⲕⲗⲩⲥⲙⲟⲥ ⲁϥⲧⲁⲕⲟ ⲙ̇ⲡⲓⲉⲙⲓ
ⲛⲓⲙ ⲡⲉⲧⲉⲣⲫⲙⲉⲩⲓ ⲙ̇ⲫⲣⲏ
ⲛⲓⲙ ⲡⲉⲧⲉⲣⲫⲙⲉⲩⲓ ⲙ̇ⲡⲓⲓⲟϩ
ⲛⲓⲙ ⲡⲉⲧⲉⲣⲫⲙⲉⲩⲓ ⲛ̇ⲛⲓⲥⲓⲟⲩ
ⲁⲩⲥⲱⲣⲉⲙ ⲧⲏⲣⲟⲩ ϧⲉⲛⲛⲓⲙⲓⲧⲱⲟⲩⲓ
ϫⲉⲛⲓⲥⲓⲟⲩ ⲙ̇ⲡⲁⲩϭⲓⲙⲱⲓⲧ ϧⲁϫⲱⲟⲩ
ⲟⲩⲟⲛ ⲟⲩⲃⲏⲃ ⲙ̇ⲙⲁⲩ
ⲟⲩⲟⲛ ⲟⲩϧⲏⲃⲥ ϧⲉⲛⲡⲓⲃⲏⲃ
ⲛⲉⲥⲉ ⲫⲟⲩⲱⲓⲛⲓ ⲛ̇ⲧⲉⲡⲓϧⲏⲃⲥ
ⲁⲓϫⲓⲙⲓ ⲛ̇ⲛⲓⲅⲣⲁⲫⲏ ⲙ̇ⲙⲁⲩ
ϯϭⲱⲛⲧ ⲛ̇ⲧⲁⲉⲣⲫⲙⲉⲩⲓ ⲙ̇ⲡⲁϧⲣⲱⲟⲩ
ⲉⲧⲁⲓⲓ̇ ⲉⲃⲟⲗ ϧⲉⲛⲡⲓⲃⲏⲃ ⲉⲓⲁⲙⲟⲛⲓ ⲙ̇ⲡⲓϧⲏⲃⲥ
ⲙ̀ⲡⲟⲩⲧⲁⲓⲟ ⲙ̀ⲡⲓⲟⲩⲱⲓⲛⲓ ϫⲉⲙ̀ⲡⲉⲡⲓⲭⲁⲕⲓ ⲧⲁϩⲟϥ
ⲁⲩⲉⲣⲡⲱⲃϣ ⲙⲡϧⲣⲱⲟⲩ ⲛ̇ⲧⲉⲡⲓⲟⲩⲱⲓⲛⲓ
ϯϭⲱⲛⲧ ⲛ̇ⲧⲁⲉⲣⲫⲙⲉⲩⲓ ⲛ̀ⲛⲓⲁⲥⲟⲩⲗⲓ
ϯϭⲱⲛⲧ ⲛ̇ⲧⲁⲉⲣⲫⲙⲉⲩⲓ ⲛ̇ⲧⲁⲣⲁⲥⲟⲩⲓ
